ا.د شيرين علوان استشاري الروماتيزوم والمناعه

  • Home
  • Egypt
  • Tanta
  • ا.د شيرين علوان استشاري الروماتيزوم والمناعه

ا.د شيرين علوان استشاري الروماتيزوم والمناعه امراض الروماتيزوم والمناعه

27/08/2026

أعزائي أقارب وأصدقاء مرضى المناعة والفيبروميالجيا… 🤍
يمكن من كتر ما بتسمعوا شكواهم و بيحكوا عن وجعهم تعبتوا وزهقتوا…اتعودتوا إن مافيش جديد..إنهم طول الوقت تعبانين…
بس اعتيادكم على شكواهم مش معناه إن وجعهم بقى عادي…
معناه إن معظم أيامهم وجع.... .واذا كنا اتعودنا على نعمة الصحة فمحدش يقدر يتعود على الألم. ....
يمكن ما نقدرش نخفف عنهم بس على الأقل بلاش نكون سبب في زيادة وجعهم ..كلمة حلوة…نظرة حب…طبطبة علي القلب قبل الكتف ...ونعوذ بالله من ان نستهين بحالهم. .. ان نستخف بوجعهم.....فما اضعفنا امام قدرة الله وما اعجزنا ان مال علينا القدر …

22/08/2026

عزيزي مريض المناعة والفيبرومالجيا.....قد نحزن.....قد يئنّ القلب من شدة الوجع......قد نحتاج ونشتاق إلى ما ليس لدينا… فنحن بشر نشعر ونتألم ونشتاق ........لكن حذارِ أن نستسلم للوجع......حذارِ أن نرضخ للحزن.. أن نسمح للألم أن يسرق ما تبقى من أيامنا....نعم… القلب يحزن والعين تدمع والروح تتعب…...لكننا لا نستسلم.. نحزن… ثم نُكمل الطريق.....نشتاق… ثم نرضى بما كتبه الله لنا.....نتألم… ثم نلجأ إليه......فليس القوة أن لا نحزن. ولكن القوة أن نحزن دون أن ننكسر وأن نتألم دون أن نفقد الأمل 🌹.

21/08/2026

الي كل مرضي الفيبرومالجيا... ممكن أخف يادكتورة ؟؟

17/08/2026

موجوعة يا دكتورة… موجوعة...لفظ لا يشعر بقسوته إلا من ذاقه… وما أصعب أن يجتمع وجع البدن مع وجع القلب... فتتعب الروح من ألم لا يُرى....ويئن الجسد من حزن لا يُحكى.....
اللهم إنك ترى وجعًا لا يراه سواك .....وتعلم ما عجزت القلوب عن قوله… فاجبر مرضانا جبرًا يليق برحمتك... وأبدل كل هذا الوجع سكينة وعافية وطمأنينة....اللهم أعِن كل طبيب وكل قريب وكل حبيب أن يخفف عن كل موجوع وأن يكون له سندًا ورحمة وطمأنينة… يا رب اجبر كل قلبٍ أنهكه الوجع...ولا تدع في جسدٍ ألمًا ولا في قلبٍ حزنًا إلا أبدلته عافيةً وفرج ورضا يارب 🤲🤲

13/08/2026

عزيزي مريض المناعة والفيبروميالجيا ❤️
ممكن تحب علاجك…ممكن تسد ودنك عن أي كلمة سلبية تخليك تكرهه أو تخاف منه...ممكن تغمّض عينيك عن أي كلام يفقدك ثقتك في علاجك ويبعدك عنه....علاجك نعمة ورحمة من الرحمن بيك…وربما يكون سبب من أسباب شفائك...استجابة لدعائك لما بكيت وقلت: «يارب اشفيني». .....علاجك زي أي حاجة في الدنيا له حلاوة وله مرارة…بس بفضل ربنا وبالتزامك ومتابعتك مع دكتورك تقدر تدوق حلاوته وتستفيد منه وتتجنب مرارته وآثاره الجانبية....
عزيزي مريض المناعة والفيبروميالجيا…حب علاجك 🌹

07/08/2026

عزيزي مريض المناعة والفيبرومالجيا... 🤍
ممكن دقيقة تهديها لروحك... ممكن فرحة بسيطة لقلبك... ممكن لحظة تعيشها لنفسك...اسأل نفسك: محتاجة إيه دلوقتي؟
تعبان؟ ارتاح شويةواللي يقدر يستنى لبكرة سيبه لبكرة ..انت اهم ...
جعان أو عطشان؟ كُل اكله بتحبها واشرب حاجة ترويك ..ده حقك
مجهد؟ نام شوية... يمكن جسمك كل اللي محتاجه دلوقتي هو الراحة.....ارتاح
خايف؟ ادعي ربك ..اسمع كلمة تطمن قلبك.. اتكلم مع حد ترتاح له..... ربنا يطمن قلبك
حزين؟ صالح نفسك بأي حاجة بسيطة تفرحها... مشروب بتحبه أغنية بتحبها مكالمة مع حد قريب منك..ركعتين تناجي فيهم ربك....ربنا يفرح قلبك
خاطرك مكسور؟ اجبره بأي حاجة تفرحه .... راضي قلبك باللي يتمناه وما تستكترش على نفسك لحظة فرح ......انت تستحق
عزيزي مريض المناعة والفيبرومالجيا... ارحم نفسك شوية... اهتم بقلبك شوية.... انت أولى الناس بنفسك فارحمها 🌹🌹🌹

31/07/2026

رساله لكل مريض مناعه خد العلاج وما ارتحش 😥

29/07/2026

نعتذر عن عدم استقبال الحالات بالعيادة اليوم الأربعاء الموافق ٢٩ /٧ و سيتم استئناف العمل بالعيادة يوم الأحد الموافق ٨/٢ بإذن الله 🌹🌹🌹

21/07/2026

ارجوكم.... رفقا بمرضى المناعه 🙏🙏 🙏
كفانا تخويفًا لهم من المرض... كفانا تخويفًا من العلاج... كفانا قلقًا يُزرع في قلوبهم تجاه اليوم والغد ...انشروا الوعي المبني علي العلم لا علي الرعب ...فالكلمة قد تكون دواء يطمئن قلب مريض وقد تكون سبب في خوف يهزمه قبل أن يهزمه المرض ...يكفيهم ما يشعرون به من ألم... وما يواجهونه من تحديات كل يوم ....
فلنكن لهم مصدر للطمأنينه والأمل لا للخوف وزياده الوجع🌹

16/07/2026

دكتورة... عندي مرض مناعي ومتقدم لي عريس... أقوله ولا لأ؟؟
كطبيبه ...أقولك : قولي له...
مش لأن عندك مشكلة ولا لأن في حاجة ناقصكي... أبدًا ...لكن لأن الزواج شراكة عمر شريك حياة هيشاركك تفاصيل حياتك كلها بأيامها الحلوة والمرة .. من حقك يكون معاكي شخص يفهم طبيعة مرضك....يشجعك على متابعة طبيبك...يساعدك على الالتزام بعلاجك...... يسندك .. يهون عليكي ايام التعب.....
وكأم اقولك : قولي له ٠٠٠٠
لانك تستحقي ...تستحقي رجل يتمسك بيكي.. يدعمك... يكون معاكي وجنبك ف وقت الشدة قبل وقت الفرح .......
وما ننساش... مفيش حد فينا ضامن صحته... المرض ممكن يخبط باب أي حد في أي وقت.. واللي يسيبك بسبب مرضك... ما كانش الشخص المناسب ليكي من البداية....أما اللي يختارك بكل ظروفك ويتمسك بيكي... فهو ده الشخص اللي يستحق فعلًا يكمل معاكي حياتك ❤️

Address

شارع البحر
Tanta

Opening Hours

Monday 2pm - 5pm
Tuesday 2pm - 5pm
Wednesday 2pm - 5pm
Saturday 2pm - 5pm
Sunday 2pm - 5pm

Telephone

+201552478223

Website

Alerts

Be the first to know and let us send you an email when ا.د شيرين علوان استشاري الروماتيزوم والمناعه posts news and promotions. Your email address will not be used for any other purpose, and you can unsubscribe at any time.

Shortcuts

Share