د. احمد سواحل - Dr. Ahmed Sawahel

23/08/2026

لو تأملت جروحك… إيه الحاجات اللي اكتشفت إنها نبتت جواك بسببها؟🌿

23/08/2026

"من أجل أن يكتسب المرء المعرفة، عليه أن يدرس.لكن من أجل أن يكتسب الحكمة، عليه أن يلاحظ"
مارلين فوس

22/08/2026

نحن كائنات تبحث عن الاعتراف،طفل صغير ينظر في عين أمه فيرى صورته، ومن هذه الصورة يبني نفسه، لكن ماذا يحدث حين تكون هذه العين باردة أو غائبة؟ يكبر الإنسان مشوّه الانعكاس، يلهث طوال حياته وراء عينٍ أخرى تعطيه الاعتراف.
العلاج النفسي هو محاولة لإعادة بناء هذه المرآة، ليتمكن الإنسان أخيرًا من أن يرى نفسه بوضوح.

22/08/2026

‏حدسُك لا يُخطئ، الغرائزُ الداخلية و مشاعرُ عدم الارتياح ما وُجدَت عبثاً، هذه طريقةُ جسدِك لإخبارك بأنّ هناك خطأ ما ،لا تُجازف بتجاهله .
باولو كويلو

21/08/2026

"وإذا أراد المرء أن يتعامل مع الآخر بصدق، فعليه أن يستمع إليه بصدق: أن يتخلى عن الصور النمطية والتوقعات عن الآخر،
وأن يسمح لنفسه بأن يتشكل نتيجة استجابة الآخر."
إرفين يالوم
العلاج النفسي الوجودي

21/08/2026

🧠

سلسلة هتكون معانا كل أسبوع،
هنحكي فيها عن سلوكيات بنعملها، ونكتشف إزاي ممكن يكون وراها حكايات محتاجة تتسمع بوعي… عشان نقدر نفهمها ونغيّرها.

وهنبدأ النهارده بأول سلوك بنعاني منه كتير في علاقاتنا:
سلوك التجنّب… لما يكون الهروب طريقة لحماية النفس:

ممكن تلاقي شخص كل ما يقرب من حاجة بتخوفه، يبعد.
يتجنب المواجهة، ينسحب، أو حتى يقطع علاقته بالناس والمواقف اللي بتضغط عليه.

من برّه، ممكن يبان الموضوع كأنه ضعف، أو عدم اهتمام، أو هروب من المسؤولية.
لكن أحيانًا… في حكاية مستخبية ورا السلوك ده.
التجنّب ممكن يكون طريقة اتعلمها الشخص في وقت ما، علشان يحمي نفسه من مشاعر كانت أكبر من قدرته على تحمّلها.

لو المواجهة زمان كانت معناها خناقة، رفض، عقاب، إحراج، أو وجع…
لو كل موقف في البيت كان بينتهي بخصام وتجنّب…
فممكن دماغك تتعلم:
«البُعد أأمن.»
ومع الوقت، اللي كان في البداية وسيلة للحماية، ممكن يتحول لشيء بيعطّل حياتك.

تتجنب المكالمة… فتفضل المشكلة موجودة أو تكبر أكتر.
تتجنب المواجهة… فتتراكم المشاعر.
تتجنب العلاقات… فتحرم نفسك من القرب.
تتجنب التجربة… فتفضل دايمًا في نفس المكان.

وهنا لازم نفرّق بين حاجتين مهمين جدًا:
فهم السلوك لا يعني تبريره.
إننا نفهم ليه بتتجنب، مش معناه إن التجنّب دايمًا صح، أو إننا لازم نستمر فيه.
لكن الفهم بيدينا فرصة نسأل سؤال أهم:
«إيه اللي أنا بحاول أحمي نفسي منه؟»

وبعدها نبدأ نتعلم طرق أأمن وأنضج للتعامل مع اللي بيخوفنا…
بدل ما يفضل الهروب هو الطريقة الوحيدة اللي نعرفها. ❤️‍🩹
لكل سلوك حكاية… وفهم الحكاية مش إعفاء من المسؤولية، لكنه بداية التغيير.

🧠

20/08/2026

20/08/2026

"ثمة جرف شديد الانحدار في حياة المرء دومًا، فإما أن يبحر منه أو يحطم نفسه فيه"
ألدوس هكسلي

19/08/2026

لو هتمد إيدك للطفل اللي جواك… إيه أول حاجة هتقولها له؟ 🫂

19/08/2026

🧠 (3)
مكملين معاكم في سلسلة وهنتكلم النهاردة عن
قشرة الفص الجبهي الأمامي — Prefrontal Cortex
"مدير الدماغ" 🧠

في مقدمة دماغك، ورا جبهتك مباشرة، موجود جزء اسمه قشرة الفص الجبهي الأمامي (Prefrontal Cortex)، واللي بنسميه بشكل مبسط "مدير الدماغ".
هو الجزء اللي بيساعدك تفكّر قبل ما تتصرف، وتتحكم في اندفاعك، وتقيّم المواقف، وتخطط، وتتخذ قراراتك.
تخيل إنك اتعصبت جدًا وعاوزة ترد على رسالة بكلام جارح...

اللوزة — Amygdala تقول:
"ردّ دلوقتي! لازم تدافع عن نفسك!"

لكن قشرة الفص الجبهي — Prefrontal Cortex تقول:
"استني... خلينا نفكر الأول."

لكن وقت الخطر... القصة بتتغير.
لما دماغك يحس إن في تهديد، بيحصل انخفاض مؤقت في نشاط قشرة الفص الجبهي، لأن الدماغ بيدي الأولوية لسرعة الاستجابة بدل التفكير الهادئ والتحليل.
تخيلي إنك لمست حاجة سخنة جدًا...
إيدك هتتسحب بسرعة قبل ما تقعد تفكر: "طيب إيه أفضل طريقة منطقية لسحب إيدي؟"
وده مقصود من دماغك؛ لأن في لحظة الخطر، السرعة أهم من التفكير المعقد.

ولما يهدأ الخوف... بيرجع التفكير ياخد مكانه.
عشان كده أحيانًا، أول خطوة للحل مش إنك تفكر أكتر... إنك تهدي الأول. 🤍

🧠