عيادة د. مرفت ملاكه "لأمراض النسا والتوليد"

  • Home
  • Egypt
  • Manfalut
  • عيادة د. مرفت ملاكه "لأمراض النسا والتوليد"

عيادة د. مرفت ملاكه "لأمراض النسا والتوليد" Women's health clinic
كل مايخص صحة المرأة

17/07/2026

العيادة اجازة لمدة شهرين لظروف مرضية
بعتذر لكل المتابعات

12/07/2026

من أول ما الصيف بدأ... دي بقت من أكتر الشكاوى اللي بسمعها في العيادة:
"يا دكتورة أنا علطول مهبطة، دايخة، مش قادرة أقوم، ونفسيتي مطفية... ده نقص فيتامين د؟ ولا فيتامين كاش؟ 😂"
الحقيقة... مش لازم يكون السبب نقص فيتامينات.
في الحر الشديد جسمنا بيفقد كميات كبيرة من العرق، ومع العرق مش بنفقد مية بس... بنفقد كمان أملاح ومعادن مهمة، أهمها الصوديوم، وده ممكن يعمل إجهاد حراري.
أعراضه ممكن تكون: 🔸 دوخة أو إحساس إن الدنيا بتلف. 🔸 هبوط مفاجئ. 🔸 خفقان أو سرعة في ضربات القلب. 🔸 برودة في الإيدين. 🔸 شحوب وإرهاق شديد. 🔸 وأحيانًا إحساس إنك هتقعي أو تغمى عليكي.
لو حصل كده، اعملي إيه فورًا؟
✅ اقعدي أو نامي فورًا. ✅ ارفعي رجليكي على كرسي أو مخدة. ✅ اقعدي في مكان بارد: تكييف، مروحة، أو في الضل... بس ضل حيطة مش ضل حد 😂. ✅ اشربي مية، ولو فقدتي أملاح كتير ممكن تحتاجي محلول جفاف أو محلول أملاح حسب الحالة.
وللوقاية: 💧 اشربي مية بانتظام حتى لو مش حاسة بالعطش. 🥗 اهتمي بالأكل المتوازن لتعويض الأملاح والمعادن. ☀️ وحاولي تتجنبي الوقوف أو المجهود في عز الحر.
الخلاصة... لا يا ستي، غالبًا مش عندك نقص فيتامين د... 😅
أنتِ عندك نقص "فيتامين كاش" 💸😂 لأن لو فيتامين كاش كان متوفر، كان زمانك دلوقتي على البحر أو في مصيف، بعيد عن الحر والفرهدة والإجهاد الحراري. 🤣🌊
ربنا يرزقنا جميعًا بجرعة محترمة من فيتامين كاش... لحد ما ده يحصل، اشربوا مية، وخدوا بالكم من نفسكم في الحر. ❤️

07/07/2026

من الحاجات الممنوعة في الحمل 🤰👇
البيرسنج (Piercing) 💍
"حتى لو الأدوات متعقمة يا دكتور؟"
آه... حتى لو الأدوات معقمة. 😊
المشكلة مش بس في الإبرة أو الأدوات، المشكلة كمان في مكان الفتحة نفسه.
ليه؟
🔸 أثناء الحمل مناعة الجسم بتتغير، وبالتالي أي التهاب بسيط ممكن يحصل بسهولة أكتر ويكون علاجه أصعب.
🔸 مكان البيرسنج الجديد بيعتبر جرح صغير، وممكن يحصل فيه:
التهاب.
تورم وألم.
صديد أو عدوى بكتيرية.
🔸 ولو حصل التهاب، ممكن تحتاجي مضادات حيوية أو علاج إحنا في غنى عنه أثناء الحمل.
🔸 كمان الجلد بيكون أكثر حساسية في الحمل، فممكن يحصل تهيج أو حساسية من المعدن حتى لو قبل كده مكانش بيحصل.
طيب لو عندي بيرسنج قديم؟
✔️ لو قديم ومتئلمش ومفيهوش أي التهاب، غالبًا مفيش مشكلة. لكن لو بدأ يحمر أو يوجع أو ينزل منه إفرازات أثناء الحمل، لازم يتكشف عليه.
الخلاصة ❤️
البيرسنج مش حاجة مستحيل تتعمل... بس الحمل مش أفضل وقت ليه.
استني لحد بعد الولادة، ولما جسمك يرجع لطبيعته يبقى اعمليه وإنتِ مطمنة. 🌸
وبالمناسبة...
مواليد التسعينات اللي بيقولوا: "يعني إيه بيرسنج؟" 😂 مالناش دعوة... اسألوا الجيل الجديد! 🤣

الحامل تصيف ولا لأ؟ 🌊☀️يعني بنسأل على كل حاجة... الشغل؟ تروحي عادي بس بالراحة. طلوع السلم؟ اطلعي وارتاحي وخدي نفسك. المش...
05/07/2026

الحامل تصيف ولا لأ؟ 🌊☀️
يعني بنسأل على كل حاجة... الشغل؟ تروحي عادي بس بالراحة. طلوع السلم؟ اطلعي وارتاحي وخدي نفسك. المشي؟ آه طبعًا بس من غير إجهاد.
نيجي بقى عند الحاجة اللي هتشمّي فيها نفسِك... نقول لا؟! 😅
لأ يا ستي... الحامل مش عيانة. صيفي، وانبسطي، وغيّري جو... بس بعقل.
✔️ انزلي البحر أو البسين الصبح بدري أو بعد العصر، وابعدي عن عز الحر عشان متتعرضيش لضربة شمس أو جفاف.
✔️ اشربي مية كتير حتى لو مش حاسة بعطش، لأن الجفاف ممكن يسبب انقباضات.
✔️ ابعدي عن الأماكن اللي الموج فيها عالي... عشان لا موجة تخبطك... ولا سمكة قرش تعمل معانا تريند. 😂🦈
✔️ لو هتنزلي البحر، امشي براحة عشان الزحلقة ملهاش كبير.
✔️ الأكل بقى... خليكي في الأكل النضيف والمضمون، وابعدي عن أي حاجة ريحتها أو شكلها مش مطمنين. ولو مترددة في أكلة... من حقك جدًا تجربيها في قرة عين جوزك الأول. 😂❤️
✔️ متنسيش واقي الشمس، وكاب أو شمسية، لأن الحمل ممكن يخلي البشرة أكثر حساسية.
✔️ ولو حسيتِ بدوخة، تقلصات، نزول مية أو دم، أو حركة البيبي قلت... سيبي البحر والبسين وروحي اكشفي فورًا.
الخلاصة؟ الحمل مش مرض... لكن محتاج شوية احتياطات. اتبسطي، وصيفي، وصوري، وكلي آيس كريم... بس بعقل. 😍🌴

30/06/2026

الفيديو ده بيقول كل الكلام اللي بنحاول نشرحه لأغلب العيانين وليه الحالة النفسية بتأثر على الدورة الشهرية وتساقط الشعر شرح مبسط وف اخر الفيديو بعض الحلول
#

16/06/2026

زوج الحالة لما يبقي عايز يدخل معاها العمليات،😂😅😅

السكري الكاذب (Diabetes Insipidus)أول ما الناس تسمع كلمة "سكري" بتفتكر إن المشكلة في نسبة السكر في الدم، لكن السكري الكا...
30/05/2026

السكري الكاذب (Diabetes Insipidus)
أول ما الناس تسمع كلمة "سكري" بتفتكر إن المشكلة في نسبة السكر في الدم، لكن السكري الكاذب مختلف تمامًا ومش له علاقة بالسكر خالص.

المرض ده بيحصل لما الجسم ما يقدرش يحافظ على المياه بشكل طبيعي، يا إما بسبب نقص هرمون اسمه ADH المسؤول عن تقليل فقدان المياه في البول، أو لأن الكلى ما بتستجيبش للهرمون ده كويس.
النتيجة؟ 🚰 عطش مستمر وتبول بكميات كبيرة جدًا على مدار اليوم.
🔹 إيه أسبابه؟
إصابات أو جراحات المخ.
بعض الأورام أو الالتهابات اللي بتأثر على الغدة النخامية.
أمراض الكلى المزمنة.
بعض الأدوية زي الليثيوم.
اضطراب نسبة الكالسيوم أو البوتاسيوم في الجسم.
أسباب وراثية نادرة.
وأحيانًا بيظهر بشكل مؤقت أثناء الحمل.
🔹 أشهر الأعراض: 💧 عطش شديد طول الوقت. 🚽 دخول الحمام بشكل متكرر جدًا. 🥤 شرب كميات كبيرة من المياه خصوصًا بالليل تصحي ريقك ناشف. 😵 إحساس بالجفاف أو الدوخة. 💪 ضعف عام أو تقلصات عضلية. 🤕 صداع أو صعوبة في التركيز.
🔹 العلاج بيكون إزاي؟ العلاج بيعتمد على السبب، لكن أهم حاجة تعويض السوائل اللي الجسم بيفقدها. وفي بعض الحالات بنستخدم دواء اسمه Desmopressin لتعويض نقص الهرمون المسؤول عن الاحتفاظ بالمياه.
🚨 امتى لازم تراجع الطبيب بسرعة؟ لو حصل جفاف شديد، دوخة قوية، تشوش في التركيز أو الوعي، أو لو حسيت إنك مش قادر تعوض كمية السوائل اللي جسمك بيفقدها.
📌 معلومة مهمة: لو لقيت نفسك أو حد من أسرتك بيشرب مياه بشكل مبالغ فيه وبيتبول بكميات كبيرة جدًا بشكل مستمر، ما تعتبرش الموضوع طبيعي أو مجرد "كثرة شرب مياه"، لأن أحيانًا بيكون علامة على مشكلة محتاجة تشخيص وعلاج.
َ

27/05/2026

نكمل كلامنا عن اسباب الإرهاق ونقول تاني
“مش كل الإرهاق سببه أنيميا.
أحيانًا المشكلة تكون في نقص فيتامينات معينة… والجسم يفضل يدي إشارات غريبة الناس ما تربطهاش ببعض 👇
▪️ نقص فيتامين B12
الناس غالبًا تربطه بالأعصاب وبس، لكن الحقيقة إن تأثيره أوسع بكتير.
لأن B12 داخل في:
تكوين كرات الدم
كفاءة الأعصاب
إنتاج الطاقة داخل الخلايا
التركيز والذاكرة
عشان كده نقصه ممكن يظهر كـ: إرهاق مستمر، دوخة، نهجان، تنميل في الأطراف، ضعف تركيز، نسيان، أو حتى إحساس “ببطء” في التفكير.
وفي ناس يفضل عندها النقص فترة طويلة بدون أنيميا واضحة أصلًا.
والأغرب إن بعض الأعراض العصبية أحيانًا تبدأ قبل ما التحاليل التقليدية تبين مشكلة كبيرة.
مين الأكثر عرضة؟
اللي بياكلوا أكل قليل البروتين الحيواني
مرضى المعدة والقولون
بعد عمليات السمنة
الاستخدام الطويل لبعض الأدوية مثل أدوية الحموضة أو الميتفورمين
▪️ نقص فيتامين D
فيتامين D مش مجرد “فيتامين للعظام”.
مستقبلاته موجودة تقريبًا في أغلب خلايا الجسم، لذلك نقصه أحيانًا يعمل أعراض مبهمة ومتفرقة جدًا.
زي:
إجهاد وثقل في الجسم
ألم عضلات أو عظام
ضعف عام
تقلب مزاج
إحساس إن الجسم “مهدود”
صعوبة القيام من السرير رغم النوم
وفي بعض الدراسات، نقصه ارتبط بزيادة الإحساس بالإرهاق المزمن وضعف الأداء العضلي حتى عند صغار السن.
والمشكلة إن ناس كتير تعتقد إن التعرض للشمس وحده كفاية، بينما: لون البشرة، استخدام واقي الشمس، قلة مدة التعرض، أو مشاكل الامتصاص… كلها عوامل ممكن تخلي النقص موجود رغم التعرض للشمس.
✨ جسمك أحيانًا ما بيكونش “كسلان”…
هو بس ناقصه عناصر أساسية تساعده يشتغل بكفاءة.”

24/05/2026

الست اللي مركبة لولب واقولها محتاجة تعمل اختبار حمل😂

24/05/2026

فيه نوع تعب عند الستات مش بيكون سببه أنيميا بس زي ما الناس فاكرة…
في حالات كتير جدًا، السبب بيبقى إن هرمون “الكورتيزول” (هرمون التوتر) ما بقاش بينزل زي الطبيعي، وفضل عالي أو شبه عالي طول الوقت.
المفروض الكورتيزول يشتغل بنظام: يعلى الصبح عشان يفوقك → ويقل تدريجيًا لحد بالليل عشان تنامي.
لكن لما الجسم يعيش تحت ضغط مستمر (نفسي أو جسدي أو قلة نوم): الكورتيزول يفضل “شغال” طول اليوم.
والنتيجة؟
جسمك يفضل في وضع استنفار كأنه في خطر
النوم يبقى خفيف ومش مُجدد للطاقة
ضربات القلب تبقى أسرع
القلق يزيد حتى من غير سبب واضح
والتركيز يقل بشكل ملحوظ
عشان كده فيه ستات تصحى تقول: “أنا نمت بس حاسة إني ما ارتحتش”
طيب نعمل إيه لو ده السبب؟
مش الحل حاجة واحدة سحرية… لكن خطوات صغيرة بتفرق جدًا مع الوقت:
تقليل الكافيين خصوصًا بعد العصر (لأنه بيحافظ على حالة الـ alertness)
تثبيت ميعاد نوم وصحيان قدر الإمكان
تهدئة المخ قبل النوم (إبعاد الموبايل/إضاءة هادية/روتين بسيط)
أكل منتظم يقلل هبوط السكر اللي بيزود إفراز الكورتيزول
مشي خفيف أو حركة يومية عشان تفريغ التوتر من الجسم
تقليل “multitasking الذهني” طول اليوم قدر الإمكان

وبعدها بتيجي أكتر حاجة شائعة جدًا: نقص مخزون الحديد حتى لو الهيموجلوبين طبيعي.
ودي نقطة ناس كتير ما بتاخدش بالها منها.
فيه بنات تعمل CBC ويطلع: “مفيش أنيميا”
لكن الفيريتين (مخزون الحديد) يكون منخفض، وده لوحده ممكن يعمل:
إرهاق شديد
خفقان
brain fog
تساقط شعر
ضعف في المجهود والتركيز
والمشكلة إن الاتنين دول (التوتر المزمن + نقص الحديد) ساعات بيبقوا موجودين مع بعض، فيضاعفوا الإحساس بالإرهاق بشكل كبير.

البوست الجاي هنتكلم عن: إزاي الكافيين والسكر ممكن يزودوا الإحساس بالتعب بدل ما يساعدوا.

Address

العزيه شارع الكنيسة المعمدانيه المواجه لصيدليه ابو النصر
Manfalut

Website

Alerts

Be the first to know and let us send you an email when عيادة د. مرفت ملاكه "لأمراض النسا والتوليد" posts news and promotions. Your email address will not be used for any other purpose, and you can unsubscribe at any time.

Shortcuts

Share

Category