31/08/2026
🍃 عدوى الكانديدا عند الكبار والأطفال.. بتحصل ليه ونعالجها إزاي؟
مع حرارة الجو والعرق، خصوصًا في فصل الصيف، بتزيد فرصة الإصابة بعدوى فطرية اسمها Candida 👇
الفطر ده بيحب الأماكن الدافئة والرطبة، لذلك ممكن يظهر في ثنيات الجلد زي تحت الإبط، بين الفخذين، وتحت الثدي، ويسبب:
🔸 احمرار والتهاب في الجلد
🔸 حكة أو حرقان
🔸 تسلخات وأحيانًا حبوب صغيرة حول المنطقة المصابة.
👶 وفي الأطفال؟
بتظهر بشكل شائع في منطقة الحفاض بسبب الرطوبة والبلل المستمر، خصوصًا لو الحفاض بيفضل مبلول لفترة طويلة.
💡 طيب نعمل إيه؟
1️⃣ أهم خطوة هي الحفاظ على المنطقة جافة ونظيفة قدر الإمكان، مع تغيير الحفاض باستمرار.
2️⃣ التهوية الجيدة ولبس الملابس القطنية الواسعة بيساعدوا على تقليل الرطوبة والعرق.
3️⃣ لو فيه عدوى فطرية، بنستخدم كريم مضاد للفطريات من مجموعة الـ Azoles مثل Clotrimazole حسب الحالة.
⚠️ مهم: الكورتيزون مش علاج للكانديدا، ومش بنستخدمه من نفسنا لأنه ممكن يزود العدوى أو يخفي أعراضها. وفي حالات الالتهاب الشديد، الطبيب ممكن يضيف كورتيزون خفيف لفترة قصيرة جدًا مع مضاد الفطريات وتحت متابعة.
👶 وفي منطقة الحفاض، ممكن استخدام كريم عازل مثل Zinc oxide بعد تغيير الحفاض للمساعدة في حماية الجلد من الرطوبة والاحتكاك.
🚨 ولو الالتهاب مستمر، بيتكرر كتير، أو مش بيتحسن بالعلاج، الأفضل الكشف عند طبيب لتأكيد إن السبب فعلًا كانديدا واستبعاد أسباب تانية للطفح.
الوقاية أهم من العلاج.. خلي المنطقة جافة قدر الإمكان 🌿
📍 العنوان: المنصورة – الدراسات – أعلى هريسة أولاد رزق
المواعيد :الاحد ، الاثنين، الخميس من ٦ ل ١٠ مساء
📞 للحجز والاستفسار: 01555875563
واتس : 01015390118
