Diet Story with Dr Marwa Hasseib

Diet Story with Dr Marwa Hasseib Contact information, map and directions, contact form, opening hours, services, ratings, photos, videos and announcements from Diet Story with Dr Marwa Hasseib, Medical and health, Zagazig.

لو الدايت بيفشل معاكي كل مرة… المشكلة غالبًا مش فيك
بنصحح أخطاء الدايت اللي بتوقف نزول الوزن
الصفحة هاتقدملك
🥗 أفكار أكل صحية
⚖️ خسارة وزن صحية
📉 قصص نجاح حقيقية لناس خسرت وزن فعلا
📍 مصر
📲 متابعة أونلاين
01021006884
Your friend through your Diet Story

عندك مانجاية في التلاجة؟ هتخسي 3 كيلو الأسبوع ده! 🥭🔥الصيف يعني مانجا، ولو بتحبي الحلو الصبح وبتزهقي من الفطار الحادق، ال...
11/08/2026

عندك مانجاية في التلاجة؟ هتخسي 3 كيلو الأسبوع ده! 🥭🔥

الصيف يعني مانجا، ولو بتحبي الحلو الصبح وبتزهقي من الفطار الحادق، البوست ده ليكي.

الجزء التالت - 10 أفكار فطار صيفي حلو هيشبعك 6 ساعات من 210 سعر بس

✅ كله بزبادي بلدي عادي ولبن بلدي - دهون طبيعية بتشبع وتحرق

8 أفكار منهم بالمانجو بس، هتخليكي تاكلي اللي بتحبيه وتخسي.

كل الأفكار جوه الصور بالجرام والبروتين، شوفيهم للآخر.

مهم:
احفظي البوست Save دلوقتي عشان موسم المانجو قصير وهتحتاجيه كل يوم
ومنشني صاحبتك اللي بتموت في المانجا وفاكرة انها بتتخن 😅

قوليلي هتبدأي بكرة برقم كام؟ من 1 لـ 10؟ وأنا هبعتلك الطريقة بالظبط.

---
Dr Marwa Hasseib | Diet Story 📖
أخصائية التغذية العلاجية

💉 أسرار حقن التخسيس | الحلقة ٣كل حقن التخسيس زي بعض؟! 😳"دكتورة، ما هي كلها حقن تخسيس... أختار أي واحدة؟"لأ! ودي من أخطر ...
10/08/2026

💉 أسرار حقن التخسيس | الحلقة ٣

كل حقن التخسيس زي بعض؟! 😳

"دكتورة، ما هي كلها حقن تخسيس... أختار أي واحدة؟"

لأ! ودي من أخطر الأفكار.

حقن التخسيس مش نوع واحد، ومش كل حقنة مناسبة لكل شخص.

فيه أدوية بتشتغل على مسارات هرمونية مختلفة، وبالتالي:

آلية عملها مختلفة.

تأثيرها مختلف.

آثارها الجانبية مختلفة.

وحتى مين ينفع ياخدها ومين لأ بيختلف.

وعشان كده اختيار الحقنة مش بيكون على أساس مين خِسّ أكتر مع صاحبتك! 😅

قبل ما أختار العلاج، لازم أبص على: وزنك ونسبة الدهون، تاريخك المرضي، الأدوية اللي بتاخديها، وأهدافك... وبعدها نحدد هل أصلًا محتاجة علاج دوائي، وإيه الأنسب ليكي.

💡 الحقنة الصح مش هي أشهر حقنة...
الحقنة الصح هي المناسبة لحالتك.

وفي الحلقة الجاية هنتكلم عن سؤال أهم:

"إمتى أصلًا الشخص يكون محتاج حقن تخسيس؟" 👀

💬 قوليلي في الكومنتات: إيه أكتر حاجة محيراكي في حقن التخسيس؟
اكتبي سؤالك، وممكن يكون هو موضوع الحلقة الجاية 👀

هاشتاجات






-------------
د.مروة حسيب أخصائية التغذية العلاجية والسمنة والنحافة
010 21006844

مش جعانة.. وبتاكلي؟ قطتك أذكى منك في النقطة دي 😹بمناسبة اليوم العالمي للقطط – 8 أغسطس 🐾❤️خلينا ناخد من قططنا درس صغير في...
08/08/2026

مش جعانة.. وبتاكلي؟ قطتك أذكى منك في النقطة دي 😹
بمناسبة اليوم العالمي للقطط – 8 أغسطس 🐾❤️

خلينا ناخد من قططنا درس صغير في الأكل.. بس بطريقة مختلفة

إحنا ساعات بنكون مش جعانين أصلاً، ومع ذلك نلاقي نفسنا بنفتح التلاجة أو ندور على حاجة ناكلها..

📺 قاعدين قدام التلفزيون؟ → لازم سناك
☕ عملنا قهوة؟ → فين الحاجة الحلوة؟
😩 يومنا كان صعب؟ → نستاهل شوكولاتة
👀 شفنا أكل قدامنا؟ → "ما هي واحدة مش هتفرق!" 😂

المشكلة إن مش كل رغبة في الأكل معناها إن جسمك محتاج أكل.

أحيانًا اللي بيحرّكنا هو المحفز اللي حوالينا:
👀 شكل الأكل
👃 ريحته
📺 المكان أو الموقف
😩 الملل أو التوتر
⏰ وحتى العادة نفسها

وعشان كده، قبل ما تاكلي حاجة بين الوجبات، جربي تسألي نفسك:
"أنا جعانة فعلًا… ولا أنا بس اتذكّرت الأكل؟" 🤔

السؤال بسيط، لكن إجابته ممكن تخلّيكي تكتشفي إن جزء من أكلك اليومي مش سببه الجوع أصلًا.

ومش معنى كده إن كل مرة تاكلي من غير جوع تبقى مشكلة…
الفكرة إنك تفهمي سلوكك الأول، بدل ما تلومي نفسك عليه ❤️

🐱 وكل سنة وكل القطط بخير

إيه أكتر حاجة بتفكرك بالأكل حتى وإنتي مش جعانة؟ 😹

Pov:بقول للحالة: دجاج مشوي يا مدام..هي في ثانية دماغها ترجمها: شاورما سوري سايحة تومية وبطاطس ومخلل 🤣🌯​اعترفوا.. مين دما...
08/08/2026

Pov:
بقول للحالة: دجاج مشوي يا مدام..
هي في ثانية دماغها ترجمها: شاورما سوري سايحة تومية وبطاطس ومخلل 🤣🌯

​
اعترفوا.. مين دماغها بتعمل الترجمة دي أوتوماتيك؟
ونادي صاحبتك اللي بتفسر الدايت على مزاجها 👇

Dr Marwa Hasseib

​ #ضحك #شاورما

05/08/2026

بتاكلي صحي وبرضة بطنك مش مرتاحة وعندك امساك مستمر؟

السبب غالبا مش قلة الألياف، السبب إن الألياف محتاجة 3 شروط عشان تشتغل صح.

لو شرط واحد ناقص هتفضل واقفة مكانها.
3 خطوات بسيطة بتفرق جدا في 7 أيام،
شرحتهم كلهم في الفيديو.

#الامساك

زهقتي من كل يوم "هتغدى ايه" واللي يبوظ الدايت؟ 🍛عملتلك 7 افكار غدا صحي مصري 100%، من 350 لـ 480 سعر بس، كميات محسوبة بال...
04/08/2026

زهقتي من كل يوم "هتغدى ايه" واللي يبوظ الدايت؟ 🍛

عملتلك 7 افكار غدا صحي مصري 100%، من 350 لـ 480 سعر بس، كميات محسوبة بالجرام وهيشبعك 6 ساعات.

كل المقادير بالجرام تحت كل صورة 👇

قوليلي هتبدأي بكرة برقم كام؟ من 1 لـ 7

اعملي Save البوست ده هتحتاجيه كل يوم في الغدا ❤️

Dr Marwa Hasseib

🚦 كل مرة تاكلي بره... تحسي إن الدايت باظ؟ 🍔الحقيقة إن المشكلة مش في المطاعم...المشكلة في الاختيار.كتير من الستات بيلغوا ...
03/08/2026

🚦 كل مرة تاكلي بره... تحسي إن الدايت باظ؟ 🍔

الحقيقة إن المشكلة مش في المطاعم...
المشكلة في الاختيار.

كتير من الستات بيلغوا الخروج أو يعيشوا في تأنيب ضمير بعد أي وجبة بره... مع إن الحل أبسط من كده.

في نظام بنسميه "إشارة المرور الغذائية" 🚦
🔴 أكلات الأفضل تتجنبيها.
🟡 أكلات ينفع تاكليها باعتدال.
🟢 أكلات تقدري تستمتعي بيها وتكملي نزول وزن طبيعي.

والأهم...
أنا مش بديكي دايت جاهز.
أنا بعمل خطة غذائية مصممة على يومك الحقيقي...

✔️ بتحبي المطاعم؟
✔️ عندك شغل وخروج؟
✔️ عندك عزومات كل أسبوع؟

هنبني نظام يناسب حياتك... مش يجبرك تغيري حياتك.

✨ لأن الدايت الناجح هو اللي تقدري تكملي عليه.

📩 احجزي استشارتك الآن، وابدئي رحلة نزول وزن تناسب أسلوب حياتك بدون حرمان

د/مروة حسيب
أخصائية التغذية العلاجية والسمنة والنحافة

--------------------
📍 عناوينا:
* الجمعية الشرعية -ش فاروق
* ٢٣ ش الامام علي المتفرع من طلبة عويضة امام كارفور الجديد -مركز المصطفي
* مجمع عيادات إنفينيتي – شارع طلبة عويضة

📲 واستشارات أونلاين من أي مكان داخل أو خارج مصر.
📞 010 21006844

#مطاعم

01/08/2026

فاكرة المشكلة في الشامبو؟ 🤔

شعرك بيقع عشان طبقك ناقص بروتين وحديد وزنك!
٤ خطوات بس في الفيديو ده هترجع شعرك أقوى من الجذور..
قوليلي بصراحة بتاخدي بروتين قد ايه في يومك؟ 👇

بطلي تقولي "زهقت من الدايت" بسبب الفطار! 😩لو كل يوم نفس البيضة المسلوقة وكوباية الشاي بلبن.. فطبيعي تزهقي وتبوظي الدايت....
31/07/2026

بطلي تقولي "زهقت من الدايت" بسبب الفطار! 😩

لو كل يوم نفس البيضة المسلوقة وكوباية الشاي بلبن.. فطبيعي تزهقي وتبوظي الدايت.

عشان كده بعد ما الجزء الاول وصل مئات ال Save عملتلكم الجزء التاني - 10 افكار فطار حادق جديدة هتقفل معاكي بطنك 6 ساعات بجد

كل فكرة محسوبة بالجرام والسعر والبروتين
من 210 سعر بس
من غير عيش يفتح نفسك ولا حرمان
وينفع لمقاومة الانسولين والتكيسات ✅

الـ 10 افكار جوه الصور بالترتيب، شوفيهم للآخر.

مهم:
احفظي البوست ده Save دلوقتي عشان هتحتاجيه كل يوم قبل ما تفطري
ومنشني صاحبتك اللي فطارها بسكوت وشاي وبتقولك عاملين دايت 😅

قوليلي هتبدأي بكرة برقم كام؟ من 1 لـ 10؟ وانا هبعتلك سعراته

---
Dr Marwa Hasseib | Diet Story 📖
أخصائية التغذية العلاجية

29/07/2026

بتحطي أغلى كريمات وبشرتك لسه جافة ؟
المشكلة مش في الكريم، لما البشرة تنشف من جوه أي كريم بره مش هيمسك.
جربت 4 خطوات لـ 7 أيام والترطيب رجع من تالت يوم.
شرحتهم في الفيديو، انتي بشرتك بتنشف أكتر فين؟
الجبهة ولا الخدين ولا حوالين الفم ؟



Address

Zagazig

Website

Alerts

Be the first to know and let us send you an email when Diet Story with Dr Marwa Hasseib posts news and promotions. Your email address will not be used for any other purpose, and you can unsubscribe at any time.

Shortcuts

Share

Category