Dr Ahmed Raafat Fouad

Dr Ahmed Raafat Fouad Nephrologist | Kidney health in simple words
(10)

صعبانيات الفيس 😅😅أبو الطالب اللي طردوه من المدرسة عشان رايح بشبشب طالع يقول للناس بطلوا حوارات وصعبنيات 😂بيقول سألت ابني...
15/09/2026

صعبانيات الفيس 😅😅
أبو الطالب اللي طردوه من المدرسة عشان رايح بشبشب طالع يقول للناس بطلوا حوارات وصعبنيات 😂

بيقول سألت ابني إنت روحت المدرسة بشبشب ليه يا محمد ده إنت عندك 40 كوتشي

قالي كنت متأخر ومستعجل لبسته ونزلت بسرعة عشان ألحق 😂

بيقول فتحت النت لقيت الناس عاملة الواد قصة كفاح وإنه مش لاقي يجيب جزمة وصحابه بيقولوله الناس فاكرة إنك مش لاقي تاكل 😂

الراجل في الآخر بيقول الواد ده هيخليني أروح أطلق أمه 😂😂

سعدت اليوم بالمشاركة في افتتاح أعمال تطوير ورفع كفاءة وحدة الكلى الصناعي ومحطة معالجة المياه بمستشفى الزقازيق العام وسط ...
13/09/2026

سعدت اليوم بالمشاركة في افتتاح أعمال تطوير ورفع كفاءة وحدة الكلى الصناعي ومحطة معالجة المياه بمستشفى الزقازيق العام وسط أساتذتي وزملائي

تطوير وحدات الكلى مش مجرد تطوير لمكان أو إضافة أجهزة جديدة
هو استثمار حقيقي في حياة مريض يقضي جزءًا كبيرًا من عمره على جهاز الغسيل

وكل خطوة لتحسين الخدمة هي خطوة نحو علاج أكثر أمانًا وحياة أفضل لمريض الكلى ❤

Proud to attend the ESNT Transplantation Chapter 2026.A wonderful opportunity to meet my respected professors and collea...
11/09/2026

Proud to attend the ESNT Transplantation Chapter 2026.
A wonderful opportunity to meet my respected professors and colleagues in Nephrology and Kidney Transplantation.

Always grateful to learn from the best and share such valuable moments. ❤️

حديث الجمعة 🌿مع بداية عام دراسي جديد بنجهز الكتب والشنط والدروس وبنفكر في المجموع والتفوقلكن فيه حاجة أهم محتاجين نفتكره...
11/09/2026

حديث الجمعة 🌿

مع بداية عام دراسي جديد بنجهز الكتب والشنط والدروس وبنفكر في المجموع والتفوق
لكن فيه حاجة أهم محتاجين نفتكرها

إحنا مش بنربي «طالب» بس
إحنا بنبني «إنسان»
علّم ابنك يجتهد وينجح ويتفوق
لكن علّمه كمان إن زميله مش خصم وإن نجاح غيره مش معناه فشله
وإن الطفل الأضعف منه محتاج مساعدة مش سخرية
وإن اختلاف الشكل أو المستوى أو الإمكانيات عمره ما يقلل من قيمة حد
المدرسة مكان للتعلم مش ساحة حرب
والمنافسة ممكن تكون جميلة وشريفة من غير ما نفقد الرحمة ببعض
بعد سنين ممكن ابنك ينسى جاب كام في امتحان
لكن طفل تاني ممكن يفضل فاكر كلمة طيبة قالها له أو موقف وقف فيه جنبه
وزي ما الكلمة الطيبة بتفضل
الكلمة اللي جرحت ممكن تفضل برضه
الدرجات مكانها الشهادة
لكن الأخلاق مكانها في الناس وفي الأثر اللي بنسيبه فيهم

مع أول يوم دراسة قبل ما تقول لابنك «عايزك تطلع الأول»
قوله
اجتهد وانجح وتفوق.. بس خليك رحيم باللي حواليك

جمعة طيبة وبداية جميلة وموفقة لكل أولادنا 🤍

🧪 رقم في تحليلك.. لازم تفهمه | 12 والأخيرالكُلى مش بس بتنقّي الدم من السموم.. دي كمان بتحافظ على درجة حموضة جسمك.وهنا يي...
10/09/2026

🧪 رقم في تحليلك.. لازم تفهمه | 12 والأخير

الكُلى مش بس بتنقّي الدم من السموم.. دي كمان بتحافظ على درجة حموضة جسمك.

وهنا ييجي آخر رقم في سلسلتنا:

Bicarbonate – HCO₃⁻ البيكربونات

ببساطة..
الجسم طول الوقت بينتج أحماض نتيجة العمليات الطبيعية، والكُلى ليها دور أساسي في التخلص من الأحماض والحفاظ على مستوى البيكربونات.

لما وظائف الكُلى تقل، ممكن الأحماض تبدأ تتراكم والـ Bicarbonate تقل..

وده اللي بنسميه Metabolic Acidosis – حموضة الدم الأيضية.

طيب ليه الرقم ده مهم؟

لأن استمرار الحموضة خصوصًا مع القصور الكلوي المزمن ممكن يؤثر على العضلات والعظام والحالة الغذائية، وقد يرتبط بتدهور أسرع لوظائف الكُلى.

لكن زي ما اتعلمنا طول السلسلة 👇

مينفعش نعالج رقم لوحده.

انخفاض البيكربونات له أسباب مختلفة، ولازم يتفسر مع حالة المريض وباقي التحاليل، وأحيانًا غازات الدم حسب الحالة.

وبكده نكون وصلنا لنهاية سلسلة:

🧪 «رقم في تحليلك.. لازم تفهمه»

بدأنا بالكرياتينين..
وعدّينا على 12 رقم مهم، والهدف من البداية كان حاجة واحدة:

ماتخليش ورقة التحاليل بالنسبة لك مجرد أرقام.. افهم هي بتقول إيه.

دلوقتي دوركم 👇

من الـ12 رقم اللي اتكلمنا عنهم.. إيه أكتر تحليل كنت بتشوفه ومش فاهم معناه قبل السلسلة؟

ولو شايف إن السلسلة كانت مفيدة، اكتبلي تحب السلسلة الجاية نفهم فيها إيه؟

#تحليل
#توعيةصحية
#نصيحة

🧪 رقم في تحليلك.. لازم تفهمه | 11«الصوديوم عندي قليل يا دكتور.. أزوّد الملح؟»مش بالضرورة.. ودي غلطة مهمة.الصوديوم Na من ...
10/09/2026

🧪 رقم في تحليلك.. لازم تفهمه | 11

«الصوديوم عندي قليل يا دكتور.. أزوّد الملح؟»

مش بالضرورة.. ودي غلطة مهمة.

الصوديوم Na من أهم الأملاح الموجودة في الدم، وله دور أساسي في توازن السوائل وعمل الأعصاب والعضلات.

لكن لما الصوديوم يقل في التحليل..

المشكلة مش دايمًا إن الجسم ناقص ملح.

أحيانًا المشكلة تكون إن الجسم عنده مياه زيادة بالنسبة للصوديوم، وده ممكن يحصل في بعض مرضى الكُلى والقلب والكبد، أو بسبب بعض الأدوية وحالات أخرى.

وعشان كده 👇

مينفعش نعالج الصوديوم المنخفض بزيادة الملح أو تقليل المياه من نفسنا.

لازم الأول نعرف:
هل المريض عنده جفاف؟
ولا احتباس سوائل؟
هل بياخد مدرات؟
وهل الانخفاض حصل تدريجي ولا بسرعة؟

لأن الانخفاض الشديد أو السريع في الصوديوم ممكن يؤثر على المخ والوعي ويحتاج تقييم سريع.

📌 الخلاصة:

الصوديوم مش مجرد رقم للملح.. هو رقم بيحكي لنا جزء مهم من توازن المياه في الجسم.

وبكرة رقم جديد..

رقم صغير في التحليل لكن تغيّره ممكن يقول لنا كتير عن حموضة الدم وتوازن الجسم، وخصوصًا مع ضعف وظائف الكُلى.

تفتكر الرقم الجاي إيه؟

#تحليل


🧪 رقم في تحليلك.. لازم تفهمه | 10«اليوريا عندي عالية يا دكتور.. كده وظائف الكُلى بتسوء؟»مش بالضرورة.Urea أو BUN من أشهر ...
09/09/2026

🧪 رقم في تحليلك.. لازم تفهمه | 10

«اليوريا عندي عالية يا دكتور.. كده وظائف الكُلى بتسوء؟»

مش بالضرورة.

Urea أو BUN من أشهر الأرقام اللي بنشوفها في تحاليل وظائف الكُلى..

طيب هي إيه أصلًا؟

ببساطة..
الجسم لما يتعامل مع البروتين بينتج فضلات، الكبد بيحوّل جزء منها إلى يوريا، والكُلى بتتخلص منها في البول.

عشان كده طبيعي إن اليوريا ترتفع لما وظائف الكُلى تقل.

لكن ارتفاعها مش معناه دايمًا إن المشكلة من الكُلى.

ممكن ترتفع مع الجفاف أو تناول كمية كبيرة من البروتين أو نزيف بالجهاز الهضمي أو بعض الحالات والأدوية.

وعشان كده ممكن تلاقي اليوريا عالية والكرياتينين مش مرتفع بنفس الدرجة.

والعكس مهم برضه 👇

مينفعش نحكم على كفاءة الكُلى من اليوريا لوحدها.

لازم نشوفها وسط الصورة كاملة:
الكرياتينين والـ eGFR وحالة المريض وباقي التحاليل.

📌 ودي الفكرة اللي عايزك تفتكرها من السلسلة:

مش كل رقم عالي في «وظائف الكُلى» معناه إن الكُلى هي السبب.

وبكرة رقم جديد..
موجود في تحليل بسيط جدًا، وممكن يساعدنا نفهم هل الجسم محتفظ بسوائل ولا فيه مشكلة تانية لازم ندور عليها.

تفتكر الرقم الجاي إيه؟

#تحليل
#توعيةصحية

إرهاصات فكرية..في مصر بقى أحيانًا أقصر طريق للمسؤول مش المكاتبات ولا التسلسل الإداري ولا حتى إن يكون عندك مشكلة حقيقية ت...
09/09/2026

إرهاصات فكرية..

في مصر بقى أحيانًا أقصر طريق للمسؤول مش المكاتبات ولا التسلسل الإداري ولا حتى إن يكون عندك مشكلة حقيقية تستحق الحل

أقصر طريق بقى إنك تبقى ترند

مديرو المدارس في واقعة القليوبية أصبحوا ترند وخلال أيام وصل صوتهم للوزير وتم استدعاؤهم لتكريمهم

وكل الاحترام ليهم
لكن السؤال الحقيقي
لو نفس المديرين قبل الترند كان عندهم طلب وعايزين يقابلوا أحد مساعدي الوزير هل كانوا هيقدروا يوصلوا له بنفس السهولة؟ فما بالك بالوزير نفسه؟

ونفس الفكرة في قصة الصيدلي
في لحظة بقى ترند واتفتحت له أبواب وفرص يمكن ماكانش يحلم بيها قبلها
وساعتها مش هتفرق كتير هل الترند جه بالصدفة ولا كان مقصود من البداية
لأن الرسالة وصلت للجميع

ونفس الكلام في الصحة
دكتور ممكن يكون عنده مشكلة حقيقية أو فكرة تحسن خدمة آلاف المرضى ويكتب مكاتبات ويفضل شهور يحاول يوصل
لكن لو الموضوع بقى ترند فجأة الكل يسمع والكل يتحرك

أنا مش ضد إن المسؤول يتفاعل مع الناس
بالعكس ده مطلوب

لكن الخطورة إننا نصنع مجتمعًا يتعلم فيه الناس إن المشاهدات أسرع من المكاتبات وإن الكاميرا أقوى من الطريق الرسمي

وساعتها ماتستغربش إن كل واحد عنده مشكلة يبدأ يفكر إزاي يعمل ترند بدل ما يفكر إزاي يوصل للمؤسسة

لأن أخطر ما في دولة الترند مش إن الناس بتحب الشهرة
الأخطر إن الناس تبدأ تقتنع إن صوتها من غير ترند مالوش قيمة

المؤسسة القوية تفتح أبوابها لصاحب الحق قبل ما يفتح الكاميرا
وتسمع صوته قبل ما يضطر يعلّيه
لأن لما الترند يبقى أقصر طريق للمسؤول
يبقى الخلل مش في السوشيال ميديا
الخلل في الطريق للمسؤول

🧪 رقم في تحليلك.. لازم تفهمه | 9«الكالسيوم عندي قليل يا دكتور.. يبقى آخد كالسيوم؟»مش بالضرورة.لأن الكالسيوم Calcium من ا...
09/09/2026

🧪 رقم في تحليلك.. لازم تفهمه | 9

«الكالسيوم عندي قليل يا دكتور.. يبقى آخد كالسيوم؟»

مش بالضرورة.

لأن الكالسيوم Calcium من الأرقام اللي مينفعش نقراها لوحدها، وخصوصًا عند مريض الكُلى.

الكُلى ليها دور مهم في تنشيط فيتامين D والحفاظ على توازن الكالسيوم والفوسفور في الجسم.

ومع ضعف وظائف الكُلى، التوازن ده ممكن يبدأ يختل.

لكن خد بالك 👇

الكالسيوم المنخفض في التحليل مش معناه تلقائيًا إن جسمك محتاج أقراص كالسيوم.

لأن الرقم ممكن يتأثر بمستوى الألبومين، وأحيانًا نحتاج نحسب الـ Corrected Calcium أو نقيس Ionized Calcium حسب الحالة.

وكمان لازم نبص معاه على:

Phosphorus + PTH + Vitamin D

عشان نفهم الصورة كاملة.

وعشان كده خصوصًا عند مريض الكُلى..

❌ متعالجش رقم الكالسيوم من نفسك.

لأن المشكلة مش دايمًا «نقص كالسيوم»..
المشكلة أحيانًا في توازن كامل بين الكُلى والعظام والهرمونات.

📌 وبكرة هنخرج شوية من قصة العظام..

ونتكلم عن رقم موجود في تحليل بسيط جدًا، وارتفاعه عند مريض الكُلى ممكن يكون له أكتر من معنى.

تفتكر الرقم رقم 10 إيه؟
#تحليل
#توعيةصحية


Address

Zagazig

Website

, ,

Alerts

Be the first to know and let us send you an email when Dr Ahmed Raafat Fouad posts news and promotions. Your email address will not be used for any other purpose, and you can unsubscribe at any time.

Shortcuts

Share

Category