د/ رانيا سامي - Dr/ Rania Sami اخصائي العلاج النفسي

26/08/2026

" قد يتحسَّن الألم، وقد يتغيَّر شكلُه، وقد يكون أقلَّ كارثية في كل مرة لكنه سيظل موجودًا، إنه جزء منّا، إنه نحن."❤️‍🩹
سيجموند فرويد.
#حكايات نفسيه يرويها المعالج النفسي.
#اعتنوابصحكتم النفسيه.
#د/رانيا سامي.
, #اخصائي العلاج النفسي وعلاج الادمان
لدى فيزيتا أطباء.

19/08/2026

06/07/2026

لا تجعل قلبك محطةً يقف عندها من يشاء ويرحل متى شاء.
#الانتظار

06/07/2026

النضج أن تختار ما يستحق طاقتك، فليس كل موقف يستحق الإنفعال ولا كل ما يُقال يستحق الرد...دع العالم يضج.

21/06/2026

إنما يهجُرك من كان وِده مكذوباً
فإن المُحب لا يُطيق الخِصام🖤...

20/06/2026

مش كل تفكير عميق حكمة،
ومش كل محاولة للفهم بتوصلك للحقيقة.........

أحيانًا الإنسان بيبقى عالق بين:
“طب لو حصل كذا؟”
“طب لو كنت عملت كذا؟”
“طب لو القرار ده غلط؟”

ويفضل العقل يفتح أبواب وأسئلة جديدة،
لحد ما ينسى يعيش اللحظة نفسها.

من منظور نفسي، العقل بيحب الإحساس بالسيطرة،
وعشان كده أحيانًا بيبالغ في التفكير كأنه بيحميك.
لكن الحقيقة إن بعض الأمور لا تُحل بالتفكير المستمر…
بل بالتقبل، أو التجربة، أو ترك الوقت يقوم بدوره.
افتكر:
لو فكرة ما استهلكت منك ساعات طويلة ولم تمنحك وضوحًا أكبر،
فغالبًا المشكلة ليست في نقص التفكير…
بل في الإفراط فيه.

وأحيانًا، أكثر ما يحتاجه العقل المرهق ليس إجابة جديدة…
بل استراحة من الأسئلة.

#حكايات نفسيه يرويها المعالج النفسي.
#اعتنوا بصحتكم النفسية.
#لحجز جلستك النفسية تواصل مع #فريق العمل.
#واتس اب 011 27414307
#دعم نفسي.

20/06/2026

أحيانًا أكتر حاجة بنحتاجها…
هي نفس الحاجة اللي بنتكسف نعترف بيها.........
في ناس تقول:
“أنا مش محتاج حد.”
“أنا متعود أعتمد على نفسي.”
“أنا كويس لوحدي.”

لكن الحقيقة النفسية أحيانًا بتكون مختلفة............

فبعض الناس لم تتوقف عن الاحتياج،
هي فقط انك تعبت من الخذلان.
انك تعبت من أن تطلب فلا تجد،
أو أنك تقرب من حد فتُجرح،
أو أنك تنتظر فلا يأتي أحد.

ومع الوقت، يتحول الاحتياج إلى إنكار،
ويتحول الشوق إلى صمت،
ويتحول طلب الدعم إلى جملة:
“أنا مش محتاج حد.”

لكن الاحتياج للأمان، والاحتواء، والتقدير، والدعم…
ليس ضعفًا.
بل جزء طبيعي من تكوين الإنسان.
الشفاء لا يبدأ عندما تتوقف عن الاحتياج،
بل عندما تتصالح مع احتياجاتك الإنسانية دون خجل أو خوف. 💛

#اعتنوابصحكتم النفسية.
#لحجزجلستك النفسية تواصل مع #فريق العمل
#واتس اب 011 27414307



#دعم-نفسي

20/06/2026

في ناس كتير فاكرة إن اضطراب ثنائي القطب مجرد "تقلبات مزاج".

مرة مبسوط, ومرة زعلان مرة نشيط ومرة كسلان..........
لكن الحقيقة أبعد بكتير من كده.
اللى عنده اضطراب ثنائي القطب مش بيغير مزاجه كل شوية وخلاص.........

هو بيعيش أحيانًا حالة تخليه حاسس إنه قادر يغير العالم كله، وبعدها يدخل في فترة يحس فيها إنه مش قادر يقوم من السرير..........
كأن حياته متقسمة بين أقصى النور وأقصى الضلمة،بين طاقة مالهاش حدود
وإنهاك مالوش آخر....

تخيل إنك صحيت الصبح حاسس إنك عبقري..........
الأفكار بتجري في دماغك بسرعة البرق.
#مش محتاج تنام ,مش محتاج ترتاح حاسس إنك أقوى من أي حد......
بتتكلم بسرعة......
بتخطط لمشاريع كتيرر وتصرف فلوس من دون حساب دي ببساطه نوبه هوس علي خفيف كده..........

او تقلب علي النقيض وتلاقي نفسك بتكسر في البيت كله وقبلها اتفككت نفسيا مع نفسك كتيررر قبل ما تعمل كده

ممكن تاخد قرارات مصيرية في دقائق.
ومقتنع بنسبة 100% إنك صح ده بقيه نوبه الهوس الي انت تحت تاثيرها
بل ويمكن تشوف أي حد بيحاول ينصحك إنه بيحاول يعطلك أو يحسدك.
في اللحظة دي أنت مش سعيد بس...
أنت في حالة اسمها "الهوس" أو Mania........

والخطير إن الشخص وقتها غالبًا ما بيبقاش شايف إن فيه مشكلة أصلًا.
هو شايف إنه أخيرًا بقى النسخة المثالية من نفسه،من منطلق توجه معين أنا صح وانت غلط....... طيب وبعدين........

فجأة كل ده يختفي ،كأن حد ضغط زرار الإطفاء،وتلاقي نفسك مش قادر تركز.
مش قادر تشتغل........
مش قادر تستمتع بأي حاجة........

الحاجات اللي كانت بتفرحك بقت مالهاش طعم..........
الأكل مالوش طعم.
الناس مالهاش معنى.
الحياة نفسها بقت تقيلة.
كل خطوة محتاجة مجهود.
كل قرار محتاج معركة نفسيه لتنفيده
وكل يوم بيعدي وكأنه سنة كاملة.

هنا بيبدأ الوجه التاني للمرض...
الاكتئاب.
المشكلة إن الناس بتشوف جزء واحد
في ناس تشوف فترة النشاط الزائد وتقول......

"يا بختك.. يا ريت عندي طاقتك."
وفي ناس تشوف فترة الاكتئاب وتقول:
"قوم بس من السرير وهتبقى كويس."
لكن الحقيقة إن الاتنين أعراض لنفس المرض........

المرض مش كسل ولا ضعف شخصية ولا قله ايمان ولا المريض بيتدلع ولا نقص في ارادته النفسية...........

هو اضطراب نفسي وعصبي حقيقي بيأثر على طريقة عمل المخ نفسه.
ليه التشخيص بيتأخر؟
لأن معظم الناس بتطلب المساعدة وهي مكتئبة.........
لكنها ما بتحكيش عن فترات النشاط الشديد.........
بل أحيانًا بتفتكرها أجمل فترات حياتها.
فيبدأ العلاج على إنه اكتئاب فقط.
في حين إن الصورة الكاملة مختلفة.

وعشان كده الطبيب النفسي بيسأل أسئلة كتير عن فترات سابقة من النشاط والطاقة والنوم والقرارات والسلوكيات.....
لأن مفتاح التشخيص أحيانًا بيكون في أحداث حصلت من سنين........

الهوس مش دايمًا فرحة
دي نقطة مهمة جدًا.
الهوس مش معناه إن الشخص طول الوقت سعيد........
أحيانًا بيكون عصبي جدًا ومتوتر جداوبيتخانق علي اقل حاجه وينفجر غضبا من لاسباب بسيطه..........

يدخل في مشاكل مع أهله أو شغله أو أصحابه...........
لأن طاقته عالية جدًا ومخه شغال بسرعة أكبر من قدرته على التحكم فيه.
الخسائر اللي محدش بيشوفها.....

كتير من مرضى ثنائي القطب خسروا:
وظائف وزيجاتهم وصداقات كتيررر وكذلك اموالهم وفرص حب مش لانهم سيئين ،لكن لأن المرض كان بيتحكم في قراراتهم وقت نوبات الهوس........

واحد ممكن يصرف تحويشة عمره كلها خلال أيام وواحده ممكن تسيب شغلها فجاه وشخص ممكن يدخل في استثمارات خطيره ،او علاقات مؤذيه وبعد ما نوبه الهوس تخلص يكتشف حجم الكارثه ،ويعيش إحساس مؤلم جدًا بالندم..........
هل المريض يفضل كده طول عمره؟ لا
وده أهم جزء في القصة.
اضطراب ثنائي القطب من الأمراض اللي ممكن تتعالج وتتحكم فيها بدرجة كبيرة جدًا.........
ناس كتير عايشة حياة مستقرة،بتشتغل.
وبتتجوز وبتربي اولادهاوبتنجح اكاديميا ومهنيا...........
لكن السر بيكون في:
التشخيص الصحيح.
الالتزام بالعلاج.
المتابعة المنتظمة.
تنظيم النوم.
تجنب المخدرات والكحول.
دعم الأسرة له دور فعال بعدم انتكاسه مريض ثنائي القطب.
أحيانًا أهل المريض بيبقوا أهم من العلاج نفسه..........
لأنهم أول ناس يلاحظوا التغيرات.
لما يبدأ النوم يقل.
أو الكلام يزيد.
أو الإنفاق يبقى غريب.
أو النشاط يبقى فوق الطبيعي.
التدخل المبكر ساعات بيمنع نوبة كاملة.
لكن ده محتاج فهم وتعاطف.
مش سخرية،ولا لوم،ولا اتهامات..........

أخطر فكرة؟؟؟؟؟
إن الشخص يقتنع إنه بقى كويس ويوقف العلاج لوحده.
ودي للأسف من أكتر الأسباب اللي بتخلي النوبات ترجع سريعا.
لأن المرض ساعات يختفي لفترات طويلة جدًا تبعا للحاله النفسية المستقره
فيفتكر المريض إنه شفي نهائيًا.

لكن الحقيقة إن الاستقرار غالبًا بيكون نتيجة العلاج نفسه....
لان العلاج يغيب الأعراض المرضية لكن لا ينهيها..........
رسالة أخيرة.
لو تعرف شخص بيعاني من اضطراب ثنائي القطب...
افتكر إنه مش بيختار يعيش كده.
هو مش بيختار الاكتئاب.
ومش بيختار الهوس.
ومش بيختار الفوضى اللي بتحصل في حياته أثناء نوبه الهوس......
كل اللي محتاجه غالبًا هو التشخيص الصحيح والعلاج المناسب وحد يفهمه بدل ما يحكم عليه.
لأن كل سنة بتعدي من غير تشخيص أو علاج ممكن تسرق جزء من حياتك.
لكن الخبر الجيد...
إن ثنائي القطب مش نهاية الطريق.
في ناس كتير كانت تايهة وسط النوبات، وبعد العلاج رجعت تبني حياتها من جديد........

#اعتنوا بصحتكم النفسية.
#حكايات نفسيه يرويها المعالج النفسي.
#د/ رانيا سامي
#اخصائي العلاج النفسي وعلاج الادمان
#لدى فيزيتا أطباء.
#لحجز جلستك النفسية تواصل مع #فريق العمل.
#واتس اب 01127414307
#صحه نفسيه .
#علاج نفسي.
# تعافي من الصدمات العاطفية.

18/06/2026

.." كل شيء يرحل من حياتك،....
يترك مساحة لشيء أجمل." 💜..

17/06/2026

🌸 شهوات المرأة السبع 🌸

‏المقصود بشهوات المرأة ليس أنها تريد العلاقة مرات متكررة، بل أن لها احتياجات عاطفية ونفسية مختلفة إذا لُبّيت ستشعر بالسعادة والانسجام مع زوجها.......

#اعتنوا بصحتكم النفسية.
#حكايات نفسيه يرويها المعالج النفسي.
#د/رانيا سامي.
#اخصائي العلاج النفسي وعلاج الادمان لدي فيزيتا أطباء.