Dr/ Eslam khodary

26/05/2026

كل عام وانتم بالف خير وعافيه♥️

05/05/2026

04/05/2026

"عندك حصوات مرارة ومش واجعاك؟ شيلها برضه... قبل ما تشيلك هي"

الرأي القديم اللي كل الناس حافظاه:
"طالما مش واجعاك سيبها. 80% من الناس عايشين بحصوات ومش حاسين".

الـ 80% دول عايشين على قنبلة. والـ 20% الباقيين بييجوا الطوارئ الساعة 3 الفجر بيصرخوا.

ليه بقولك شيلها حتى لو ساكتة؟
١/انسداد مراري: حصوه صغيره ممكن تسد القناه المراريه
٢/ التهاب البنكرياس: حصوة صغيرة قد حبة العدس تفلت تسد قناة البنكرياس. نسبة الوفاة منه 10%. اه 10%. عشان حصوة انت "مستخسر" تشيلها.
٣/الصفراء: حصوة تنزل في القناة المرارية، تحتاج منظار قنوات مرارية ERCP قبل ما نشيل المرارة. دخلت في سكة 3 عمليات بدل واحدة.

الخلاصة الصادمة:
مفيش حاجة اسمها "حصوة مسالمة". في حصوة "لسه مجاش دورها".
انت بتختار المعاد والمكان والدكتور... ولا هي اللي هتختارلك الطوارئ والدكتور النبطشي؟

هتستنى لما توجعك وتبقى مجبر، ولا تشيلها بمزاجك وانت رايق 🤔

03/05/2026

الفتق: لما جزء من جسمك يطلع بره مكانه

ببساطة، الفتق يعني عضو أو نسيج من جسمك ضغط وطلع من مكان ضعيف في العضلات اللي حواليه. أكتر واحد مشهور هو فتق البطن.

هتحس بإيه؟
كلكيعة طرية تحت الجلد بتطلع لما تكح، توطي، أو تشيل حاجة تقيلة، وبتدخل تاني لما تنام أو تضغط عليها.
ممكن معاها تقل أو وجع خفيف، وساعات مفيش وجع خالص في الأول.

أنواعه الشائعة:
- إربي: في أسفل البطن ناحية العانة. أشيع نوع في الرجالة.
- سُري: حوالين السرة. بيجي للأطفال والكبار.
- جراحي: في مكان جرح عملية قديمة.

امتى يبقى خطر ولازم طوارئ؟
لو الكلكيعة بقت ناشفة، مؤلمة جداً، مش بتدخل مكانها، ومعاها ترجيع أو بطنك اتنفخت.
ده اسمه "فتق مختنق" يعني الدم موصلش للأمعاء. لازم تروح المستشفى حالاً.

هل هيروح لوحده؟
لا. الفتق مش بيخف بأدوية ولا بحزام. بالعكس بيكبر مع الوقت. الحزام أصلاً ممكن يضره أكتر.

ف متتجاهلش أي كلكيعة جديدة في بطنك. اكتشاف الفتق بدري = عملية أسهل ومضاعفات أقل.

30/04/2026

القولون
3 أعراض متتجاهلهمش

1. نزيف مع الحمام: حتى لو نقطة واحدة
( مش كل نزيف بواسير)
2. تغير مفاجئ في طبيعة الحمام: إمساك جديد أو إسهال مستمر فوق 3 أسابيع.
3. انيميا نقص حديد من غير سبب واضح، خصوصاً بعد سن 40.
سرطان القولون لو اتكشف بدري نسبة الشفاء فوق 90%.
الوقاية: منظار قولون بعد سن 45. بيكشف اللحميات ويشيلها قبل ما تقلب ورم.
متقولش "إحراج" أو "خايف". الكشف المبكر بينقذ حياة♥️

29/04/2026

الزايدة الدودية.. مش دايماً "زايدة"

ناس كتير فاكرة إن الزايدة ملهاش لازمة، بس لما تلتهب هتعرف إنها تقدر تعمل قلق كبير جداً.

إمتى تشك إنها زايدة؟
ألم البطن: بيبدأ حوالين السرة وبعدين ينزل للجزء اليمين تحت من البطن. ده أهم عرض.
فقدان الشهية: فجأة مش طايق الأكل خالص.
غثيان وترجيع مع الألم.
سخونية خفيفة 37.5 - 38
الألم بيزيد مع الحركة، الكحة، أو لما تدوس وتسيب مرة واحدة.

معلومة مهمة:
مش كل وجع في الجنب اليمين يبقى زايدة. ومش كل زايدة وجعها لازم يبقى لا يُحتمل. في حاجة اسمها "زايدة مزمنة" ألمها بسيط ومتقطع.

طب ليه مينفعش نستنى؟
لأن الزايدة لو انفجرت بتعمل التهاب بريتوني وده خطر على الحياة. كل ساعة بتفرق.

العلاج؟
الحل الوحيد لالتهاب الزايدة الحاد هو الاستئصال الجراحي. دلوقتي بنعمله بالمنظار - 3 فتحات صغيرة، ألم أقل، ورجوع للبيت تاني يوم.

نصيحة مني كجراح:
لو حسيت بالأعراض دي، متاخدش مسكن وتستنى. المسكن بيخفي الأعراض وبيأخر التشخيص. اتوجه لأقرب طوارئ فوراً.

صحتك أمانة.. متستهونش بأي ألم في بطنك.

د/ اسلام خضري

24/01/2026

゚ ゚viralシ

21/01/2026

Subcutaneous suture 👌



#