أ.د/ محمد فوزي الطويل - نساء وتوليد

22/08/2026

استئصال كلي للرحم بالمنظار في مستشفي القنال

14/08/2026

استئصال ورم ليفي كبير بالمنظار

09/08/2026

الناس اللي جربت كل وسائل منع الحمل وفشلت
احنا لسة هنقول ونعيد
اتكل علي الله
😅

19/07/2026

تحديد موعد العلاقة الزوجية المناسب لحدوث الحمل
السؤال ده متكرر بشكل مستمر في العيادة، فكان لازم نجاوب عليه بوضوح، وآسف لو الكلام هيكسر تابوهات ومعلومات مغلوطة راسخة في الأذهان.

في الاول بس لو الحمل متأخر ماتنسيش تشوفي اول كومنت والله هيوفر عليكي لف كتير ومصاريف اكتر

نقول بسم الله

لو سمحتي ماتحسبيش أيام التبويض (رغم إننا هنشرحها آخر البوست).

حتى لو بتاخدي منشط لعلاج تكيسات المبايض والدورة غير منتظمة، أو بناخد حقنة تفجيرية؛ إيه المشكلة لو حصلت علاقة زوجية بانتظام (كل يوم أو يوم ويوم) بدون حسابات وضغوط نفسية؟
ليه عاوزة الدكتور يحددلك تعيشي حياتك الخاصة إزاي؟ ومين قال إن العلاقة بانتظام من أول ما الدورة تخلص لحد الدورة الجديدة بيقلل فرص الحمل؟ بالعكس، ده بيضمن وجود حيوانات منوية مستمرة وجاهزة في أي وقت تخرج فيه البويضة.
تحويل العلاقة الزوجية لـ "مهمة رسمية" محددة بيومين أو ثلاثة في الشهر لمجرد الحمل، بيعمل ضغط نفسي وعصبي رهيب على الزوجين، وبيعكر صفو الحياة الأسرية.
نقطة تانية مهمة: لو عندك تشنج مهبلي غير إرادي أو ألم شديد أثناء العلاقة، وبتحصل بالعافية؛ المفروض ساعتها نعالج التشنج المهبلي الأول قبل ما ندور عالحمل. أنا مش متخصص في علاج التشنج المهبلي، بس الموضوع ليه علاجات كتير ونتائج ممتازة تخلي الحياة الزوجية طبيعية ومريحة.
طيب مين الحالات اللي فعلاً بتحتاج تحديد موعد العلاقة باليوم والساعة؟
1. لو الزوج شغال في مكان بعيد (مغترب أو في موقع عمل) وما ينفعش تسافري معاه، ومحتاج يحدد ميعاد إجازته بالظبط.
2. في حالات طبية معينة تخص الزوج وتحتاج تنسيق علاجات محددة قبل العلاقة.
غير كده؟ عيشوا حياتكم طبيعي وبدون توتر الحسابات.
تعالوا نحسبها بالورقة والقلم للحالات الاستثنائية دي:
القاعدة الطبية بتقول: الدورة بتنزل بعد 14 يوم (ثابتة) من التبويض. يعني الفترة اللي بعد التبويض ثابتة، أما الفترة اللي قبل التبويض هي المتغيرة حسب طول دورتك.
• لو دورتك منتظمة (والدورة الطبيعية مدتها من 21 لـ 35 يوم):
• لو الدورة كل 21 يوم: التبويض بيحصل في اليوم السابع.
• لو الدورة كل 28 يوم: التبويض بيحصل في اليوم الـ 14.
• لو الدورة كل 35 يوم: التبويض بيحصل في اليوم الـ 21.
• لو الدورة مالهاش ميعاد ثابت (غير منتظمة إطلاقاً): مش هنعرف نحسبها بدقة نهائي بالورقة والقلم، وهنا بنعتمد على المتابعة الطبية أو العلاقة المنتظمة.
الغلطة المشهورة: ناس كتير فاكرة إن العلاقة المفروض تبدأ بعد التبويض! الصح إنها تكون قبل التبويض.
البويضة بتعيش من 12 لـ 24 ساعة بالكتير بعد خروجها، لكن الحيوان المنوي بيقدر يعيش وينتظر جوه الجهاز التناسلي من 3 لـ 5 أيام. عشان كده، "نافذة الخصوبة" الأفضل هي الخمس أيام اللي قبل التبويض ويوما التبويض نفسه.
مثال عملي: لو واحدة دورتها كل 30 يوم، التبويض المتوقع هيكون يوم 16. يبقى الزوج ينزل إجازة ويحصل تنسيق للعلاقة من اليوم الـ 11 لحد اليوم الـ 17 من بداية الدورة.
بالنسبة لحالات التكيس والمتابعة بالحقنة التفجيرية: الحقنة بتفجر البويضة خلال 36 لـ 40 ساعة، فالمفروض العلاقة تتنسق لتكون في يوم الحقنة نفسه، واليومين اللي بعدها لضمان أعلى نسب نجاح.
هنا بيبقي عندنا مشكلة بسيطة
ساعات البويضة بتخرج لوحدها قبل الحقنة التفجيرية اصلا

وماتنسيش لو الحمل متأخر شوفي اول كومنت والله هيوفر عليكي لف كتير ومصاريف اكتر

وياريت اللايك والشير وتعليق بدعوة حلوة عشان يوصل لكل الناس

دكتور محمد فوزي الطويل
دكتوراه التوليد وأمراض النساء
استشاري مناظير النساء والحقن المجهري
مدرس بكلية الطب
للحجز والاستفسار 📞 01020070798
📍 الاربعين بجوار مركز براعم للحضانات شارع الفرز

هل تشعر بالقلق من تأخر الحمل في بداية زواجك؟ تعرف على القاعدة العلمية لتشخيص تأخر الإنجاب، ومتى يجب البدء بالفحوصات فوراً بناءً على احدث التوصيات العالمية

23/06/2026

تطعيم الفيروس المخلوي التنفسي للحوامل Abrysvo
ناخده امتي وازاي وليه
https://drmfawzygyn.com/abrysvo-vaccine-rsv/

17/06/2026

مش كل تريند يقلقنا
في عنف بتتعرض له السيدات اثناء الولادة في الأماكن الحكومية اللي عليها ضغط شغل عالي
بس ده الاستثناء مش القاعدة
في تمريض وعمال و اطباء وطبيبات مرضي نفسيين زي ما في مرضي نفسيين في كل حتة
الكلام ده مالوش علاقة بالولادة في مكان خاص
منطقيا اصلا ماينفعش
المجمع وحوض الدرس دي مش اماكن حكومية اصلا دي مستشفيات خاصة بتتحسب من التأمين الشامل
دورك انك ماتقبليش حد يزعقلك او يمد ايده عليكي وماتسكتيش لو ده حصل
بس بلاش تجري ورا الناس اللي عاوزة تلم شير وريتش علي حساب قلقك

29/05/2026

هستفيد ايه لما أعرف البطانة المهاجرة بتحصل إزاي؟
في الحقيقة لو معندكيش بطانة رحم مهاجرة اكيد مش هتستفيدي حاجة لكن لو من العشرة في المية اللي عندهم معاناة متواصلة مع البطانة المهاجرة فأكيد لما تفهمي المرض بيحصل إزاي هايأثر علي تعايشك مع المشكلة وهيفرق في اختيارك لقرار العلاج
هتفهمي ليه باحاول أتجنب اللجوء للمنظار الجراحي في اغلب الحالات
هتفهمي ليه مش بنوقف العلاج حتي بعد المنظار
شرحنا الموضوع بالتفصيل
ايه البطانة المهاجرة وبتحصل إزاي
درجاتها وأنواعها واعراضها
وازاي بتأثر علي الحمل وعلي مخزون المبيض
وبنتعامل معاها إزاي
اللينك في أول كومنت
وياريت لايك وشير للموضوع لأي واحدة تعرفيها بتعاني من المشكلة
__________________________________________
دكتور محمد فوزي الطويل
دكتوراه التوليد وأمراض النساء
استشاري مناظير النساء والحقن المجهري
مدرس بكلية الطب
للحجز والاستفسار 01020070798
السويس الاربعين بجوار مركز براعم للحضانات شارع الفرز

اسباب وأعراض بطانة الرحم المهاجرة | متي يكون المنظار هو الحل ومتي نلجأ للعلاج الدوائي | ما تأثير البطانة المهاجرة علي الحمل | أكياس الشوكولاتة| أد. محمد فوزي الطويل با...

26/05/2026

لما المفاتيح تضيح في المطبخ ماينفعش ندور عليها في الصالة عشان نور المطبخ محروق
لما الزوج يكون بيسافر وده اللي مأخر الحمل ما ينفعش ناخد منشط اصل مالهاش دعوة
ماينفعش تبقي المشكلة في التبويض وادخل اعمل منظار عشان اسلك الأنابيب
لما الحمل يتأخر سنة محالجة افهم ايه السبب عشان امشي عالعلاج مظبوط هيوفر وقتي و فلوسي
حاولنا نسرح بالتفصيل ايه اسباب تأخر الحمل ونمشي ازاي مع كل سبب

اكتشف مع د. محمد فوزي أهم 4 أسباب تؤدي لتأخر الحمل عند الزوجين. دليل شامل حول فحوصات السائل المنوي، اضطرابات التبويض، وانسداد الأنابيب، وكيفية التعامل مع حالات تأخر ....

26/05/2026

لبيك اللهم لبيك...
لبيك لا شريك لك لبيك..
إن الحمد والنعمة لك والملك...
لا شريك لك..
كل سنة وانتم طيبين
عيد أضحي مبارك
لو أكلنا طبق كبدة مرة في العيد ده عادي اي وقت في الحمل
فيها فيتامين ألف
كتره غلط اول تلات شهور بس لو أكلنا كبدة كل اسبوعين مرة عادي