15/08/2026
🚨لو حضرتك بتعاني من القولون العصبي .. فالبوست ده مهم ليك⬇️
⬅️العلاج لوحده مش كفاية ..
🛎لو بتعاني من آلام مستمرة أو انتفاخ مستمر او صعوبة وتغير في عملية الإخراج (امساك - إسهال) فبجانب العلاج فيه نمط ونظام غذائي مفيد جدا للحد من الأعراض دي .. إسمه Low FODMAB diet ..
الـ Low FODMAPP diet ده نظام بيعتمد إننا بنقلل أنواع معينة من السكريات اللي الجسم مش بيهضمها كويس وبيحصل إنها بتتخمر جوه القولون وتنتج سوايل وغازات بتسبب انتفاخ ومغص وتغيرات في عملية الإخراج.
📌فكرته ببساطة🩺
⛔️بنمنع أكلات معينة فترة معينة وبعد كده نرجعها واحدة واحدة عشان نعرف إيه اللي بيتعب قولونك بالظبط ..
📌النظام بيكون علي ٣ مراحل :
🔴مرحلة الإقصاء او المنع .. ودي في فترة من ( ٢-٦ اسابيع) :
▪️بتبعد فيها عن الأكل العالي FODMAP زي اللبن العادي ، البصل، الثوم، القمح، بعض الفواكه زي التفاح والمانجو والبطيخ، والبقوليات، والمحليات الصناعية.
▪️ونركز على أكل بسيط زي الرز، البطاطس، اللحوم، الفراخ، السمك، البيض، بعض الخضار زي الكوسة والجزر والخيار، وبعض الفواكه زي الموز والبرتقال والفراولة، ولبن خالي لاكتوز والزبادي اليوناني وجبن البارميزان والشيدر وجبن الموتزاريلا.
-----------------------------------
🔴مرحلة التحدي او إعادة الإدخال:
▪️بعد ما الأعراض تهدى بترجع كل نوع لوحده فترة أسبوعية
مثلاً أسبوع تجرب اللبن العادي المحتوي علي اللاكتوز، وأسبوع تجرب انواع من الفاكهة زي المانجو وتشوف تأثير ده علي قولونك..
☑️والهدف هنا في المرحلة دي تعرف إيه الأكل اللي جسمك بيتقبله ومحصلش تعب في قولونك منه وإيه اللي بيعملك مشاكل .. عشان تستبعده من نظامك الغذائي.
-----------------------------------
🔴آخر مرحلة ..مرحلة التثبيت :
▪️وفيها حضرتك بتوصل لنظام مناسب ومريح ليك .. تاكل فيه براحتك وتحاول تتجنب الحاجات اللي ثبت إنها بتتعبك .
⚠️أخيرًا مهم تكون عارف إن النظام ده مش دايت هتلتزم بيه طول حياتك هو مجرد طريقة بتفهم بيها جهازك الهضمي صح وتقدر تمشي بيه علي
فترات لراحة قولونك بجانب العلاج ✅
🌹Your Health is our priority 🌹
-----------------------------------
🩺 Dr.Ghada Hamdy ashour 🩺
أخصائية الباطنة-الجهاز الهضمي والكبد -المناظير.
-زميل الاتحاد الاوروبي لامراض الجهاز الهضمي والكبد-UEG
-عضو الجمعية الاوروبية لدراسة امراض الكبد-EASL
-عضو الجمعية المصرية للبحوث والتدريب في طب الكبد والجهاز الهضمي-EARTH
---------------------------------
📍العنوان : مطوبس -ش.بورسعيد-أمام فرع ڤودافون -اعلي معرض لمبادير.
⏰المواعيد: يوميًا من الساعة 1ظهرا-٧مساء.
📞العيادة: 01018208161
📞الطبيب(واتس آب ) في حالة الطوارئ: 01283829850
🔹الكشف بالاشعة التلفزيونية واحدث الاجهزة .
---------------------------------
🌹أدام الله عليكم الصحة والعافية 🌹
