عيادة دكتورة هدير عبدالفتاح الدالى Eldaly kids clinic

  • Home
  • Egypt
  • Mansoura
  • عيادة دكتورة هدير عبدالفتاح الدالى Eldaly kids clinic

عيادة دكتورة هدير عبدالفتاح الدالى Eldaly kids clinic عيادة الاطفال وحديثى الولادة
زمالة طب الاطفال وحديثى الولادة

14/06/2026

تالت عشر قواعد لحديثى الولادة 👌

٢١_ركزي مع وزن طفلك ساعة الولادة ..احفظيه، الطبيعي من 2.5 ل 4 كيلو في المتوسط بيزيد حوالى ٧٥٠ جم أول 4 شهور.
٢٢_٦٠٪ من المواليد بيصفروا ..صفرا طبيعية حميدة من اليوم الثالث ما تقلقيش.
بس الصفراء في أول ٢٤ ساعه مش حاجه كويسه خالص ، وغالبا هتبقي صفراء تكسيريه. لازم تكوني عارفه فصيله دمك قبل الولاده وتعرفي دكتور الاطفال نوع فصيلتك لو O أو سالب .

٢٣_الصفرا عايزة رضاعة و متابعة أو حضانة و علاج ضوئي مش عايزة نيون و لا ڤيتامين و لاجلوكوز
٢٤_المولود إنسان ..إحساسه بالجو زينا..بلاش بطاطين في أغسطس ..هيفطس
٢٥_الزغطة و الخنفرة و الحزقة ظواهر طبيعية هتقل مع الوقت.
٢٦_ظواهر تقلقك : الطفل رافض الرضاعة أو مش قادر يرضع ، لونه بيزرق، نفسه فيه نهجان ، مدروخ و مش بيصحى.
٢٧_اهتمي بنفسك و صحتك عشان تقدري تهتمي بمولودك..كلي أكل صحي و متوازن ، بلاش أدوية من غير داعي، اشربي لبن ..كتير، و بلاش اكل حراق أو بيعمل انتفاخات .
٢٨_حديث الولادة بينام كتير بس متقطع..نومك هيتلخبط ..بترضعي و تغيري و تدلعي و تنيمي😂.
٢٩_حديثي الولادة بيسمع من و هو جنين ف اخر شهور الحمل..لو مفيش فزع أو خضة من الصوت العالي تقلقي .
٣٠_لازم طفلك يعمل براز في أول 24 ل 36 ساعة وبيكون لونه أسود قاتم ..لو معملش استشيري الطبيب

د هدير عبدالفتاح الدالى ❤️
د الزمالة المصرية لطب الأطفال وحديثى الولادة

13/06/2026

تانى عشر قواعد لحديثى الولادة 👌
‎
١١_الرضاعة الصناعى أغلبها موضه ومش بنكتبها اﻻ للضروة مش عشان طفلك يكلبظ !😊
‎ ١٢_تحليل الكعب للغده يوم السبت و الثلاثاء في كل الوحدات الصحية أول اسبوع للوﻻده..
‎ ١٣_حديث الولادة إنسان و بيحتاج النظافة وبيستحمى عادي .
‎ ١٤_ممنوع بوس الطفل من الفم.
‎ ١٥_بلاش بوس أحسن ..بينقل أمراض.
‎ ١٦_تطعيم الدرن "حقنة الكتف" ..في أول شهر ما تتأخريش.
‎ ١٧_مفيش في السبوع غربلة ..
‎الغربلة=نزيف في المخ .
‎ ١٨_تكحيل الطفل بالبصل ممنوع..عينه هتضيع😎
‎ ١٩_النقط المطهرة للعين زي (توبرين )ده روتين لكل الأطفال في أول أسبوع.
‎ ٢٠_ورق مهم و هتحتاجيه أول سنه بالذات 👈 كراسة التطعيمات..منحنيات النمو تشمل الوزن و الطول و محيط الرأس.

د هدير عبدالفتاح الدالى
د الزمالة المصرية لطب الاطفال وحديثى الولادة ❤️

11/06/2026

اول عشر قواعد لحديثي الولاده 👌
1_رضعي طبيعي
٢_بلاش أعشاب وﻻ ينسون وﻻحاجة غير رضاعه
و بلاش بيبي درينك أول ٤ شهور حتي
٣- فحص السمع للمولود مهم و ليس رفاهية
٤_بلاش جلوكوز
٥_ڤيتامين "د" من أول يوم ٤ نقط ڤيدروب بالفم الصبح.
٦_تطعيم ڤيروس B أول ٢٤ ساعة حتى في أيام الجمعة و العطلات الرسمية .. في الوحدات الصحية و أقسام النساء في المستشفيات الحكومية
٧_ما تربطيش حاجة على السرة وﻻ تلفيها على بطنه مافيش حاجة اسمها عشان تسند ظهره !
٨_رضعى طبيعى بدرى بدري على قد ما تقدرى.
٩_نظفي السره بالكحول كل 8 ساعات .
١٠_لبن السرسوب اللي في الأول كنز مفيد لتغذيه ومناعه طفلك طول عمره .

د هدير عبدالفتاح الدالى
د الزمالة المصرية لطب الاطفال وحديثى الولادة ❤️

10/06/2026

تم نقل العيادة إلى منزل الدكتور سيد عبدالمنعم بجوار الوحدة الصحية
بمنشية السلام
يوميا من الساعة ٣ عصرا ان شاء الله
ومتاح استقبال الحالات الطارئة على مدار اليوم
للتواصل 01008756367

15/02/2026

كل سنة وانتوا طيبين #معلومةــ #تهمك يامامى #د هدير عبدالفتاح الدالى #دكتورةـالنونات ♥️♥️

28/03/2025

فيتامين دال مبيقفش خالص حتى لو الطفل تعبان
نقول تانى فيتامين دال ميقفش الوحيد اللى ميقفش لأنه بيرفع المناعة وكل سنة وانتوا طيبين

#معلومةــ #تهمك يامامى
#د هدير عبدالفتاح الدالى
#دكتورةـالنونات ♥️♥️

08/10/2024

بمناسبة دخول فصل الشتاء تم تعديل مواعيد العيادة لتبدأ من الساعة ٣ عصرا ل ٧ مساء
المكان منزل الاستاذ عبدالفتاح الدالى منشية السلام
للتواصل 01008756367

07/10/2024

بكرة أن شاء الله يوم مجانى فى العيادة اى كشف هيجيلنا بكرة أن شاء الله هيبقى مجانى صدقة على روح والدى الغالى الاستاذ عبدالفتاح رحمة الله عليه هكون متواجدة فى العيادة من الساعة ٣ العصر أن شاء الله

29/09/2024

نسيت الأدوية المعلقة المكتوب عليها معلق من اسبوعين لأربع اسابيع من تاريخ الفتح ✋
#سلسلة صلاحية الدوا ♥️
#معلومةــ #تهمك يامامى
#د هدير عبدالفتاح الدالى
#دكتورةـالنونات ♥️♥️

🌹🌹التشنجات الحرارية عند الاطفال📢📢👶هي نوبات تشنجية تحدث في الأطفال فى الغالب ما بين عمر 6 شهور إلى 5 سنوات نادر لما تحص...
23/09/2024

🌹🌹التشنجات الحرارية عند الاطفال📢📢

👶هي نوبات تشنجية تحدث في الأطفال فى الغالب ما بين عمر 6 شهور إلى 5 سنوات نادر لما تحصل قبل ٦ شهور او بعد ٥ سنوات ولو حصلت بنبحث عن اسباب تانية عملت التشنجات دى

🛑🛑شكلها ايه🤔🤔
فقدان فى الوعى مع تخشب الجسم كله واهتزازات او انقباضات متتالية للذراعين والساقين، عنيه ممكن تغرب وفمه يتعوج وشفايفه تزرق وممكن يعمل حمام على نفسه اثناء النوبة😟😟

🛑🛑ايه سببها وليه بتحصل لطفل دون الاخر 🧐🧐

⬅️⬅️بتحصل نتيجة الارتفاع المفاجئ لدرجة الحرارة اعلى من ٣٨.٥🤒🤒 واللى بيكون بسبب التهابات حاده مثلا بالحلق او الاذن او التهابات مجرى البول او اى التهاب خارج المخ السبب لسه مش واضح ليه بتحصل لطفل دون الاخر لكن فى عوامل جينيه واستعداد وراثى عند الاطفال دول لانهم لقو ان نسبة كبيرة منهم اخوه او اخته او مامته او باباه كان بيجيله النوع دا من التشنجات

⭐⭐ لكي يتم تشخيص التشنجات الحرارية يلزم توافر خصائص أساسية👀👀 ، فإذا لم يتواجد احدهم لا يمكن اعتبار التشنجات أنها تشنجات حرارية و إنما تكون لأسباب أخرى. و من هذه الخصائص الأساسية:👇👇

◀️أن يتراوح عمر الطفل بين 6 أشهر و 5 سنوات . فالتشنجات الحرارية لا تحدث للأطفال الأقل من 6 اشهر أو الأكبر من 5 سنوات. فإذا وجدت تشنجات تكون لأسباب أخرى غير ارتفاع درجة الحرارة.
◀️وجود ارتفاع في درجة حرارة الطفل 🌡🌡، حيث إن التشنجات تحدث بسبب الارتفاع السريع في درجة الحرارة اكتر من ٣٨.٥.
◀️ تحدث التشنجات خلال ساعات ( 8-12 ساعة ) من بداية ارتفاع الحرارة و ليس بعد ارتفاع الحرارة بأكثر من يوم.
تحدث مرة واحده فقط من بداية ارتفاع الحرارة ولا تكرر مرة ثانية فى نفس دور التعب
◀️تكون التشنجات عامة تشمل الجسم كله ، و تنتهي خلال دقائق ( غالبا لا تتعدى الدقيقة ). و أقصى مدة يمكن أن تستمر خلالها التشنجات هي 15 دقيقة وبعدها الطفل بيكون همدان ونيمان وبيفوق خلال ساعه بعد انتهاء التشنجات
◀️وجود التهاب سواء بكتيري أو فيروسي ( خارج الجهاز العصبي ) مثل التهاب الحلق ، التهاب الأذن الوسطى ، الالتهاب الرئوي ، ...........
◀️عدم وجود أي أعراض عصبية مصاحبة للتشنجات أو بعد انتهائها.
◀️في 10% من الحالات يحدث ما يسمى بالتشنجات الحرارية الغير بسيطة أو المعقدة Non-simple or Complex Febrile Convulsions حيث تتكرر التشنجات في نفس النوبة المرضية للطفل أو تستمر فترة طويلة و تشمل جزء من الجسم.
🛑🛑بعض المفاهيم الخاطئة عن التشنجات الحرارية:👇😲😲

⬅️🎗التشنجات الحرارية تسبب تلف بالمخ أو تترك مضاعفات خطيرة به ، و تؤثر على نمو الطفل و ذكائه؟؟🤔🤔
◀️هذا غير صحيح. فعادة يصاب الأبوين بخوف و قلق بالغ من رؤية الطفل أثناء نوبة التشنج، لكن في واقع الأمر عادة لا تصيب التشنجات الحرارية الطفل بأي أذى و لا أي مضاعفات و لا تؤثر عليه نهائيا.
⬅️🎗يجب عمل رسم مخ للطفل المصاب بالتشنجات الحرارية؟؟🤔🤔
◀️ هذا غير صحيح. و لا يتطلب عمل أي فحوصات نهائيا ( إلا في الحالات السابق ذكرها ) مادام تم تشخيص الطبيب أنها تشنجات حرارية.
⬅️🎗تؤدى التشنجات الحرارية لحدوث الصرع؟؟🤔🤔
◀️هذا غير صحيح . فحدوث التشنجات الحرارية لا يؤدى لحدوث الصرع . فقط تزداد قليلا نسبة حدوث الصرع في الأطفال الذين قد سبق لهم الإصابة بالتشنجات الحرارية بنسبة 2-4%. و هذا يعنى أن 95% من الأطفال الذين أصيبوا بالتشنجات الحرارية لا يصابون بالصرع نهائيا.
⬅️🎗تعتبر التشنجات الحرارية نوع من أنواع الصرع؟؟🤔🤔
◀️ هذا غير صحيح. فالتشنجات الحرارية تحدث بسبب ارتفاع درجة الحرارة على عكس الصرع الذي له أسباب أخرى.

♣️♣️طيب اتصرف ازاى فى حالة حدوث تشنجات حرارية للطفل🌚🌚

🌹يجب فك أي ملابس للطفل موجودة حول منطقة الرأس و الرقبة.
🌹ضع الطفل على جانبه الايسرووضع رأسه على إحدى الجانبين خاصة ( إذا كان هناك قئ ) حتى لا يبلع الطفل اللعاب أو أي إفرازات و التي يمكن أن تسبب له بعض الاختناق.
🌹ضع الطفل في مكان واسع و امن وليس صلب مثل السرير بعيدا عن أي شيء يمكن أن يصطدم به أثناء نوبة التشنج.
🌹لا تحاول فتح فم الطفل ، و لا تضع أي شيء في فم الطفل أو بين أسنانه أثناء التشنج.
🌹لا تحاول إمساك الطفل أو تقييد حركته أثناء التشنج. كل ما عليك فعله هو مراقبة الطفل حتى تنتهي التشنجات.
🌹إذا استمرت التشنجات أكثر من 5 دقائق يجب الاتصال بالطبيب فورا.
💞بعد انتهاء نوبة التشنج يستغرق الطفل لفترة قليلة في نوم عميق فلا تحاول إيقاظه أو إعطائه أي طعام أو شراب حتى يستعيد وعيه كاملا.

👶متى يجب الاتصال بالطبيب فورا:👇👇

🌕اذا كانت هذه المرة الاولى التى يتعرض لها الطفل للتشنجات حتى يتم التشخيص السليم
🌕إذا استمرت التشنجات أكثر من 5 دقائق.
🌕إذا واجه الطفل صعوبة في التنفس.
🌕اذا ازرق لون الطفل.
🌕إذا أصيب الطفل و هو يتحرك بسبب التشنجات.
🌕إذا كان لدى الطفل أي مشاكل بالقلب.
🌕بعد الانتهاء من نوبة التشنج الحراري ، يجب مراجعة الطبيب للاطمئنان و علاج سبب ارتفاع درجة الحرارة.

⭐⭐تبلغ نسبة تكرار حدوث التشنجات الحرارية 30% وتقل بالتدريج كلما كبر الطفل حتى تنتهى تماما عند سن السادسة
⭐⭐لا يوجد علاج لمنع حدوث التشنجات الحرارية. و يكون العلاج فقط لسبب حدوث الارتفاع في درجة الحرارة مع خوافض الحرارة

#معلومةــ #تهمك يامامى
#د هدير عبدالفتاح الدالى
#دكتورةـالنونات ♥️♥️

Address

منشأة السلام مركز تمى الامديد
Mansoura

Website

Alerts

Be the first to know and let us send you an email when عيادة دكتورة هدير عبدالفتاح الدالى Eldaly kids clinic posts news and promotions. Your email address will not be used for any other purpose, and you can unsubscribe at any time.

Shortcuts

Share

Category