21/07/2026
مش كل زوائد في القولون تبقى سرطان..! 💀❌
شاب عنده 21 سنة، بيعاني من التهاب القولون التقرحي (Ulcerative Colitis)، وجاء يشتكي من آلام بالبطن، وإسهال، ونزيف مع التبرز.
أثناء منظار القولون (Colonoscopy) لقينا عددًا كبيرًا من الزوائد منتشرة في معظم أجزاء القولون، ومنظرها كان كفيل إنه يخلي أي حد يفكر في احتمالات مقلقة.
لكن... هل كل الزوائد دي أورام؟ 🤔
تم أخذ عينات من أكثر من مكان، وكانت المفاجأة بعد فحصها تحت الميكروسكوب (Histopathology)...
الزوائد دي كانت Inflammatory Pseudopolyps، وهي زوائد ناتجة عن الالتهاب المزمن والتئام الغشاء المبطن للقولون، وليست أوراما سرطانية.
والأهم من كده... ✅ لا يوجد أي دليل على وجود خلايا سرطانية أو حتى تغيرات قد تتحول إلى سرطان (No dysplasia or neoplasia).
الحالة دي بتأكد إن منظر المنظار وحده لا يكفي للحكم، وإن العينة (Biopsy) هي الفيصل في الوصول للتشخيص الصحيح.
يا ترى... لو شفت المنظر ده في المنظار، كان هيكون أول تشخيص يخطر على بالك إيه؟ 👇
** تقرير المنظار والباثولوجي في اول كومنت **
