د. ساره يوسف "أخصائي أطفال وحديثي الولاده"

01/08/2026

Waiting for all of you 🤩✨️

11/07/2026

11/07/2026

28/06/2026

#ارتفاع درجه الحراره عدو أم صديق🤔 #
👋🤝
:أولآ
👀لازم نعرف إن الحرارة دى تفاعل حميد فى الجسم دى نتيجة خناقة مابين جهاز المناعة والميكروب ،، يعنى 👌دة معناه ان مناعة طفلك كويسة جداً،، .
:ثانيا
❗👩‍⚕️⁦ امتى تقلقي من الحراره العاليه ؟؟
ولازم تروحي للدكتور🏃‍♀️

١-لو الحرارة مش بتنزل للمعدل الطبيعي بالخوافض والكمادات (الحرارة مِعَلّقَة زي ما بيقولوا)😖
٢-لو خفّضْتي حرارة الطفل ولقيتيه لسه برده همدان وفاقد الشهية للاكل واللعب.🛏️
٣-لو خفضتي حرارة الطفل و لقيتيه لسه بينهج او بينت
أو نَفَسُه سريع أو معاه كحة شديد
٤-لو ظهر أي طفح جلدي مع الحراره🤒
٥-لو صاحب الحرارة آلام في الأذن أو صديد خرج من الأذن.
٦-لو في رشح مع الحرارة و تحول لونه الى اللون الأصفر أو الأخضر🔎🤧
٧-لو مع الحرارة ظهر حرقان في البول أو آلام في أو البطن
٨-لو ظهر مع الحرارة تشنجات (التشنجات الحرارية)
٩-لو ظهر مع الحرارة آلام في مؤخرة الرأس أو تيبُس في الرقبة🙄
١٠-لو كانت الحرارة بسبب خراج في الجسم أو التهابات في الأنسجه
١١_لو الحراره مصاحب ليها ضعف عام او آلام في العضلات او خمول او فقدان الشهيه 🤢
١٢-لو الطفل المصاب بالحرارة عُمْرُه أقل مِن٤ شهور👶🏻 .(في السن دا لو لقيتي حرارة اتحركي فوراً على الدكتور بتاعك وبالذات لو البيبي في أول أسبوع من عُمرُه.
١٣-لو ابنك لا قدر الله من اللي عندهم أمراض مناعية و بياخد كورسات كورتيزون أو وراثية أو بياخدوا كيماوي
شفاهم الله وعافاهم وحَفِظَ أولادنا جميعاً من كلّ شر.🤲

🔹طيب ممكن أصبر أد إيه على الحرارة يا دكتورة؟؟؟🤔
ممكن تصبري ٣ ايام لو الحراره بتروح وبتيجي و الولد بيستعيد نشاطه بمجرد ما الحرارة تروح و بياكل ويشرب ويلعب عادي و لو ما صاحبتش الحرارة أي أعراض من اللي قلتها دى واللي تستدعي استشارة الطبيب فوراً 🙂

⁦👩‍⚕️⁩ طيب ايه هو سبب السخونه؟؟؟

سبب ارتفاع الحرارة ممكن يكون سبب خارجى كالجو الحار جداً والرطوبة العالية مع زيادة الملابس🥵 ( ملبّساه الدولاب كلُّه!! خاصه حديثى الولاده والله فيه عيال بتدخل فى جفاف من اللبس اللى بيسبب سخونه بسبب لبس الدولاب كله)
،، أو ممكن داخلى كالأمراض الفيروسية والبكتيرية وزيادة نشاط الغدد وغيرها
ومادام الطفل مجالوش تشنجات حرارية قبل كدة متقلقيش من الحرارة اتعاملى بهدوء خاااااالص :

*******************************************
🔹ازاي اتعامل مع الحراره؟ 😖
1- قيسى الحراره 🙍‍♀️

مهم أوى نعرف نقيس الحرارة ازاى ،،
الترمومتر الزئبقى لمدة ٢-٣ دقائق أو الرقمى لغاية ما يصفّر، تحت الإبط ونزود نصف درجة ، أو في الفم تحت اللسان من غير زيادة أو نقصان . لو هتجسّي باليد يبقى ضهر اليد على البطن او تحت الإبط👐
2_طب الولد طلع سخن اعمل ايه بقى ✍️

* لو تحت ٣٨،٥ والطفل لطيف ولذيذ وبيلعب ،، ولا تعملى اى حاجه ! ،، خففى اللبس لطبقة واحدة ،، تهوى الغرفة والبيت كويس ،، تشغلى مروحة أو تكييف على ٢٤ ،، نشرب الطفل سوايل كتير عشان ميحصلش جفاف ،، وتسيبى الطفل يلعب عادى بلاش ننيمه في السرير وتشيليه و نعيشه في دور التعبان وماكانش يومك يا قلبى والجوّ ده :)
* الو لحرارة >٣٨،٥ كمان منقلقش ،، نستخدم خافض حرارة بالفمّ ،، وادي سيتال أو بروفين لعمر فوق 6 شهور خففي الهدوم وهوي الاوضه وحميه بمياه فاتره كل ساعه وكمادات شرب ميه كتيير وبرضو تانى نعرف إن غلط جداً تغطية الطفل عشان شايفاه بيرتعش ،، أو عشان يعرق فيخفّ ،، كل ده بيزود الحرارة ولازم نصبر برضو🙆‍♀️
وافتكرى ان الطفل ممكن يكون مقريف وهو سخن وكويس جدا بعد السخونه لما تروح ،، اهم حاجه الحموم كل ساعه بمياه فاتره..

3_الحراره مقياس مش احساس

المايه الساقعه دى تعذيب للطفل بمعنى الكلمه وممكن يعمل صدمة لا قدر الله ويوقف القلب ،،
والاكثر عجبا ان فى ناس بتدى كحول بالله عليكى نبعد عن الكحول ،، لإن استنشاقه ممكن يؤدى للإغماء وحصل فعلاً

4_ معظم أسباب الحرارة فيروسية ،،

عشان كده ،،إوعى تدّى طفلك أنتى بيوتك إلا بعد الكشف وتحديد اذا كان محتاج أو لأ ، بشوف أطفال كتير جدا واخدين جرعات غلط ،، جرعات ناقصة ،، وده بيؤدى لتوحش الميكروب ،، ومقاومته للعلاج !!

5-افتكري ان السخونه فى البيبى حديث الولاده لازم على طول على الدكتور مافيهاش هزار خالص بعد الخافض والكمادات

👈 اصبري على السخونه من فضلك بأقول وانا عارفه قلبك وأعصابك وضغط اللى حوليكى عليكى
بس نصبر ونتعلم كويس نعمل ايه من غير مانجري على المضادات الحيوية حاجه تستحق العناء عشان صحتهم ومناعتهم مستقبلا😇
👆
اصبري علي العلاج ومتستعجليش لكن لو الحراره استمرت اكتر من ٣ ايام بدون ما تنزل تدريجياً..ارجعي للدكتور اكيد هيفحصه تاني وممكن يطلب تحاليل....
،،

🌼لو عندك أي استفسار بخصوص الأطفال تقدري تتواصلي مع د. ساره من خلال الصفحه او تشرفينا في العياده🌼



للحجز :-
01140383705

العنوان:-
قنا - المعبر-شارع المديريه الماليه - بجوار مستشفي الجامعه - أعلي معرض المهندس

04/06/2026

التطعيم مهم جدا 👌

25/05/2026

كل عيد وكل أطفالنا طيبين وبأحسن صحه وأفضل حال 🥳🤩عيد أضحي مبارك🤩😇

11/04/2026

💫كل سنه واحنا جميعآ بخير وصحه وسلام✨️🥰
عيد قيامه مجيد