Dr. Hamza Jemal

Dr. Hamza Jemal Medical Doctor | Advocate for Global Health & Education | Associate Professor of Surgery |

Dhiigni dubrummaadhaa maalif bifti isaa dhiiga kaanirraa adda?*****************************************Dhiigni dubrummaa...
25/05/2026

Dhiigni dubrummaadhaa maalif bifti isaa dhiiga kaanirraa adda?
*****************************************
Dhiigni dubrummaa ykn kan yeroo h***n citu dhiigu qabiyyee keemikaalaa isaatin dhiiga qaamaa irraa gargaarummaa hin qabu. Garuu dhiigni sun dhangala'aa qaama saalaa dubartootaa (vaginal fluids/lubrication) kan yeroo miira keessa galan dhangala'u waliin walitti waan makamuuf, bifti isaa diimaa ifaa (light) ta'ee fi dhiiga kaan irra qal'atuu danda'a.
©️ Dr. Hamza Jemal

Namoota akkamiitu nama arrabsa?******************************************Namoonni keessoo isaaniitti of-shakkii fi hanqi...
25/05/2026

Namoota akkamiitu nama arrabsa?
******************************************
Namoonni keessoo isaaniitti of-shakkii fi hanqina qaban, hanqina keessoo isaanii kana dhoksuuf arrabsootti fayyadamu. Namoota biroo gadi xiqqeessuun, sammuu isaanii keessatti miira "ani isaan caala" ykn "ani waa hunda nan beeka" jedhu uumuuf yaalu. Arrabsoon meeshaa isaan ittiin of-gammachiisani.
©️ Dr. Hamza Jemal

Yeroo Ulfaa Fedhiin Walqunamtii Saalaa Dubartootaa Yoom Ol Ka’a? 🤔*******************************************Yeroo ulfaa...
25/05/2026

Yeroo Ulfaa Fedhiin Walqunamtii Saalaa Dubartootaa Yoom Ol Ka’a? 🤔
*******************************************
Yeroo ulfaa, qaama fi miira dubartootaarratti jijjiiramni baay'een ni uumama. Jijjiiramoota kanaan walqabatee, fedhiin walqunamtii saalaas yeroo tokko ol ka'aa, yeroo biraa ammoo gadi bu'aa deema. Mee har'a yeroo fedhiin kun baay'ee itti ol ka'u fi sababoota isaa gabaabsinee haa ilaallu!

Marsaa Lammaffaa Ulfaa (Ji'a 4ffaa - 6ffaa):
Qorannooleen fayyaa akka agarsiisanitti, yeroo ulfaa keessaa ji'oonni 4ffaa, 5ffaa fi 6ffaa (Second Trimester) yeroo fedhiin walqunamtii saalaa dubartootaa baay'ee itti ol ka'uudha.

Maaliif Yeroo Kanatti Ol Ka'a?
1. Dhangala'aa Dhiigaa Dabaluu: Dhiigni gara naannoo mudhii (pelvic area) fi qaama saalaatti yaa'u baay'ee dabala. Kunis qaamni saalaa dubartootaa salphaatti akka kaka'u, ariitiidhaan miira keessa akka galu fi jiidhinni isaa akka dabalu taasisa.
2. Hormoononni Tasgabbaa'uu: Nuffiinii, dadhabbiinii fi ol-deebisni ykn lolloojessuun ji'oota jalqabaa keessa ture ni xiqqaata. Humni qaama isaaniis waan deebi'uuf miirri isaan fedhii walqunnamtii saalaatif qaban ni dabala.
3. Kaka'umsa Harmaa: Sababa hormonoota ulfaatiin harmi isaanii baay'ee miira kan qabu (sensitive) ta'a, kunis kaka'umsa miira walqunamtii saalaatiif gargaara.

Hubadhaa: Yoo ogeessi fayyaa (doktoorri) sababa dhibee addaatiin (fkn, dhiigni dhangala'uu, carraa da'umsa duraa, laafina gadameessaa) akka qusattan isin dhorke malee, yeroo ulfaa walqunamtii saalaa gochuun daa'ima garaan jiru irratti miidhaa hin fidu. Daa'imichi bishaan gubbee (amniotic fluid) fi maashaalee gadameessaa cimaa ta'aniin eegumsa gahaa qaba.
Fayyaa dayaa! Fayyaan Faaya
©️ Dr. Hamza Jemal

Osoo istetooskooppiin (meeshaan dhahannaa onnee ittiin dhaggeeffatan) hin kalaqamin dura, Akkuma suuraa gadii irratti ag...
24/05/2026

Osoo istetooskooppiin (meeshaan dhahannaa onnee ittiin dhaggeeffatan) hin kalaqamin dura, Akkuma suuraa gadii irratti agartan kanatti, doktooronni gurra isaanii kallattiin qoma dhukkubsataa irra kaa'un dhahannaa onnee dhaggeeffatu turan. Akkaataan kunis 'dhaggeeffannaa kallattii' (immediate auscultation) jedhamuun beekama.

Bara 1816tti, doktoorri biyya Faransaay Rene Layenek (René Laënnec) jedhamu, haala kanaan dubartii dargaggeettii tokko qoratuuf gurra isaa laphee ishiitirra kaa'ee miira keessa gale; kunis sababa yeroo sanitti gochi kun akka waan naamusaan alaatti ykn akka waan qaanyiitti ilaalamuufi.

Furmaata biraa barbaaduu eegalee, waraqaa bifa ujummootiin maruudhaan yemmuu fayyadamu, sagaleen onnee daran guddatee akka dhaga'amu hubate.

Gocha salphaa sanatu kalaqa istetooskooppii isa jalqabaatiif karaa saaqe. Layenek boodarra ujummoo muka irraa hojjetame qopheesse; kunis bu'uura istetooskooppii ammayyaa ogeeyyiin fayyaa har'a itti fayyadamaniiti.

Kalaqni kun saayinsii fayyaa guutummaatti jijjiire; sababiin isaas ogeeyyiin fayyaa osoo qaamaan dhukkubsataa kallattiin hin tuqin, sagalee sombaa fi onnee qulqullinaan dhaggeeffachuu danda'an."
Yoom as geenye salphatti!!!
©️ Dr. Hamzaa Jamaal

Waggaa 22 booda waancan wal agarte Arsenal.
24/05/2026

Waggaa 22 booda waancan wal agarte Arsenal.

24/05/2026

Dhimma namaa xiinxalaa oolun dhimma kee akka dagattu si godha. Jireenya kee jiraadhu!

24/05/2026

Qaamni saalaa dhiiraa odoo garaa haadhaa jiruu ka'ee daqiiqaa 5-17 dhaabbatuu eegala.

Dhukkubbiin wayta marsaa laguu (xurii) cimaan sadarkaa dhukkubbii yeroo dhibee onnee (heart attack) mudatuun qixa ta’uu ...
24/05/2026

Dhukkubbiin wayta marsaa laguu (xurii) cimaan sadarkaa dhukkubbii yeroo dhibee onnee (heart attack) mudatuun qixa ta’uu danda’a. Wal-bira qabiinsi kun sadarkaa dhukkubbii qofa irratti malee, dhimma balaa (danger) isaatii miti. 🥺

Namoota tokko tokkoof, ciniinnaan (cramps) laguu dhukkubbii garaa garmalee cimaa, miira ol-deebisuu ykn lolloojessuu, dhukkubbii dugdaa, ykn gaggabuullee itti fiduu danda’a. Kunis kan ta’u sababa kottoonfachuu (contractions) gadameessaa cimaa fi iita’uu keessoo (inflammation) gadameessaa irraa kan ka'e isaan mudata. Haalawwan fayyaa kanneen akka eendoomeetriyosisi (endometriosis) dhukkubbii kana daran hammeessuu danda’u. 🙏🏻"
Fayyaan Faaya!!!
©️ Dr. Hamza Jemal

24/05/2026

Arra cidha Arsenali jedhamaa jira. Dilbata Gaarii isiniif haa ta'u!!!

Yeroo mara, jechoota hiika hin qabnerra, callisa hiika qabuutu caala. Jechoota hin taanefii osoo itti hin yaadin dhimmoo...
23/05/2026

Yeroo mara, jechoota hiika hin qabnerra, callisa hiika qabuutu caala. Jechoota hin taanefii osoo itti hin yaadin dhimmoota hunda keessa galtee dubbachaa oolun naamusa qofa osoo hin taane, namummaallee si dhabsiisa. Jechoonni ati dubbattu yoo wantoota asii gadii kana kan uumu ta'e callisi.

> Jechoonni ati dubbattu hubannoo dogoggoraa yoo uume.
> Jechoonni ati dubbattu kan nama mufachiisuu yoo ta'e.
>Jechoonni ati dubbattu hiriyyumma kan diigu, firummaa kan balleessu, walumaagalatti hariiroo namoota jidduu jirtutti summii ta'ee kan nama walitti buusu ykn adda fageessuu yoo ta'e.
> Yeroo aarii cimaa keessa jirtutti.
> Yoo ragaa guutuu waa'ee dhimma dubbattu sanii hin qabaatin.
> Yoo iyyitu (jeequmsa kaaftu) malee dubbachuun siif hin danda'amne, callisi!

Callisuun abshaalummaadha! Rabbiifii nama biratillee akka ati jaalatamtu si godha. Gaafa dubbatte ammoo dubbiin tee akka fudhatama argattu si taasisa. Kanaafuu dubbachuun dura itti yaadun barbaachisaadha!
Jechoota hiika hin qabnerra, callisa hiika qabuutu caala yeroo maraahuu!!!
Fayyaan Faaya!!!
©️ Dr. Hamzaa Jamaal

Address

Bole
Adama

Website

Alerts

Be the first to know and let us send you an email when Dr. Hamza Jemal posts news and promotions. Your email address will not be used for any other purpose, and you can unsubscribe at any time.

Shortcuts

Share

Category