Dr. Hyam Helmy الدكتورة.هيام حلمي

27/08/2026

21/08/2026

مش كل كحة .. سببها الصدر
ممكن تكون الكحة بسبب ارتجاع المرئ، خصوصاً لو بتزيد بالليل أو بعد الأكل، او مصاحبه بحرقان في المعدة أو طعم حامض في الفم .
و الغلط انك تفضل تعالج الكحه بشراب كحة و خلاص ...
لأنك ممكن تكون بتعالج العرض و تسيب السبب !⚠️
التشخيص الصح هو أول خطوة للعلاج
للحجز و الاستفسار :
☎️ 010 98970706

07/08/2026

دقيقة مع قلبك |
🧂 هل تعلم؟
أن الإفراط في تناول الملح قد يؤدي إلى احتباس السوائل وارتفاع ضغط الدم، مما يزيد العبء على القلب والأوعية الدموية.
لذلك ينصح دائمًا بالاعتدال في تناول الملح، والابتعاد قدر الإمكان عن الأطعمة المصنعة والوجبات السريعة التي تحتوي على كميات كبيرة منه.

خطوات بسيطة اليوم قد تحمي قلبك غدًا.

❤️ حافظ على قلبك... فهو يعمل لأجلك دون توقف.

30/07/2026

المسكنات بتضر الكلى؟
سؤال شائع و بيتكرر جداااا و جه الوقت عشان نرد عليه👀

"عندك صداع؟ بتاخد مسكن… وجع في الضهر؟ مسكن
زهقان شوية ؟ مسكن
حرفياا اعرف ناس بتاخد المسكنات دي زي المايه والاكل كداا بقت حاجة روتينيه 🙂
المسكنات زي البروفين، الكيتوفان، والفولتارين، لو اتاخدت لفترات طويلة وبكميات كبيرة، ممكن تضر الكلى جدًا!
ليه؟
لأنها
بتقلل تدفق الدم للكلى
و بتسبب التهابات
ومع الوقت، ممكن تؤدي لفشل كلوي مزمن لقدر الله
ده مش معناه نمنعها تمامًا، لكن ناخدها بحذر وبإشراف طبي، خصوصًا لو عندك:
مشاكل كلى
ضغط
أو كبرت في السن
اسأل الدكتور عن الأنسب ليك، وقلل من استخدام الأدوية بدون داعي .

19/07/2026

إزاي أحافظ على الضغط مظبوط طول اليوم؟
تحافظ على ضغطك؟ مش مستحيل! بس محتاج شوية وعي ونظام 💪

جرّب النصايح دي:

افطر كل يوم وما تفوتش الوجبات

اشرب ميياه باستمرار

مارس رياضة بسيطة (حتى لو المشي 30 دقيقة) و الله مهمة و بتغرق فحاجات كتير

قلل القهوة والملح

خليك إيجابي وابعد عن الزعل على قد ما تقدر

ضغطك مش هيتظبط في يوم وليلة… لكن كل عادة صحية هتفرق.

14/07/2026

⚪️ عيادة مسجد وصيف :
📍العنوان : أعلي صيدلية د/ يحيى رفعت عمر
⏳️ المواعيد :: جميع ايام الأسبوع ماعدا الأثنين.
☎️ للتواصل : 01066242635

⚪️ عيادة تفهنا العزب :
📍العنوان : بجوار صيدلية د/ أحمد شاهين .
⏳️ المواعيد ::[ السبت ، الأحد ،الأربعاء ، الخميس ] من 3-6 مساءً.
☎️ للتواصل : 01141080035

⚪️ عيادة الغريب :
📍العنوان : الجمعية الشرعية أمام مسجد البادي .
⏳️ المواعيد :: [السبت ، الثلاثاء ، الأربعاء ] من 12-2 ظهراً.
☎️ للتواصل : 01022340208

📌 جميع مواعيد العيادات، العناوين، وأرقام الحجز تجدونها في هذا المنشور. يُرجى حفظه والرجوع إليه عند الحاجة.

01/07/2026

إزاي نحافظ على الكبد بصحة سليمة؟
خطوات بسيطة بس بتفرق كتير!
الكبد مش بيشتكي بسهولة، بس لما يتعب… بيتعب الجسم كله. علشان كده الوقاية أسهل مليون مرة من العلاج.
تعالوا نعرف إزاي نحافظ على الكبد في أبهى حالاته:

1. قلل الدهون والمقليات في أكلك، خصوصًا الدهون المهدرجة.

2. اشرب مياه كتير يوميًا، علشان تساعد الكبد ينقّي السموم.

3. خليك حذر من الإفراط في الأدوية خصوصًا المسكنات بدون استشارة.

4. حافظ على وزنك، لأن السمنة من أسباب الكبد الدهني.

5. قلل أو بطل مشروبات غازية وسكر أبيض وحلويات مصنّعة.

6. مارس رياضة خفيفة بانتظام حتى لو مشي نص ساعة يوميًا.

7. لو بتتعامل مع دم أو أدوات حادة، خليك حذر جدًا من العدوى.

8. تابع تحاليل وظائف الكبد لو عندك تاريخ مرضي أو لو بتاخد أدوية طويلة.

9. خليك حريص على الأكل النضيف لتجنب عدوى الفيروسات الكبدية.

10. متأخرش التطعيمات، خصوصًا ضد التهاب الكبد الوبائي B.

كبدك هو مركز توازن جسمك.. حافظ عليه دلوقتي، علشان ما تندمش بعدين.❤️

25/06/2026

النوم وتأثيره على سكر الدم.. سر مش بسيط

ممكن ما تاخدش بالك… بس قلة النوم بتلعب دور كبير في اضطراب السكر في الجسم، حتى لو أكلك صح!

😴 قلة النوم بتأثر إزاي؟

بتقلل حساسية الجسم للأنسولين

بتخلي الجسم يفرز هرمونات ترفع السكر

بتزود الجوع والرغبة في السكريات

بتخلي حالتك المزاجية مش ثابتة

🛌 إيه الحل؟

1. نام من 7 لـ 8 ساعات في اليوم على الأقل.

2. خلي ميعاد النوم ثابت.

3. اقفل الإضاءة والموبايل قبل النوم بساعة.

4. خليك هادي قبل ما تنام… متفكرش كتير.

نومك مش رفاهية… ده مفتاح لجسم متوازن وصحي.❤️