مركز رعاية للدعم النفسي وعلاج الاضطرابات النفسية والعقلية والجنسية

28/07/2026

28/07/2026

🚫 ابني تعبان نفسيا .. ازاي اقنعة نروح لدكتور نفسي نكشف علية عشان نطمن ..؟؟!!

*4 خطوات تقنعيه بيهم من غير ما يحس*

*1. متقوليش "دكتور نفسي" ولا "تعديل سلوك"*
الكلمات دي بتقفله.
قولي بدالها: *"كوتش"* أو *"مستشار علاقات"* أو *"حد بيساعد الشباب يتعاملوا مع الضغط"*
مثال: "يا حبي انا وابوك بقينا مش عارفين نتعامل مع بعض. عايزين حد كبير فاهم يساعدنا نحل مشاكلنا. هتجي معايا جلسة واحدة بس نشوف هنعمل ايه؟"

حملي المسؤلية عليكم انتو مش عليه هو.

*2. اربطيها بحاجة هو عايزها*
الولاد في السن ده عنيدين بس واقعيين.
قولي: "بص يا ابني التطاول ده مخلي بابا متعصب وشايل منك. لو فضلنا كده ممكن يمنع عنك المصروف/الموبايل/الخروج. تعال نروح لحد يحكم بينا ويقولنا نتصرف ازاي عشان الدنيا تمشي"

كده هو رايح عشان مصلحته مش عشان "يتعالج".

*3. خلي حد هو بيحترمه يكلمه*
مستحيل يسمع منك دلوقتي.
خلي عمه، خاله، مدرس بيحبه، شيخ، كابتن الجيم. حد يقوله: "الرجالة بتقعد وتحل مشاكلها مع حد فاهم. تعالى نروح سوا".
كلمة من بره بتجيب نتيجة 10 أضعاف.

*4. اديله إحساس الاختيار والسيطرة*
قولي: "انا حجزت معادين. اختار اليوم اللي يناسبك"
"عايز تروح لوحدك ولا اجي معاك؟"
"لو معجبكش بعد أول جلسة مش هنروح تاني. اتفقنا؟"
لما يحس انه صاحب القرار هيوافق.

*مهم جدا تعرفي ده*
التطاول + العند الشديد + عدم احترام الكبير في السن ده ممكن يكون:
1. *ضغط وغضب مكبوت* مش عارف يطلعه
2. *اكتئاب مراهقة* بيطلع في شكل عصبية
3. *تأثر بأصحاب* أو سوشيال ميديا

الدكتور مش عشان "يتعالج". عشان يتعلم ازاي يطلع غضبه من غير ما يجرحكم.

*لو رفض نهائي تعملي ايه؟*
1. *حطي حدود*: "ممنوع الشتيمة في البيت. اللي هيتطاول هيقوم من القعدة". وامشي فعلا. متكمليش خناق.
2. *مترديش عليه بنفس الأسلوب*: هو عايز يستفزك. اسكتي وامشي.
3. *روحي انتي وباباه لوحدكم الأول*: الأخصائي هيديكم انتو أدوات تتعاملوا بيها معاه.

21/07/2026

١٠ حاجات هتتمنى لو حد قالهالك بدري:👇

١. محدش هييجي ينقذك.
٢. الوقت أغلى من الفلوس.
٣. متستناش تحس إنك جاهز.
٤. الراحة الزايدة بتسرق أحلامك.
٥. كل "لأ" بتقربك من "أيوة".
٦. النجاح ممل... لأنه عبارة عن تكرار لنفس الشئ فترة طويله.
٧. المقارنات بتسرق سعادتك.
٨. لو مستني الظروف تتحسن... هتنسى حلمك و تكسل.
٩. الاستثمار في نفسك أعلى عائد هتحققه.
١٠. بعد سنة... هتشكر نفسك على اللي بدأت فيه النهارده.

20/07/2026

ترتيب سور القرآن الكريم :
رجل قرأ ( الفاتحة ) قبل ذبْح ( البقرة ) ، وليقتدي بـ ( آل عمران ) تزوج خير ( النساء ) ، وبينما هو مع أهله في ( المائدة ) ضحّى ببعض ( الأَنْعَام ) مراعيا بعض ( الأعراف ) ، وأوكل أمر ( الأنفال ) إلى الله ورسولِه معلنًا ( التوبة ) إلى الله أسوة بـ ( يونس ) و ( هود ) و ( يوسف ) - عليهم السلام - ، ومع صوت ( الرعد ) قرأ قصة ( إبراهيم ) و ( حِجْر ) ابنه إسماعيل - عليهما السلام - ، وكانت له خلِيّة ( نحْلٍ ) اشتراها في ذكرى ( الإسراء ) والمعراج ،

ووضعها في ( كهف ) له ، ثم أمر ابنتَه ( مريم ) وابنَه ( طه ) أن يقوما عليها ؛ ليقتديا بـ ( الأنبياء ) في العمل والجِد ، ولما جاء موسم ( الحج ) انطلقوا مع ( المؤمنين ) متجهين إلى حيثُ ( النور ) يتلألأ ، وحيثُ كان يوم ( الفرقان ) - وكم كتب في ذلك ( الشعراء ) - ، وكانوا في حجهم كـ ( النمل ) نظامًا ، فسطّروا أروعَ ( قصصِ ) الاتحاد ؛ لئلا يصيبهم الوهن كحال بيت ( العنكبوت ) ، وجلس إليهم يقص عليهم غلبة ( الروم ) ناصحا لهم - كـ ( لقمان ) مع ابنه - أن يسجدوا ( سجدة ) شكر لله ، أن هزم ( الأحزاب ) ، وألا يجحدوا مثل ( سبأ ) نِعَمَ ( فاطرِ ) السماوات والأرض ، وصلى بهم تاليًا سورة ( يسٓ )

مستوِين كـ ( الصافّاتِ ) من الملائكة ، وما ( صاد ) صَيْدًا ؛ إذ لا زال مع ( الزُّمرِ ) في الحرَم داعيًا ( غافر ) الذنبِ الذي ( فُصِّلت ) آياتُ كتابه أن يغفر له وللمؤمنين ، ثم بدأت ( الشورى ) بينهم عن موعد العودة ، مع الحذر من تأثُّرهم بـ ( زخرفِ ) الدنيا الفانية كـ ( الدُّخان ) ؛ خوفًا من يومٍ تأتي فيه الأممُ ( جاثيةً ) ، فمَرُّوا على ( الأحقافِ ) في حضرموت ؛ لذِكْرِ ( محمد ) - عليه الصلاة والسلام - لها ولأَمنِها ، وهناك كان ( الفتح ) في التجارة ، مما جعلهم يبنون لهم ( حُجُراتٍ ) ، وأسّسوا محالّا أسموها محالّ ( قافْ ) للتجارة ، فكانت ( ذارياتٍ ) للخير ذروًا ، وكان قبل هذا ( الطّور ) من أطوار حياته كـ ( النّجم ) ، فصار كـ ( القمَر ) يشار إليه بالبنان بفضل ( الرحمن ) ، ووقعتْ بعدها ( واقعة ) جعلت حالهم - كما يقال - على ( الحديد ) ، فصبرت زوجته ولم تكن ( مجادلة ) ؛ لعلمها أن الله يعوضهم يوم ( الحشر ) إليه ، وأن الدنيا ( ممتحنَة ) ، فكانوا كـ ( الصّف ) يوم ( الجمعة ) تجاهَ هذا البلاء مجتنبين صفات ( المنافقين ) ؛ لأن الغُبن الحقيقي غبن يوم ( التغابن ) ، فكاد ( الطلاق ) يأخذ حُكْمَ ( التحريم ) بينهم ؛ لعمق المودة بينهم

، فـ ( تبارك ) الذي ألّفَ بينهم كما ألّفَ بين يونس والـ ( ـنُّون ) ، وتذكروا كذلك يومَ ( الحاقّة ) في لقاء الله ذي ( المعارج ) ، فنذروا أنفسهم للدعوة إليه ، واقتدَوا بصبر أيوب و ( نوحٍ ) - عليهما السلام - ، وتأسّوا بجَلَدِ وحلم المصطفى ؛ حيث وصلت دعوتُه إلى سائر الإنس و ( الجنّ ) ، بعد أن كان ( المزّمّل ) و ( المدّثّر ) ، وهكذا سيشهدُ مقامَهُ يوم ( القيامة ) كلُّ ( إنسان ) ، إذ تفوقُ مكانتُه عند ربه مكانةَ الملائكة ( المرسَلات ) ،

فعَنِ ( النّّبإِ ) العظيم يختلفون ، حتى إذا نزعت ( النازعات ) أرواحَهم ( عبَسَـ ) ـت الوجوه ، وفزعت الخلائق لهول ( التكوير ) و ( الانفطار ) ، فأين يهرب المكذبون من الكافرين و ( المطففين ) عند ( انشِقاق ) السَّمَاءِ ذاتِ ( البروجِ ) وذات ( الطّارق ) من ربهم ( الأعلى ) إذ تغشاهم ( الغاشية ) ؟؟
هناك يستبشر المشاؤون في الظلام لصلاة ( الفجر ) وأهلُ ( البلد ) نيامٌ حتى طلوع ( الشمس ) ، وينعم أهل قيام ( الليل ) وصلاةِ ( الضّحى ) ، فهنيئًا لهم ( انشراح ) صدورِهم !

ووالذي أقسمَ بـ ( التّين ) ، وخلق الإنسان من ( علق ) إن أهل ( القَدْر ) يومئذٍ من كانوا على ( بيّنةٍ ) من ربهم ، فأطاعوه قبل ( زلزلة ) الأَرْضِ ، وضمّروا ( العاديات ) في سَبِيلِ الله قَبْلَ أن تحل ( القارِعة ) ، ولم يُلْهِهِم ( التكاثُر ) ، فكانوا في كلِّ ( عَصْر ) هداةً مهديين ، لا يلفتون إلى ( الهمزة) اللمزة موكلين الأمر إلى الله - كما فعل عبد المطلب عند اعتداء أصحاب ( الفيل ) على الكعبة ، وكان سيدًا في ( قُرَيْش ) - ، وما منعوا ( الماعون ) عن أحدٍ ؛ رجاءَ أن يرويهم من نهر ( الكوثر ) يوم يعطش الظالمون و ( الكافرون ) ، وتلك حقيقة ( النّصر ) الإلهي للنبي المصطفى وأمتِه ، في حين يهلك شانؤوه ، ويعقد في جِيدِ مَن آذَتْهُ حبلٌ من ( مسَد ) ،

فاللهم تقبل منا وارزقنا ( الإخلاص ) في القول والعمل يا ربَّ ( الفلَقِ ) وربَّ ( الناس ) .

19/07/2026

لو دخلت مكان وشفت حد ماسك البتاعة دى بيشربها اهرب من المكان فورا
لانك معرض تدخل في بداية مرحلة ادمان اخطر مخدر في تاريخ البشرية
وادمانه بيحصل من اول مرة حتي لو بطريق الخطأ

ركز معايا كويس لإن اللي هقوله دلوقتي مش هزار… دي حاجة لو وصلت لأي حد في وقتها ممكن
تنقذ حياة، ولو اتأخرت عليه، تبقى انت ضيعت عليه فرصة النجاة. الموضوع عن أخطر مخدر في العالم، اللي حرفيًا بيحطك في قبرك وإنت عايش… اسمه الشابو.

آه والله، الشابو… اللي في ناس بتسميه الكريستال ميث، وفي ناس تقول عليه آيس، الزجاج، الثلج، الكريستالا، الزونجا… أسماء كتير بس النهاية دايمًا واحدة: خراب شامل.

المخدر ده معمول في المعمل، يعني مش طبيعي زيه زي الحشيش مثلًا، لا، ده كيماوي تقيل وبيشتغل على الجهاز العصبي. أول ما يدخل الجسم، بيضرب المخ ضربة ما بترجعش، بيديك إحساس كداب إنك جامد وسعيد وسوبرمان… بس بعدها بتقع وقعـــة ملهاش آخر.

في شباب من أول جرعة دخلوا في هلاوس، شك، خوف، عنف، شكوا في أهاليهم وحبايبهم، في ناس جابت سكينة على أهلها وهي مش وعيه، في اللي بيفضل صاحي أيام، عينه طالعة ووشه نشف، واللي بيهرش في جلده لحد ما يجرّحه لإنه بيتهيأله إن فيه حشرات ماشية عليه… ده مش هزار، ده واقع.

في أبحاث اتعملت على تأثير الشابو، لقوا إن المخ بيتغير فعليًا، كأن أجزاء فيه بتتحرق ومبقتش تشتغل… والمصيبة إن حتى بعد ما يبطل، المخ مابيرجعش زي ما كان، بيبقى عايش بنُص مخ.

مفيش علاج سهل ليه، لا في دوا بيريّح، ولا في بروتوكول ثابت… كل اللي عندك إنك تحاول تقعد في مكان نظيف، وسط ناس بتساعدك، وتحارب كل ثانية عشان ماترجعش، لأن الانتكاسة أسرع من تفكيرك.

الناس اللي جرّبته كانوا بيقولوا: "إحنا مشينا في طريق الموت برجليـنا"، واللي خرج منه بيقول "أنا مابقيتش نفس الشخص"، واللي مكمل، غالبًا في السجن، أو مات، أو بيته اتخرب.

المخدر ده بيخلّي صاحبه يخسر كل حاجة: صحته، أهله، شكله، دماغه، روحه… مفيش فايدة بتطلع من وراه، وكل لحظة بتعدي عليك بعيد عنه هي نعمة.

لو تعرف حد قرب له، ماينفعش تسكت… ماتخافش تزعل حد، إلحقه قبل ما يضيع.
ولو إنت في يوم من الأيام فكرت تجربه، افتكر إنك بتقف على حافة جهنم، وخطوة واحدة بتخليك تقع ومتعرفش تطلع تاني.

اللي شاف جحيم الشابو عمره ما بينساه… بس اللي بيفوّت التحذير، بيدفع تمنه بحياته.
منقول
❤💚💛💜 💛💚💜❤
دكتور / محمد حلمي شهاب الدين
مدير قسم العلاج الجدلي السلوكي بمستشفي الحياة
❤💚💛💜 💛💚💜❤

❓للحجز والاستفسار
مديرة مركز رعاية للدعم النفسى
💜 الاستاذة/ مايا مجدى

☎️ 0502787408
01064077455_ 01557010606 01096553264_01015435426

🏠 بلقاس / شارع محمد فريد - امام ستوديو حسنى - اعلى صيدلية العبادى - الدور الاول

18/07/2026

🚫 فيه كذبة اتربينا عليها من وإحنا صغيرين...👇
🔹إن الإنسان القوي هو اللي بيسكت ..
🔹و العاقل هو اللي يعدّي ..
🔹والمحترم هو اللي يكبر دماغه ..
🔆لكن محدش قالنا إن كل مرة بتسكت فيها عن وجعك...
أنت مش بتتجاوزه، أنت بتخزّنه...!!

🔥 المشاعر مش بتختفي. الإهانة اللي بلعتها، والغضب اللي خبيته، والخذلان اللي ادعيت إنه عادي...كلهم بيتحولوا مع الوقت إلى نسخة تانية منك .. نسخة عصبية، مرُهقة، فاقدة للشغف ، وبتنفجر في مواقف تافهة لأن الانفجار الحقيقي اتأجل سنين ..!!

إحنا بقينا بنفتخر بقدرتنا على التحمّل، بينما يمكن الحاجة اللي محتاجين نفتخر بيها فعلًا (هي قدرتنا على الاعتراف إننا تعبنا) لأن الإنسان مش بينهار من الضربة الأخيرة...
هو بينهار من ألف ضربة قرر يقنع نفسه إنها مش مستاهلة ..!!

💥 صدقني التراكمات دى بتخليك تحاسب علي الفاتورة كلها مره واحده .. راجع حساباتك ...!!