28/08/2026
🧠 ابني أو بنتي بيتخبطوا كتير في دماغهم… إمتى أقلق؟ وإمتى أروح للدكتور؟ وهل محتاجين أشعة؟ 🤔
من أكتر الشكاوى اللي بنسمعها من الأهالي:
👶 "ابني بيتخبط كتير!"
👧 "بنتي وقعت على دماغها!"
❓ "أعمل أشعة ولا لأ؟"
❓ "إمتى الخبطة تكون خطيرة؟"
😂 لو هنعمل أشعة لكل طفل يتخبط، يبقى البلد كلها هتبات في الشارع!
قصدي إن الطفل ممكن يتخبط أو يقع كذا مرة، ومش كل خبطة معناها إننا لازم نعمل أشعة.
🛡️ أهم حاجة… الوقاية!
أكتر فترتين بيكون الطفل فيهم عُرضة للوقوع والتخبط:
🔹 من بعد 4 شهور تقريبًا
لما الطفل يبدأ يتقلب لوحده، خصوصًا لو سايبينه على السرير أو مكان مرتفع.
✅ الأفضل في السن ده:
ينام على سرير مخصص وآمن يمنع السقوط 🛏️
أو على مرتبة على الأرض لو السرير الآمن مش متاح.
🔹 من سنة لسنة ونص 👣
ودي الفترة اللي الطفل بيبدأ يتعلم المشي وبيكون الوقوع فيها متكرر.
عشان نقلل فرص الإصابة:
🚫 منسيبش الطفل على أماكن عالية.
🚫 منخليش قدامه عوائق ممكن يتعثر فيها.
🚫 نتجنب إنه يمشي على سيراميك ممكن يتزحلق عليه.
🧸 ممكن كمان استخدام وسائل حماية للرأس للأطفال أثناء مرحلة تعلم المشي، زي واقي الرأس المخصص للسقوط للخلف.
⚠️ ومهم جدًا:
بلاش نضغط على الدكتور عشان نعمل أشعة لكل طفل يتخبط.
📌 الأشعة المقطعية لازم يكون ليها سبب طبي واضح، لأن التعرض للإشعاع فيها أعلى من الأشعة العادية، وخصوصًا عند الأطفال لازم نستخدمها لما تكون فائدتها الطبية واضحة.
🚨 إمتى نحتاج أشعة مقطعية بعد خبطة على الرأس؟
دي أهم العلامات اللي تستدعي تقييمًا طبيًا سريعًا، وقد تستدعي عمل أشعة مقطعية حسب تقييم الطبيب:
1️⃣ فقدان الوعي لأكثر من 5 دقائق، أو لو الطفل بقى مش طبيعي عن المعتاد، أو عند الرضيع الصغير فيه بكاء مستمر بشكل غير معتاد.
2️⃣ فقدان الذاكرة لأكثر من 5 دقائق 🧠
3️⃣ الترجيع 3 مرات أو أكتر 🤮
4️⃣ لو فيه شك إن الإصابة مش نتيجة حادث عرضي، وإن الطفل ممكن يكون اتعرض لإيذاء متعمد 🚨
5️⃣ حدوث تشنجات بعد الوقعة ⚠️
6️⃣ وجود اشتباه في كسر بالجمجمة، أو علامات تشير لكسر في قاعدة الجمجمة، مثل خروج سائل شفاف من الأنف.
7️⃣ 👶 لو الطفل أقل من سنة وظهر في رأسه تورم أو كدمة كبيرة، خصوصًا لو حجمها أكبر من 5 سم.
8️⃣ لو الإصابة حصلت بطريقة شديدة أو عالية الخطورة، مثل السقوط من ارتفاع كبير، أو التعرض لصدمة قوية من جسم سريع الحركة 🚗💥
🚨 في الحالات دي لازم الطفل يتقيّم طبيًا بشكل عاجل، والطبيب هو اللي يحدد احتياج الأشعة المقطعية من عدمه
🏥 عيادة د. صلاح سالم
👨⚕️ أخصائي طب الأطفال بسمالوط
✨ خدمات العيادة:
✅ الكشف على حديثي الولادة وقياس نسبة الصفراء بالجهاز عن طريق الجلد ( بدون سحب عينة دم )
✅ الكشف على الأطفال وحتى سن 16 سنة
✅ جهاز أشعة تليفزيونية للكشف على البطن والكلى والحوض
✅ جلسات بخار لحالات الكحة وصعوبة التنفس
✅ متابعة نمو الطفل وقياس الطول والوزن وتسجيلها فى كارت المتابعة لكل طفل فى مراحل النمو الأولى...................
📍 سمالوط – الصفصافية – برج الصفوة 1 –أمام صيدلية فاطمة - الدور الرابع (يوجد أسانسير)
📞 01100949536
☀️⏰ المواعيد الصيفية ⏰☀️
📍 من الساعة 12 ظهرًا
حتى الساعة 6 عصرًا
