قسم طب الأسرة كلية الطب جامعة الزقازيق

  • Home
  • Egypt
  • Zagazig
  • قسم طب الأسرة كلية الطب جامعة الزقازيق

قسم طب الأسرة كلية الطب جامعة الزقازيق Contact information, map and directions, contact form, opening hours, services, ratings, photos, videos and announcements from قسم طب الأسرة كلية الطب جامعة الزقازيق, Medical and health, faculty of medicine, Zagazig.

تهدف الصفحة إلى دعم التعليم الطبي في مجال طب الأسرة ومتابعة الأنشطة العلمية و الأكاديمية بالقسم ونشر احدث الأخبار والورش التدريبية والابحاث العلمية مع الحفاظ على معايير أخلاق المهنة وسرية المرضى...

*📢 إعلان هام* *يعلن قسم طب الأسرة* عن فتح باب التقدم لـ دبلومة التغذية العلاجية، وذلك للعرض على مجلس القسم والحصول على م...
09/08/2026

*📢 إعلان هام*
*يعلن قسم طب الأسرة* عن فتح باب التقدم لـ دبلومة التغذية العلاجية، وذلك للعرض على مجلس القسم والحصول على موافقة مجلس القسم خلال شهري أغسطس وسبتمبر.
📌 علماً بأن آخر موعد للتقدم لمجلس القسم شهر سبتمبر هو: *الأحد 13 / 9 / 2026*
فعلى الراغبين في الالتحاق بالدبلومة سرعة التقدم واستكمال الإجراءات المطلوبة في الموعد المحدد.
*مع تمنياتنا للجميع بالتوفيق والنجاح*
* *
* *
* *
*
* *

🌞🔥 الحر مش مجرد إحساس بالتعب... أحيانًا ممكن يبقى خطر حقيقي!مع ارتفاع درجات الحرارة، ممكن التعرض للشمس لفترة طويلة يؤدي ...
28/07/2026

🌞🔥 الحر مش مجرد إحساس بالتعب... أحيانًا ممكن يبقى خطر حقيقي!

مع ارتفاع درجات الحرارة، ممكن التعرض للشمس لفترة طويلة يؤدي إلى ضربة شمس💥، وهي حالة طبية طارئة تحتاج إلى تدخل سريع، خاصة عند الأطفال، وكبار السن، وأصحاب الأمراض المزمنة.🚫

في الإنفوجرافيك ده هتعرف:
✅ إزاي تميّز أعراض ضربة الشمس.🤒🤕
✅ إزاي تحمي نفسك وأهلك منها.🕶😵🤒
✅ وإيه أول خطوات الإسعاف الأولي اللي ممكن تنقذ حياة شخص لحد ما توصل له المساعدة الطبية.💦

شارك البوست مع أهلك وأصحابك... لأن المعلومة الصح في الوقت الصح ممكن تنقذ حياة. ☀️💙





أهلا يا مامي👩‍🍼تعرفي إن كل الرضع اللي بيرضعوا طبيعي وبياخدوا مكملات الحديد كروتين من الشهر السادس بدون داعي طبي دا غير ص...
21/07/2026

أهلا يا مامي👩‍🍼
تعرفي إن كل الرضع اللي بيرضعوا طبيعي وبياخدوا مكملات الحديد كروتين من الشهر السادس بدون داعي طبي دا غير صحيح. 😔
منظمة الصحة العالمية لا توصي بإعطاء مكمل الحديد للرضع الذين يرضعون رضاعة طبيعية من الشهر السادس بدون تحاليل طبية وداعي طبي.
صحيح مخزون الحديد ف جسم الرضيع بيكفيه أول ست شهور وبعد كدا بيحتاج يعوض من برا إلا إن دا مش معناه إني أديهوله في صورة مكمل غذائي.
الأفضل ياخده من الطعام الغني بالحديد ؛ ليه دا الأفضل؟
لكذا سبب
١.لأن الحديد اللي بيتاخد من بره بيمنع تماما امتصاص الحديد الموجود في لبن الأم ودا لأن الحديد في لبن الأم مربوط بمادة ال lactoferrin اللي بيعمل كمضاد للبكتريا والفيروسات والفطريات ويعتبر غذاء للبكتريا المفيدة للجسم
فلو اديت الحديد من بره_ والطفل غير محتاج_الطفل هيتحرم من كل الفوايد دي
٢. لو الطفل أخد حديد خارجي زيادة عن حاجته دا بيزود من مادة ال hepcidin اللي بتقلل امتصاص الحديد.
٣.لو الطفل أخد حديد وهو غير محتاج، في دلائل إنه بيأثر على التطور العقلي والسلوكي للطفل.
٤.لو الطفل حامل لجين أنيميا البحر المتوسط، جسمه هيخزن الحديد وده ممكن يسبب ضرر.
طب نعمل اي: 😵‍💫
نستشير الطبيب الصحيح ولو طفلك من:
الأطفال المبتسرين، اللي وزنهم قليل، اللي عندهم تحسس من الطعام، التوأم، الأطفال اللي دخلوا الحضانة لفترة، أو الأم كانت عندها نقص حديد شديد في الحمل، يفضل نعمل لهم تحليل بروفايل الحديد بصورة روتينية عند عمر 4 أو 6 شهور.
غير كدا بندخّل للطفل طعام غني بالحديد وبنعمل screening test عند عمر السنة وساعتها لو عنده أنيميا بندي الحديد.
الحديد دواء مش مكمل غذائي، ولا فيتامين بنديه بدون حساب.🫡


#انيميا

حاسس إن جسمك شغال بسرعة زيادة؟ 🚨ممكن تكون الغدة الدرقية هي السبب!"ما تهملش الأعراض وما تعتبرهاش "توتر عادي" اطمن علي نفس...
18/07/2026

حاسس إن جسمك شغال بسرعة زيادة؟ 🚨
ممكن تكون الغدة الدرقية هي السبب!"
ما تهملش الأعراض وما تعتبرهاش "توتر عادي"
اطمن علي نفسك عند طبيب الأسرة 🤗

#الغدةالدرقية

بتحسي إنك دايمًا تعبانة؟ 😴وزنك بيزيد رغم إن أكلك زي ما هو؟😔شعرك بيقع وبقيتي بتحسي بالبرد أكتر من اللي حواليكي؟💨ممكن جسمك...
14/07/2026

بتحسي إنك دايمًا تعبانة؟ 😴
وزنك بيزيد رغم إن أكلك زي ما هو؟😔
شعرك بيقع وبقيتي بتحسي بالبرد أكتر من اللي حواليكي؟💨
ممكن جسمك يكون بيحاول يقولك: فيه حاجة مش مظبوطة في الغدة الدرقية!
دي صورة مبسطة للتوعية بخمول الغدة الدرقية و ازاي نتعامل معها 🤗

#الغدةالدرقية

كل عام وأنتم بخير 💜💜
16/06/2026

كل عام وأنتم بخير 💜💜

بقينا نسمع كتييير عن أنظمة غذائية "سحرية" ومش بس كدة لا ده و بتوعد بالشفاء من كل الأمراض، لكن الحقيقة إن جسم الإنسان معق...
09/05/2026

بقينا نسمع كتييير عن أنظمة غذائية "سحرية" ومش بس كدة لا ده و بتوعد بالشفاء من كل الأمراض، لكن الحقيقة إن جسم الإنسان معقد ومحتاج توازن مش حرمان.

جسمنا محتاج تغذية سليمة متوازنة مش بس عشان نخس، لا ده نظام حياة معتمد على:

• التنوع: القاعدة الذهبية “التوازن مش الحرمان” يعني

• خضار وفواكه يوميًا (ألوان مختلفة = فيتامينات أكتر)
• بروتين صحي: فراخ، سمك، بيض، بقوليات
• كربوهيدرات معقدة: عيش بلدي، شوفان، أرز بني
• دهون صحية: زيت الزيتون، مكسرات
• شرب مياه بشكل كافي (على الأقل 2 لتر يوميًا)
• نقلل من:
السكريات والمشروبات الغازية
الأكل المقلي والدهون المشبعة
الوجبات السريعة
الملح بكميات كبيرة
ولاحظ أن احنا قلنا نقلل يعني ما منعناش حاجة😁

• الاعتدال: مفيش أكل "شرير همنعه ومش هقرب منه" وأكل "مقدس هخلي حياتي كلها معتمدة عليه"

السر دايماً في الكمية والطريقة وده هيرجعنا لمصطلح الاتزان... كل من اللي موجود بس على حسب احتياجات جسمك وطبيعته..

• قسم أكلك على 3 وجبات رئيسية + 2 سناك
• متاكلش وأنت متوتر أو مستعجل
• اتحرك يوميًا حتى لو مشي نص ساعة
• نام كويس
ونبعد تمااااما عن التدخين🤓🤓🤓🤓🤓
(الصحة مش أكل بس!)

• الاستمرارية: يعني خلي بالك أن النظام اللي يخليك تحرم نفسك من مجموعات غذائية كاملة هو نظام صعب يكمل، وغالباً بيضر أكتر ما بيفيد.

و نخلي بالنا من المبدأ اللي أغلب الناس ماشية عليه
"كُل اللي نفسك فيه… الحياة قصيرة!”

أحب أقولكم أن هنالك حقيقة مؤلمة...

أن الحياة ممكن تقصر فعلًا… بسبب اللي بناكله كل يوم!

خدوا بالكم أعزائي القراء الأكل مش بس متعة لحظية…
ده إما دواء ببطء… أو سم ببطء!

يعني لما تعتمد على:
سكريات بشكل يومي
أكل مقلي وسريع
قلة حركة
نوم غير منتظم

إنت كده بتفتح الباب لـ:
أمراض القلب
السكر
الضغط
السمنة ومضاعفاتها
تعب مستمر ومزاج سيء

وللأسف الحقيقة اللي ناس كتير مش عايزة تسمعها:

“الحرية في الأكل من غير وعي… اسمها إهمال مش رفاهية”

وبكرر تاني وتالت وعاشر النظام الصحي مش حرمان طالما مافيش مشكلة صحية تمنع عن حضرتك أنواع معينة من الأكل…

لكن النظام الصحي هو اختيار ذكي يخليك تعيش: بطاقة، تركيز، جسم سليم وبعيد عن دوامة الدكاترة والأدوية

الفكرة مش إنك تمنع نفسك…الفكرة إنك توازن

تاكل حلو؟ آه… بس بوعي
تستمتع؟ أكيد… بس من غير ما تدفع صحتك التمن

ربنا خلق لنا تنوع رهيب في الأكل عشان نستفيد منه ففكرة انك تمنع جسمك من حاجة ربنا أوجدها علشان صحته وسلامته ممكن يدخل الجسم في نقص فيتامينات ومعادن أساسية على المدى الطويل، وده بيأثر على طاقة الجسم وصحة ووظائف الأعضاء وشكل الجلد والشعر.

وفي الختام أعزائي القراء عايزين تعيشوا حياة صحية ومليانة طاقة؟ فالسر مش في نظام قاسي ولا نظام أسمح فيه بحاجات وأمنع عن نفسي حاجات تانية جسمي في أشد الحاجة ليها...
لكن السر في نظام متنوع معتدل أقدر أستمر عليه طول عمري علشان تكون النتيجة...

وزن متوازن
طاقة أعلى
مناعة أقوى
تقليل خطر أمراض زي السكر والضغط والقلب

صحتك مش مشروع مؤقت… دي أسلوب حياة
الصحة قرار يومي وصحتك أمانة…
يعني كل لقمة يا بتبنيك… يا بتكسّرك!
فابدأ بخطوة صغيرة النهارده… وهتفرق جدًا بكرة

ابدأ قبل ما جسمك يقرر عنك☹️


لو لاحظت على طفلك (أو حتى على نفسك) فجأة حبوب حمراء بدأت تتحول لفقاعات، وبعدين قشرة "لونها عسلي" حوالين فم طفلك أو مناخي...
03/05/2026

لو لاحظت على طفلك (أو حتى على نفسك) فجأة حبوب حمراء بدأت تتحول لفقاعات، وبعدين قشرة "لونها عسلي" حوالين فم طفلك أو مناخيره.. يبقى الكلام ده يهمك!

غالبًا ده الحصف الجلدي) impetigo)
طيب إيه هو؟
عدوى بكتيرية سطحية بتصيب الجلد، وبتظهر غالبًا عند الأطفال، خصوصًا في الصيف ومع العرق.

إزاي بيتنقل؟ !
العدوى "شاطرة جداً" في الانتشار عن طريق....
ملامسة الجلد المصاب
استخدام أدوات شخصية مشتركة زي الفوط، المناديل، الهدوم أو حتى اللعب المشتركة
الاحتكاك المباشر مع شخص مصاب

بيحصل ليه؟
بكتيريا (ستاف أو ستربتوكوكس) بتنتهز فرصة أي جرح صغير أو خدش في الجلد وتدخل تعمل شغلها.

⚠️ طيب امتى أشك إن طفلي أو أي حد عنده الصحف الجلدي؟
بقع حمرا صغيرة
تتحول لفقاعات أو بثور
بتفتح وتطلع سائل
وبعدها تنشف وتتغطى بقشور صفراء/عسلية
ممكن يكون معاه حكة خفيفة

أعالجه ازاي يا دكتور؟🤔
طبعاً بعد مراجعة طبيب مختص 🙈العلاج بيكون كالآتي:
في الحالات البسيطة: كريم أو مرهم مضاد حيوي لمدة 5–7 أيام
الحالات الأكبر: ممكن نحتاج مضاد حيوي بالفم
ولازم نلتزم بالمدة كاملة عشان البكتيريا ماترجعش أقوى.

وماننساش أنه معدي 😰يعني لازم...
غسل الإيدين باستمرار
ما نشاركش الأدوات الشخصية
نقص الأظافر وننظفها كويس جداً
نغطي الأماكن المصابة
غسل الملابس والمفروشات وأي حاجة لمست الجلد المصاب بميه سخنة كويس

💬 الخلاصة:
الحصف الجلدي سهل يتعالج 👌
بس لأنه مُعدي… السرعة في التشخيص والعلاج بتفرق جدًا!

#الصيف

الجو حر، الرطوبة عالية، وطفلك بدأ يهرش وجلده يتملي نقط حمراء "بتشكشك"؟ أهلاً بيكم في موسم "حمو النيل". 🥵🌞إيه القصة🤓؟ببسا...
27/04/2026

الجو حر، الرطوبة عالية، وطفلك بدأ يهرش وجلده يتملي نقط حمراء "بتشكشك"؟
أهلاً بيكم في موسم "حمو النيل". 🥵🌞

إيه القصة🤓؟
ببساطة، قنوات العرق عند الأطفال (وأحياناً الكبار) بتتسد بسبب العرق الكتير، فالعرق بيتحبس تحت الجلد ويعمل الالتهاب ده.

ازاي نقدر نعرفه🤔🔍؟
نقط حمرا صغيرة أو حبوب عاملة زي "شكشكة"
إحساس بحكة أو حرقان
بيظهر أكتر في: الرقبة، الصدر، الظهر، وبين الفخذين

إزاي نحمي نفسنا ونحمي أولادنا🤗
القطن هو الحل: نحاول على قدر من الأمكان أن هدومنا تكون قطنية واسعة وخفيفة، ونبعد عن "البوليستر" والألياف الصناعية.
التهوية الجيدة: خلينا في مكان فيه تهوية كويسة أو مروحة
المية الفاترة: شاور بمية فاترة( مش ساقعة قوي ولا سخنة) من مرة لمرتين في اليوم على الأقل بيهدي الجلد جداً ويبرد الالتهاب

⚠️ معلومة مهمة:
لو الطفح زاد، أو حصل التهاب شديد، أو في طفل صغير متأثر جدًا → الأفضل استشارة دكتور متخصص.

❌🫣 غلطة بنقع فيها كلنا:
بلاش ندهن "فازلين" أو زيوت تقيلة على حمو النيل! دي بتسد المسام أكتر وبتخلي المشكلة تزيد بدل ما تتحسن.

الصيف أحلى من غير هرش وقلق.. حافظي على تهوية طفلك!

#الصيف

مناخيرك مش سايباك في حالك؟ عطس ورشح مع كل هجمة تراب؟ 🤧🌪️دا مش مجرد برد طويل، ده رد فعل "زيادة حبتين" من جهازك المناعي ضد...
20/04/2026

مناخيرك مش سايباك في حالك؟ عطس ورشح مع كل هجمة تراب؟ 🤧🌪️
دا مش مجرد برد طويل، ده رد فعل "زيادة حبتين" من جهازك المناعي ضد حاجات عادية في الجو زي التراب أو ريحة الورد🍃🌺 و بنسميه حساسية الأنف 👃

و دي بعض المعلومات البسيطة عن حساسية الأنف و كيفية الوقاية منها 🤗



Address

Faculty Of Medicine
Zagazig

Website

Alerts

Be the first to know and let us send you an email when قسم طب الأسرة كلية الطب جامعة الزقازيق posts news and promotions. Your email address will not be used for any other purpose, and you can unsubscribe at any time.

Shortcuts

Share

Category