29/10/2025
حاجات مش المفروض الأطفال يسمعوها أو يشوفوها.
١. الخلافات الزوجية.
٢. النقاشات حول الأعباء المادية والديون وغيره
٣.الحديث بالسلب عن أجسامهم أو تحصيلهم الدراسي أو سلوكهم.
٤. إنك تتكلم عن الأم/ الأب بشكل مش كويس.
٥. إنك تتكلم عن حياتك قبل الإنجاب قد إيه كانت أفضل وأسهل وأحسن، أو إنه جه بالغلط وانتوا مكنتوش عايزينه أصلًا.
٦. نوبات غضب وتكسير وصريخ من الأم أو الأب، ده فيلم رعب بالنسبة للطفل..
٧. طفلك مش طبيبك النفسي، ماتتكلمش معاه عن مشاكلك النفسية ومشاعرك تجاه الآخرين، ده أذاني وده عملي وده سوالي.
الأطفال أسفنجة، بيمتصوا كل شيء من البيئة، كل قلق بتصدرهولهم، كل تعليق سلبي، كل شكوى، كل دراما، وبتخلق طفل هش وقلق ومضغوط نفسيًا وعصبيًا.
أرجوكم كونوا ناضجين، وخلوا أطفالكم يعيشوا طفولة بريئة ونقية وسعيدة.
ولأ مش هتخلق طفل فاكر الحياة وردي ولا حاجة، هتخلق طفل حاسس بالأمان في بيته والحياة هتهذبه وتعلمه كل حاجة
إعداد الطفل للحياة مش بييجي بإنك تعيشه في عدم أمان وقلق، بييجي بأنك تُصقله بالمهارات اللازمة
الحياة هتقسى عليهم بما يكفي متستعجلوش.
hamdy
