دكتورة: مارينا وهيب شوقى

دكتورة: مارينا وهيب شوقى Contact information, map and directions, contact form, opening hours, services, ratings, photos, videos and announcements from دكتورة: مارينا وهيب شوقى, Doctor, الغريزات بجوار كنيسة مارجرجس اعلى صيدلية الحياة, Sohag.

دكتورة اطفال وام 👩‍⚕️🤱👼🦸‍♂️🦸‍♀️❤ عيادة دكتورة مارينا وهيب شوقى اخصائى طب الاطفال وحديثى الولادة م سوهاج العام ماجستير طب الاطفال وحديثى الولادة جامعة سوهاج للحجز : 01032213316

لما الصداع يكون وراه سبب محتاج يتلحق بسرعة ❤️من الحالات اللي جت لنا العيادة مؤخرًا طفل عمره ٧ سنوات، كان قبلها بأيام عند...
27/08/2026

لما الصداع يكون وراه سبب محتاج يتلحق بسرعة ❤️
من الحالات اللي جت لنا العيادة مؤخرًا طفل عمره ٧ سنوات، كان قبلها بأيام عنده دور برد وسخونة، وتحسن الحمد لله، لكن حضر للعيادة بسبب صداع شديد.
وأحيانًا، من نعمة ربنا على الطبيب إن علامات معينة تلفت نظره من أول لحظة ❤️
من مجرد النظر لوجه الطفل وسماع القلب بالسماعة كان مسموع hemic murmur ودة بيظهر فى حالات الانيميا الشديدة جدا ، كان واضح إن فيه شحوب شديد واحتمال وجود أنيميا شديدة، فطلبنا فورًا عمل صورة دم كاملة.
والأم بالفعل كانت ملاحظة إن وجهه شاحب مع التعب والدور الأخير لكن بالنسبة لنا المنظر مختلف خالص عن منظر التعب العادى الولد كان sever pallor ، وبمراجعة التاريخ المرضي بالتفصيل بدأنا نستبعد أسباب الأنيميا المختلفة، ومنها الأنيميا التكسيرية.
كانت الحالة بالنسبة لي سبب مشاعر مختلطة جدًا، خصوصًا إن أهل الطفل معرفة شخصية ❤️
كنت سعيدة جدًا إنهم جم للعيادة في الوقت المناسب، لأن التحليل بالفعل طلع الهيموجلوبين منخفض جدًا، والحالة احتاجت إلى نقل دم بشكل عاجل.
وفي نفس الوقت، كطبيبة وكأم، كنت حاسة قد إيه الخبر ممكن يكون صعب ومفاجئ على أي أم وأب…
فكان مهم جدًا إننا نعمل الإجراءات اللازمة بسرعة، وفي نفس الوقت نوصل المعلومة للأهل بهدوء، ونطمنهم ونخفف عنهم قدر الإمكان.
احتجنا كمان لعمل تحاليل وفحوصات أخرى للتأكد من عدم وجود مشكلة مزمنة أو سبب آخر للأنيميا، والحمد لله ربنا طمّن قلوبنا، واتضح إن الصورة تتماشى مع أنيميا نقص الحديد، ويبدو إنها موجودة من فترة، ومع فترة التعب الأخيرة ظهرت بشكل أوضح وانخفض الهيموجلوبين بصورة كبيرة.
الحمد لله على كل شيء 🤲🏻
تم التعامل مع الحالة ومتابعتها باستمرار حتى الخروج من المستشفى ، وهنستمر على علاج نقص الحديد والمتابعة الدورية، والأهم إن الطفل اتلحق في الوقت المناسب ❤️
الرسالة المهمة لكل أم وأب:
الشحوب، التعب غير المعتاد، الصداع، الدوخة أو الخمول عند الطفل مش دايمًا بنعتبرهم مجرد أعراض عابرة بعد دور برد.
أحيانًا الفحص الإكلينيكي البسيط يلفت نظرنا لحاجة محتاجة تحليل سريع ومتابعة.
وأخيرًا…
شكرًا جدًا من قلبي لأهل الطفل على رسائلهم ومكالماتهم وكلامهم الجميل ❤️
وشكرًا لكل الناس اللي بتقدّر تعب الطبيب ومجهوده وبتعبّر عن امتنانها… الكلمة الطيبة فعلًا بتفرق وبتفرّح القلب جدًا. 🤍
د. مارينا وهيب شوقي
أخصائي طب الأطفال وحديثي الولادة
عضو بحضانات المبتسرين
و بوحدة مخ وأعصاب الأطفال – مستشفى سوهاج العام
#اخصائى اطفال وام
#عيادة سوهاج
#العنوان امام المخبز الالى نفسه اول الشارع طيور الدكتور بجوار صيدلي. الذهبى
#المواعيد يوميا من الساعة ١٢ل٢ ظهرا ومن الساعة ٦للساعة ٩ مساءا ماعدا الجمعة
#الموبايل للتواصل والحجز +201032213316

#الغريزات
العنوان بجوار كنيسة مارجرجس اعلى صيدلية الحياة

24/08/2026

🌡️ الجو هدي كام يوم… والأطفال بدأت تتعب!

لاحظتوا إن في أطفال كتير اليومين دول فجأة بدأ عندهم:
🤒 أدوار سخونة
🤧 رشح وانسداد بالأنف
😣 كحة أو التهاب بالحلق
🤕 صداع وألم حوالين الأنف والوجه
💤 خمول وقلة شهية

واللي لفت انتباهنا في العيادة اليومين اللي فاتوا إننا شفنا أكتر من حالة سخونة شديدة، وبتنزل بصعوبة حتى مع العلاج… وده ظهر بشكل واضح بمجرد ما الجو بدأ يتحسن ويلطف ولو حاجة بسيطة.

وده ممكن يحصل مع التقلبات السريعة في الجو؛ لأن جسم الطفل بيحاول يتأقلم مع التغير المفاجئ في درجات الحرارة، وكمان بتنتشر العدوى الفيروسية بشكل أكبر في الفترات دي.

والأغرب إن الجو بدأ يلطف كام يوم… فالجسم قال: خلاص الجو اتعدل 😅
لكن واضح إن الصيف لسه متمسك برأيه! ☀️😂
والحر هيرجع تاني من بكرة، وده معناه إننا داخلين على فترة تقلبات جوية ممكن تخلي أدوار البرد والسخونة تظهر أكتر.

⚠️ مهم جدًا:
مش كل طفل عنده سخونة ورشح يبقى محتاج مضاد حيوي، ومعظم الأدوار الفيروسية بتتحسن بالعلاج المناسب والمتابعة.

ولو السخونة مستمرة، أو الطفل حالته العامة مش كويسة، أو عنده صعوبة في التنفس، قيء متكرر، خمول شديد أو ألم شديد بالأذن/الوجه… الأفضل يتكشف عليه.

💙 حافظوا على شرب السوائل، والراحة، ولبس الطفل المناسب للجو… وماتخلوش التقلبات الجوية تفاجئكم!

د. مارينا وهيب
أخصائي طب الأطفال وحديثي الولادة
عضو بوحدة مخ وأعصاب الأطفال – مستشفى سوهاج العام

Breath-Holding Spells عند الأطفال 😮‍💨👶نوبات حبس النفس (Breath-Holding Spells) من الحالات اللي ممكن تخضّ الأهل جدًا، خصوص...
15/08/2026

Breath-Holding Spells عند الأطفال 😮‍💨👶
نوبات حبس النفس (Breath-Holding Spells) من الحالات اللي ممكن تخضّ الأهل جدًا، خصوصًا لما الطفل يزعل أو يعيط وفجأة يسكت ويحبس نفسه ويغيّر لونه!
لكن في أغلب الحالات هي حميدة ومؤقتة وبتختفي مع تقدم الطفل في العمر. ❤️
🔹 بتحصل ليه؟
غالبًا بتظهر عند الأطفال من 6 شهور إلى 6 سنوات، وبتبدأ بعد: • العياط الشديد أو الانفعال 😭
• الخوف أو الألم
• الغضب أو نوبة عصبية
• الوقوع أو الإصابة
• أحيانًا بدون سبب واضح
وفي بعض الأطفال بيكون فيه ارتباط بين النوبات ونقص الحديد/أنيميا نقص الحديد، لذلك تقييم الحديد مهم عند تكرار النوبات.
🔹 شكل النوبة بيكون إزاي؟
الطفل ممكن: 1️⃣ يعيط بشدة.
2️⃣ يسكت فجأة ويحبس نفسه.
3️⃣ يحصل تغيّر في اللون:
Cyanotic type: الشفايف أو الوجه يميلوا للزرقة، وده الأكثر شيوعًا.
Pallid type: الطفل يبهت أو يصفر، وغالبًا بيكون بعد خوف أو ألم مفاجئ.
وفي بعض النوبات الشديدة ممكن الطفل يفقد الوعي لثوانٍ، وأحيانًا يحصل تيبّس أو حركات تشبه التشنجات.
⚠️ المهم: فقدان الوعي القصير في النوبة لا يعني بالضرورة أن الطفل عنده Epilepsy.
🔹 إيه اللي ممكن يزود النوبات؟
❌ الانفعال والعياط الشديد
❌ الغضب والخوف
❌ الألم المفاجئ
❌ الإرهاق وقلة النوم
❌ أحيانًا الأنيميا ونقص الحديد
🔹 العلاج؟
💚 في أغلب الحالات مش محتاجة أدوية للنوبات نفسها.
الأهم: ✔️ الاطمئنان على الطفل بعد تقييمه طبيًا.
✔️ عمل CBC وIron studies عند الاشتباه في نقص الحديد أو تكرار النوبات، وعلاج الأنيميا إذا وُجدت.
✔️ التعامل بهدوء مع نوبات الغضب وعدم إعطاء الطفل ما يريده لمجرد أنه حبس نفسه؛ لأن ذلك قد يشجع تكرار السلوك.
🚨 وقت النوبة نعمل إيه؟
• نحط الطفل على جانبه في مكان آمن.
• نبعد أي شيء ممكن يخبط فيه.
• ما نحاولش ندخل أي شيء في فمه.
• ما نهزش الطفل وما نرشّش مياه على وشه.
• نراقب مدة النوبة لحد ما تنتهي.
🚨 لازم تقييم طبي سريع لو النوبة أول مرة، أو مدتها طويلة، أو حصلت بدون عياط/انفعال واضح، أو استمرت الحركات غير الطبيعية لفترة، أو الطفل لم يستعد وعيه بشكل طبيعي، أو كان فيه صعوبة تنفس مستمرة.
❤️ معلومة مهمة:
Breath-holding spells عادةً لا تسبب تلفًا في المخ، ومعظم الأطفال بيتخلصوا منها مع العمر.
👩🏻‍⚕️ لو طفلك بيعمل نوبات حبس نفس متكررة. ، الأفضل تقييمه عند طبيب أطفال للتأكد إن الصورة فعلًا Breath-Holding Spell واستبعاد الأسباب الأخرى.
#ابنى كان عنده. مش بقولكم عدينا على كتاب الاطفال كله .😂الحمد لله 🙏وفعلا الموضوع يقلق ويخض والحمد لله بعمل تحليل صورة الدم كان عنده نسبة انيميا لما علاجتها الموضوع اتحسن الحمد لله عنده كتير علشان كدة فى حاجات كتير بنفتكرها انها بسيطة وهتتحسن بالاكل زى الانيميا وخصوصا فى الاطفال لكن للاسف بتكون محتاجة علاج وتدخل طبيب اطفال تجنبا لحدوث المضاعفات اللل منهم حبس نفس الطفل ونقص اكسجين للمخ موقت .
#اخصائية اطفال وام
#اخصائى طب الاطفال وحديثى الولادة
عضو بوحدة مخ واعصاب الاطفال مستشفى سوهاج العام

#عيادة سوهاج
#العنوان
امام المخبز الالى نفسه اول الشارع طيور الدكتور بجوار صيدلية الذهبى (مكان عيادة دكتور اسكندر عزمى سابقا )

#المواعيد يوميا من ١٢ل٢ظهرا
ومن ٦ل٩مساء ماعدا الجمعة
#التليفون
0932160855 ارضى
#موبايل +201032213316

#عيادة الغريزات
#العنوان بجوار كنيسة مارجرجس اعلى صيدلية الحياة
#موبايل +201032213316

25/07/2026

🌸 الوردية الطفولية (Roseola Infantum) أو كما تُعرف عند بعض الأمهات: "الطفح اللي بيظهر بعد السخونية".
👶 تصيب غالبًا الأطفال من عمر 6 أشهر إلى سنتين.
🔹 إيه اللي بيحصل؟ ✔️ تبدأ بسخونية عالية مفاجئة لمدة 3–5 أيام. ✔️ الطفل قد يبدو مرهقًا، لكن في أوقات كثيرة يكون حالته العامة جيدة. ✔️ بمجرد أن تنخفض الحرارة... يظهر طفح جلدي وردي اللون على الصدر والبطن، ثم قد يمتد للرقبة والوجه والأطراف.
🔹 هل الطفح بيحك؟ لا، غالبًا لا يسبب حكة ولا يزعج الطفل.
🔹 هل المرض خطير؟ في أغلب الحالات لا، وهو مرض فيروسي يختفي من تلقاء نفسه خلال أيام.
💊 العلاج ✅ خافض حرارة عند اللزوم. ✅ الإكثار من السوائل والرضاعة. ✅ الراحة. ❌ لا يحتاج مضادًا حيويًا لأن السبب فيروس.
⚠️ متى نراجع الطبيب؟
إذا استمرت الحرارة أكثر من 5 أيام.
إذا كان الطفل أقل من 3 أشهر مع حرارة.
إذا ظهرت صعوبة في التنفس، خمول شديد، أو رفض تام للسوائل.
إذا حدثت تشنجات مع ارتفاع الحرارة.
🌷 تذكري... ظهور الطفح بعد اختفاء السخونية في الوردية الطفولية غالبًا يكون علامة مطمئنة على أن الطفل بدأ يتعافى.
👩‍⚕️ د. مارينا وهيب شوقي
#اخصائية اطفال وحديثى الولادة
عضو بوحدة المخ والاعصاب للاطفال مستشفى سوهاج العام

#عيادة سوهاج
#العنوان
امام المخبز الالى نفسه اول الشارع طيور الدكتور بجوار صيدلية الذهبى

#المواعيد
يوميا من الساعة ١٢للساعة ٢
ومن الساعة ٦للساعة ٩
ماعدا الجمعة

#عيادة الغريزات
#العنوان بجوار كنيسة مارجرجس اعلى صيدلية الحياة

أول يوم حضانة... ❤️النهارده كان أول يوم لبطلى الصغير فى الحضانة، وحبيت أشارككم اللحظة دى معايا، وفى نفس الوقت أقولكم ليه...
20/07/2026

أول يوم حضانة... ❤️
النهارده كان أول يوم لبطلى الصغير فى الحضانة، وحبيت أشارككم اللحظة دى معايا، وفى نفس الوقت أقولكم ليه اخترت شعار صفحتنا وعيادتنا:
👩‍⚕️
الاختيار ده مكانش مجرد شعار... لكنه جزء من حياتى.
أولًا.. لأنى قبل ما أكون دكتورة أطفال، أنا أم. وأنا مقدرة جدًا كل خوف وقلق بيكون جوا قلب أى أم. عارفة يعنى إيه تفضلى صاحية الليل كله علشان حرارة، أو كحة، أو مغص، أو حتى مجرد قلق على ابنك. وعارفة يعنى إيه تسيبى نفسك وراحتك علشان تشوفى طفلك بصحة كويسة، سعيد، ذكى، وقوى. علشان كده عمرى ما هعتبر قلق أى أم مبالغ فيه، لأنى حاسة بيه وعشته.
أما السبب التانى... فهو بطلى الصغير، ابنى، اللى يستحق كل مكان وصلتله. من وهو لسه فى بطنى وهو شريك رحلتى. امتحن معايا السكند ماجستير ٣ مرات! أول مرة كنت حامل، وكان بيستحمل معايا ساعات المذاكرة والامتحانات. وتانى مرة كان لسه خارج من رحلة علاج صعبة جدًا فى العناية المركزة، وكنت بذاكر وهو نايم جنبى. وتالت مرة كنت بقفل على نفسى بالساعات علشان أقدر أذاكر، وهو بره مستنينى.
وبعد الامتحانات نزلت الشغل المستشفى النباتجيات وهو عمره حوالى ٦ شهور، وكنت بسيبه ساعات طويلة جدًا فى المستشفى، وأوقات كتير كان بييجى معايا العيادات... سواء فى سوهاج أو فى الغريزات. كان دايمًا رفيق الرحلة، وشاهد على كل خطوة.
أما السبب الأهم... فهو إن ابنى كان، وما زال، ملهمى الحقيقىى زى ما قالت المغنية الفاضلة هلا رشدى عن اغنيتها دة اللى حلى حلا انه ابنها ملهما للاغنية
ابنى مر بحاجات كتير جدًا، وكأننا عدينا على فصول كاملة من كتاب الأطفال. عاش الصفراء التكسيرية واتحجز بسببها، وعانى من ارتجاع لفترة طويلة، وجربنا تقريبًا معظم أدوية الارتجاع. والمغص... بهدلنا السنة الأولى تقريبًا، صراخ وألم وتجربة مع كل دواء موجود فى السوق.
والأصعب من كل ده... الأزمة الشديدة اللى دخل بسببها العناية المركزة، واتحط على جهاز التنفس الصناعى فجاة وبدون اى مقدمات لسبب حساسية بنج فى عملية بسيطة ، وربنا نجاه بمعجزة وكتب له عمر جديد.
علشان كده... لما بكتب دواء لطفل، أو بطمن أم، أو بقول إن الدواء ده فعّال، فالكلام مش جاى من الكتب ونظرى بس... لكنه جاى من تجربة عشتها مع أغلى إنسان فى حياتى.
يمكن ربنا اختارنى أكون دكتورة أطفال، لكنه اختار ابنى يكون المعلم الأول ليا، والسبب اللى خلانى أفهم إن علاج الطفل مش روشتة وكتب ومزاكرة وبس... لكنه احتواء، وصبر، ورحمة، وطمأنة للأم قبل الطفل.
ادعوله بقى فى أول يوم حضانة ربنا يحفظه ويحفظ كل أولادنا، ويجعلهم قرة عين لينا جميعًا. ❤️🙏
#اكتبولنا اول يوم حضانة ومدرسة لطفلك كان عامل ازاى معاكى ومعاه
د/ مارينا وهيب شوقى أخصائى طب الأطفال وحديثى الولادة
#اخصائى طب الاطفال وحديثى الولادة
عضو بوحدة مخ واعصاب اطفال مستشفى سوهاج العام
#عيادة سوهاج
#العنوان امام المخبز الالى نفسه اول الشارع طيور الدكتور بجوار صيدلية الذهبى
#المواعيد
يوميا من ١٢ل٢ ومن٦ ل٩
ماعدا الجمعة

#عيادة الغريزات
بجوار كنيسة مارجرجس اعلى صيدلية الحياة

بعد زعل الماتش امبارح... ربنا بعتلنا فرحة جميلة هونت علينا كل الزعل. 🤍بطل الفرحة النهارده هو فيلو. 🥰فيلو جه العيادة من ي...
08/07/2026

بعد زعل الماتش امبارح... ربنا بعتلنا فرحة جميلة هونت علينا كل الزعل. 🤍
بطل الفرحة النهارده هو فيلو. 🥰
فيلو جه العيادة من يومين مع مامته وكل العيلة، وكانوا قلقانين عليه جدًا. أكتر حاجة كانت مضايقاهم إن الرضاعة الطبيعية بدأت تقل بشكل واضح، وده طبعًا شيء يقلق أي أم.
بفضل الله، وبعد الكشف الدقيق، قدرنا نوصل للسبب الحقيقي، وهو فطريات الفم، وبدأنا العلاج المناسب من أول زيارة.
وأجمل مفاجأة كانت امبارح... لما رجعلنا فيلو، والفرحة كانت باينة في عيون أهله قبل كلامهم. ❤️
الحمد لله، الرضاعة رجعت تتحسن بشكل كبير، وفيلو بقى أحسن بكتير.
وسبب فرحتنا بفيلو كان أكبر من مجرد تحسن حالته... 🤍
فيلو من الأطفال اللي بنسميهم في طب الأطفال Precious Baby، طفل جه بعد رحلة انتظار طويلة، وكل لحظة فيه غالية على قلب أهله.
علشان كده، لما أهله اختاروا ييجوا لنا، ووثقوا فينا في أغلى حاجة عندهم، كانت بالنسبة لنا مسؤولية كبيرة قبل ما تكون ثقة كبيرة. والحمد لله إن ربنا قدرنا نكون سببًا في طمأنتهم ورجوع ابتسامتهم.
بجد كنا قلقانين عليك يا فيلو، وفرحتنا بيك النهارده لا توصف. ربنا يحفظك ويبارك فيك، ويديم عليك الصحة والعافية، ويجعل الضحكة دي دايمًا منورة وشوش أهلك. 🌸
كل طفل بيتحسن هو فرحة لينا...
: "الثقة لا تُقدَّر بثمن... وشكرًا لكل أسرة بتعتبرنا جزءًا من رحلة شفاء أطفالها."

#دكتورة اطفال وام
#اخصائى طب الاطفال وحديثى الولادة
#عضو بوحدة مخ واعصاب الاطفال
#مستشفى سوهاج العام
#عيادة سوهاج
#العنوان
امام المخبز الالى نفسه اول الشارع طيور الدكتور بجوار صيدلية الذهبى
#المواعيد
يوميا من الساعة ١٢ل٢
ومن الساعة ٧للساعة ٩ مساء
ماعدا الجمعة

#عيادة الغريزات
#العنوان بجوار كنيسة مارجرجس اعلى صيدلية الحياة
#المواعيد من ٥ل٧

من أكتر الحاجات اللي بتسعدنا في عيادتنا إننا مش بنعتبر دورنا بيخلص بمجرد كتابة العلاج... بالعكس، المتابعة والاطمئنان على...
29/06/2026

من أكتر الحاجات اللي بتسعدنا في عيادتنا إننا مش بنعتبر دورنا بيخلص بمجرد كتابة العلاج... بالعكس، المتابعة والاطمئنان على أطفالنا جزء أساسي من رسالتنا. ❤️

من كام يوم جالتلنا مودة بتعاني من التهاب شديد في الحلق مع ارتفاع في درجة الحرارة، وأثناء الكشف لاحظنا علامات خلتنا نشك كمان في وجود أنيميا،ونقص الوزن فطلبنا الفحوصات اللازمة، والحمد لله تم الوصول للتشخيص الصحيح وبدأنا العلاج المناسب.

وأثناء ما كانت الأم ماشية قلت لها:
"لو احتجتي أي حاجة أو حصل أي استفسار، ابعتيلي على الواتساب."

فكان ردها:
"بس يا ريت تردي."

ابتسمت وقلت لها:
"أكيد هرد... إحنا بنديه علشان نكون متابعين الحالة ونطمن عليها أول بأول، لأن راحة الطفل واطمئنان أهله من أولوياتنا."

ومن أجمل اللحظات كمان لما سألتها:
"عرفتي عيادتنا منين؟"

قالت:
"سألت، وكذا حد رشحلي حضرتك وشكر فيكي."

الكلمة دي أسعدتنا جدًا، لأنها بتفكرنا إن ثقة الناس ودعواتهم هي أكبر نعمة وأجمل نجاح، وربنا يديمها علينا.

شكرًا لكل أسرة وثقت فينا، ووعدنا ليكم إننا هنفضل دايمًا جنب أطفالكم، بالكشف، والمتابعة، والرد على استفساراتكم، لأن كل طفل عندنا هو مسؤولية وأمانة. 💙🌸

#دكتورةاطفالـوام
#عيادة سوهاج
#العنوان
امام المخبز الالى نفسه اول الشارع طيور الدكتور بجوار صيدلية الذهبى
يوميا من الساعة ١٢ل٣ ظهرا ومن الساعة ٧ل٩ مساءا
#عيادة الغريزات
بجوار كنيسة مارجرجس اعلى صيدلية الحياة
المواعيد من ٥ل ٧
رقم موبايل للحجز والتواصل +201032213316
رقم ارضى 0932160855

من أجمل الحاجات اللي بنقابلها في شغلنا وجود ناس جميلة بقلوبها قبل كلامها. 🌷 باين من الصورة وضحكة لافى القمر ولا نبين اكت...
24/06/2026

من أجمل الحاجات اللي بنقابلها في شغلنا وجود ناس جميلة بقلوبها قبل كلامها. 🌷 باين من الصورة وضحكة لافى القمر ولا نبين اكتر
الأستاذة لافي وأم لافي من أوائل الناس اللي شرفونا في العيادة، ومن وقتها وهم مصدر دائم للدعم والتشجيع والثقة الغالية. ❤️
كلماتهم الطيبة، ودعواتهم الصادقة، وثقتهم الكبيرة فينا كانت وما زالت من الحاجات اللي بتدفعنا دايمًا نبذل أقصى ما عندنا ونستمر في تقديم أفضل رعاية لأطفالنا.
شكرًا من القلب على محبتكم ودعمكم المستمر، وربنا يديم عليكم الصحة والسعادة، ويسعد قلبكم الجميل زي ما بتسعدوا قلوب كل اللي حواليكم. 🌹✨
وجودكم معانا شرف كبير، وثقتكم وسام نفتخر به دائمًا. ❤️
🌷 د. مارينا وهيب شوقي أخصائي طب الأطفال وحديثي الولادة.

#دكتورةاطفالـوام
#اخصائى طب الاطفال وحديثى الولادة
عضو بوحدة مخ واعصاب الاطفال
عضو بوحدة الحضانات
لمستشفى سوها العام
#عيادةـسوهاج
#العنوان
امام المخبز الالى نفسه اول الشارع طيور الدكتور بجوار صيدلية الذهبى
#المواعيد يوميا من ١٢ل٣ ومن ٧ل٩ ماعدا الجمعة

#عيادة الغريزات
بجوار كنيسة مارجرجس اعلى صيدلية الحياة
من الساعة ٥ل ٧
#للحجز والاستعلام
+201032213316
0932160855

مع دخول فصل الصيف وارتفاع درجات الحرارة ☀️🌡️تزداد حالات النزلات المعوية عند الأطفال، خاصة مع تناول أطعمة أو مشروبات ملوث...
23/06/2026

مع دخول فصل الصيف وارتفاع درجات الحرارة ☀️🌡️
تزداد حالات النزلات المعوية عند الأطفال، خاصة مع تناول أطعمة أو مشروبات ملوثة أو نتيجة انتقال العدوى من طفل لآخر.
وتظهر الأعراض غالبًا في صورة: 🔹 إسهال 🔹 قيء 🔹 مغص وآلام بالبطن 🔹 ارتفاع في درجة الحرارة أحيانًا 🔹 فقدان الشهية والخمول
وأهم خطوة في العلاج هي تعويض السوائل المفقودة لمنع حدوث الجفاف، مع الاهتمام بالتغذية المناسبة والمتابعة الطبية عند الحاجة.
💡 تذكّروا دائمًا: ✔️ غسل اليدين جيدًا ✔️ شرب مياه نظيفة ✔️ حفظ الطعام بطريقة سليمة ✔️ عدم إعطاء أي أدوية دون استشارة الطبيب
⚠️ راجع الطبيب فورًا إذا ظهرت علامات الجفاف مثل قلة التبول، جفاف الفم، الخمول الشديد، أو عدم قدرة الطفل على الاحتفاظ بالسوائل.
🌸 الوقاية خير من العلاج، ومع العناية السليمة تمر أغلب الحالات بسلام بإذن الله.
د. مارينا وهيب شوقي أخصائي طب الأطفال وحديثي الولادة

#دكتورةاطفالـوام
#اخصائى طب الاطفال وحديثى الولادة
عضو بوحدة حضانات
عضو بوحدة مخ واعصاب الاطفال
مستشفى سوهاج العام

#عيادة سوهاج
#العنوان امام المحبز الالى نفسه اول الشارع طيور الدكتور بجوار صيدلية الذهبى (عيادة دكتور اسكندر عزمى سابقا )
#المواعيد
يوميا من ١٢ل٣ ومن ٧ل٩ ماعدا الجمعة
#عيادة الغريزات
#العنوان بجوار كنيسة مارجرجس اعلى صيدلية الحياة
#المواعيد
من ٥ل٧

#تليفون
+201032213316
0932160855

🍪🍫 بغض النظر عن الصورة والأحجام اللى لسه محتاجة شوية ضبط منى 😅، النتيجة كانت جميلة جدًا والطعم أحلى بكتير مما كنت متوقعة...
20/06/2026

🍪🍫 بغض النظر عن الصورة والأحجام اللى لسه محتاجة شوية ضبط منى 😅، النتيجة كانت جميلة جدًا والطعم أحلى بكتير مما كنت متوقعة!
لو طفلك من عشاق الحلويات والشيكولاتة، تعالى نعمل له كوكيز صحى وسهل فى البيت بمكونات بسيطة ومتوفرة عندنا كلنا، ونخليه يستمتع بطعم الشيكولاتة وإحنا مطمنين على اللى بياكله. ❤️
🔸 المكونات: ✔️ ٧ حبات بلح عجوة طرية
✔️ بيضة
✔️ فانيليا
✔️ ٢ ملعقة كاكاو خام
✔️ ملعقة صغيرة عسل نحل (اختيارى)
✔️ ملعقة صغيرة زبدة فول سودانى (اختيارى)
✔️ لبن أو دقيق حسب القوام
✔️ شوية شيبس شيكولاتة للتزيين من فوق 🍫
🔸 الطريقة: 1️⃣ اهرسى البلح جيدًا بالشوكة.
2️⃣ أضيفى البيضة والفانيليا والكاكاو الخام وقلبيهم جيدًا.
3️⃣ لو الخليط سميك خففيه بقليل من اللبن، ولو خفيف زودى ملعقة دقيق.
4️⃣ أضيفى العسل وزبدة الفول السودانى إذا رغبتِ.
5️⃣ شكلى الخليط على هيئة كوكيز، وضيفى شيبس الشيكولاتة على الوجه.
6️⃣ ادخليه الفرن حتى ينضج.
🌴 البلح: مصدر ممتاز للطاقة والحديد، ويساعد على تليين الأمعاء.
🥛🥚 اللبن والبيض: من أهم مصادر البروتين والكالسيوم اللازمة لنمو الأطفال.
🍫 الكاكاو الخام: غنى بمضادات الأكسدة ويساعد على تحسين المزاج.
🥜 زبدة الفول السودانى: مصدر رائع للبروتين والدهون الصحية.
🍯 العسل النحل: يضيف طعمًا رائعًا ويحتوى على عناصر غذائية مفيدة.
جربوها لأولادكم، وهتتفاجئوا إن مكونات بسيطة جدًا ممكن تعمل سناك لذيذ ومشبع ومفيد فى نفس الوقت ❤️🍪

#دكتورةاطفالـوام
#عيادةـسوهاج
#العنوان
امام المخبز الالى نفسه اول الشارع طيور الدكتور بجوار صيدلية الذهبى (عيادة دكتور اسكندر عزمى سابقا )
#المواعيد
يوميا من ١٢ل٣ ومن ٧ل٩
ماعدا الجمعة
#تليفون العيادة
٠٩٣٢١٦٠٨٥٥
#عيادة الغريزات
#العنوان بجوار. كنيسة مارجرجس اعلى صيدلية الحياة
#المواعيد من ٥ل٧
#رقم الحجز والتواصل
+201032213316
#اخصائى طب الاطفال وحديثى الولادة
عضو بوحدة مخ واعصاب الاطفال
وعضو بحضانات مستشفى سوهاج العام

Address

الغريزات بجوار كنيسة مارجرجس اعلى صيدلية الحياة
Sohag
سوهاجامامالمخبزالالىنفسهاولالشارعطيورالدكتوربجوارصيدليةالذهبى

Website

Alerts

Be the first to know and let us send you an email when دكتورة: مارينا وهيب شوقى posts news and promotions. Your email address will not be used for any other purpose, and you can unsubscribe at any time.

Shortcuts

Share

Category