19/06/2026
*انت خايف من البرشامة ليه ؟؟؟
سؤال لمرضى السكر اللى مش عايزين ياخدوا برشامة السكر ..
مرضى السكر اما البنكرياس منتهى تماما ودا ممكن يكون نوع اول او تاتى ودول ترك الانسولين بالنسبة لهم = الموت
وأما البنكرياس منتهى جزئيا ٥٠ % او ٤٠ % او ٣٠ % او ٢٥ % ......الخ
ودول لازم مع العلاج حمية ورياضة على حسب كفاءة البنكرياس
أعطى مثال فقط للتوضيح
لو مريض سكر عندو الارقام ٥٠٠ ممكن يعمل حمية يعنى تنظيم اكل و تقليل من النشويات اكيد حينزل السكر بس حينزل فى حدود معينة فمثلا مثلا مجرد مثال ٥٠٠ تنزل تبقى 350 طيب لو نفس الشخص مارس رياضة فممكن مثلا مثلا تنزل 350 لغاية 250 طيب لسا انا عايز انزل كمان 100 هنا لازم أتدخل بالأدوية
طيب يجى مريض سكر يقولك انا على نظام اكل معين وسكرى ظبط
ودا واحد من اتنين اماالسكر عندو لسا فى البداية وكفاءة البنكرياس لسا بخيرها فممكن يظبط بالحمية
أو الشخص حيظبط التراكمى معاه لكن سكرو مش حيبقى ظابط 24 ساعة ايوا صح ممكن التراكمى يكون مظبوط والصايم او الفاطر مش مظبوط فتلاقى اوقات معينة خلال اليوم بالليل او البنهار بيرفع فيها السكر وهو مش دارى طيب وايه المشكلة ان السكر يرفع مرة ولا مرتين خلال النهار او الليل اذا كان باقى اليوم مظبوط
المشكلة كبيرة جدا صعود وهبوط السكر الفجائي بيحصل فى الناس اللى معتمدين فى علاجهم على الاكل فقط بدون علاج ودا بيدمر شبكية العين تحديدا وشبكية العين دى يعنى نور عينك وبيزود المضاعفات على كل الجسم
ثم ايه المشكلة انى اخد قرص سكر كل يوم واحمى جسمى من جلطات وفشل كلوى وعمى وفشل قلب كل دا ببرشامة واحدة يامؤمن
قمة السذاجة والغباء انى أرفض اخذ برشامة سكر = الحياة تقريبا لمريض السكر
وفى نفس الوقت ابحث عن صحة فى حمية بدون ادوية كل دا عشان اثبت لنفسي ان انا معنديش سكر مثلا ومش باخد ادوية سكر لو عملت كدا فأنت سا ذج جدا لأنك أنت الآن حتاخد برشامة واحدة بعد سنة او اتنين مش حينفع ٣ او ٤ برشامات غصبن عنك او انسولين لان ساعتها مش حتنفعك الحمية حتى لو منعت كل الاكل اللى فى العالم لأنك دمرت البقية الباقية فى البنكرياس بايدك بسبب اعتمادك على تنظيم الأكل فقط ..
الخلاصة :
العلاج الثلاثى للسكر لننجو من المضاعفات ونحافظ على مخزون البنكرياس .. لازم التلاتة لازم التلاتة لازم التلاتة مع بعض حتى لو السكر ظبط بواحدة منهم لازم التلاتة لازم
١ - الحمية وتنظيم الكل
٢- الرياضة واقلها المشى ساعة
٣- الأدوية
لو فقدت ايا من الثلاثة فأنت فقدت السيطرة على ٣٣% من مضاعفات السكر ( اذكر بها مرة اخرى جلطات.. فشل كلوى ..فقد البصر فجأة ..غرغرينا وبتر .. فشل عضلة القلب .. التهابات فى جميع أعصاب ومفاصل الجسم ..وللعلم مريض السكر مش بيموت من السكر .. بيموت من المضاعفات خصوصا الجلطات والقلب
واخيرا سؤال ياريت كل مريض سكر مش عايذ ياخد برشامة السكر يجاوب عليه .
السؤال : انت خايف من البرشامة ليه ها ليه خايف منها خليك شجاع وجاوب بصراحة ؟؟
انت خايف من البرشامة ليه ؟؟؟سؤال لمرضى السكر اللى مش عايزين ياخدوا برشامة السكر ..مرضى السكر اما البنكرياس منتهى تماما ودا ممكن يكون نوع اول او تاتى ودول ترك الانسولين بالنسبة لهم = الموت
د أحمد حجاج مدرس الغدد الصماء والسكري وأمراض الكلى والباطنة العامة م
قوص ش الجمهوريه بعد البهاء زهير أمام ماركت الصفا والمروة أمام صيدلية القذافي
01146298199
