22/08/2026
الحسك الارضي من الفصيلة القديسية او الرطريطية، والرطريط من البناتات اللي تنمو في مصر ايضًا لكن قبل معرفة ال DNA في النبات، عد العلماء الحسك الارضي من نفس الفصيلة وهي الفصيلة القديسية او فصيلة الرطريط، وسبب هو متعلق بشكل تنسيق الاوراق وشكل البتلات بل والعقد المنتفخة اللي بتطلع منها الزهور في الفصيلة، دي تقريبا واحده في كل الفصيلة، مفيش اختلاف، طبعا مش معنى شكل واحد، اننا نقصد تطابق كل اجناس الرطريط في الشكل الكلي، ده مش اللي نقصده بل نقصد النمط في توزيع الاوراق وعدد اوراق البتلات و انتفاخ العقد قبل الازهار وغيرها من الامور.. والعقدة المنتفخة في الحسك الارضي هي البرعم اللي بيكون فيه نوعية شوك مختلفة عن اي حسك تاني متميز بكونه شوك قوي لدرجة ممكن يثقب اطار العجلة..
الاهم بعد التطور العلمي في اخر ٢٠ سنة، وجدوا بالفعل ان الحسك الارضي من نفس الفصيلة القديسية اللي صنف تحتها من زمن الزمن، والتصنيف الحديث اكد التصنيف القديم بناء على ال DNA وفي موسوعة flora Egypt نجد التفاصيل دي..
وبسبب قوة الشوك فيه سموه برده ضرس العجوز، واسماءه مختلفة منها قطب منها حمص جبلي وضريسة، اهم مركب كان سبب الاهتمام بها في البداية هو البروتوديوسين، والمركب ده يتوفر بكمية كبيرة في الحسك الارضي اللي ينمو على ضفاف الاودية الجبلية اللي تربتها بركانية لذا يتوفر مركب البروتوديوسين بكمية معتبرة في الحسك الارضي اللى على ضفاف وادي النيل خاصة في الصعيد والدلتا، واودية سيناء، واودية الصحراء الشرقية، وكذلك في اودية المدينة ومكة وعمان وضفاف دجلة والفرات في العراق والشام، عامة اي تربة غنية بالمعادن خاصة البركانية.. لذا هنلاقي ترابط بين البيئة الجبلية وبين تركيز البروتوديوسين ..
بقول التفاصيل دي ليه؟ لازم اوضح لان البعض يعيب علي طول المقال؛ السبب ان انا بتأمل في صنعة الخالق ولان من اهم الطرق اللي تكلمت عنها في مقالات سابقة للفهم هو فهم اللغة الربانية، وهي كم اقلت من قبل، ان الله اتاح العلم للبشر بمستويات عدة، ولغات عدة، بداية من اللغة البسيطة السهلة، التي تعتمد على الملاحظة والاستنباط والحدس، الى ان نصل للغة الاصعب وهي اللغة الرياضية البحتة والجينات..
وايضًا لكي اؤكد اهمية تراكم الخبرات يعني لما تجد بدوي يقول لك بخبراته وملاحظته ان العشبة دي تعالج كيت وكيت لا تستهين بكلامه بل لا تستهين بمراجعاته سواء
