عيادة دكتورة/ هند فرحات عبدالحميد

25/05/2026

آخر نداء لطيارة الدوحة 😂
القمرات بتوع اللحظات الأخيرة والأوقات الحرجة
اللي بيبعتوا النهارده يسألوا موجودة بكره ولا لأ
طيب هو النهارده قصر معاكم في حاجة ؟
اللي تعبانة من أسبوع😪
واللي حركة الجنين قليلة من شهر 🤰
واللي عندها التهابات من كام شهر🚫
واللي واللي واللي ⚠️
وكلهم بيفتكروا في الأجازات والأعياد
اليوم آخر يوم عمل بالعيادة قبل العيد ان شاء الله
والأجازة من بكره الثلاثاء للجمعة
ونرجع ان شاء الله من السبت ٣٠ /٥
وكل عام وأنتم جميعا بألف خير وصحة وسلامة يارب ❤️
عيد مبارك عالجميع
عيادة دكتورة/ هند فرحات عبدالحميد
011 15797246
حالات الطوارئ تتوجه إلى:
مركز ماذر كير شارع قناة السويس
مستشفى طيبة في حي الجامعة
مركز انجاب الدولي أول الاستاد بجوار كارفور

18/04/2026

🤰سؤال من حالة بكرية في الشهر التامن :
⚠️ عاوزة أولد طبيعي في أول التاسع يا دكتورة ؟
🤔🤔 اعمل أيه ؟

🔴 أشرب قرفة؟ ولا حلبه؟ ولا جنزبيل؟ ولا أناناس؟

🔴 الجماع يساعدني أولد طبيعي؟
🏀 الكورة أعمل عليها تمارين ؟
💪 تمارين الاسكوات؟
المشي 🚶‍♀️🚶‍♀️وطلوع ونزول السلم ؟

🚫🚫 للأسف ولا واحدة من الحاجات دي بتولد طبيعي
ولا بتحدد ميعاد بدء الولادة وفتح الرحم .

⚠️ الولادة الطبيعية مش مشروب
⚠️ ولا وصفة من مامتك ولا صاحبتك ولا من جروبات الفيسبوك

🌹🌹 الولادة الطبيعية بتبدأ لما جسمك يبقى جاهز.
🔴 سؤالي أنا للحالة ومامتها وحماتها وصاحبتها وجيرانها و لكل الجروبات اللي هي متابعاها .

🌹 لو جسمك الحمد لله جاهز وبدأت الولادة في أي وقت

⚠️ عندك إستعداد تبقي جدعة وتتحملي الطلق ووجع الولادة للآخر ؟

الولادة الطبيعية بتبدأ لما جسمك يبقى جاهز ✅️✅️
الدكتور الأمين مش ساحر ✅️
علشان تقوليله عاوزة أولد طبيعي في أول التاسع يا دكتور
⚠️🚫 ولو حد قالك غير كده متزعليش انتي اللي جبتيه لنفسك
عيادة دكتورة/ هند فرحات عبدالحميد
شاوة الطريق التاني بجوار النادي





#الطلق

15/04/2026

🌹🌹 شيروا البوست لكل أم عندها بنات
🚫 ونكمل قصة الزواج المبكر ومشاكلها

👰‍♀ البداية فرحة للكل لكن النهاية ممكن تكون صعبة جدا ⚠️

🚨 رسالة صريحة… الجواز المبكر خطر على حياة البنت⚠️
مش تخويف… دي حقيقة طبية 👇

⚠️طفلة بتتحول فجأة لزوجة وأم…

👧 البنت تحت 18 سنة: جسمها لسه غير مؤهل للحمل والولادة
⚠️ والنتيجة؟
🔴 🔴مضاعفات خطيرة للأم والطفل
🔴إجهاض

🔴أنيميا وضعف عام

🔴تعب مستمر

🔴ضغط نفسي وإكتئاب بعد الولادة

🔴تسمم حمل

🔴خوف من الولادة

🔴ولادة متعثرة
🔴نزيف
🔴 وطبعا حرمان من التعليم

🔴🔴 أطفال معرضين للخطر
🔴ولادة مبكرة
🔴نقص وزن

🔴🔴 والخطر الأكبر في زيادة نسبة الطلاق والنتيجة ⚠️
🔴 مطلقة بدون عقد قران
🔴 طفل بدون شهادة ميلاد
🔴قضايا ومحاكم وضغط نفسي رهيب

💡 البنت في السن ده محتاجة:
تعليم ❤️ أمان ♥️ دعم ♥️ إرشاد وتوجيه ♥️ إحتواء من أهلها

❗ونقول تاني الجواز المبكر خطر
💬 قبل ما توافقي على جواز بنتك بدري…
اسألي نفسك:
هل أنا بفرح بيها وبحميها… ولا بعرّضها لمخاطر هي مش قدّها؟
📍 التوعية مسؤوليتنا كلنا
خلّي قرارك مبني على علم… مش على ضغط من أي شخص

💬 لكل أم وأب:
بنتك مش عبء… دي أمانة
والمستقبل اللي بتاخدوه منها دلوقتي… مش هيرجع تاني
📍 خلّونا ندي بناتنا فرصة يكبروا صح ويختاروا صح

عيادة دكتورة/ هند فرحات عبدالحميد
شاوة الطريق التاني بجوار النادي
011 15797246

14/04/2026

هبدأ معاكم سلسلة عن زواج البنات قبل السن القانوني👰‍♀👰‍♀
وهتكلم معاكم عن الموضوع وأبعاده وأضراره
إعملوا شير يمكن بنت تستفيد منه⚠️🚫
⚠️⚠️سؤال مهم جدا ⚠️⚠️
لكل أب مسؤول عن بيته وأولاده👨‍🍼
لكل أم عندها بنت في سن المراهقة 👩‍🍼
لكل بنت مهما كان مستواها المادي أو التعليمي👧
لكل شاب متقدم لبنت وعارف انها لسه صغيرة 👦
ليه زواج البنت في سن المراهقة وقبل بلوغ السن القانوني؟
كل أما تيجي بنت صغيرة العيادة لسه عروسة او حامل بفكر ليه كده 🤔🤔
هل مسؤولية البنت عبء وتقيلة على أهلها🚫
ولا علشان نسترها زي ما بيقولوا🚫
ولا هي اللي عاوزة ترتبط 🚫
ياريت حد يجاوب بصراحة 🤔
عارفين ان البنت في السن ده مهما كانت طول بعرض لسه طفلة ؟
هل فرحة الخطوبة والفستان الأبيض والشقة الجديدة معناها إن البنت جاهزة للجواز والمسؤولية والزوج والبيت والعيلة والحمل والولادة ويا سلام لو لسه بتدرس؟
في مرحلة المراهقة، البنت بتمر بـ:
تغيرات هرمونية قوية🚫
مشاعر سريعة ومؤقتة🚫
انجذاب عاطفي وارتباط بسهولة مع أي اهتمام أو إحتواء أو كلمة حلوة من أي شخص 🚫
وطبعا دي مجرد مشاعر في سن صغيرة بتتغير بسرعة 💔
💬 الستر مش في الاستعجال…
الستر الحقيقي إننا نحمي بناتنا لحد ما يبقوا جاهزين فعلًا
جاهزين بدنيا وجسمانيا✅️
جاهزين عقليا وفكريا ✅️
قرار الزواج مش لحظة فرح والفستان الأبيض والشقة
دي حياة كاملة
هكمل معاكم البوست الجاي عن مخاطر الحمل والولادة في السن الصغير ⚠️⚠️
وحتى لو مفيش تفاعل ولو كلامي مش هيعجب الناس هكمل لعل وعسى حد يستفيد✅️✅️
عيادة دكتورة/ هند فرحات عبدالحميد
إستشاري النساء والتوليد
شاوة الطريق التاني بجوار النادي
011 15797246

14/04/2026

خلص شم النسيم وضربنا الفسيخ والرنجة 🐟🐠🦈
تعالوا هنا وكله يركز معايا 🤔🤔
عندي موضوع مهم جدا عاوزة أتكلم فيه⚠️⚠️
يمكن ناس كتير تزعل منه😪😪
بس لازم أتكلم إحتمال أم أو أب أو بنت واحدة تشوف البوست وتستفيد منه
تابعوا البوست الجاي 🌹🌹

13/04/2026

الفسيخ ممنوع للحوامل 🚫 🚫 🚫
مفيش حامل تاكل فسيخ خطر عليكي وعلى الجنين ⚠️⚠️
⚠️ إبعتي البوست لكل حامل 🤰🤰🤰تعرفيها او اعمليلها منشن🚫
🦈 الرنجة مسموحة بشروط ✅️
🦈 قطعة صغيرة مش تاكلي وتشبعي
🦈 من مصدر موثوق و نوع نضيف
🦈 ياريت لو كانت محفوظة في الفريزر
🦈 وتتسخن لما توصل لدرجة حرارة عالية لقتل البكتريا
حفظنا الله وإياكم 🌹🌹🌹
عيادة دكتورة/ هند فرحات عبدالحميد
إستشاري النساء والتوليد
شاوة الطريق التاني بجوار النادي
011 15797246
#الفسيخ
#الرنجة

#الحوامل

12/04/2026

12/04/2026

شم النسيم جاي وإنتي حامل🤰؟🌹🌹🌹🌹
هتخرجي؟🌻🌻
هتاكلي فسيخ ولا رنجة؟🐟🐠🐟🐠🦈
إكشفي وإعرفي أيه المسموح وأيه الممنوع
علشان تخرجي وتاكلي وإنتي متطمنة🌷🌷⚘️⚘️
عيادة دكتورة/ هند فرحات عبدالحميد
إستشاري النساء والتوليد
شاوة الطريق التاني بجوار النادي
011 15797246

11/04/2026

⚠️ حركة الجنين قلت ؟
⚠️ قلقانة ومش عارفة ده طبيعي ولا لأ؟
🚫 بلاش تسمعي لحد
🤰إكشفي وإطمني
عيادة دكتورة/ هند فرحات عبدالحميد
إستشاري النساء والتوليد
شاوة الطريق التاني بجوار النادي
011 15797246