26/08/2026
الطفل مش مجرد شاهد على الخناقة… الطفل بيعيشها من جوّه. 💔
متخيلين في لحظة زي دي الطفل بيكون حاسس بإيه؟
أهم اتنين في حياته… ومصدر الأمان الأول بالنسبة له… بيتخانقوا قدامه، ممكن يوصل الأمر للإهانة أو الشتائم أو حتى الضرب.
الطفل ممكن يحس بـ:
• خوف وتوتر مستمر.
• عجز وقهر، خصوصًا لو شاف أحد والديه بيتأذى ومقدرش يدافع عنه.
• ارتباك وولاء منقسم: «أنا بحب بابا وماما… أقف مع مين؟»
• غضب ممكن يظهر في صورة عدوان أو عناد.
• فقدان الإحساس بالأمان والثقة في الآخرين.
والطفل أحيانًا مش بيعرف يقول:
«أنا خايف… أنا متوتر… أنا مش حاسس بالأمان.»
فيبدأ يقولها بسلوكه.
ممكن نلاحظ تغير في سلوكه، عدوانية، مشكلات في التركيز والتحصيل، قلق، انسحاب أو نوبات غضب، وغيرها من الاستجابات النفسية والسلوكية.
ومهم جدًا نفهم إن مش كل طفل هيظهر عليه نفس الأعراض، وإن سلوكًا معينًا زي التأتأة أو التبول اللاإرادي مش بنقدر ننسبه للعنف الأسري وحده.
لكن حاجة واحدة أكيدة:
الخلاف بين الزوجين مش دايمًا بيقف عند الزوجين… أحيانًا الطفل بيشيل أثره جواه.
فلو لازم تختلفوا…
اختلفوا بعيد عن أطفالكم. ❤️🩹
