عيادة د أميرة رضوان مدرس واستشاري أمراض الباطنة والكلي والسكر

  • Home
  • Egypt
  • Tanta
  • عيادة د أميرة رضوان مدرس واستشاري أمراض الباطنة والكلي والسكر

عيادة د أميرة رضوان مدرس واستشاري أمراض الباطنة والكلي والسكر Contact information, map and directions, contact form, opening hours, services, ratings, photos, videos and announcements from عيادة د أميرة رضوان مدرس واستشاري أمراض الباطنة والكلي والسكر, Doctor, كفر الزيات ـ الغربية, Tanta.

د أميرة محمود رضوان
استشاري مدرس الأمراض الباطنة وأمراض الكلي بكلية الطب جامعة طنطا ومستشفيات جامعة طنطا
عضو الجمعية المصرية لأمراض وزراعة الكلي
عضو الجمعية الأوروبية لأمراض وزراعة الكلي

السلام عليكم أمراض الكلي .. المرض الصامت ؟؟!!اتعرف إن الكلي ممكن تتأثر من غير أعراض واضحة ؟في المراحل الأولى من مرض الكل...
02/06/2026

السلام عليكم
أمراض الكلي .. المرض الصامت ؟؟!!
اتعرف إن الكلي ممكن تتأثر من غير أعراض واضحة ؟
في المراحل الأولى من مرض الكلى المزمن قد لا يشعر المريض بأي أعراض واضحة.
لذلك يُنصح بعمل فحص وظائف الكلى إذا كنت:
✔️ مريض سكر
✔️ مريض ضغط
✔️ مريض قلب
✔️ تاريخ عائلي لأمراض الكلى
✔️ عمرك أكثر من 60 سنة
✔️ معتمد علي المسكنات
✔️ أصحاب الأمراض المناعية زي الذئبة الحمراء أو الروماتويد المفصلي
**تحليل بسيط يساعد في اكتشاف المشكلة من بدري والحفاظ على وظائف الكلى.

العيادة:كفر الزيات بجوار مسجد القيعي أمام برج سمير نجيب
تليفون الحجز : 01107084393

السلام عليكم مع كل زيارة الطبيب ياريت تاخد كيس العلاج بتاعك معاك . كيس العلاج مهم جداً لأسباب ومواقف كتير بنشوفها :- مري...
13/05/2026

السلام عليكم
مع كل زيارة الطبيب ياريت تاخد كيس العلاج بتاعك معاك . كيس العلاج مهم جداً لأسباب ومواقف كتير بنشوفها :
- مريض بيكرر دوا من فتره كبيره دون داعي زي المضادات الحيوية أو مسكنات قوية
- مريض بياخد علاج بيتفاعل مع العلاج بتاعه زي أدوية الغدة الدرقية أو كبسولات كالسيوم مع الحديد أو أدوية بتعطل أدوية المناعة
- مريض بياخد دوا فيه مواد تؤثر علي ارتفاع ضغط الدم أو تسبب ارتفاع مستوي السكر في الدم
- مريض أخد مادة فعاله مختلفه عن المكتوبه له .. شفنا مريض أخد دوفاستون بدل دوفلاك 😅
- مريض موقّف أدوية مهمة زي أدوية الضغط أو السكر أو بياخد جرعات خطأ ونبدأ احنا كدكاترة نزود الجرعات علي أساس إن المريض منتظم عليهم
- مريض الكلي مع ارتفاع وظائف الكلي بنحتاج نوقف أدوية أو نعدل الجرعات
**عشان كده بنقولك ياريت في زيارة الطبيب يكون معاك كيس العلاج بتاعك بدل حيرة تفتكر اسم الحباية الخضرا أو حباية نص ونص أو الدوا اللي مش هتفتكر اسمه 😅
----------------------------------------
د أميرة محمود رضوان
مدرس واستشاري أمراض الباطنة والكلي بكلية طب طنطا ومستشفيات جامعة طنطا
----------------------------------------
العيادة كفر الزيات بجوار مسجد القيعي أمام برج سمير نجيب
تليفون / 01107084393

السلام عليكم رمضان مبارك علي حضراتكم جميعا📢مريض الكلي من أكثر المرضي عرضة للتأثر بالصيام فيه مرضي قولنا لهم إن شاء الله ...
16/02/2026

السلام عليكم
رمضان مبارك علي حضراتكم جميعا
📢مريض الكلي من أكثر المرضي عرضة للتأثر بالصيام
فيه مرضي قولنا لهم إن شاء الله يقدروا يصوموا 👍
وفيه مرضي يصوموا وبمتابعة لفترة هل نوقف الصيام ولا لا 🤏
وفيه مرضي للاسف مش هيقدروا يصوموا وبيكون قرار نهائي 🫸
بين فرحة اللي هيقدر يصوم ودموع اللي بيسمع إنه ميقدرش يصوم دايما تشعر برحمة ربنا في قوله تعالي فَمَن كَانَ مِنكُم مَّرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ" (البقرة 185)
حافظ على صحتك في رمضان عشان يكون

ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د أميرة رضوان مدرس واستشاري أمراض الباطنة والكلي كلية طب طنطا
--------------------
عنوان العيادة :كفر الزيات بجوار مسجد القيعي أمام برج سمير نجيب

04/02/2026

سلام عليكم
هل الورم = قلة شرب المياه ؟؟
نصيحة مهمة لمريض الكلي المزمن
هل ننصح مريض الكلي المزمن مع وجود الورم في القدم أو انتفاخات العين يقلل شرب المياة ؟

بدايةً لازم المريض يفهم سبب الورم ؟؟
الورم غالبًا أحد اسبابه في مريض الكلي
-احتباس سوائل وأملاح ... زيادة املاح الصوديوم خصوصا ..الكلي بتضعف قدرتها علي إخراج السوائل من الجسم .
- ارتشاح البروتين بكميات في البول .
- ضعف عضلة القلب .

طب نعمل إيه الصح؟
تنظيم شرب السوائل وليس منعها
الكمية يحددها طبيب الكُلي حسب:
مرحلة الكُلى
كمية البول
وجود فشل في عضلة القلب
الوزن والضغط
------------------------------------
الورم ≠ قلة شرب مياه
مهم ترجع لطبيبك




-----------------------------------
د أميرة محمود رضوان
مدرس واستشاري أمراض الباطنة والكلي كلية الطب جامعة طنطا
عنوان العيادة:كفر الزيات بجوار مسجد القيعي أمام برج سمير نجيب
للحجز : 01107084393

05/01/2026

مين مهم يعمل وظائف الكُلى؟
تحليل وظائف الكُلى مهم جدًا للمرضي الآتي ذكرهم، حتي بدون وجود أعراض:
✅ مرضى الضغط
✅ مرضى السكر
✅ مرضى القلب
✅ شخص يعاني من تورم في القدمين أو الوجه
✅ شخص يعاني من تعب وإرهاق مستمر بدون سبب واضح
✅ مرضي تكوين حصوات الكُلى بصورة متكررة
✅ شخص منتظم علي أخذ مسكنات بكثرة
✅ تاريخ لأمراض الكُلى في العائلة
⚠️ مهم نعرف
أمراض الكُلى تتواجد بدون أعراض لفترة طويلة، والكشف المبكر يفرق جدًا في العلاج والحفاظ على الكُلى.
لو تعرف شخص عنده من الأمراض أو الأعراض السابقة لازم يطمن 🚨🚨
حافظ على نفسك… تحليل بسيط ممكن يحميك من مشكلة كبيرة في المستقبل .




العنوان: كفر الزيات بجوار مسجد القيعي أمام برج سمير نجيب

لو عندك فقدان شهية بقالك فترة محتاج تطمن !! من أشهر الأسباب:*مشاكل في الجهاز الهضمي (قرحة، ارتجاع، التهابات)*أمراض الكُل...
29/12/2025

لو عندك فقدان شهية بقالك فترة محتاج تطمن !!
من أشهر الأسباب:
*مشاكل في الجهاز الهضمي (قرحة، ارتجاع، التهابات)
*أمراض الكُلى (ارتفاع البولينا يسبب غثيان وفقدان شهية) خصوصاً لو عندك مرض يخليك عرضة للاعتلال الكلوي زي السكري أو الضغط
*أنيميا أو نقص فيتامينات
*اضطراب هرمونات خصوصا الغدة الدرقية
*عدوي في الجسم أو التهابات
*أدوية (ضغط – مسكنات – مضادات حيوية)
*ضغط نفسي أو اكتئاب
-------------------
إيه العلامات اللي مينفعش تتجاهلها ؟
فقدان وزن غير مقصود
غثيان أو ترجيع
إرهاق مستمر
تغيّر في البول أو تورم في القدمين أو الجسم
--------------------
تحديد السبب والمشكلة مهم عشان تحافظ علي صحتك ويحميك من مضاعفات خطيرة


العنوان كفر الزيات بجوار مسجد القيعي أمام برج سمير نجيب
تليفون العيادة 01107084393

ورم القدمين… عرض بسيط ولا علامة مرض ؟تورم القدمين مش دايمًا حاجة بسيطة، ولا الحل ناخد مدرات البول بدون تشخيص السبب ..أحي...
22/12/2025

ورم القدمين… عرض بسيط ولا علامة مرض ؟
تورم القدمين مش دايمًا حاجة بسيطة، ولا الحل ناخد مدرات البول بدون تشخيص السبب ..أحيانًا بيكون إنذار لمشكلة صحية محتاجة تشخيص وعلاج ومتابعة
أسباب تورم القدمين:
▪️ الوقوف أو الجلوس لفترات طويلة
▪️ تناول الملح بكثرة
▪️ ضعف الدورة الدموية في أوردة القدم
▪️ أمراض القلب
▪️ أمراض الكُلى
▪️ أمراض الكبد
▪️ قصور الغدة الدرقية
▪️ بعض أدوية الضغط تسبب ظهور تورم في القدمين
منها اسباب بسيطه وأسباب محتاجه تتعالج وتتقيم من الطبيب ..وكل سبب له أعراض مصاحبة وتشخيص مختلف

فيه علامات مينفعش تتجاهلها مع تورم القدمين
⚠️ لو التورم مستمر ويزيد مع الوقت
⚠️ لو مصحوب بضيق نفس
⚠️ لو في قلة في كمية البول
التورم عرض ومحتاج تعرف السبب …
والتشخيص الصحيح يبدأ بالكشف لتحديد السبب وعلاجه.
📍 ما تستهينش بتورم القدمين
الكشف بدري = علاج أسهل ووقاية لجسمك بأمر الله

عنوان العيادة كفر الزيات بجوار مسجد القيعي أمام برج سمير نجيب

اشرب ميّاه… مش لازم تستنى الصيف!--كوباية ميّه دلوقتي أحسن من حصوة بعدين 😉💧 ليه بنفكّرك تشرب مياه في الشتاء؟في الجو البار...
14/12/2025

اشرب ميّاه… مش لازم تستنى الصيف!
--كوباية ميّه دلوقتي أحسن من حصوة بعدين 😉

💧 ليه بنفكّرك تشرب مياه في الشتاء؟

في الجو البارد الإحساس بالعطش بيقل، لكن الكِلى لسه محتاجة ميّاة عشان تشتغل بكفاءة.
---
⚠️ خطر قلة شرب الماء على الكلى ⚠️

🔹 زيادة تركيز البول
🔹 زيادة فرص تكوّن حصوات الكلى
🔹 زيادة فرص التهابات المسالك البولية

🩺 نصيحة مهمة:
الانتظام في شرب المياه يساعد الكلى على أداء وظيفتها بشكل أفضل ويقلل من المضاعفات، مع مراعاة تعليمات الطبيب لمرضى الكُلى والقلب.
اشرب ميّاة على فترات منتظمة خلال اليوم، حتى لو مش حاسس بعطش.
كوباية ميّاه دلوقتي أحسن من حصوة بعدين 😉

💙 اشرب ميّاه .. (وجعلنا من الماء كل شيء حي)



العيادة :
كفر الزيات بجوار مسجد القيعي أمام برج سمير نجيب
للحجز : 01107084393
---

⚠️ ارتفاع الضغط غير المنتظم… علامة ماينفعش تتجاهلها!كتير من الناس بيشتكوا إن الضغط عندهم عالي وغير منتظم —وده ممكن يكون ...
09/12/2025

⚠️ ارتفاع الضغط غير المنتظم… علامة ماينفعش تتجاهلها!

كتير من الناس بيشتكوا إن الضغط عندهم عالي وغير منتظم —وده ممكن يكون إنذار لمشكلة محتاجة متابعة.

🩺 إمتى نقلق؟
– صداع متكرر
– زغللة في العين
– خفقان بالقلب
– دوخة متكررة
– تورم في القدمين

💡 ليه الضغط مش منتظم؟
--علاج غير منتظم أو غير مناسب للحالة
– توتر أو قلة نوم
– أدوية بتترفع أو بتتوقف فجأة
– أكل مالح زيادة
– مشاكل بالكُلى أو الغدد
-- مشاكل بالقلب

🌿 نعمل إيه؟
✔️ متابعة قياس الضغط
✔️ شرب مياه كويس حسب تعليمات الطبيب
✔️ تقليل الملح
✔️ متابعة في العيادة لتقييم السبب وعلاج مناسب إن شاء الله

💚 صحتك مهمة… ومتابعة الضغط بتحميك من كتير من المضاعفات .



#باطنة



عنوان العيادة كفر الزيات بجوار مسجد القيعي أمام برج سمير نجيب

للحجز والاستفسار 01107084393

السلام عليكم ... سلامة الكليتين للحامل 🌹🫄س/ يا دكتور أنا حامل وظهر صديد في تحليل البول ودكتور النسا كتب لي علاج وانا خفت...
05/12/2025

السلام عليكم ... سلامة الكليتين للحامل 🌹🫄
س/ يا دكتور أنا حامل وظهر صديد في تحليل البول ودكتور النسا كتب لي علاج وانا خفت ومخدتوش لاني معنديش اعراض
----------------
ج/ لو انتي حامل وظهر صديد في تحليل البول لازم نعمل كمان تحليل مزرعة بول وناخد مضاد حيوي حتي لو مفيش أعراض أو طبيا بنسميها Asymptomatic bacteriuria لأن لو لم تعالج لها مخاطر علي الحامل تدخلنا في التهابات وعدوي للجهاز البولي للأم وعلي الجنين تؤثر علي وزن البيبي ونموه أو ولادته مبكراً ومتقلقيش المضاد الحيوي بيكون آمن علي البيبي
ـــــــــــــــــــ
نصيحة مهمه .. تحليل البول مهم جدا للحامل يتعمل روتين في أول ٣ شهور عشان نطمن لعدم وجود صديد أو عدوي وفي آخر ٣ شهور عشان نطمن علي عدم وجود سكر أو زلال أو صديد

#صحتك ـ في ـ كليتك
عنوان العيادة : كفر الزيات ـ بجوار مسجد القيعي أمام برج سمير نجيب
رقم الحجز 01107084393

Address

كفر الزيات ـ الغربية
Tanta

Website

Alerts

Be the first to know and let us send you an email when عيادة د أميرة رضوان مدرس واستشاري أمراض الباطنة والكلي والسكر posts news and promotions. Your email address will not be used for any other purpose, and you can unsubscribe at any time.

Shortcuts

Share

Category