آيه شندى - أخصائيه نفسيه وإدمان -

آيه شندى - أخصائيه نفسيه وإدمان - جلسات العلاج النفسى والادمان وعلاج اضطرابات الشخصيه
Clinical Psychologist 🌸🦋

09/06/2025

"مش كل حزن بنسميه اكتئاب"

فى ناس كتير بتتلخبط بين الحزن الطبيعي و الاكتئاب، لكن في فرق كبير:

الحزن الطبيعي:
بيكون رد فعل مؤقت على مواقف صعبة (زي فقدان عزيز، فشل، خيبة أمل)، ومع الوقت بنرجع لطبيعتنا.

الاكتئاب:
حالة نفسية مستمرة، مش لازم يكون ليها سبب واضح. بيأثر على نومك، شهيتك، طاقتك، وصورتك عن نفسك.

اللي بيحزن بيعيط ويريّح
لكن اللي مكتئب ممكن يضحك قدّام الناس، وهو من جوه مكسور.

فرق كبير بين "أنا زعلان شوية"... و"أنا مش قادر أعيش".
لو حسيت إنك مش قادر تطلع لوحدك، الجأ لحد مختص.
طلب المساعدة مش ضعف، ده أول خطوة للشفا.

17/02/2025

جرائم الشابو مستمرة وحصل بسببه جرائم كتير جدا
وبزيادة وعي المجتمع بالأضرار المميتة للمخدرات الصناعية زي الشابو و الايس , وخاصة أنه منتشر بشكل كبير جدا بين الشباب و المراهقين و ممكن يسبب الادمان من اول مره .
🟩عشان كده لازم تاخد بالك من الاعراض اللي بتظهر على مدمن الشابو :
في اعراض واضحه زي ⬇
- الطفح الجلدي و التقرحات
- شيخوخة مبكرة
- تسوس و تساقط الاسنان و اللي معروف ب m**h mouth ( هتلاقي صورته في الكومنتات )
و في أعراض قصيرة المدى بتظهر مع بداية التعاطي زي ⬇
-الإحساس بالقوة و الجرأة و الثقة اللي ممكن تخليه يعمل حاجات مستحيل يعملها من غير التعاطي زي السرقة أو القتل عشان كده بيسموه مخدر الشيطان لأنه مرتبط بالعنف الشديد
و في أعراض طويلة المدى بتظهر بعد فترة من التعاطي زي ⬇
-الاكتئاب الحاد
-الهلوسة
-الشك
-الميل للانتحار
-الدوخة الشديدة والصداع المستمر
💯 و كمان ضروري تاخد بالك من أدوات ادمان الشابو

17/02/2025

"تعرف إنك مريض نفسي ؟؟!
متستغربش! اللي ما تعرفوش إن 20% من الناس في العالم بيعانوا من مشكلة نفسية في مرحلة ما من حياتهم.. يعني من بين كل 5 أشخاص حواليك، فيه واحد عنده اضطراب نفسي أو بيمر بأزمة عقلية!
والدراسات دي مش عشان تخضك...
دي عشان تعرف إن الأمراض النفسية زيها زي الأمراض الجسدية يعني مش عيب، مش تخوف، لكن كمان مش حاجة نتجاهلها⚠️
💯 بس ياترى تعرف الفرق بين المرض النفسي والاضطراب النفسي؟
💯 المرض النفسي: زي الاكتئاب أو الفصام، وده بيكون له تأثير أكبر ومحتاج تدخل طبي وعلاج متخصص.
💯 أما الاضطراب النفسي: زي القلق أو التوتر المزمن، وده ممكن يكون نتيجة ضغوط يومية، ومحتاج مساعدة نفسية بسيطة قبل ما يتحول لمشكلة أكبر.
طب إمتى تشك إنك محتاج مساعدة؟
لو حسيت إنك:
* دايمًا مضغوط ومش عارف تنام.
* بتفقد اهتمامك بكل حاجة حواليك.
* مش قادر تتواصل مع اللي حواليك أو تعبر عن نفسك.
* عندك أفكار بتخوفك أو مش قادر تتحكم فيها.
مش عيب إنك تطلب المساعدة، العيب إنك تفضل تعاني لوحدك.
الهدف إنك تبدأ حياة جديدة مليانة راحة وأمل .. كل الحكاية تطلب المساعده

Address

Mansoura

Website

Alerts

Be the first to know and let us send you an email when آيه شندى - أخصائيه نفسيه وإدمان - posts news and promotions. Your email address will not be used for any other purpose, and you can unsubscribe at any time.

Shortcuts

Share

Category