صيدلية المصطفي

21/04/2026

سيروم كولاجرا ريتينول 30 مل هو منتج مصري فعال لمحاربة علامات الشيخوخة، يحتوي على مزيج من الريتينول (0.3%)، الهيالورونيك (1%)، والنياسيناميد (1%). يعمل على تقليل التجاعيد، الخطوط الدقيقة، والبقع الداكنة، مع تحفيز الكولاجين لتجديد البشرة. مناسب لجميع أنواع البشرة، ويُستخدم ليلاً مع ضرورة تطبيق واقي شمس
متوفر صيدليه المصطفي

19/04/2026

ليه الأسبرين ممنوع قطعيًا للأطفال؟

طفل عنده 6 سنين، جاله دور إنفلونزا شديد وسخونية، الأم حبت توجب معاه وتنزله الحرارة بسرعة، فدته Aspirin (أسبرين أطفال) بدل الباراسيتامول.
الحرارة نزلت فعلاً، بس بعد يومين الطفل بدأ يرجع بعنف، ودخل في نوبات تشنج وغيبوبة مفاجئة! في المستشفى اكتشفوا إن الكبد والمخ حصل فيهم تضرر حاد وخطير.
الحالة دي اسمها Reye's Syndrome، وهي السبب اللي خلى الأسبرين يتمنع تمامًا لأي طفل تحت سن 16 سنة بيعاني من أعراض فيروسية.

ليه الأسبرين بيعمل كده مع الفيروسات بالذات؟
العلم بيقول إن الجمع بين الأسبرين والعدوى الفروسية (زي الـ Influenza أو الـ Chickenpox) بيعمل تدمير مباشر للميتوكوندريا (بيت الطاقة) جوه الخلايا، وخصوصاً خلايا الكبد.
لما الكبد بيتأثر، بيفقد قدرته على التخلص من السموم (زي الأمونيا)، فالأمونيا بتزيد في الدم وبتوصل للمخ وتعمل Cerebral Edema (ارتشاح في المخ). المأساة إن المتلازمة دي نسبة الوفاة فيها عالية جداً لو متلحقتش في أول ساعات.

ده واحد من أهم الـ Red Flags اللي لازم أي صيدلي يكون واعي ليها، لأن أحياناً الأم بتطلب "أسبرين أطفال" وهي فاكرة إنه آمن لمجرد إن اسمه كده.

قواعد ذهبية:

ممنوع منعاً باتاً: الأسبرين (بكل أشكاله وتركيزاته) ممنوع لأي طفل أو مراهق عنده أعراض إنفلونزا أو جديري مائي.

البديل الآمن: الـ Paracetamol هو الخيار الأول، والـ Ibuprofen (بعد سن 6 شهور) كخيار تاني.

تنبيه للأهل: لازم توضح للأم إن "أسبرين الأطفال" (الـ 75mg أو الـ 81mg) استخدامه الأساسي للسيولة عند الكبار، ومش لخفض الحرارة عند الصغيرين.

"شطارة الصيدلي إنه يمنع كارثة قبل ما تحصل.. حباية واحدة ممكن تكون هي الفرق بين الشفاء وبين العناية المركزة."

شاركونا يا دكاترة: هل لسه بتشوفوا حالات بتستخدم الأسبرين كخافض حرارة للأطفال في مناطقكم؟ وكيف بتوعّوا الأهالي بخطورته؟
#

19/04/2026

تركيبة ثنائية قوية: يجمع بين 10% نياسيناميد و1% زنك بي سي ايه للحصول على أقصى قدر من وضوح البشرة.
يقلل حب الشباب وعيوب البشرة
يقلل المسام: يشد المسام الكبيرة ويحسن ملمس البشرة.
التحكم في الزيت: ينظم إنتاج الدهون الزائدة دون تجفيف البشرة.
يُضيء البشرة ويوحد لونها: يزيل البقع الداكنة ويعزز بشرة أكثر إشراقًا.
مناسب للبشرة الدهنية والمختلطة. لطيف وفعال للعناية اليومية بالبشرة
متوفر صيدليه المصطفي

22/03/2026

لو حاسس بحرقان في صدرك بعد الأكل التقيل أو كحك العيد .احفظ دي عندك ✅✅

روشته نصائح لعلاج الحموضة المستمرة وحرقان الصدر

⬅️الحموضة اللي بتيجي بعد الأكل التقيل أو كحك العيد مش بسبب المعدة… بسبب عاداتك!

أهم أخطاء بتخلي الحموضة تزيد معاك

❌ تاكل كتير مرة واحدة (المعدة بتتضغط فالحمض يطلع لفوق)
❌ تنام بعد الأكل على طول
❌ تضرب حلويات + قهوة بعدها (كارثة للارتجاع)
❌ تاكل بسرعة من غير مضغ كويس

لو بتعمل الحاجات دي طبيعي هتحس بحرقان
طيب نهدّي الموضوع إزاي؟ 👇

⬅️ جافيسكون شراب
حل سريع أول ما الحموضة تبدأ
بيعمل طبقة تمنع الحمض يطلع لفوق

⬅️ فوناسباير 20 مجم
لو في التهاب في المعدة
الأفضل قبل الأكل
ولو نسيته ينفع بعد الأكل عادي

التركيبه دي بتريحك بشكل كبير

⚠️ لو الحموضة مستمرة أو قوية
لازم تكشف عشان تستبعد قرح أو ارتجاع مزمن

17/02/2026

16/02/2026

احفظ البوست دا عندك

افضل ميعاد لدواء الضغط العالي في رمضان ✅✅✅

بكل بساطه علاج الضغط العالي فيه منه نوعين كل نوع فيهم ليه ميعاد

⬅️النوع الاول
(علاج الضغط لوحده مفيهوش اي مدرات البول)
زي كونكور ٥ اللي في الصوره
ودا احسن وقت ليه قبل السحور

⬅️النوع الثاني
(علاج الضغط مضاف ليه ماده مدر للبول)
زي كونكور ٥ بلس اللي في الصوره
مينفعش تاخده قبل السحور لانه هيسحب مياه كتيره من جسمك ويدخلك الحمام كتير و هتفضل عطشان طول يومك
فالافضل تاخده قبل الفطار

ولو محتار لسه عرفني دواء الضغط بتاعك واقولك احسن وقت ليه

16/02/2026

كتير مننا بيشوف أكياس الـ ORS (محلول الجفاف) حاجة بسيطة، بس الحقيقة إن المحلول ده هو "قُبلة الحياة" ومنقذ الأرواح الأول في حالات الإسهال أو الترجيع، خصوصاً للأطفال.
​التركيبة دي مش عشوائية، دي مدروسة "بالملي" عشان تعوض اللي الجسم فقده:
​Sodium & Potassium Chloride: دي "كهرباء الجسم"، من غيرها القلب والعضلات مبيعرفوش يشتغلوا صح.
​Trisodium Citrate: بيظبط حموضة الدم اللي بتبوظ مع الجفاف.
​Glucose (الجلوكوز): وده مش عشان الطعم! ده "الموتور" اللي بيفتح أبواب الأمعاء عشان تسحب الأملاح والمية بسرعة.
​
​ الكيس بيدوب في كمية مية محددة (غالباً 200 مل مغلية ومبردة). لا تزود مية ولا تنقصها عشان "التركيز" ميبوظش والخاصية الأسموزية تشتغل صح.
​🔥 ممنوع الغلي: بعد ما تدوب الكيس، إياك تغليه! الحرارة بتبوظ التركيبة الكيميائية فوراً.
​⏳المحلول صالح لمدة ساعة واحدة بره الثلاجة، أو 24 ساعة جوه الثلاجة. بعد كده ارميه واعمل جديد.
​🥄 بلاش "بُق" واحد كبير عشان الطفل ميرجعش.. السر في الـ Slow Sipping (معلقة صغيرة كل دقيقتين).

16/02/2026

احفظ الروشته دي عندك

روشته لعلاج الحموضه المستمره وحرقان الصدر المستمر بعد وجبه الافطار في رمضان ✅✅✅

كل سنه وانتم طيبين
بعد وجبه الافطار والمعده مش مستعده ل كم الاكل الدسم والتقيل
فبيحصل حموضه في المعده وحرقان

الروشته عباره عن
⬅️جافيسكون شرب ودا مضاد فوري الحموضه ممكن ناخده بعد وجبه الافطار لو حسيت باي حموضه في المعده او حرقان

⬅️الدواء الثاني هو فونسيكا ٢٠ مجم ودا هنزوده لو فيه اصلا التهابات في المعده ف ناخده قبل وجبه الافطار والميزه فيه انك حتي لو نسيته قبل الافطار ممكن تاخده بعد الفطار وتاخد نفس الفايده بالظبط
ودا هيهدي من اي اعراض ممكن تحس بيها بعد وجبه الافطار

في حالات التهابات المعده الشديده والقرح ، الروشته دي لاتغني عن استشارة الطبيب

14/02/2026

*️⃣ أنواع قطرات العين في الصيدليات :

_____________

🛑 قطرة توسيع حدقة العين :

⬅️ تستخدم أثناء فحص العين ، من أجل التمكين من رؤية التفاصيل الدقيقة داخل العين وإستخدامها يؤدي إلى عدم الرؤية لمدة ثلاثة إلى ثمانية ساعات ، مع عدم وضوح الرؤية القريبة مثل

♦️ بلجيكا ،سيكلوفرين ، سيكلوبليجكا.

_____________

🛑 قطرات قابضه للشعيرات الدموية :

⬅️ تستخدم لعلاج الاحتقان والاحمرار وبعض أنواع حساسية العين المرتبطه بتغيير الجو أو الاتربه تحتوي علي قابض للاوعية ومضاد للحساسية مثل

♦️ بريزولين ، فايزين، تراي ليرج، نوستامين.

____________________

🛑 قطرة تخدير العين :

⬅️ تستخدم كمخدر موضعي للعين لفتره بسيطه في حال وجود خدوش في سطح القرنية (قطره لحام) .

⬅️ وإستعمالها لفترة طويلة قد يسبب حدوث تقرحات في العين مع تليف القرنية عند بعض الأشخاص مثل

♦️ بينوكس قطره.
____________________

🛑 قطرات علاج العدوي :

⬅️ يتم استعمال تلك القطرة للقضاء على الجراثيم المسببة العدوي سواء بكتيرية أو فيروسية
♦️ بكتيرية مثل توبريكس ،جاتيفلوكس . ♦️فيروسية مثل زوفيراكس .

___________________

🛑 قطرات مركبات الكورتيزون :

⬅️ تستخدم كمضادات للالتهابات وبعض أنواع الحساسية وبعد بعض العمليات الجراحية.

⬛ تحذير.

⬅️ استعمالها لفترات زمنية طويلة يؤدي إلى مضاعفات خطيرة مثل إضعاف الجهاز المناعي وحدوث عدوي و إعتام في العين ، أو ارتفاع ضغط العين مثل

♦️ايكونوبريد ، بريدفورت ، اوبتيبريد.

_________________

🛑 القطرات الخافضة لضغط العين ( قطرات الجلوكوما ) :

⬅️ تستخدم لعلاج عدم توازن لإفراز السائل بالعين و سرعة التصريف.

⬅️ قد تسبب صعوبة الرؤية و صعوبة التنفس لمن يعانون من الربو.

⬅️ لابد من استخدامها تحت إشراف طبي كامل في حالة حدوث تدني بالرؤية يجب الرجوع للطبيب في الحال مثل

♦️كوسوبت ، زالاتان ، توينزول .
_________________

🛑 قطرات ترطيب العيون :

⬅️ هذه القطرات تعالج جفاف العين ، وتقلل الاحمرار والحرقان وإحساس الرمل بالعين مثل

♦️ بولي فريش، هاي فريش ، نتشورال تيرز.

13/02/2026

بمناسبة الجو الجميل ده، في سؤال مهم بيتكرر كتير
هل ينفع أوقف Symbicort أول ما أعراض الربو تهدى ؟!

=خلّينا نجاوب بشكل علمي وواضح على السؤال
الربو مش مجرد أعراض صفير وضيق نفس
الربو في الأساس التهاب مزمن في جدار الشعب الهوائية
يعني ممكن تبقى حاسس إنك تمام ومفيش صفير ومع ذلك الالتهاب موجود وبيخلّي الشعب hyperresponsive سريعة الاستفزاز لأي trigger زي البرد والعدوى والروائح والدخان والمجهود والضغط النفسي
وعشان كده النوبة ممكن تيجي فجأة وبقوة حتى لو الأعراض كانت قليلة قبلها

الـ Symbicort نفسه معمول عشان يشتغل على الناحيتين
فيه Budesonide اللي هو ICS وده اللي بيطفي الالتهاب ويقلل حساسية الشعب ويقلل خطر النوبات الشديدة
و Formoterol اللي هو LABA موسّع شعب سريع وده اللي بيفتح الشعب بسرعة ويريّح العرض
فأول ما توقفه فجأة انت مش بتشيل مُسكن الأعراض بس
انت بتشيل كمان حزام الأمان اللي بيقلل خطر النوبة الشديدة

📌وده مش كلام نظري
في مراجعة منهجية وتجميعة لتجارب عشوائية لمرضى كانوا مستقرين على جرعات قليلة ICS
لما وقفوا الستيرويد الاستنشاقي زاد خطر الـ exacerbation أكتر من الضعف تقريبا RR حوالي 2.35 مقارنة باللي كملوا عليه

✅وعشان كده GINA بتقولها صريحة
في البالغين والمراهقين ما ينفعش توقف الـ ICS تماما
والهدف مش إنك تفضل على نفس الجرعة للأبد
الهدف إنك توصل لأقل جرعة فعّالة تحميك من الأعراض ومن النوبات في نفس الوقت

📌طيب لو الأعراض اتحسنت وعايز أقلل يبقى أعمل ايه صح ؟!
دي اسمها Step down مش Stop
ومش بتتعمل بشكل عشوائي

أول شرط
تحكم ثابت لمدة 2–3 شهور
يعني أعراض قليلة جدا
استخدام reliever قليل
مفيش نوبات
مفيش زيارات طوارئ
مفيش كورس كورتيزون قريب

وقبل ما تقلل لازم تعمل 3 حاجات ناس كتير بتفوتها
تتأكد من طريقة استخدام البخاخ لأن technique غلط يديك إحساس كاذب إن الدوا مش محتاجه أو العكس مش شغال
تتأكد من الالتزام لأن ناس كتير بتاخده لما تتعب وتسيبه لما تهدى وده لوحده بيزود الانتكاس
تراجع المحفزات والأسباب اللي بتبوظ التحكم زي التدخين أو va**ng حساسية الأنف rhinitis سمنة GERD اكتئاب أو قلق وأدوية ممكن تهيج الربو في بعض الناس زي NSAIDs أو beta blockers

وبعدين تختار وقت مناسب للتقليل
مش وانت عندك دور برد أو عدوى صدرية
مش قبل سفر ولا داخل على موسم معروف إنه بيزود الربو عندك
ومش أثناء الحمل لأن في الحمل العلاج الوقائي ما يتقللش ولا يتوقف حفاظا على الأم والجنين

وبتوثق baseline قبل التقليل
أعراضك بالليل والنهار
عدد مرات استخدام الـ reliever
ولو متاح قياس موضوعي زي spirometry أو peak flow

✅وبعدين تقلل صح
الـ GINA بتوصي تقلل جرعة الـ ICS بنسبة 25–50%
يا إما تنزل لقوة أقل من نفس البخاخ
يا إما تقلل عدد البخات أو عدد المرات حسب نظامك
وبعد كل خطوة تراجع وتستنى 2–3 شهور قبل ما تعمل خطوة تانية
والأهم تفضل ماشي على ICS بشكل ما
لأن الإيقاف التام هو اللي بيرفع المخاطر

👈ومهم قوي نفهم الفرق بين حاجتين
1️⃣تحكم في الأعراض يعني انت حاسس إنك كويس
2️⃣تحكم في المخاطر يعني احتمال النوبة الشديدة قليل

ممكن تبقى مفيش صفير بس عندك عوامل خطر تخلي فكرة “التوقف” خطر عليك
زي نوبة شديدة قبل كده أو دخول طوارئ
استخدام SABA كتير
وظائف تنفس قليلة
تدخين
التهاب أنف شديد
التزام ضعيف
تقنية بخاخ غلط

📌طيب هل في ناس ينفع تمشي على Symbicort عند اللزوم فقط ؟!
أيوه موجود بس مش لكل الناس وبشروط
الـ GINA عندها Track 1 للبالغين والمراهقين وفيه reliever مفضل اسمه low dose ICS-formoterol عند اللزوم وده مناسب خصوصا في الربو الخفيف Step 1–2 وبيقلل النوبات الشديدة مقارنة بفكرة SABA فقط

بس خلي بالك دي قاعدة مرتبطة بـ formoterol تحديدا
مش أي ICS-LABA ينفع يتاخد كـ reliever
ولو انت أصلا على بخاخ maintenance فيه LABA مختلف مش formoterol يبقى ماينفعش تستخدم ICS-formoterol كإنقاذ من دماغك لازم خطة علاج واضحة

📌في علامات بتقولك إنك قللت أسرع من اللازم
كحة بالليل
صحوة من النوم
احتياج reliever أكتر
ضيق نفس مع مجهود كان عادي
صفير بسيط حتى لو متقطع
ودي مش وسوسة دي دليل إن الالتهاب بيرجع يطلع تاني وساعتها الصح ترجع خطوة وتراجع الخطة

✨الخلاصة
اختفاء الأعراض مش معناه إن اختفاء المرض
الربو بيهدى بعلاج فيه ICS
وبينتكس لما تشيل الـ ICS فجأة
فما توقفش Symbicort مرة واحدة
لو مستقر اعمل Step down تدريجي بذوق وبقواعد
وتحت متابعة وخطة مكتوبة
ولو مناسب لحالتك ممكن تتحول لنظام عند اللزوم لكن بشروطه الصح مش بالتجربة
بس كده 😊 ♥️ مهم نشير المعلومات دي 🤍
منقول