Dr. Nourhan El-Afandi د نورهان الأفندي - للجلدية والشعر

25/08/2026

من كام يوم شفت فيديو كارثي ل "بلوجر "
بتروج للعلاج ده أنه تحفة وجميل وسحر في علاج تساقط الشعر

ويلا يا ستات خدوه 🙄🙄🙄🙄
عشان شعركم يوقف يتساقط
نتائجه هايله معايا

استني بس حضرتك
انتي عارفة العلاج دة عبارة عن ايه

أيوة saw palmetto وزيت بذور اليقطين 🫡🫡

ماشاء الله برافو

انتي عارفة دول بتوع ايه

بيوقفوا التساقط

جميل ، هما فعلا بيساعدوا مع المينوكسيديل في حالات التساقط الهرموني

جميل وايه كمان

لا هو خلاص كدة 😎😎😎

لا مش خلاص

انتي عارفة أن المكمل دة لو ست اخدته وكانت بتاخد حبوب منع حمل ، كدة يبطل مفعولها 😁😁

ومبروك المدام حامل 😵‍💫😵‍💫

انتي عارفة أنه بيعمل نزيف للسيدات

طيب بلاش انتي عرفة لو واحدة حامل أخدته او بترضع

هيأثر علي نمو الاعضاء التناسيلة بتاعت ابنها 😱

وهيبقي مش معروف دة ولد ولا بنت ☹️
........

بلاش نسمع لاي حد بيروج لاي منتج قبل م نسأل أهل الاختصاص

احنا بيجلنا بنات وستات كاشفين عند شات جي بي تي والتيك توك واليوتيوب وفعلا بيسمعوا كلام البلوجرز وبيجربوا كمية منتجات وحاجات مهولة

ومش بيجوا الدكتور غير م يحصل مشكلة
او مش شايفين نتيجة من المنتج الي جابوه .

بس هنا المرة دي الغلطة بكارثة

شير البوست
عشان المعلومات توصل لكل حد

#دنورهان مصطفي الأفندي
اخصائي الامراض الجلدية والشعر






#الحمل

21/08/2026

حالة من حالات الشعر في المستشفى 🩷

حاجّة خمسينية حلوة كدة دخلت تكشف

يا دكتورة… أنا عندي اكتئاب 🫩

استر يارب .. ايه الداخلة دي

ومين فينا يا حجة معندوش اكتئاب؟ 😂

خير يا حجة 😰؟ مالك؟ عندك اكتئاب من إيه؟!

من شعري يا دكتورة 🙂‍↕️

بصيت لها وقلت:
يعني يا حجة كل حاجة في الدنيا مش عاملالك اكتئاب…
وشعرك الغلبان هو اللي جابهولك؟ 🫣😂

قالتلي:
«يا دكتورة والله بكلمك بجد!»

قلت لها:
ما أنا بكلمك برده بجد يا حاجة 😂 دة انتي كدة تتحسدي 😇 معندكيش سبب غير شعرك 😁😁

انتي عسل يا دكتورة

شكرا يا حاجة

المهم… ماله شعرك يا ستي؟

قالتلي:

شعري أبيض يا دكتورة.

😳😳😳

قولتلها:🤨
إنتِ عندك كام سنة يا حجة؟

قالت:
٥٠ يا دكتورة.

وأنا جوايا:
صبرني يااااارب 😂😂

«عاملة أمن العيادة في الركن بتفرفر بتقولي على كدة يا دكتورة أروح أدفن نفسي» 😅

قولتلها:
توكلي على الله 🤗

الحاجة: يا دكتورة اصبري عليا واسمعيني 😔

قولتلها:
منا يا حاجة لو صبرت وسمعت…
الناس اللي على الباب مش هيصبروا،
هيكسروا علينا الباب…
ويجيلي اكتئاب أنا كمان 😂😂 وهوة اصلا موجود

«ما هو يا دكتورة جوزي عمال يتريق عليا وبيقولي إني مش بهتم بنفسي 😣 ،
«فرحت صبغته بصبغة الرِجل دي…»
وأنا في سري:
نفسي أسألها: إيه صبغة الرِجل دي؟ 😂😂
بس مرضتش…
الناس برة هتاكلنا

قلت لها:
طيب يا حاجة… بعد ما صبغتيه حصل إيه؟

قالتلي:
وقع يا دكتووووورة 😭😭😭
وبقى ناشف وهايش…

وجوزي عمال يتريق عليا برده 🤕😂

قولتلها:
طب ما تقولي كدة من ساعتها يا حاجة 🥱😂
خلاص… فهمت المشكلة.

هكتبلك علاج للتساقط، وهتمشي عليه فترة…
وهتاخدي مقويات تساعد على تحسين حالة الشعر شوية .

قالتلي:
وعايزة حاجة للترطيب يا دكتورة 🥹
قولتلها:
عنيا يا حاجة ❤️
هتاخدي كذا وكذا وكذا

وهتعملي كمان التحاليل دي… وتوريهالي.

بصتلي وقالت:
إيه ده يا دكتورة؟!

هو مافيش الحاجات دي في المستشفى 😇

زمانها ورت جوزها ورقة العلاج والتحاليل
جاله اكتئاب هوة كمان ..... وهو المطلوب 👹
عشان يبطل يتريق علي مراته

ويبقي كدة عالجنا الحاجّة .... بالصدمة لجوزها

21/08/2026

النتيجة بتتكلم عن نفسها!
من الفراغات وضعف البصيلات.. لكثافة ممتازة وقوة ملحوظة في وقت قياسي.

ليه العلاج بالحقن هو الحل الأمثل بنضيفه لبرنامج علاج التساقط ؟

تغذية مباشرة: توصيل المواد المغذية والمحفزة لجلد الفروة وجذور الشعر مباشرة.

تحفيز الدورة الدموية: إعادة الحياة للبصيلات الضعيفة لتحفيز نمو شعر جديد وأكثر سمكاً.

إيقاف التساقط: تقليل التساقط النشط بشكل ملحوظ من الجلسات الأولى.

و السر دايماً بيكمن في اللتشخيص الدقيق بالديرموسكوب واختيار التركيبة أو الجلسة المناسبة لحالة فروة رأسك بالظبط وعلي حسب حالتك .

#دنورهان الأفندي
اخصائي الامراض الجلدية والشعر

الجمعة عيادة د أيمن حميد شارع الصالون الأخضر
من ٢ ل ٤ مساءا

الاربعاء مركز لارين مول عمر أفندي
من ٢ ل ٤ مساءا

19/08/2026

أم جابت ابنها بتشتكي إن في جزء من فروة رأسه "بياكله" وبيحكّه باستمرار.

بالكشف العادي… الموضوع كان ممكن يعدّي حكة بسيطة. 🤔

لكن لما دخلنا جوة الديرموسكوب 🔬

لقينا علامات تينيا فروة الرأس في مراحلها الأولية جدًا. 🧐

وهنا تظهر أهمية الديرموسكوب…
أحيانًا بيكشف لنا تفاصيل مش واضحة بالعين المجردة، وبيساعدنا نلحق المشكلة بدري قبل ما تتطور. ❤️

دنورهان الأفندي
اخصائي الامراض الجلدية والشعر



#ديرموسكوب

18/08/2026

👩‍👦 مامته جايبة الطفل وبتقولّي

"يا دكتورة، طول الوقت بيهرش في فروة رأسه… ومش عارفة السبب!" 😣

بصيت على فروة رأسه، لقيت قشور واضحة مع احمرار والتهاب.

وهنا السؤال 👀

هل هي مجرد قشرة عادية؟

ولا إكزيما دهنية محتاجة علاج مناسب؟

🔬 وبالفحص بالدرموسكوب

قشور دهنية + حكة + احمرار = لازم نعرف السبب قبل ما نبدأ العلاج.

#دنورهان الأفندي
أخصائي الأمراض الجلدية والشعر








#ديرموسكوب

17/08/2026

حاجة طالعة على خد البنوتة…
وعلى شكل صوابع 😳

ده نوع مميز من السنط اسمه
Filiform wart 🦠

وهو عدوى فيروسية ممكن تنتشر بسرعة، وعلشان كده ممكن تلاقي أكتر من واحدة في نفس الوجه، زي الحالة دي.

سبحان الله… ❤️
قد إيه تفاصيل صغيرة في خلق الله ممكن توقفنا لحظة ونتأمل فيها!

حتى الفيروس، رغم بساطته، ممكن يخلّي الجلد ياخد شكل دقيق ومنتظم بالشكل العجيب ده…

﴿صُنْعَ اللَّهِ الَّذِي أَتْقَنَ كُلَّ شَيْءٍ﴾

#دنورهان الأفندي
أخصائي الأمراض الجلدية والشعر



#السنط
#الثآليل

17/08/2026

16/08/2026

لما المريضة تحكي تجربتها بنفسها ❤️

13/08/2026

بنوتة جاية تكشف عشان جفاف الشعر وهيشانه…

وأثناء الكشف اتفاجئت بفراغ مش صغير في فروة الرأس 😳
سألتها:
الفراغ ده من إمتى؟ 🤔
قالتلي:
من سنين… 🫣
سألتها:
وطب ليه ما معالجتبهوش من سنين ؟

قالتلي بكل يأس:
"حاولت كتير… عملت جلسات ميزوثيرابي كتير، من غير نتيجة.
ودكتورة في إسكندرية قالتلي: انسي إن الشعر يطلع هنا تاني 😔
ودكتورة تانية قالتلي: حلك زراعة شعر."
فخلاص… سبته وتعايشت مع الموضوع.
وقالتلي:
"أنا جاية النهاردة عشان الهيشان… مش عشان الجزء ده."

قولتلها:
"معلش، هنركن الهيشان دلوقت 😅
وهنرجعله طبعًا… بس الأول الفراغ ده هو اللي يهمني.

مش عايزاكي تفضلي متعايشة معاه من غير ما نحاول."

وقررنا نعمل محاولة أخيرة للفراغ، بالتوازي مع علاج مشكلة الهيشان.

والحمد لله… ربنا أكرمنا ❤️
ودي النتيجة بعد شهرين ونص تقريبًا من العلاج ✨

والأجمل من النتيجة نفسها؟
إن البنوتة نفسها مش مصدقة إن الشعر طلع تاني…
بعد ما كانت مقتنعة إنها خلاص لازم تتعايش مع الفراغ ده للأبد. 🥹❤️

طبعا مش كل فراغ في فروة الرأس هيرجع ينبت بنفس الطريقة… ولا في نفس الفترة
كل حالة تختلف عن التانية
وكل حالة لها خطة علاج حسب تشخيصها وعوامل تانية كتير .

#دنورهان الأفندي
أخصائي الأمراض الجلدية والشعر 🩺