02/09/2026
Dawaa Jaalalaa
SEENAA ERGAA GUDDAA DABARSUU KANA DUBBISA IRRA BARADHAA!
******************************************
Gurbaa tokkootu ture. Gurbaan Kunis Ganda xiqqaa tokko keessatti yeeyyii hoolaa irraa eega. Galgala tokko prank Uummata gochuuf jedhee wayyoo yeeyyiin hoolaa fixxe, dirmadhaa maaloo uuuuuu jedhee Ganda keessa deemee iyyee. Uummanni gandaatis buqqa'ee ka'ee dirmatee homaa dhabee gale. Gurbaan kun guyyaa biraatis waanuma wal fakkaataa godhe. Boodarra uummanni soba isaa baree iyyaa sobaa isaatiif dirmachuu dhiise. Utuma kanaan jiruu guyyaa tokko yeeyyiin dhuguma ta'e hoolootatti namite. Innis Ganda keessa fiigee wayyoo yeeyyiin hoolaa fixxee dirmadhaa jechuu eegale. Uummanni immoo soba isaa sana duraatiin rifatee waan tureef, namni isa dhaga'uu hin turre. Akkuma kana duraa qoosaa waan jiru se'an. Akkasiin dirmachuu tokko dhabee yeyyiin hooloota hunda nyaatee fixe. Utuu gaafa duraa dhugaa waan dubbatu ta'ee har'a uummanni dubbii isaa amanee isaaf dirmata ture.
Inni immoo soba uummata waan barsiiseef har'as uummanni ijuma sanaan isa ilaale.
****************************************
Seenaa kanarraa wanti hubannu yeroo hedduu soba dubbachuun gaafa dhugaa dubbattuuf amanamummaa argachuuf si rakkisa. Namoonni soba kee baratan dhugaa kee hin amanan. Soba sanaan immoo boodarra Kan miidhamu suma mataa keedha malee namoota ati itti sobdu sanaa miti. Kanaafi hanga siif danda'ametti dhugaa dubbachuu fi jecha keetiif amanamaa ta'uuf yaali. waan Dubbistaniif Galatoomaa!✍🏻🙏