محمد ابوالعنين اخصائي جراحات الجهاز الهضمي والسمنة المفرطة

17/08/2025

دلوقتي تقدروا تتابعونا على الانستاجرام
Follow us on instagram

29 Followers, 0 Following, 6 Posts - See Instagram photos and videos from Dr. Mohamed Aboelinin (._mohamed_aboelinin)

11/06/2025

لو بتدور على استشارة موثوقة في جراحات الجهاز الهضمي والسمنة المفرطة و الجراحة العامة 👨‍⚕️✨
د. محمد متواجد في عيادات مسك بالدقي يوم الثلاثاء .

📍 المكان: 106 شارع محى الدين أبو العز أمام نادى الصيد
🕘 الموعد: يوم الثلاثاء ، من الساعة ٨ إلى ١٠ مساءً

📲 احجز من خلال رسائل الصفحة أو اتصل بنا على

+20 155 0060039


#الدقي #المهندسين
#مناظير

31/12/2024

د. محمـــد ابوالعنيـــن والعاملين بالعيادة وفريق إدارة الصفحة بيهنوا عملائنا ومتابعينا بمناسبة راس السنة الجديدة 2025 🎉🎁❤️

سنة جديدة سعيدة على حضراتكم جميعاً وكلها صحة ونجاح وفرح وبركة ان شاء الله

27/07/2024

عملية التكميم عملية مش سهلة 🙄 وزيها زي أي عملية كبرى ليها مخاطر وممكن تحصل بسببها مضاعفات 😟، وقرار إجراء العملية قرار مصيري بمعنى الكلمة لأنه قرار هيغير حياتك حرفياً، فلازم تبقى متأكد إنه بإذن الله هيغير حياتك للأفضل مش للأسوأ

علشان كدا لازم كلنا نعرف إن التكميم مش خيار متاح لأي حد عايز يخس انما بتتعمل لدواعي محددة، وفي حالات بيكون إجراء العملية مالوش داعي وأوقات كمان غلط ❌ وممكن يسبب مشاكل وتبقى النتيجة على الصحة عكس المطلوب 😱

طيب امتى بقى بيكون إجراء التكميم قرار غير مناسب❓ 🤔

في الحالات دي:

❗ لو مؤشر كتلة الجسم اقل من 40، مع استثناء مرضى السمنة المتوسطة (BMI = 35-40) اللي ممكن يعملوا تكميم كحل اخير لو فشلت كل الطرق غير الجراحية أو لو عندهم أمراض مزمنة بسبب السمنة زي السكر او الضغط
❗ لو الغرض الأساسي من العملية علاج مرض السكر من النوع الثاني مش السمنة، خصوصاً لو المريض بيحتاج جرعات انسولين عالية لضبط السكر
❗ للأشخاص اللي بياكلوا حلويات وسكريات بشراهة مفرطة، وفشلوا او معندهمش استعداد يمنعوهم او يقللوهم من وجباتهم
❗ لو في التهابات مزمنة شديدة او قرح في المعدة او الاثنى عشر
❗ لو في حموضة شديدة او ارتجاع مريء، خصوصاً لو في فتق في الحجاب الحاجز
❗ لو المريض عمل اجراء جراحي قبل كدا لعلاج السمنة زي التدبيس القديم او الفراشة او الكشكشة او تحويل المسار
❗ لو سيدة بتخطط تحمل خلال سنتين من العملية، او والدة من أقل من 4 أسابيع، وكمان الأم المرضعة (اللي بترضع طبيعي)، في الحالات دي يفضل تأجيل العملية لبعد تمام الحمل والولادة والفطام

لو عايز تعرف تفاصيل اكتر أو تستشير الدكتور بخصوص حالة مريض اكتبلنا في التعليقات 👇 او على رسايل الصفحة 💬

◼️◻️◼️◻️◼️◻️◼️◻️◼️◻️◼️

📍 عنــوان العيـــادة: المنصورة - ميدان الطميهي - برج الحجاز - الدور الثالث

للحجز والاستعلام تقدروا تتواصلوا معانا عن طريق:

💬 رسائل الصفحة عن طريق الرابط 🔗 m.me/DrMAboelininClinic

📞 الاتصال تليفونياً على الأرقام:
▪️ 0502370170 (☎️)
▪️ 01554997000 (📱)

📲 واتساب WhatsApp على نفس رقم الموبايل أو مباشرةً عن طريق الرابط 🔗
wa.me/+201554997000

27/07/2024

"بكـــام التكميــــم يا دكتـــور ❓"

ده أكتر سؤال بيوصلنا عن التكميم وعمليات السمنة عموماً
ومعاه تعليقات وأسئلة من نوع "ليه فلان بيعملها بأكتر؟" و "ليه عند فلان أرخص؟" وهكذا 🙄

وللأسف محدش بيسأل السؤال الأهم 🫤: ايه السعر المنطقي للعملية اللي يضمن ع الاقل الحد الأدنى للجودة والأمان❓

التكميم وجراحات السمنة عموماً عمليات ليها تكاليف بتتوزع على كذا حاجة مش بس أتعاب الدكاترة وتكاليف الاقامة في المستشفى، يعني مثلاً بتحتاج تجهيزات خاصة في غرفة العمليات ووحدة المناظير، وبنستخدم فيها دباسات ودبابيس واداوت تانية غير الادوات الجراحية العادية، ده غير الادوية ووسائل متابعة مريض مش اعتيادي زي مريض السمنة المفرطة اللي غالباً عنده مشاكل صحية وأمراض مزمنة

كل بند من البنود دي ليه تكلفة، بتزيد 🔺 وتقل 🔻 حسب الجودة، وطبعاً الجودة العالية بتكلف أكتر 💵🫰

بالتالي اسعار العمليات ممكن تبقى قليلة فعلاً لو استغنينا عن بعض التجهيزات الضرورية، او استعملنا حاجات جودتها قليلة، أو وفرنا في الادوية واجراءات متابعة سلامة المريض أثناء وبعد العملية، وكمان لو وفرنا في تكاليف راحة المريض واختارنا مستشفى ومستوى اقامة مش مناسب لمريض بحجم مريض السمنة ميوفرش احتياجات راحته هو والمرافقين بتوعه، وده ممكن كمان يحقق هامش اتعاب اكبر للدكتور خصوصاً لو وفر كمان في اتعاب المساعدين ودكتور التخدير واستعان بدكاترة مش متخصصين او خبرتهم قليلة

بس طبعاً كل التوفير ده هيبقى على حساب امان وسلامة المريض 😱 وهتبقى مغامرة يا تصيب وتعدي على خير ((بستر ربنا بس)) يا تقلب بغم وتحصل مشاكل ومضاعفات كلنا في غنى عنها 😰، وطبعاً محدش يحب حاجة زي كدا، خصوصاً إن قرار العملية مش سهل وبيتاخد مرة واحدة وتحقيق ولو الحد الادنى من الامان والجودة يسوى أكتر بكتير من أي تكلفة ممكن تتوفر

تعالوا نجاوب ع السؤال بقى 👈 إيه السعر المنطقي للتكميم؟ وازاي اختار السعر اللي ما فيهوش مبالغة؟

ببساطة اختار ⬅️ أقـــل سعـــر تضمن انه يحققلك الشـــروط دي:

✅ الجراح دكتور متخصص في جراحات السمنة وعنده خبرة كويسة ومعاه فريق طبي متخصص وخبير
✅ الدباسات والادوات اللي بيستخدمها الجراح من ماركات عالمية مضمونة وفي حالة تسمح باستخدامها بشكل آمن
✅ المستشفى فيها تجهيزات تناسب مرضى السمنة والعمليات من النوع ده بما فيها اجهزة والات المناظير اللي تنفع لمرضى السمنة لان في انواع ومقاسات مختلفة، وعناية مركزة لو في حاجة ليها وغرفة اقامة واسعة كفاية ومجهزة لراحة مريض عنده سمنة مفرطة، وتمريض اتعامل قبل كدا مع مرضى من النوع ده

اي سعر ميضمنلكش الشروط دي متدفعوش مهما كان قليل ومغري، وطبعاً لو عندك استعداد تدفع اكتر علشان تعلي الجودة والرفاهية عن الحد الادنى او تختار دكتور خبرته اكبر وهكذا فده طبعاً افضل، بس ⛔ اوعى توفر على حساب سلامتك وأمانك ⛔

لو عايز تعرف تفاصيل اكتر أو تستشير الدكتور بخصوص حالة مريض اكتبلنا في التعليقات 👇 او على رسايل الصفحة 💬

◼️◻️◼️◻️◼️◻️◼️◻️◼️◻️◼️

📍 عنــوان العيـــادة: المنصورة - ميدان الطميهي - برج الحجاز - الدور الثالث

للحجز والاستعلام تقدروا تتواصلوا معانا عن طريق:

💬 رسائل الصفحة عن طريق الرابط 🔗 m.me/DrMAboelininClinic

📞 الاتصال تليفونياً على الأرقام:
▪️ 0502370170 (☎️)
▪️ 01554997000 (📱)

📲 واتساب WhatsApp على نفس رقم الموبايل أو مباشرةً عن طريق الرابط 🔗
wa.me/+201554997000