Dr/mohemmed fenoon

20/03/2026

عيد فطر مبارك 😅😅

13/02/2026

06/02/2026

السلام عليكم
عيادات مطروح و براني
إجازة من يوم الاثنين إن شاء الله
نظرا للسفر
التواصل هيكون ع الواتس أو رسائل الصفحه

26/01/2026

السلام عليكم عيادة براني
الاربعاء القادم اجازة
لكن الاسبوع القادم إن شاء الله
نفس مواعيد العمل
السبت و الاثنين والأربعاء

22/01/2026

السلام عليكم
الناس اللي كانت بتسأل عن الحنه و صبغات الشعر
مع الحمل .دي المادة اللي كنت بقولكم عليها مش معروفه و بتعمل اجهاضات
لكن الحمد لله الحنه الطبيعيه بالماء فقط امان مع الحمل
المشكله ف الاضافات اللي بتتحط ع الصبغه أو الحنه محدش بيقول عليها و لا بتتكتب ع المكونات
اه قبل ما انسي اللبان كمان فيه مادة الفينيل الانين مضره للحمل
دمتم سالمين

09/12/2025

لان الانسان اكبر عدو لنفسه
ده منشور همسحه تاني بس كنوع من الفضفضه معاكم 🥹
الاسبوع اللي فات قبل السفر بيومين حاله والدة خمس قيصريات و معاها وجع. قلتلهم هنعمل قيصريه هيا ف نص التامن واول مره اشوفها هم متصلين بيا اساسا عشان يعملوا عمليه
معرفش غيروا رأيهم ومشيوا من المستشفي لمستشفي ......
اتصلوا بيا كتير علي مدار خمس ساعات وكان ردي صريح يا ترجعوا اعملكم قيصريه يا تعملوها عندكم بعد خمس ساعات رجعم بكشف عليهم قبل العمليه لقيت الرحم انفجر و الجنين للاسف مات
حاله تانيه ضغطها عالي قلتلهم مش هتتحمل طلق الولاده نعمل قيصريه احنا الأمور مستقره للان طبعا رفضوا
الصبح بيتصلوا عليا الحاله بتتشنج واحنا محجوزين ف مستشفي ...
من الاخر اللي ميعجبوش كلامي أو تشخيصي يكشف عند اخصائي تاني لكن اللي حصل ف الحالتين دول نوع من الإهمال أو الاستهتار 😡
اتمني الخير و الشفاء لكل الناس حتي اللي مش متابعين معايا
#دمتم سالمين

03/12/2025

السلام عليكم
يوم السبت إجازة من عيادة براني
نظرا للسفر
دمتم سالمين

06/10/2025

السلام عليكم
بعد عيادة براني اليوم
مسافر إن شاء الله إلي القاهرة حتي يوم الجمعه للتدريب علي مهارات متقدمه
عايز اقولكم اني مستني ورشة العمل دي بقالي 6سنين
ربنا يجعله علم نافع اقدر افيد به

28/09/2025

السلام عليكم
من الحالات اللي بحبها و باحس اني متميز فيها
حاله حامل في الشهر العاشر
راحت لكذا حد من الدكاتره الزملاء حبايبي
كلهم بالإجماع قرروا قيصريه لدرجه ان البعض منهم قال قيصريه حالا و إلا الجنين هيموت
الحمد لله من الساعه العاشره صباحا متابعها في هدوء
لحد ما ربنا كرمنا بولد حوالي 4كيلو و نص طبيعي
ماشاء الله ربنا يجعله ذريه صالحه
دمتم سالمين

24/09/2025

السلام عليكم
بعتذر عن عيادة براني اليوم
العربيه حصل فيها مشكله ع الطريق
دعواتكم

26/07/2025

الناس اللي استخدموا لزقه الجروح الجديده
باعتين الصورة دي🤣🤣🤣
زمان اللي هو من اسبوعين يعني كان ممنوع نهائيا الجرح يجي عليه مياه
دلوقتي العيانه بتاخد شاور عادي جداا
سبحان الله
فرحان لفرحتكم و شكرا لكل كلمه ايجابيه بتسعد يومي و تهون عليا تعب الشغل💐💐