20/08/2026
مع د/ آيه رضوان .. نفهم قبل ما نقلق💚🌹
هل اللولب ممكن يسبب تأخر الحمل بعد إزالته؟ 🩺🤰
ــــــــــــــــــــــــــــــــــــــــــــ
"أنا كنت مركبة لولب سنين .. هو ممكن يكون السبب إني لما شلته الحمل اتأخر؟"
السؤال ده بيتكرر كتير .. وخصوصًا عند السيدات اللي استخدموا اللولب لفترة طويلة وبعدين بدأوا يخططوا للحمل.
والإجابة ببساطة .. في العادة .. اللولب نفسه مش بيعمل تأخر دائم في الخصوبة بعد إزالته .. تعالي نفهم الموضوع ببساطة 👇
اللولب وسيلة لمنع الحمل .. سواء كان نحاسي أو هرموني .. وبيشتغل أثناء وجوده داخل الرحم.
بعد إزالة اللولب .. الخصوبة عادةً بتعود بسرعة ، ومفيش فترة طويلة لازم تستنيها علشان "الجسم ينضف" أو الرحم "يرجع لطبيعته".
وفي نقطة مهمة جدًا 👇
مش لازم الدورة تنتظم لمدة شهور قبل ما تحاولي تحملي.
بعد إزالة اللولب .. ممكن يحصل حمل بمجرد عودة التبويض ووجود الظروف المناسبة.
لكن لو الحمل اتأخر .. لازم نسأل .. هل فيه سبب تاني؟
لأن أحيانًا الفترة اللي استخدمت فيها السيدة اللولب بتكون مرت سنين .. وخلال السنين دي ممكن يكون العمر اتغير .. وده في حد ذاته ممكن يؤثر على الخصوبة.
يعني المشكلة مش بالضرورة تكون من اللولب .. لكن ممكن تكون مرتبطة بعوامل ظهرت أو تغيرت مع الوقت.
ومن الأخطاء الشائعة 👇
إن الزوجة تقول .. "أنا كنت بحمل بسهولة قبل اللولب .. يبقى اللولب هو السبب." ..لكن الحمل السابق مش ضمان إن الخصوبة هتفضل بنفس الشكل بعد سنوات.
العمر .. التبويض .. مخزون المبيض .. صحة قنوات فالوب .. وعوامل عند الزوج .. كلها ممكن تتغير.
وفي نقطة مهمة كمان 👇
اللولب النحاسي واللولب الهرموني مش نفس الحاجة.
اللولب الهرموني ممكن يقلل نزول الدورة أو يخليها خفيفة جدًا أثناء استخدامه .. وده تأثير متوقع عند بعض السيدات.
بعد إزالته .. الدورة والتبويض عادةً بيرجعوا لطبيعتهم.
أما اللولب النحاسي .. ممكن يخلي الدورة أكثر غزارة أو الألم أكثر عند بعض السيدات أثناء استخدامه .. لكن ده لا يعني إنه بيسبب عقم بعد إزالته.
طيب .. إمتى نحتاج نبدأ نفكر في تقييم الخصوبة بعد إزالة اللولب؟
مش لمجرد إنك شلتي اللولب ولسه الحمل محصلش في أول شهر .. الحمل الطبيعي مش لازم يحصل من أول محاولة.
لكن لو مر وقت مناسب من المحاولات المنتظمة من غير حمل .. أو فيه عوامل تستدعي التقييم بشكل مبكر .. هنا الأفضل استشارة طبيب نساء وتأخر إنجاب.
وفي نقطة مهمة جدًا 👇
لو فيه تاريخ لالتهابات بالحوض أو عدوى منقولة جنسيًا .. أو عمليات سابقة بالحوض .. فدي عوامل ممكن تؤثر على قنوات فالوب والخصوبة .. وهنا التقييم بيكون حسب التاريخ الطبي.
ورسالة مهمة لكل سيدة 👇
اللولب وسيلة لمنع الحمل .. مش وسيلة لتأجيل الخصوبة.
ولو شلتي اللولب وعايزة تحملي .. مش محتاجة تستني فترة معينة لمجرد إنك كنتِ مركباه .. ولو الحمل اتأخر .. متلوميش اللولب فورًا.
الأفضل نعرف السبب الحقيقي .. لأن كل حالة ليها تفاصيلها.
وفي عيادة د/ آيه رضوان ..
بنساعدك في اختيار وسيلة منع الحمل المناسبة .. ومتابعة ما بعد إزالة اللولب .. وتقييم الخصوبة وتأخر الحمل لو الحمل اتأخر حسب السن والتاريخ الطبي والحالة.
✨ افهمي قبل ما تقلقي ✨
د/ آيه رضوان
أخصائي التوليد وأمراض النساء
وتأخر الإنجاب والحقن المجهري
وجراحة المناظير
مدرس (م) نسا وتوليد – جامعة الأزهر
🕒 مواعيد العياده يوميا من 5 عصرًا حتى 11 مساءً
📞 للحجز والاستعلام :-
01143770627
📍 عنوان العيادة .. كوم النور – آخر الموقف – أمام صيدلية د/ أشرف
المحتوى للتوعية فقط ولا يغني عن الكشف الطبي .. لأن كل حالة ليها تفاصيلها.
