مؤسسة كيان للتأهيل النفسي وعلاج الأدمان

06/10/2025

22/09/2025

مشاءالله تبارك الرحمن ابطال مؤسسة كيان

13/09/2025

Vs الشباب المصرى
البنات والشباب عايشه فى فيلم خيال علمى 💔
الحل عند الدوله ايقاف مخدر الايس من تواجده بالشوارع بالشكل ده اهم حرب مفروض ندخلها ونساعد فيها بلدنا واقسم بالله لو البلد كملت سنه كمان بنفس الشكل الشباب كلها هتبقى فى ضلالات كلها مترقبه وكلها بتشك فى بعض وكلها هتقتل بعض فى الشوارع انا عارف انى كلامى بالنسبه للشخص اللى ميعرفش حاجه عن المدمنين والشارع واللى بيحصل هيستغربه ولكن مخدر الايس هيزيد من معدل الجريمه اضعاف الاضعاف للاسف وده واضح للجميع انا مش بقول كلام غريب عن من هو يعمل فى مجال علاج الادمان الامور تسوء ولابد من اعدام من يتاجر فى هذا المخدر لانه بالفعل يقتل مدمنه الايس اسرع ادمان واسرع قاع واسرع هدم حياه 💔

1- قطع عضو ذكرى للبحث عن شريحه يعتقد المريض بأنها تقوم بالتجسس عليه
2- حادثه احد قرى الصعيد بقتل اربع اطفال باعتقاد الزوج بأنهم ليس اولاده وتم الحكم عليه بالاعدام
3- حادثه اسماعليه وقطع رأس احد الماره و ليس لديه اى معرفه بيه وده بدافع تنفيذ ما شاهده بأحد الافلام

و و و و و و و حكايات كتير اوى اوى اوى

البنات بتتعاطى المخدر اكتر من الشباب
يآس الشباب فى الشارع مع توافر وجوده بين الشباب

لو شايف كلامى صح وصل صوتنا وساعد روح بتموت وهى عايشه بتموت

26/08/2025

أخوك بقاله ٦٠ يوم في مكان علاجي… ده معناه إنه خلّص مرحلة سحب السموم + بداية الاستقرار النفسي.
لكن:
٦٠ يوم مش علاج كامل.
العلاج الحقيقي مدته لا تقل عن ٦ شهور عزلة كاملة (حسب البرامج العالمية).
اللي بيبعت رسالة "أنا بخير، خدني" = طبيعي جدًا، لأن المدمن بعد ما يفوق شوية، يحس إنه تمام ويقنع نفسه إنه يقدر يسيطر… لكنه بيرجع يتعثر أول ما يخرج.

ثانيًا: ليه ماينفعش تخرجه دلوقتي؟
دماغه لسه مش متعافية: جسمه نضف من السموم، لكن سلوكياته، دماغه، قراراته… لسه زي ما هي. محتاج تعديل سلوك، علاج جماعي، ومتابعة.
الانتكاسة مضمونة لو خرج بدري: الدراسات بتقول اللي بيخرج قبل ٦ شهور، نسبة انتكاسته أعلى من ٩٠٪.
الرسالة دي مش دليل شفاء: بالعكس… ده دليل إن لسه عنده هروب، ولسه مش مستوعب إن العلاج رحلة طويلة.

ثالثًا: إيه دورك دلوقتي؟
ماتسمعش كلامه وتستعجل: مصلحته أهم من دموعه.
تديله أمل: ابعتله رسالة فيها دعم (زي: "أنا مبسوط إنك بخير، كمل برنامجك، مستنيك تخلص وتبقى جديد").
تابع مع المكان: اتأكد إنهم بيطبقوا برنامج علاجي كامل (مش مجرد حبس وسحب سموم).
تحط حدود: ماتروحش تاخده قبل ما الدكاترة أو المعالجين يقولوا "كمل برنامجه للآخر".

رابعًا: تنبيه مهم للناس اللي بتفتي
مش كل دمعة مدمن = علاج.
مش كل "أنا كويس" = شفاء.
الخروج المبكر = خيانة للمريض حتى لو بحسن نية.

✅ الخلاصة:
أخوك لازم يكمل على الأقل ٦ شهور علاج عشان يتعلم يعيش من غير مخدر.
خروجه بعد ٦٠ يوم = ضيّعت مجهودك ومجهوده، وهترجّعه أسوأ مما دخل.

22/08/2025

الجرعة لاتزال في جيبي...
مافيش تعافي والمخدر لسه شايله احتياطي للظروف في بيتك رغم انك مبطل...
مافيش تعافي وصحابك أو زمايل المخدرات على تواصل معاهم...
مافيش تعافي لو موارب الباب وفي فكرك لسه أن المخدر هو سلاحك لمواجهة العالم القاسي أو الهدية لمكافأة نفسك....
الجرعة لن تبقى في جيبي....
والكلام ده عن المخدر أو أي سلوك أو علاقة مؤذية لك

21/08/2025

الطبطبة جريمة… والوهم أكبر جريمة
يا جماعة… خلّوا الكلام بالمنطق.
المدمن مش هيبطّل لوحده.
مش هيبطّل عشان دموع أمّه…
ولا عشان أبوه ستر عليه…
ولا عشان صاحبه قاله "اتقي ربنا".
إنت بتكلّمه عن الدين وهو أصلاً مش بينزل يستحمّى!
دماغه محجوزة جوا المخدر.
كلمة "قرّب من ربنا" مش هتوصله وهو مش عايش معانا في الواقع.
الكلام ده ما يجيبش نتيجة غير بعد ٤ شهور تعافي حقيقي لما جسمه ينضف، وعقله يرجع يشتغل.

🔴 الحقيقة:
العلاج مش وعظ… العلاج عزلة كاملة مش أقل من ٦ شهور في مكان علاجي لتعديل السلوك.
فترة سحب السموم مش علاج، دي مجرد بداية.
🔴 للأهالي:
كل مرة بتقولوا "بكرة يبطل"… بكرة ممكن يبقى آخر يوم.
كل مرة بتسترو عليه… بتدفعوه للقبر أسرع.
كل مرة تقولوا "صلّي وبطّل"… بتكلموا واحد غايب عن الدنيا.
ابنكم مش محتاج نصايح دينية دلوقتي… محتاج قرار حاسم:
يا علاج… يا جنازة.

⚠️ تنويه مهم:
إحنا مش مركز علاجي، ومش بنسوّق لأي مصحة.
لكننا مؤمنين إن أسوأ مكان علاج = أرحم مليون مرّة من القبر أو السجن.
إنت اللي تتحرّى وتسأل وتتابع بنفسك.

💥 الخلاصة:
ابنك مش كافر… ابنك مدمن.
ولو اتعالج صح… يعرف يقرب من ربنا بعدين.
إنما دلوقتي… ما عندوش غير طريقين:
علاج… أو موت.



مؤسسة كيان فون وتس ٠١٠٣٠٧٣٩١١٢