22/04/2026
ازاي أربي ابني باعتدال؟ لا قاسي ولا مُدلّع زيادة 🤔
كتير من الأهالي بيقعوا في طرفين خطر:
يا إما شدة زيادة تخلي الطفل يخاف ويكتم جواه
يا إما دلع زيادة يخليه مش قادر يتحمل أي مسؤولية.
طيب نربي إزاي
الحل ف الإعتدال
يعني أكون حنينة… بس عندي قواعد
أسمع لابني… بس مش كل حاجة تتنفذ
أحبّه… بس أعلّمه الصح والغلط
ازاي؟؟
1. حطي قواعد واضحة
زي مواعيد النوم، استخدام الموبايل، طريقة الكلام
(والأهم: ثباتك عليها)
2. العقاب يكون للتعليم مش للانتقام
بدل الضرب أو الزعيق → احرميه من حاجة بيحبها فترة بسيطة
وخليه يفهم غلطه
3. اسمعي له بجد
لما يحكي، ركزي معاه… ده بيخليه يحس بالأمان ويقرب منك ❤️
4. اديله مساحة يختار
"تحب تلبس ده ولا ده؟"
ده بيقوي شخصيته من غير ما يتمرد
5. كافئي السلوك الحلو
حتى بكلمة: "أنا فخورة بيك"
دي بتفرق جدًا في نفسيته
6. بلاش مقارنة
كل طفل ليه شخصيته
المقارنة بتكسر الثقة بالنفس
7. خليكي قدوة
ابنك بيقلدك أكتر ما بيسمع كلامك
الخلاصة:
ابنك محتاج منك "حب + حزم"
مش حب بس… ولا حزم بس
الاتنين مع بعض هما اللي بيطلعوا طفل سوي نفسيًا ❤️
