Dr.Bassant Ezzat

Dr.Bassant Ezzat Master degree in nutrition
Fix hormones. Not just food!
أنظمة صحية مخصصة بدون أي حرمان 🥗
متابعة أونلاين 📲
للإستشارةDM 📩

✨️⚠️ بين "أكيد" و"خلينى أتأكد"... فرق كبير.الأول افتراض.والثانى بداية تشخيص صحيح.📌 فى التغذية العلاجية مش بنعتمد على الت...
15/06/2026

✨️
⚠️ بين "أكيد" و"خلينى أتأكد"... فرق كبير.

الأول افتراض.
والثانى بداية تشخيص صحيح.

📌 فى التغذية العلاجية مش بنعتمد على التخمين... بل على الأعراض، التاريخ المرضى، التحاليل، والحقائق.

🔍 هل سبق وافترضتي سبب مشكلة صحية واتضح بعد كده إن السبب مختلف تمامًا؟👇

✨️⚠️ "دوري على السبب... قبل ما تدوري على الدايت."واحدة من أكتر الحاجات اللي بشوفها في شغلي إن أول سؤال بيكون:"آكل إيه؟" ...
13/06/2026

✨️
⚠️ "دوري على السبب... قبل ما تدوري على الدايت."

واحدة من أكتر الحاجات اللي بشوفها في شغلي إن أول سؤال بيكون:
"آكل إيه؟" أو "أمنع إيه؟"
مع إن السؤال الأهم بيكون:
"إيه اللي وصلني للمشكلة دي من الأساس؟"

لأن مش كل زيادة وزن سببها الأكل ، ومش كل ارتفاع سكر سببه الحلويات ، ومش كل جوع مستمر سببه ضعف إرادة.

ممكن يكون السبب:
نوم غير كافي 😴
توتر مزمن 😓
لخبطة في مواعيد الأكل ⏰
قلة حركة 🚶‍♀️
أدوية معينة 💊
أو مشكلة صحية محتاجة تتشخّص الأول 🩺

📌 عشان كده التغذية العلاجية مش مجرد "ورقة دايت".

التغذية العلاجية الحقيقية بتبدأ لما نفهم السبب الحقيقي للمشكلة، لأن وقتها بس نقدر نحط خطة مناسبة وتدي نتيجة فعلاً.

💡 أحيانًا تغيير نوع الأكل مش أول خطوة محتاجينها... أحيانًا أهم خطوة هي إننا نفهم: ليه المشكلة حصلت من البداية؟

💬 إيه أكتر نصيحة غذائية كنتِ محتاجة تسمعيها من بدري؟👇

✨️🤔 ناس كتير فاكرة إن الجوع = قلة أكل… والشبع = امتلاء المعدة.لكن علم التغذية الحديث بيقول إن الموضوع أعمق من كده بكثيرل...
11/06/2026

✨️
🤔 ناس كتير فاكرة إن الجوع = قلة أكل… والشبع = امتلاء المعدة.

لكن علم التغذية الحديث بيقول إن الموضوع أعمق من كده بكثير
لأن في نظام هرموني كامل بيشتغل كـ "مركز تحكم" للشهية 👇

1️⃣ Ghrelin (هرمون الجوع)
مش بس بيطلع لما المعدة تفضى
ده كمان بيتأثر بـ:
• قلة النوم.
• الدايت القاسي.
• تأخير الوجبات بشكل عشوائي.
يعني ممكن يفضل عالي حتى لو جسمك واخد سعرات كفاية.

2️⃣ Leptin (هرمون الشبع)
ده بيطلع من الخلايا الدهنية.
ومهمته يقول للمخ: "كفاية أكل".
لكن المشكلة اللي بنشوفها في العيادة:
إن مع زيادة الدهون أو الالتهاب المزمن، المخ بيبدأ "يتجاهل الرسالة"
وده اللي بنسميه "مقاومة اللبتين"
فيحصل جوع رغم وجود طاقة مخزنة كفاية.

3️⃣ GLP-1 (هرمون التنظيم الذكي للشهية أوهرمون الشبع السريع)
ده بيطلع من الأمعاء بعد الأكل مباشرة.
ومش دوره بس الشبع…
ده كمان بيعمل:
• إبطاء تفريغ المعدة ، شبع أطول.
• تحسين استجابة الإنسولين.
• تقليل الرغبة في الأكل أو الكريفينج للسكريات.

وعشان كده تأثيره قوي جدًا في أبحاث السمنة الحديثة.

4️⃣ Insulin (هرمون الطاقة مش السكر بس)
الإنسولين مش وظيفته تنظيم السكر فقط.
لكن كمان له تأثير غير مباشر على الشهية
⚠️ لما بيحصل:
ارتفاع سريع في السكر⬆️
وبعده هبوط سريع ⬇️

الجسم بيدخل في "طلب طاقة سريع" إحساس جوع حتى لو أكلتِ من قريب.

💡 الخلاصة
إحساس الجوع والشبع مش رد فعل بسيط.
ده "تفاعل هرموني" بين المعدة + الأمعاء + الدهون + البنكرياس.

وعشان كده نفس الأكل… ممكن يعمل شبع عند شخص وجوع عند شخص تاني تمامًا.

🚫 سؤال مهم؟
إحساس الجوع عندك أكثر بيكون بسبب إيه فيهم⁉️
• توتر؟
• سكر ورغبة في الحلويات؟
• قلة شرب المياه؟
• جوع طول اليوم بدون سبب ؟

💬 اكتبي وصف الجوع في الكومنتات، وهنفهمه مع بعض بطريقة علمية👇

✨️💉 لما بدأ استخدام المونجارو، كان التركيز الأكبر على قدرته في المساعدة على فقدان الوزن.لكن الأبحاث الحديثة كشفت أن تأثي...
09/06/2026

✨️
💉 لما بدأ استخدام المونجارو، كان التركيز الأكبر على قدرته في المساعدة على فقدان الوزن.

لكن الأبحاث الحديثة كشفت أن تأثيره قد يمتد إلى جوانب أخرى مهمة للصحة:

🩺 المساعدة في تحسين حالات "الكبد الدهني" المرتبط بإضطرابات التمثيل الغذائي.

😴 تحسين أعراض "انقطاع التنفس" أثناء النوم لبعض المرضى المصابين بالسمنة.

🩸 المساهمة في "خفض ضغط الدم" وتحسين عدد من عوامل الخطورة القلبية.

🩺 نتائج واعدة على "صحة الكلى" وإبطاء تدهور بعض المؤشرات المرتبطة بوظائفها.

🫀 تحسين العديد من المؤشرات الأيضية المرتبطة "بصحة القلب".

🧪 تحسن بعض "دهون الدم والدهون الثلاثية" ضمن التحسن الأيضي العام.

⚠️ رغم أن بعض هذه النتائج أصبحت مدعومة بأدلة قوية، إلا أن بعض الفوائد الأخرى ما زالت محل دراسة ومتابعة مستمرة.

🔬العلم ما زال يكتشف المزيد عن هذا الدواء، لذلك لم يعد يُنظر إليه فقط كدواء للتخسيس، بل كأحد العلاجات المؤثرة في الصحة الأيضية بشكل أوسع.

💬 إيه أكثر معلومة فاجأتك عن المونجارو؟
شاركوني في التعليقات👇

📌احفظي البوست وشاركيه مع إللى مهتم بأحدث التطورات في التغذية العلاجية.

📚و لو حابين تعرفوا الدراسات والأبحاث اللي اتكلمت عنها، هتلاقوا المصادر وملخصها فى الكومنتات.

✨️"بس أنا باكل زيها بالظبط‼️"جملة بنسمعها كثير 👀🖨 لكن الحقيقة إن الجسم مش آلة copy & paste نفس الدايت ممكن يعطى نتائج مخ...
07/06/2026

✨️
"بس أنا باكل زيها بالظبط‼️"
جملة بنسمعها كثير 👀

🖨 لكن الحقيقة إن الجسم مش آلة copy & paste

نفس الدايت ممكن يعطى نتائج مختلفة جدًا...
بسبب عوامل كثير منها:

• مقاومة الإنسولين.
• جودة النوم.
• التوتر والكورتيزول.
• نشاط أو خمول الغدة الدرقية.
• الكتلة العضلية.
• الحركة اليومية.
• صحة الجهاز الهضمى.
• الأدوية.
• العلاقة مع الأكل.

⬅️عشان كده
الدايت الناجح مش المفروض يكون "تريند"...
لكن خطة مناسبة لجسم الشخص نفسه.

📌 فى التغذية العلاجية
إحنا ما بنعالجش الوزن بس…
إحنا بنفهم الجسم و هرموناته الأول.

عمرك جرّبتي دايت نفع مع ناس كثير
لكن ما جابش معاكي نفس النتيجة⁉️
💬 احكيلنا تجربتك

✨️كثير من الناس بيطلعوا من معمل التحاليل مطمنين لأن كل حاجة "فى الرينج الطبيعي"لكن جسمهم لسه بيقول إن فيه مشكلة 👇• إرهاق...
05/06/2026

✨️
كثير من الناس بيطلعوا من معمل التحاليل مطمنين لأن كل حاجة "فى الرينج الطبيعي"

لكن جسمهم لسه بيقول إن فيه مشكلة 👇

• إرهاق مستمر.
• تساقط شعر.
• برودة فى الأطراف.
• جوع طول الوقت.
• اضطراب نوم.
• تركيز ضعيف.
• هبوط من أقل مجهود.

وده لأن "الطبيعى"فى التحاليل
مش دايمًا معناه إن الجسم فى أفضل حالة فعلًا.

🔄 فى التغذية العلاجية…بنربط بين:

✔️ الأعراض.
✔️ نمط الحياة.
✔️ التغذية.
✔️ جودة النوم.
✔️ التحاليل.
مش رقم واحد بس فى الورقة.

📌أحيانًا المشكلة تكون:

• نقص مخزون الحديد رغم إن HGB طبيعي.
• مقاومة إنسولين مبكرة.
• نقص عناصر غذائية بسيط لكنه مؤثر.
• ضغط وتوتر مزمن رافع الكورتيزول.

🔐الجسم بيحكى تفاصيل أكثر من التحليل لوحده.

لو عندك أعراض رغم إن التحاليل "مظبوطة" 📊
💬 اكتبي أكثر عرض مضايقك وهرد عليكي 👇.

✨️التسويق الغذائى بقى ذكى جدًا…لدرجة إن أحيانًا المنتج الصحى "شكله صحي" أكتر ما هو صحي فعلًا 👀مش كل منتج مكتوب عليه: • S...
03/06/2026

✨️
التسويق الغذائى بقى ذكى جدًا…
لدرجة إن أحيانًا المنتج الصحى "شكله صحي" أكتر ما هو صحي فعلًا 👀

مش كل منتج مكتوب عليه:

• Sugar Free 🍬
• Healthy 🥗
• High Protein 🥩
• Gluten Free 🍞

يبقى مناسب لكل الناس.

بعض الأمثلة 👇
▫️جرانولا: مليانة سكريات مضافة.
▫️ بروتين بار "Protein bars": بيسبب جوع أكثر عند بعض الأشخاص و كمية كبيرة من سكر دايت.
▫️منتجات "دايت": ترفع الرغبة فى الأكل بسبب المُحليات الصناعية.
▫️بسكويت الشوفان: كله سكر و مفيش أى قيمة غذائية منه.
▫️الإفراط فى الشوفان أو السلطات المليئة بالصوصات: ممكن يسبب انتفاخ و زيادة وزن عند البعض.

التغذية العلاجية مش قائمة " أكل كويس وأكل وحش"

لكن:
✔️ إيه المناسب لجسمك.
✔️ لهرموناتك.
✔️ لشهيتك و للشبع.
✔️ لهضمك.
✔️ ولنمط حياتك

📌 الأكل الصحي الحقيقي… هو اللي جسمك يرتاح عليه ويبقى فى قمة نشاطه .

💬 قولولنا أكتر منتج كنتوا فاكرينه صحي...
وبعدين اكتشفتوا إنه مش مناسب ليكم 👀

✨️بعد العيد…أول حاجة ناس كتير بتعملها هى:"هقلل أكلى جدًا بكرة"🤦🏻‍♀️👻 لكن المفاجأة؟الجسم بعد فترات من عدم انتظام مواعيد ...
01/06/2026

✨️
بعد العيد…
أول حاجة ناس كتير بتعملها هى:
"هقلل أكلى جدًا بكرة"🤦🏻‍♀️

👻 لكن المفاجأة؟
الجسم بعد فترات من عدم انتظام مواعيد الأكل و أكل سكريات ، بيكون أكثر حساسية للجوع والتعب و الخمول، فالدخول فى حرمان مفاجئ غالبًا يخليكي:
• تجوعي أسرع.
• تفتقدي للشبع.
• الشغف للرجوع للدايت يقل.
• وترجعي للأكل العشوائي مرة تانية.

🔄الأذكى بعد العيد مش " أقلل أكل"…لكن " أكثر توازن".

يعنى:
✔ وجبات متوازنة.
✔ بروتين كفاية.
✔ خضار وألياف.
✔ مياه ونوم أفضل.
✔️ حركة خفيفة تساعد الجسم يستعيد نشاطه.
✔ رجوع تدريجي للروتين.

📌 وده بيساعد الجسم يستعيد إحساسه الطبيعي بالشبع والطاقة بدون ضغط أو حرمان .

⚠️ متخليش رقم الميزان بعد العيد يحدد إحساسك بنفسك.

📌 وعشان كده…
الهدف بعد العيد مش تعاقبي جسمك،
الهدف إنك تساعديه يرجع لطبيعته بهدوء 🤍

أكثر حاجة حاسة إنها محتاجة تتظبط بعد العيد:
النوم؟ الأكل؟ الانتفاخ؟ ولا الطاقة؟ 👀

✨️شوربة العظم… تريند صحي ولا فعلًا ليها فوائد حقيقية؟ 🍲🦴في الفترة الأخيرة ناس كتير بقت تعتبر شوربة العظم "مشروب سحري" لل...
30/05/2026

✨️
شوربة العظم… تريند صحي ولا فعلًا ليها فوائد حقيقية؟ 🍲🦴

في الفترة الأخيرة ناس كتير بقت تعتبر شوربة العظم "مشروب سحري" للمناعة والمفاصل والجلد…

لكن علميًا الحقيقة أهدى شوية من كده 👇

🥣إيه اللي بيميز شوربة العظم فعلًا؟
عند طهي العظام لفترة طويلة في الماء، بيخرج منها🦴:

• الكولاجين ومشتقاته مثل الجيلاتين.
• بعض المعادن مثل الفوسفور والماغنسيوم.
• أحماض أمينية مهمة مثل الجلايسين والبرولين.

وده ممكن يساعد في:

✔️ دعم صحة المفاصل والغضاريف.
✔️ تحسين قوام الأكل وسهولة الهضم لبعض الناس.
✔️ زيادة الإحساس بالشبع.
✔️ وسيلة جيدة للسوائل خاصة أثناء المرض أو ضعف الشهية.

لكن مهم نفهم 👇
❌ هي مش بديل للبروتين الكامل .
❌ ومش علاج سحري للبشرة أو الأمعاء أو المناعة.
لأن قيمتها الغذائية بتختلف جدًا حسب نوع العظام وطريقة التحضير ومدة التسوية.

🦴أفضل عظام لتحضير شوربة العظم
للحصول على قوام غني وفائدة أفضل اختيار:

• عظام تحتوي على نخاع.
• مفاصل وغضاريف.
• عظام الركبة أو الساق.
• عظام بها أنسجة ضامة وغضاريف.

وكلما زادت الأنسجة الغضروفية ⬅️ زاد الجيلاتين في الشوربة.

يتم:
✔️ غسل العظام جيدًا.
✔️ تحميرها بالفرن قبل السلق لتحسين الطعم.

طريقة عملها في المنزل 🍲

1️⃣ توضع العظام في ماء كافي.
2️⃣ يضاف:
(بصل ،جزر ،كرفس ،ثوم ،ورق لورا).
☆ملعقة صغيرة خل أو عصير ليمون (يساعد على استخلاص بعض المعادن).
3️⃣ تُترك على نار هادئة:
6–12 ساعة غالبًا كافية منزليًا.
وليس ضروري 24 ساعة كما يُشاع.
4️⃣ تُصفى وتحفظ بالثلاجة 3 أيام أو بالفريزر مدة أطول.

⚠️ هل لها أضرار؟
لو باعتدال غالبًا مفيش مشكلة، لكن الإفراط مش أفضل حاجة.
ممكن تسبب:
• كمية صوديوم عالية لو أضيف ملح كثير.
• دهون مرتفعة حسب نوع العظام.
• عدم توازن غذائي لو اعتمد الشخص عليها بدل الأكل الكامل.
• بعض المنتجات الجاهزة قد تكون عالية في الصوديوم و المواد المضافة.
☆وفي بعض الحالات الخاصة: مرضى النقرس أو بعض مرضى الكلى لازم ينتبهوا ويستشيروا متخصص حسب حالتهم.

الكمية المناسبة؟
غالبًا: 🥣 كوب واحد يوميًا أو عدة مرات أسبوعيًا يعتبر كافي لمعظم الناس.
ليه؟ لأنها عنصر مساعد داخل نظام غذائي متوازن…
وليست مصدر غذائي متكامل بمفردها.

📌 الخلاصة
شوربة العظم ممكن تكون إضافة مفيدة ومغذية،
لكن قيمتها الحقيقية إنها جزء من نظام متوازن…
مش “مشروب معجزات” زي ما السوشيال ميديا أحيانًا بتصوره.

📤 احفظي البوست عشان تبقي عارفة الفرق بين الفائدة الحقيقية والتهويل.
وابعتِيه لأي حد فاكر إن شوربة العظم تغني عن التغذية المتوازنة .

✨️الأكل المشوي ممكن يرفع الالتهاب في جسمك… حتى لو صحي ⁉️مش كل أكل صحي بيكون آمن 100% 👇عند شوي اللحوم على حرارة عالية جدً...
28/05/2026

✨️
الأكل المشوي ممكن يرفع الالتهاب في جسمك… حتى لو صحي ⁉️

مش كل أكل صحي بيكون آمن 100% 👇

عند شوي اللحوم على حرارة عالية جدًا
بيتكوّن مركبات زي:

✔️ Advanced Glycation End Products (AGEs)
✔️ Heterocyclic amines (HCAs)

ودي مرتبطة بـ :
✔️ زيادة الالتهاب.
✔️ مقاومة الإنسولين.
✔️ إجهاد تأكسدي.

💡 المعلومة الأهم:
مش نوع الأكل بس… طريقة الطهي بتغيّر تأثيره بالكامل.

📌 تقللي الضرر إزاي؟

✔️ تتبيل اللحمة (ليمون / خل) يقلل تكوين المركبات 🍋
✔️ تجنب الإحتراق 🔥
✔️ استخدام حرارة متوسطة بدل العالية جدًا 🌋

📌 الأكل الصحي ممكن يتحول لضار… لو اتطبخ غلط.

اكتبي "شوي" و هبعتلك طرق طهي تقلل الالتهاب بدون حرمان 👇

Address

Mansoura

Website

Alerts

Be the first to know and let us send you an email when Dr.Bassant Ezzat posts news and promotions. Your email address will not be used for any other purpose, and you can unsubscribe at any time.

Shortcuts

Share

Category