عيادة جراحة المخ والأعصاب والآم العمود الفقرى

18/02/2026

ناخد بالنا جيداً لصحتك
كل عام و انتم بخير و رمضان كريم
بوست تجميعي لأهم أسئلة الصيام لمرضي المخ و الأعصاب خلال شهر رمضان المبارك
****************************************

١- قرار الإفطار فى نهار رمضان ينبغى أن يؤخذ من طبيب مسلم مشهود له بالكفاءه(عشان يكون علي درايه ب الأحكام و بأهميه الصيام).

٢- هناك أمراض تستوجب الإفطار فى نهار رمضان
*****************************************
زي جلطات المخ أو السكتات الدماغيه.

جلطات المخ توجب الفطر و تجعل صاحبها يأثم إذا صام لأنه يعرض نفسه للخطر وذلك للخوف من الجفاف الذى قد يتعرض له المريض بسبب نقص السوائل الذي قد يؤدي الي جلطات أخري بالمخ
بس بعد مرور ٦ شهور علي الجلطه ممكن المريض يصوم بس بشروط..

أ. يشرب سوائل كتير من ٢-٣ لتر خلال فتره الفطار
ب. عدم التعرض للحر خلال فتره الصيام و الافضل يبقي في غرفه مكيفه مع عدم بذل مجهود خلال فتره الصيام
ج. الافطار فورا لو حس بأي تعب خلال فتره الصيام

٣ - هناك أمراض يجب الافطار فيها عشان أخذ الدواء
****************************************
زي مرض الوهن العضلي myathenia gravis
و اللي يجب فيها اخذ الدواء علي فترات متقاربه.

و كذلك مرض الشلل الرعاش لو المرض اعراضه شديده
لكن لو المرض أعراضه بسيطه ممكن يصوم مع اخذ ادويه ممتده المفعول قبل الفجر علي طول عشان تغطي معاه أطول فتره ممكنه من ساعات الصيام و يراعي التقليل أو عدم تناول أكلات تحتوي علي بروتينات للمرضي اللي بياخدوا السينمت او ستاليفو
L dopa عموما

كذلك مرض الصرع أو اضطراب كهربية المخ لو حالات التشنج كتير اوي و الادويه كتير و بتتاخد ٣ مرات يوميا ممكن المريض يفطر
و لو أن الافضل ان المريض يصوم و معظم الادويه الجديده حاليا بتتاخد مره واحده أو مرتين في اليوم ( يعني ياخد العلاج فطار و سحور) و يصوم عادي

٤- هناك أمراض الفطر فيها حسب قدره المريض
*****************************************

مثل مرض الصداع النصفي و الذي تزيد نوباته بشكل كبير مع الصيام أو الجوع بصفه عامه اضافه للحر و قد تحدث نوبات صداع شديده مصحوبه بغثيان و قئ تجبر المريض علي الافطار و في هذه الحاله يجب تكثيف العلاج الوقائي من الصداع من خلال الطبيب المعالج و يؤخذ قبل الفجر و ممكن الاستعانه بأخذ الحقن المسكنه للصداع عند حدوثه (ملحوظه: الحقن مبتفطرش) و يتفادوا التعرض للحر قدر الامكان و ممكن يحطوا فوط بارده أو مثلجه علي الرأس كلما أمكن .
ملحوظه تاني غلسه شويه : الزبادي و الفول بيزودوا الصداع النصفي لأنهم
tyramine containing food

كمان مرضي الإم إس multiple sclerosis أو التصلب المتعدد و دول الصيام خاصة في الحر من الممكن أن يكون له تأثير سلبي على الحركه و الاتزان و المشي و الرؤية و عشان كده ممكن يفطروا علي حسب القدره و الاستطاعه و لو هيصوموا يراعوا تجنب الحر قدر الامكان و اخذ دش بارد كذا مره في اليوم لتجنب الارهاق و لو بياخدوا حقن الانترفيرون يفضل ياخدوها بالليل قبل النوم حتي لو هيناموا بعد الفجر ممكن ياخدوها لانها برضه ما بتفطرش بس لو بياخدوا اقراص ياخدوها بعد الفطار

٥- لو قادرين نصوم بس في أدويه مخ و أعصاب بناخدها و مش عارفين نظبط مواعيدها مع الصيام نعمل ايه ؟
*****************************************
في الاول لازم نرجع للطبيب المعالج
و عموما الادويه الصباحيه تؤخذ بعد افطار المغرب و الادويه المسائيه تؤخذ بعد السحور و ممكن نغير المواعيد علي طول مش لازم نغير المواعيد بالتدريج.

٦- في ناس بتستسهل انها تفطر
*********************************************
او تجبر أولادها و بناتها علي الفطار علي الرغم من قدرتهم عشان بياخدوا حبه واحده و لا أتنين يوميا و خايفين من تغيير المواعيد دون مراجعه الطبيب المعالج

و ده مش صح .. مواعيد العلاج سهل تتغير لتناسب مواعيد الصيام
فقط ارجعوا للطبيب المعالج المسلم الثقه

٧- هناك مرضي بيصروا اصرار شديد جدا علي الصيام رغم النصيحه الطبيه فهل هناك مخارج لهم لمساعدتهم علي الصيام الآمن
********************************************
هناك بعض الوسائل المساعده زي :
أ. اخذ العلاج في شكل حقن
زي مثلا حقن النيوستجمين بدل الاقراص لمرضي الوهن العضلي
ب. اخذ اقراص ممتده المفعول زي "CR " و ال XR
لمرضي النفسيه و اضطراب كهربيه المخ و الصرع و الشلل الرعاش
ج. ياريت ندي بدائل خلال رمضان للأدويه اللي بتنشف الريق زي التربتيزول و كل TCA
و طبعا
Anticholinergic drugs
و اللي بنستخدمها لمرضي الشلل الرعاش او مع مشاكل السلس البولي

و كل عام و انتم بخير و تقبل الله منا و منكم صالح الأعمال و أعانكم علي الصيام و القيام

#متخافوش

15/09/2025

https://www.facebook.com/share/1ZVgoPmbRs/

Aleading pharmaceutical Company Specializing in Supplements & Medical Products for Skin & Hair care
we have a lot for you.we joined Poly Care Co.for our Companies.All Of Us are partners in Success

11/09/2025

30/09/2024

الصحة تاج فوق رؤوس الأصحاء.لا يدركه إلا المرضى

29/09/2024

🛑دكتور/ يحيي النجار
استشاري جراحة المخ والأعصاب والعمود الفقري✅
عضو الجمعية المصرية لجراحي المخ والأعصاب ✅
عضو إتحاد الأطباء العرب ✅

🏢العنوان :
🚩 القاهرة - المهندسين - 21 شارع البطل أحمد عبد العزيز أمام معامل ألفا (عيادات دياموند -Diamond Clinic )

⏰✅✅مواعيد العيادة : الأحد من كل أسبوع من الساعه11صباحاً للساعة 2 ظهراً .

💊 🩺🩹💉خدمات العيادة⬇️⬇️ :
- إستئصال الإنزلاق الغضروفي بالمنظار
- جراحات تثبيت الفقرات
- علاج و جراحات كسور العمود الفقري
- علاج إصابات المخ و النخاع الشوكي
- جراحات مناظير العمود الفقري
- جراحات مناظير المخ
- جراحات أورام المخ وأورام قاع الجمجمة
- جراحة أورام الغدة النخامية بالمنظار
- جراحة إستسقاء المخ بالمنظار للأطفال

📌☎️التواصل والاستفسار 📞
01030304454
02233041045