https://www.facebook.com/551895294847652/

د. أحمد سمير أيوب - جراح الأنف والأذن

Home
Egypt
Tanta
د. أحمد سمير أيوب - جراح الأنف والأذن

جراح الأنف والأذن بمستشفى طنطا العام We are pleased to provide all the therapeutic services to every one all over the world

07/08/2026

اسرع استخراج جسم غريب من الأذن 😂
ست داخلة الساعة ٢ بالليل بتصوت فيه حشرة ف ودني.. بسرعة جدا جبت زيت بارافين متشال ف اوضة الطوارئ للمواقف اللي زي دي .. حطيت نقطتين ف ودن الست وفجأة لقيت صرصار خارج من ودن الست وهرب ومشيت الست بعد أقل من دقيقة ف الاوضة 😂🐞

06/08/2026

جالنا العيادة مريض باين عليه القلق والتوتر وبيقول:
"أنا حاسس بعظمة ناشفة طالعة في سقف الفم فوق.. وطبعا المريض مرعوب أحسن تكون ورم!"

لما سألناه، اتضح إنه اكتشفها بالصدفة من كام يوم نتيجة انه كان بيفحص فمه بنفسه كنوع من التسلية، ومن وقتها وهو مقضي يومه قدام المراية يفحص ويضغط عليها!

بعد الفحص، وكالمتوقع طلع اللي عنده ده حاجة اسمها Torus Palatinus (بروز عظمي حميد):

نمو عظمي طبيعي وموجود عند ناس كتير بدون أعراض وما بيتحولش لأي شيء خبيث.

مش محتاج أي علاج أو جراحة طالما مش عامل مشكلة في الأكل أو الكلام.

جسمنا فيه تغيرات طبيعية كتير.. زيارة واحدة للدكتور المختص تكفي عشان تطمن، وبعدها اقفل المراية واقفل باب القلق واستمتع بحياتك! ❤️

استنزاف أعصابك والدخول في دوامة البحث على دكتور جوجل أو الذكاء الاصطناعي مش بينتج عنه غير قلق وتوتر .

دمتم بخير 🤍

31/07/2026

مشكلة طبية ذات أبعاد إجتماعية ونفسية

30/07/2026

نهاية عملية... بداية شفا 👃

26/07/2026

مع الوقت بتكتشف إن المجهود المبذول فى الشغل أقل من المجهود المبذول فى التعامل مع الحوارات اللي بتحصل أثناء الشغل .. أغلب الفريق اللي معاك في المستشفى جاي مثقل بمشاكل شخصية واسرية واقتصادية وغيرها وأوقات بيحصل اشتعال للفتيل الموجود ده ف وسط زحمة المرضي وده مش بس بيأثر على جودة الخدمة الطبية بل بيخليك تستنفذ أغلب وقتك ف حوارات ملهاش علاقة بالطب ولا بالمرضي .. لذلك اي مجهود يبذل في محاولة جعل بيئة العمل هدفها الأساسي انجاز العمل بيوفر عليك طاقة ورغي كتير جدا ملوش لازمة

25/07/2026

أهم حاجة في علاج حالات وجود مياه ورا الطبلة في الاطفال واللي بنسميه الارتشاح خلف طبلة الأذن

هيا الملاحظة لمدة 3 شهور من تاريخ التشخيص، لأن حوالى من 75 لـ 90% من الحالات بتخف لوحدها خلال الفترة دي بدون أي تدخل.
وممكن نستخدم بعض الادوية حتي لو تأثيرها مش كبير زي الروشتة المرفقة في البوست

امتا نتوجه للجراحة واللي بتكون ف صورة أنابيب تهوية: 🤔

- استمرار الارتشاح لأكثر من 3 إلى 4 أشهر متواصلة مع ضعف سمع مثبت برسم السمع (غالباً ضعف سمع توصيلي > 20-25 ديسيبل).

- وجود تأخر في النطق أو الكلام أو الأداء المدرسي بسبب ضعف السمع.

- حدوث تغيرات هيكلية في طبلة الأذن (زي ضمور الطبلة أو وجود جيب انكماشي في الطبلة

- أطفال غالبا مش بتخف غير بالجراحة زي حالات شق الحلق أو متلازمة داون

24/07/2026

الأطفال بداية من سن سنتين تلاتة وانت طالع بيبقوا عبارة عن طاقة متحركة مليانة اندفاع وفضول واحيانا تهور وبيعرضوا نفسهم لإصابات احيانا بتكون خطيرة جدا .. الطفل دا كان بيلعب بخشبه ف اختل توازنه ودخلت فمه وعملت جرح زي م انت شايف فى عضلات الحلق وهيحتاج يتخيط فى العمليات .. دا غير الكسور والحوادث والاصابات الخطيرة اللي بنشوفها كتير ف الاستقبال.. واجب أننا نصحصح لأطفالنا ونخليهم يلعبوا ف بيئة آمنة قدر الإمكان.. وبردو كل شيء مقدر ومش هتقدر تمنع الإصابات دي بنسبة ١٠٠٪ بس بناخد بالاسباب وربنا يحفظ أولادنا ويبارك فيهم

22/07/2026

صداع يزيد حدته مع الانحناء للأمام 🤔🤕
من الأعراض المميزة لالتهاب الجيوب الأنفية 🥶

19/07/2026

تخيل في إيرباج موجودة في الاذن !

Address

Egypt, Gharbia
Tanta
22195

Telephone

+201027357227

Website

facebook.com

Alerts

Be the first to know and let us send you an email when د. أحمد سمير أيوب - جراح الأنف والأذن posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to د. أحمد سمير أيوب - جراح الأنف والأذن:

Want your practice to be the top-listed Clinic in Tanta?