أُمۡنِيَّةُ العَبْدِ / أخصائيةُ التَّخاطُبِ وتنميةِ المهاراتِ

15/06/2026

كفايه اجازه لحد كده 😂
اللي ليه مواعيد جلسات يكلمني نظبطها تاني علشان غيرت كل المواعيد 🥰🥰

15/06/2026

-اقسم بالله مفيش علاج للتوحد "التوحد مش مرض اصلا"
-والله العظيم مفيش دوا بيتاخد عشان التوحد يخف
-جلسات ضغط الاكسچين دي نصب
-الدوا الفلاني مبيخليش الطفل يتكلم
-لازم ولي الامر ياخد نسخه من الخطه بتاعه الطفل عشان هي مش سر حربي هيتسرب يعني
-ولي الامر لو مشتغلش مع ابنه ف البيت مع الجلسات النتيجه هتكون بطيئه جدا
-واخيراا الطفل مش هيتكلم من اول الجلسه و الجلسات بتاخد وقت
"شكرا لتفهمكم" 🙄

04/02/2026

خلّيني أقف هنا شوية وأفهمك بهدوء — بس بوضوح.
الجلسة مش سحر،والأخصائي مش بديل عن البيت،
والتأهيل مش كباية دوا بتتشرب وتخلص.الجلسة هي بداية الطريق،
لكن الاستمرار الحقيقي بيبدأ من البيت.الأخصائي بيشتغل ساعة…لكن الطفل عايش معاك 23 ساعة.
إحنا بندي:
تقييم علمي
خطة مبنية على قياس
أنشطة مدروسة
تعديل سلوك
تدريب حسي/لغوي/معرفي
إنما: مين يكمّل؟مين يثبت المهارة؟مين يمنع الرجوع للخلف؟
مين يطبّق التعليمات؟
👈البيت.
لما تقول “البركة فيكم” وانت:مش ملتزم بالتدريب المنزلي مش متابع مش بتسأل ومش بتنفّذ
يبقى انت كده بتحمّل الأخصائي مسؤولية دور مش دوره.
إحنا شركاء… مش شماعة.
وحق ابنك علينا نشتغل،وحقه عليك تكمّل.
لو الجلسات لوحدها كانت كفاية،
مكانش في حاجة اسمها إرشاد/تدخل أسري،ولا برنامج منزلي،ولا متابعة.
التأهيل الحقيقي:
📍 جلسة مظبوطة
📍 بيت واعي
📍 التزام
📍 صبر
📍 وقت
غير كده…
هنفضل نلف في دايرة ونقول: "مش عارفين ليه مفيش تقدّم!"في الآخر،ابنك مش محتاج حد "يدعيله"،
هو محتاج حد يتعب عشانه.

نصيحة أخيرة لوليّ الأمر:
لو عايز نتيجة حقيقية، بطل تدور على مختصرات، وبطل تحمّل غيرك مسؤولية دورك، وخليك جزء من الخطة مش متفرج عليها.
ابنك أمانة… والوقت اللي بيضيع مش بيرجع.

04/01/2026

تنميه المهارات مش رفاهيه دي أساس شخصيه الطفل في جلسات تنميه المهارات بنشتغل علي زيادة التركيز و الإنتباه .تنميه المهارات المعرفيه والادراكيه .. تحسين التأزر البصري الحركي .. تعليم المهارات الاستقلالية اليوميه ..رفع الثقه بالنفس والاعتماد على الذات .❤️💪
كل نشاط بنقدمه للطفل بيكون مدروس ' ممتع ' مناسب لعمره واحتياجاته علشان نطلع افضل ما عنده خطوه بخطوه لان كل طفل ليه طريقته ... واحنا بنمشي معاه الطريق الصح ..

26/06/2025

3 فوائد للنشاط
💥تقوي الربط بين فصي المخ وده بيساعد الطفل يفكر بشكل متوازن
💥تزود التركيز و الإنتباه لانها بتنشط المخ وتخليه يشتغل بتنسيق اكتر
💥تحسين مهاره الكتابه والتعبير لأنها بتقوي العضلات الدقيقه
#امنيه العبد - أخصائية تخاطب وتنمية مهارات

19/06/2025

الطفل لو عنده لدغه مش نهاية الدنيا!

في أطفال كتير كده وده طبيعي لحد سن معين.
لكن لو استمر الموضوع بعد سن 5 سنوات؟ 👀
يبقى محتاجين تدخل بسيط يساعد الطفل ينطق صح ❤️

🎯 مع التدريب الصح، بيتظبط!
مفيش طفل "مش هيعرف"، بس فيه طفل لسه ما اتدرّبش بالطريقة المناسبة.

لو بتسمعي كلام كتير مش مظبوط سواء إبدال أو لدغات أو أياً يكن
اعرفي إن ده مش غلطك، ومش غلط الطفل..
بس محتاجين نبدأ من دلوقتي ✅

📩 ابعتيلي لو محتاجة استشارة أو عايزة تعرفي هل ابنك/بنتك فعلاً محتاج جلسات ولا لأ.
#العنوان / ميت السودان خلف صيدليه دكتور محمد مرسي
#امنيه العبد - أخصائية تخاطب وتنمية مهارات

18/06/2025