عيادة د/ أحمد درويش تليمه استشاري الاطفال وحديثي الولادة

30/01/2026

لو انت حامل او لسه والده فالبوست ده مهم جدا لك

اولا الحمدلله ع سلامتك و اول نصيحه مني ليك زوري استشاري رضاعة ارجوك اول حاجه عشان هتوفر عليك كتير

ثاني حاجة اي حد هيقولك دخلي صناعي خصوصا دكاتره الاطفال اسألي استشاري الرضاعه الاول

ثالثا بقي الالتقام الصحيح وبداية الرضاعة الطبيعية من أول لحظة ودي اهم حاجه

الالتقام الصحيح : هو الطريقة السليمة اللي الطفل يمسك بيها الثدي أثناء الرضاعة وده عامل أساسي لنجاح الرضاعة الطبيعية وراحة الأم والطفل معًا الطفل لازم يفتح فمه واسع ومايمسكش الحلمة بس لكن جزء كبير من الهالة الشفة السفلية تكون مقلوبة لبرا والعلوية مرتاحة ذقن الطفل لامس الثدي وأنفه قريب من غير ضغط الرضاعة في الحالة دي بتكون هادية ومن غير ألم شديد أو تشقق للحلمة ومعاها صوت بلع منتظم من غير طقطقة وده بيمنع الألم والتشققات ويساعد الطفل يشبع وياخد كفايته ويقلل الغازات والمغص ويحافظ على إدرار اللبن ويمنع انسداد القنوات

الساعة الذهبية : هي أول ساعة بعد الولادة ودي من أهم الساعات في حياة الطفل والأم وفيها بيتحط الطفل جلد على جلد مع الأم من غير استعجال وزن أو استحمام .. الساعة دي بتنشط منعكس البحث والالتقام عند الطفل وبتساعده يلتقم صح من أول مرة وبتثبت الرضاعة الطبيعية بدري وبتنظم تنفس الطفل ونبضه وتهديه وبتقلل عياطه وكمان بتزود إفراز هرمون الأوكسيتوسين عند الأم وده الهرمون المسؤول عن نزول اللبن وانقباض الرحم

لبن السرسوب : هو أول لبن بينزل بعد الولادة كميته قليلة لكن قيمته الغذائية والمناعية عالية جدًا هو غني بالأجسام المضادة وخصوصًا IgA وده بيقوي مناعة الطفل من أول يوم وبيحمي الأمعاء وبيقلل العدوى وسهل الهضم ومناسب جدًا لمعدة المولود الصغيرة وله تأثير ملين خفيف بيساعد على خروج العقي او البراز الاسود للطفل وبيقلل نسبة الصفرا عند الأطفال الطبيعي إن السرسوب يبقى شفاف أو مائل للاصفر الفاتح ومش دايمًا بيكون باين أو غزير وأي كلام عن إن اللبن قليل أو خفيف في البداية كلام غير صحيح لأن معدة الطفل في أول يوم قد الكريديت والكمية دي معمولة مخصوص علشانه

من الأخطاء المنتشرة : في المستشفى ندي رضعة صناعي بدعوى إن اللبن لسه مانزلش وده خطأ كبير لأن رضعة واحدة صناعي ممكن تلخبط الالتقام وتقلل رغبة الطفل في الرضاعة الطبيعية وتضعف بداية الرضاعة ومهم جدًا إن الأم اللي لسه والدة ماتصومش لأن جسمها محتاج سوائل وطاقة علشان يكوّن اللبن ويعوض مجهود الحمل والولادة ويبدأ مرحلة التعافي بشكل سليم

أوضاع الرضاعة : ليها دور مهم في نجاح الالتقام وراحة الأم والطفل زي وضع المهد ووضع المهد المعكوس ووضع الكرة ووضع الاستلقاء الجانبي وكل وضع ليه استخدامه حسب حالة الأم بعد الولادة أو عمر الطفل أو وجود ألم أو قيصرية والمهم في كل الأوضاع إن جسم الطفل يبقى مواجه لجسم الأم بطن لبطن والرأس والجسم في خط مستقيم والطفل هو اللي يقرّب للثدي مش العكس

الالتقام الصحيح مع الساعة الذهبية ولبن السرسوب والوعي بأوضاع الرضاعة السليمة هما الأساس الحقيقي لبداية رضاعة طبيعية ناجحة وآمنة للأم والطفل من أول يوم

حطيتلكن صور للاوضاع الصحيحه و الالتقام الصحيح

05/08/2025

الدكتور معملش تشفيط للولد بعد الولاده
الكلمه دي أنا عامل البوست ده مخصوص عشانها مفيش
حاجه إسمها تشفيط بعد الولاده
الطبيعي الطفل لما يتولد الرئه تتفرد والدم يوصل ليها ووصلات القلب الشريانيه بتاع الرحم تتقفل والدم يوصل للمخ وده بيحصل بعد الولاده مع عياط الطفل في معظم الأطفال بعد الولاده مباشره
إنما مش روتين إننا نشفط للطفل إلا لو الطفل ده عامل حمام في بطن الأم meconium
وحالات قليله جدااااا
إحنا بيبقي معانا قسطره تشفيط دي وظيفتها الأولي إني كدكتور حاضر الولاده بعديها من كل فتحه أنف عشان أتأكد إن فتحات الأنف الخلفيه مفتوحه غير كده مش بنشفط لأن ده ممكن يكون ليه تأثير سلبي علي الطفل
بشوف في العياده طفل 4 سنين وإلتهابات صدر متكرره والأهل عندهم قناعه إن دكتور الولاده مشفطلوش كويس
أوطفل 3 شهور وتعبان من ارتجاع مرئ صامت وببشرق وبرده نفس الإتهام
خلاصه الكلام موضوع دكتور الأطفال مشفطش للطفل دي خرافه لازم تنتهي
ولازم دكتور أطفال يكون حاضر الولاده ده حاجه مهمه جداا

نورونا في عيادة دكتور / احمد درويش تليمه
استشاري طب الاطفال وحديثي الولاده
لأى استفسار ابعتولنا على رسايل الصفحة🥰
-----------------------------------------------------------------------
عناوين فروعنا وتليفونا. 01064597795
بسيون شارع ٢٣ يوليو بعد الساحه الشعبيه امام النادي الرياضي

27/07/2025

الرِّجلين لطفلين عندهم ٣ شهور و مولودين ولادة طبيعية و كاملين النمو و الإتنين بيرضعوا طبيعي
لا اللي على الشمال عنده سمنة و لا اللي على اليمين عنده سوء تغذية

الإتنين بيمثلوا المعدل الطبيعي للوزن في العمر ده ..و السمين أول ما يحبي و يمشي وزنه هاينزل شوية و الرفيع هو كمان لما يبدأ يتحرك كتلة العضلات هتنمو عنده و وزنه هايزيد شوية

لازم نفهم إن كلمة طبيعي مجالها واسع و طالما الطفل بيكبر و نشاطه كويس و تطوره الذهني و العضلي بخير يبقى نبطل نقارنهم ببعض و نتأكد إن كل واحد فينا مختلف عن التاني تمامًا

26/07/2025

🎨 احذروا الألوان الصناعية الشائعة في طعام أطفالكم!

🔴 E129 – Allura Red (أحمر)
▪ يسبب فرط حركة ومشاكل سلوكية.

🟡 E102 – Tartrazine (أصفر)
▪ يسبب حساسية، صداع، وسمنة عند الأطفال.

🟠 E110 – Sunset Yellow (برتقالي)
▪ يسبب تهيج جلدي وفرط نشاط.

🔵 E133 – Brilliant Blue (أزرق)
▪ قد يؤثر على الجهاز العصبي.

🟣 E122 – Carmoisine (أرجواني/وردي غامق)
▪ يسبب مشاكل في الكبد وطفح جلدي محتمل.

🟤 E150d – Caramel Color (بني داكن)
▪ يحتوي أحيانًا على مركبات مسرطنة في تركيزات عالية.

⚫ E151 – Black PN (أسود)
▪ محظور في بعض الدول، يسبب حساسية ومشاكل هضمية.

⸻

📌 منتجات تحتويها:
العصائر – الحلوى – المشروبات الغازية – الجيلي – المقرمشات – المثلجات.

16/06/2025

الميعاد السنوي لخلع البامبرز هام لكل الماميز😍😍

خلع البامبرز وتعويد الطفل على الحمام (Potty Training): الطريقة العلمية المثلى ❤️❤️

خلع البامبرز وتعويد الطفل على استخدام الحمام هو خطوة مهمة في نموه واستقلاليته، وتتطلب مزيجًا من الصبر، التوقيت المناسب، والطريقة التربوية الإيجابية. تختلف فترة الاستعداد من طفل لآخر، لكن معظم الأطفال يكونون جاهزين بين عمر 18 شهرًا إلى 3 سنوات.

الاستعداد لبدء التدريب:🥳🥳

1. العلامات التي تدل على جاهزية الطفل:

يبقى الحفاض جافًا لأكثر من ساعتين.

يُظهر انزعاجًا من الحفاض المبلل.

يستطيع المشي والجلوس بمفرده.

يفهم ويستجيب لتعليمات بسيطة.

يُظهر اهتمامًا بالحمام أو يقلّد الكبار.

يبدأ بالتنبيه قبل التبول أو التبرز.

2. التهيئة النفسية والبيئية:

شراء "نونية (Potty)" أو مقعد حمام صغير مريح.

قراءة كتب مصورة عن استخدام الحمام.

التحدث مع الطفل بإيجابية عن الفكرة (بدون ضغط أو تهديد).

الخطوات العلمية للتدريب على الحمام:

المرحلة 1: التهيئة (من 3 إلى 7 أيام)

ترك الطفل يجلس على النونية وهو مرتدٍ ملابسه، فقط ليألفها.

تعليمه الكلمات المرتبطة بالأمر (مثلاً: "بيبي"، "حمام").

تعزيز السلوك الإيجابي بمدح بسيط أو ملصق مكافأة.

المرحلة 2: البدء الفعلي

اختيار فترة يكون الطفل فيها مستقر نفسيًا وصحيًا.

البدء بإزالة الحفاض لفترات في المنزل.

الجلوس على النونية بانتظام (كل ساعتين أو بعد الوجبات أو الاستيقاظ).

تشجيع الطفل إذا نجح، دون عقاب إذا أخفق.

المرحلة 3: الثبات والاستمرارية

الاستمرار في خلع الحفاض أثناء النهار.

استخدام الملابس الداخلية القطنية لجعل الطفل يشعر بالرطوبة إذا تبول.

التعامل بهدوء مع الحوادث (تبول لا إرادي).

عدم المقارنة بأطفال آخرين.

متى يتم التوقف المؤقت؟

عند إصابة الطفل بعدوى، أو ولادة طفل جديد، أو انتقال لمنزل جديد.

إذا أبدى الطفل رفضًا شديدًا، يُنصح بإيقاف المحاولة لأسبوعين ثم إعادة المحاولة.

التدريب الليلي:

يأتي بعد التعود على التدريب النهاري بثبات.

يجب أن يبقى الطفل جافًا لعدة ليالٍ متتالية قبل خلع الحفاض الليلي.

تقليل السوائل قبل النوم وتشجيع دخول الحمام قبل النوم.

أخطاء شائعة يجب تجنبها:

الضغط الزائد أو التهديد.

الصراخ أو العقاب عند الحوادث.

بدء التدريب مبكرًا قبل جاهزية الطفل.

استخدام التوبيخ أمام الآخرين.

نصائح إضافية:

بعض الأطفال يفضلون النونية، والبعض الآخر يفضل مقعد الحمام.

استخدام جدول ملصقات أو مكافآت بسيطة يعزز الدافع.

الصبر والثبات أهم من السرعة.

الخلاصة:

خلع البامبرز خطوة طبيعية تحتاج إلى توقيت مناسب ونهج داعم وغير قهري. كل طفل يختلف عن الآخر في استعداده وتجاوبه. الصبر والتشجيع هما مفتاح النجاح في التدريب على الحمام

منقول للافاده
نورونا في عيادة دكتور / احمد درويش تليمه
استشاري طب الاطفال وحديثي الولاده
لأى استفسار ابعتولنا على رسايل الصفحة🥰
-----------------------------------------------------------------------
عناوين عيادتنا وتليفونها. 01064597795
بسيون شارع ٢٣ يوليو بعد الساحه الشعبيه امام النادي الرياضي

15/06/2025

احلي هديه من احلي 🎁🎁🎁🎁
عمر وايلا ♥️♥️♥️♥️♥️
ربنا يبارك فيهم وشكرا ليهم جدا 🎉🎉🎉🎉

14/06/2025

هام جداً لأي حد عنده طفل وللاطباء 🤞⚠️

🚨 تحليل جرثومة المعدة للأطفال؟ مش دايمًا صح!

👶 كل طفل عنده وجع بطن لازم نعمله تحليل جرثومة؟
❌ الإجابة: لأ!

📌 اسأل نفسك قبل ما تطلب التحليل:

👂 هل في قرحة مثبتة بالمنظار؟
🧬 هل في MALT lymphoma ؟
🦀 هل في تاريخ عائلي لحد من درجة الاولي بسرطان المعدة؟

لو الإجابة لا…
يبقي متطلبش تحليل جرثومة لأي طفل👌

وممكن نستثني ده ف حالتين كمان بناء علي تقييم الطبيب لو ف نقص في الصفايح الدموية مناعي مزمن
او انيميا نقص حديد مقاومة للعلاج

غير كدة
🚫 ماينفعش تطلب التحليل؟
حتى لو الطفل عنده:
❌ وجع بطن مزمن
❌ ارتجاع أو حموضة
❌ تأخر في النمو أو قصر قامة
❌ أنيميا نقص حديد (بدون أعراض إنذار)
✅ مفيش داعي للتحليل ولا للعلاج

😯 ليه؟

التحليل الإيجابي مش معناه إن الجرثومة هي السبب
العلاج العشوائي ممكن يعمل مقاومة للمضاد
وفي بعض الحالات، الجرثومة بترجع تاني!

🧠 منقول للافاده
-----------‐---------------------------------------------------------------------
عيادة د احمد درويش تليمه
استشاري طب الاطفال وحديثي الولاده

بسيون ٢٣يوليو. بعد الساحه الشعبيه امام النادي الرياضي
للحجز ت 01064597795

28/05/2025

**تطعيم الروتا**
☆يحمي من الروتا فيروس...
الذي يسبب نزلات معوية واعراضه بالرضع تكون شديدة لدرجة الحجز بالمستشفى

▪︎▪︎ تطعيم الروتا منه نوعان:
-روتا ريكس يؤخذ جرعتين بالفم
-روتا تيك يؤخذ ٣ جرعات بالفم

◇اقل سن لأخذ الجرعة الاولى ٦ أسابيع
◇آخر سن لأخذ الجرعة الأولى ٢٠ أسبوع
◇الفرق بين الجرعة والثانية من التطعيم ٤-١٠ أسابيع

◇◇ آخر ميعاد لآخر جرعة من التطعيم بيكون ثمانية أشهر

التطعيم ينفع لأي طفل الا لو كان عنده إرتفاع بدرجة الحرارة او انسداد معوي او بيعاني من مشاكل في المناعة مثل أمراض المناعة الذاتية وخلافه

** لو الطفل رجع بعد التطعيم مش هنكرر الجرعة تاني بس الصح الطفل بعد الجرعة ميرضعش لمدة نصف ساعة علشان حرام بابا يدفع ٦٦٠جنيه بالجرعة والبيبي يرجع بعدها قدامه 😅

التطعيم متوفر بفروع المصل واللقاح
وبالصيدليات الكبرى
وفي العيادة
نورونا في عيادة دكتور / احمد درويش تليمه
استشاري طب الاطفال وحديثي الولاده
لأى استفسار ابعتولنا على رسايل الصفحة🥰
-----------------------------------------------------------------------
عنوان وتليفون. 01064597795
بسيون شارع ٢٣ يوليو بعد الساحه الشعبيه امام النادي الرياضي

26/05/2025

ابني جسمه مليان حبوب حمراء وبيهرش جامد… ده حمو نيل؟!

آه، غالبًا كده!
حمو النيل من أكتر مشاكل الجلد اللي بتظهر في الصيف عند الأطفال بسبب الحر والرطوبة.

بيظهر فين؟
• الرقبة
• الضهر
• الصدر
• تحت الإبط
• بين الفخذين

شكله إيه؟
حبوب صغيرة حمرا أو فيها مية، الطفل بيهرش جامد، خصوصًا لو بيعرق كتير.

أسبابه؟
• الحر الشديد
• لبس تقيل أو خامات صناعية
• قلة التهوية
• تعرق الطفل وعدم تغيير هدومه بسرعة

نعمل إيه؟ (العلاج):
1. لبّسي الطفل هدوم قطن خفيفة وواسعة
2. حميه بمياه فاترة يوميًا
3. استخدمي بودرة مضادة للفطريات أو فيها أوكسيد زنك (زي بودرة الأطفال)
4. فيه كريمات بتهدي الالتهاب زي: كالميلا – زنك أوليف – بانثينول
5. لو في هرش شديد ممكن نستخدم كريم فيه مضاد للهستامين أو تستشيري دكتور الأطفال

إمتى نروح للدكتور؟
لو الحبوب بدأت تكون صديد، أو في حرارة، أو الطفل مش بيبطل هرش

الوقاية؟
• حافظي على ترطيب جسمه
• غيري هدومه لو عرق
• استخدمي فوطه ناعمة لتجفيف الجلد بعد الحمام
• ابعدي عن الأماكن المقفولة والمزدحمة

خلي صيفه سعيد ومن غير حمو نيل!

05/01/2025