18/08/2026
الهاجس لأي ام لطفل عدى السنة .. ( ابني متكلمش يا دكتورة لحد دلوقت ) 😶
تعالو نسرد بشكل بسيط التطور الطبيعي ف الكلام و العلامات الي تقول ان فعلا فيه تأخير .. ⚠️
الطبيعي بداية النطق خالص بتكون بداية الشهر السادس بالمناغاة الي هو تقريبا أصوات بس زي (غاغا ممم ببيب) 😅
الشهر التاسع يبدأ يقول اول كلمة (بابا ) و دا مش تحيز للاب لا دي عشان نطقها اسهل من ماما 😅🤷♀️
سنة لحد سنة و ٣ شهور بيبدأ يجمع كلمتين لتلات كلمات 🤠
من سنة ونص لحد سنتين بيبدأ يجمع لحد ١٠ كلمات 😎
سنتين لحد سنتين و نص الحصيلة بتكبر و توصل ٣٠ كلمة تقريبا✊️
بعد سنتين و نص بيبدأ يكون جمل قصيرة و يعبر 😅❤️❤️
**************************
لو حصل تأخير ف اي مرحلة اتكلمنا عنها فوق ايه السبب؟ 🤔
بحب اقسمها كدا ❤️
١_ اسباب مرضية .... ٢_ اسباب مكتسبة
● الاسباب المرضية : نشوف عناصر النطق ايه ؟
١_ عين ( عشان يقدر يتواصل و يتعلم معنى الكلام )
٢_ اذن (يقدر يسمع الي بيتقال عشان يقوله)
٣_ مخ ( مراكز الكلام و السمع و الفهم و السمع + ممكن يكون متلازمة مرضية)
٤_فم و لسان ( لو فيه مشاكل زي الشفة الأرنبية او لسان مربوط)
لازم نكشف ع الاربع عناصر دول ❤️🙏
● اسباب مكتسبة : طبعا بعد م استبعاد الاسباب المرضية بتكون المشكلة ممكن فى الوسط المحيط زي ايه
١_ قلة التواصل مع الطفل و اغلب وقتهم شاشات و تلفون💻 ( لو ساعتين ..او تلاتة بالكتير من باب التسلية .. لكن اليوم كله من باب التسكيت و الالهاء غلط )
٢_ تشتت لغات... لو بيسمع انجليزي و عربي سوا مش هيعرف يميز لغته و هيتلعثم 🎵
٣_ عدم تكرار الكلمات قدام الطفل و ربطها بالفعل زي اكل ...زي شرب ... زي نوم
لو متكررتش و ربطتها كتير قدامه مش هيعرف يعبر 🤷♀️
٤ _ انعزال الأطفال ف البيوت بيخليهم مش بيتفاعلوا مع الناس كتير و لا بيسمعوا كلام كتير و لا فيه عندهم دافع للكلام 🚫
************************
طيب فى كل الدوشة مجبتيش سيرة التوحد ليه؟ 🤔🤔🤔🙃🙃
التوحد لا هو مرضي ولا هو مكتسب دا 🤷♀️
التوحد هو مشاكل ف التواصل و اضطراب نمو عقلي و لكن بسبب عوامل جيني او تاريخ مرضي لحد ف العيلة او الأخوات..او مشاكل فترة الحمل للام ... 👼👨👩👧👦
بيتعرف ازاي؟ 👤
الطفل لا بيكون مستجيب لأي كلام او اسمه او أشارة
بيكرر حركاته جدا بدون سبب
عايش مع نفسه
مش بيقلد حركات
مش بيبتسم لحد
مش بيعبر او بيحتاج لحد
* علاج التوحد .. تدريب الاهل للطفل و جلسات تخاطب 🙏❤️
