د. محمود فراج - Dr. Mahmoud farrag

31/03/2026

الالتهاب السحائي
اخيرا
توضيحًا للوضع الوبائي الخاص بالالتهاب السحائي، أود الإفادة بأن ما تم تداوله حول تزايد الحالات غير دقيق 🦠. الوضع الوبائي مستقر ومطمئن 🛡️. لا توجد بيانات رسمية صادرة عن وزارة الصحة تدعم هذه المزاعم ⚕️. لذا، أدعو إلى عدم الانزعاج وتجنب نشر الشائعات التي قد تثير القلق 🔬.

31/03/2026

تطعيمات هامه للوقايه من مرض الألتهاب السحائي "Meningitis "

زي ما قولنا قبل كده ان الالتهاب السحائي عباره عن التهاب في الاغشيه المحيطه بالمخ ويرجع خطورته في اهميه المكان ده المسئول عن جميع الاشارات العصبيه للجسم ..
وان الالتهاب السحائي بيتشخص بوجود 3 اعراض مهمه جدا وهي الحراره العاليه الصداع وتخشب في الرقبه مع اضطراب في درجه الوعي ولازم وجود الثلاثي ده للشك في المرض
وان معضم الالتهابات الي بتحصل في الجسم زي التهاب الحلق والتهاب اللوز والتهاب مجري البول والنزلات المعويه واي خراج حتي في الاسنان ممكن يعمل اعراض السخونيه العاليه والصداع والهمدان وغيره بس الالتهاب السحائي بيتميز ب تخشب الرقبه مع اضطراب في درجه الوعي ومنها تشنجات قويه متتاليه ..
وبالتالي مفيش داعي للقلق المستمر من ارتفاع الحراره لوحدها ويمكن اعطاء الطفل خافض للحراره لحد مانزور الطبيب

طرق الوقايه
1. اتباع العادات الصحيه السليمه من غسيل الايدي واستخدام المناديل وتجنب الاماكن المزدحمه وتجنب الاختلاط مع الاطفال المرضي قدر الامكان ..

2. ::التطعيمات ::
هناك ثلاث تطعيمات هامه للوقايه من مرض الالتهاب السحائي وهم

-تطعيم (الالتهاب السحائي) المكورات السحائية:

1- تطعيم المدارس والحضانات من عمر سنتين ويعطي كوقاية ، ويمكن تكراره كل 3 سنوات، ويمكن التطعيم مع بداية كل مرحلة دراسية (حضانة، ابتدائي، إعدادي، ثانوي).

2- المصل الرباعي ".Nimenrix " و "Menectra " يحمي من اربع سلالات من هذه البكتريا ACYW
فاعليته أفضل ويعطي مناعة للطفل حتى خمس سنوات، وهو متوفر في العيادات الخاصة وفروع المصل واللقاح ومتوفر أيضا في بعض المراكز الطبيه الحكوميه

3- مصل Bexsero النوع B
وده مصل جديد بيحمي الطفل من النوع ب الي مش موجود في الأنواع الأخري ومتوفر في العيادات الخاصه وبعض الصيدليات

- تطعيم المكورات الرئوية بأنواعه:

وهو غير إجباري في مصر لكن موجود بالعيادات والمصل واللقاح، ويؤخذ في أول سنة عند شهرين وأربعة وستة أشهر وجرعة تنشيطية ما بين عام وعام ونصف.

- تطعيم الأنفلونزا من النوع "ب" ويطلق عليه الانفلونزا البكتيريه .

وهو تطعيم ضد بكتيريا النزلة المستدمية من النوع "ب" (Hib vaccine)، وهو إجباري ضمن تطعيمات وزاره الصحه المصريه في سن شهرين و4 و6 أشهر. ويحتاج لجرعه تنشيطه في عمر السنه ونص

وفي الاخر بقول لا داعي للقلق وان مفيش بيانات رسميه تؤكد زياده معدل الاصابات عن الاعوام الماضيه
واسأل الله الشافي ان يشفي اطفالنا ويحميهم من كل سوء ..🙂🙂
# #دمحموداحمدفراج
اخصائي طب الاطفال وحديث الولاده
# #الالتهاب السحائي

31/03/2026

الالتهاب السحائي meningitis

هنتكلم عليه بطريقه سهله وبسيطه عشان نلم الموضوع هنحطه في صوره اسئله ونجاوب عليها

اولا ايه هو المرض ده ؟؟
ده وصف لالتهاب الاغشيه المحيطه بالمخ زي اي التهاب ممكن يكون في الجسم
ثانيا ليه هو خطير ؟؟
لانه لالتهاب ده في مكان خطير جنب المخ الي هو الجهاز المسئول عن امداد الجسم بكل الاوامر العصبيه والاشارات الهامه عشان يشتغل مظبوط

يعني لو طبقنا ده علي التهاب اللوز هتلاقيه بنفس المنطق بس باختلاف اهميه العضو المصاب

التهاب الاغشيه المحيطه بالمخ اخطر من اللوز لانه في مكان حساس بس هو هو نفس الفكره الخاصه بالالتهاب عامه بقول كده ليه لان الاطفال بتيجي بالتهاب الحلق العادي البسيط الي بيحصل علي طول الناس بتفكر علي طول التهاب سحائي واتسألنا الاسبوع الي فات عنه كتير

ثالثا ايه اعراضه ؟؟
بدايته 3 حاجات اساسيه سخونيه عاليه وصداع وتخشب في الرقبه مع تغير في درجه الوعي للطفل
العلامات ده مهمه للتشخيص يعني محدش هيشخص التهاب سحائي من غير الثلاثي ده
وجود الثلاثي اساسي في التشخيص

باقي الاعراض بتكون موجوده في كل الاتهابات زي همدان تغير في نشاط الطفل تكسير الجسم وغيرها

طب ثواني كده !!!

يعني الي هيفرق بينه وبين التهاب الحلق العادي والتهاب اللوز والتهاب مجري البول والنزله المعويه
وجود تخشب في الرقبه واضطراب درجه الوعي للشخص ومنها طبعا التشنجات ده علامه مهمه للتشخيص
وباقي الاعراض زي اي التهاب

طيب بيحصل ازاي ؟؟
اغشيه المخ ده في مكان مقفول ومحكم ومتأمن عليه اوي عشان يوصله ميكروب لازم من 3 طرق
الاول : عن طريق الدم يعني مثلا التهاب عنيف في احد اعضاء الجسم واشهرهم الرئه وبعدها الميكروب ينزل الدم ويوصل للمخ
يعني التهاب رئوي عنيف وبهدها بيومين الطفل بيتشنج مع تخشب في الرقبه واضطراب درجه الوعي

التاني : من خلال عضو قريب من المخ يعني بنسميه الانتقال المباشر زي التهاب الجيوب الانفيه ومنها التهاب الاذن الوسطي ومنها للمخ مباشره
عشان كده بنقول التهاب الاذن الوسطي خطير

الثالث : من خلال جرح عميق في الرأس لدرجه انه تخطى الجمجمه ومتنضفش كويس ومتعالجش كويس

في اسباب اخري مش مشهوره زي جلطه من القدم وتكون الجلطه ده بها ميكروب

ايه درجه خطوره المرض ده ؟؟
خطير لاعلي درجه ممكن يؤدي الي الوفاه او بيعمل عاهه في الاطفال

ايه انواع الميكروبات الي بتسببه ؟؟

بكتريا اي نوع بكتريا ممكن يعمله زي اي التهاب في الجسم
اشهرهم في الاطفال الانفلونزا البكتيريه الي احنا اخدنا التطعيم بتاعه في عمر شهرين واربعه و6 شهور

ميكروبات غير بكتيريه
الفيروسات او الدرن وبعض الفطريات

الوقايه ؟؟
اتباع وسائل مكافحه العدوي العاديه
يعني غسيل الايدي واستخدام المناديل اثتاء البرد والابتعاد عن الاماكن المزدحمه وتهويه الفصول والمدراس بشكل مناسب ..

ثانيا التطعيم ضد المرض بالمصل الناسب للطفل وحسب عمره
وهنتكلم مره تانيه عن التطعيم عشان طولت عليكم جدا
واخيرا اسأل الله ان يحمي اولادنا من كل سوء واحب اطمنكم مفيش كلام رسمي نزل من وزاره الصحه بزياده معدل الاصابه في الايام الماضيه فلا داعي للقلق والله هو الحافظ
#دمحموداحمدفراج
اخصائي طب الاطفال وحديث الولاده

26/03/2026

الهديه هتبدا من يوم السبت القادم ومستمره طول السنه مش شهر معين كل طفل في يوم عيد ميلاده فقط

26/03/2026

26/02/2026

أعتذر أحبائي عن غيابي عن العيادة أمس الأربعاء واليوم الخميس 26/2/2026 لظرف صحي طارئ. 😔 لم أتمكن من الرد على الواتس أيضًا لذات السبب. سأعود للعمل السبت القادم بإذن الله. 🙏 أتمنى تفهمكم! ❤️

21/02/2026

مواعيد العمل في رمضان المبارك 🌙 ستبدأ الحجوزات الهاتفية يوميًا من الغد الساعة 10 صباحًا، من السبت إلى الخميس. للإستفسار والحجز، يرجى الاتصال على الأرقام: 01210120185 أو 0663211060. سوف يسعدنا أن نخدمك في هذه الفترة المباركة.

03/01/2026

السلام عليكم
بعتذر جدا عن العياده هذا الاسبوع لظروف مرض والدي الشديد وارجوا منكم الدعاء له بالشفاء العاجل
ربنا يشفي الجميع يارب

17/12/2025

شفاها الله وعافاها وتسلم ايدك دكتورنا الكبير ⚘️