Dollo Addo Hospital Rasmi page

30/05/2026

OGEYSIIS! OGEYSIIS! OGEYSIIS!

Dollo Ado Primary Hospital waxuu ogeysiinayaa
Dhamaan bulshada kudhaqan magaalada Dollo Ado iyo Nawaaxigeeda in Hosbitalka Dollo Ado laga bilaabi doono Adeega Qaliinka Cleft lip and palate(Ciyaalka Faruuran) ooy Faruurta(Bishimaha ) iyo Dhanxanaga iisu go'on yihiin oo Bilaash ah. *

1. Diwangalintu Waxay bilabaneysaa
Sabtida , 30/ May 2026 WC Ama 22/Ginbot,2018 EC

Sidaa Darteed Hospitalka Wuxuu Ugu Baqayaa Inay Bulshada Kafaideystan Adeegan Bilaashka .

EthioTel:+251 -967718220
Hormud:+252 -613107248
Somtel: +252 -623107248
Watsapp:+251 -967718220

26/05/2026

Dollo Addo Hospital mgnt. wishes you a joyful and blessed Eid! May your sacrifices be accepted, your prayers answered, and your days filled with peace, unity, and purpose. Eid Mubarak from the heart of knowledge, love and diversity!

06/05/2026

Wax qabadkii Isbitaalka Dollo Addo Mudadii Labada sano ee lasoo dhaafay

Mudadii labadi sano ee lasoo dhaafay horumar ballaaran oo taabanaya dhammaan waaxyaha muhiimka ah ee Isbitaalka ayaa laga qabty Isbitaalka. Qaar ka mid ah waxqabadkaas kuwa ugu muhiimsan:

1. Radiology Department(waaxda Raajata).

Old X-ray (Raajatadi h**e) ayaa loo beddelay Digital X-ray(Raajatacasri ah).

Waxaa kubaxdy lacag 2million ah,0Waxaa iska kaashaday xafiiska caafimaadka DDS iyoo Hospitalka.

Waxaa 3 milyan lagu soo iibiyay Digital Ultrasound (Ultrasound machine Casri ah).Waxaa iska kaashaday Maamulka Degmada Dollo Addo Iyo Maamulka sare ee Isbitaalka (hospital board).

Waxaa la keenay Mobile X-ray casri ah oo AI(Artificial Intelligence) (Garaadka macmalka) ku shaqeyneeysa.Waxaa helitaanka mashiin kan iska kaashaday xafiiska caafimaadka DDS iyoo wasaarada caafimaadka Dalka.

Isbitaalka waxaas kamid yahay Isbitaalada kooban oo mashinkaan helay.

Waxaa la shaqaaleey Radiologist(Takhtarka kutakhsuusay Qeeybta Raajata iyoo Ultrasound).

2. OPD (Outpatient Department)

Waxaa la hirgeliyay Referral kilinicyal takhasus leh:

Pediatric Referral Clinic(Qeeybta takhasuska ee carruurta).

Surgical Referral Clinic(Qeeybta takhasus ee Qallinka Guud )

Medical referral clinic(Qeeybta takhasuska Xannunnada Guud)

Gynecology Referral Clinic(Qeeybta takhasuska Haweenka)

Orthopaedic Referral Clinic (Qeeybta takhasuska Lafaha).

Waxaa ladayactiray oo la hagaajiyay Waiting Area(Qeeybta Sugitaanka), laguna rakibay TV loogu talagalay Health Education(Wacyigelinta).

3. Laboratory Department

Waxaa si weyn loo kordhiyay awoodda baaritaanka, iyadoo la soo iibiyay:

1.CBC Machine Analyzer(Mashinka lagu baaro dhiig guud) .

2.Chemistry Analyzer(Semi Automated)(mashinka lagu baaro dhacaanada beerka,killiyaha, kolestroolka iyo iwm

3.Hormone Analyzer(Mashinka lagu baaro hormoonada jirka)

4.Coagulation Profile Analyzer(Mashinka lagu baaro xinjiroowga dhiiga)

5.ABG Analyzer

6.Electrolyte Analyzer

4.Pharmacy Department(Waaxda Daawoyinka)

1.Waxaa la dhammeystiray lana bilaabay APTS(farmaasiga casriga ee loo yaqaano APTS)

2.Waxaa la hirgeliyay E-APTS iyadoo lala kaashanaayo xafiiska caafimaadka DDS.

3.Waxaa dib loo habeeyay Store-ka.

4. Orthopaedic Department(Qeeybta lafaha)



1.Waxaa qalabki lafaha lagu soo iibiyay lacag 3 Milyan iyoo laba boqol oo kun oo Birr ah.

lacagtaan Qeeb xafiiska caafimaadka DDS ayaa bixiyay ,Qeeyna Isbitaalka.

2.Waxaa la shaqaaley Orthopaedic & Trauma Surgeon(Takhtarka kutakhsuusay lafaha)

Adeegan Qeeybta lafaha ayaa si weyn u yareeyay referral-kii(Bukaanadi meelaha fog fog loo diri jiray).



5. Dental Department(waaxda Ilkaha)

1.Waxaa la bilaabay Dental Service(Adeega Ilkaha).oo loo dhameeystiray qalabki kadhinaay.

Waxaa la rakibay Dental Machine(Mashinka Ilkaha)

Isbitaalka ayaa hada fuliya dhammaan adeegyada ilkaha .

2.Waxaa la shaqaaley Dentist.

6. OR (Operating Room)(Qeeybta Qallinka)

1.Waxaa ladayactiray Second OR (qolka Qallinka labaad) oo lagu soo kordhiyay Second OR table (Sariir labaad oo Qalliin ah)

Qolkaan Qallinka labaad ayaa loo dhameeystiray dhammaan qalabki aas u baahnaay.



7.Central ICU(waaxda Bukaanada xaaladooda aay liidato lagu dabiibo).

1.Waxaa la dayactiray Qolki Stabilization Center-kii(Qeeybti jiifka carruurta nafaqadarada) oo loo beddelay Central ICU(Qeeybta Bukaanada xaaladooda aay aad uliidato lagu dabiibo).

2. Isbitaalka ayaa dhisay hal qol oo Stabilization Center(Badalki qolka ICU loo beddelay).

3.Waaxdaan Central ICU waxaa si buuxda u qalabeeyay wasaarada caafimaadka Dalka iyoo Xafiiska caafimaadka DDS oo iskaashanaayo.

Qalabkaan ayaa lagu soo iibiyay 20 milyon oo birr.

4.waxaa lasoo tawabaray shaqaalihi goobtaan kahowl gali lahaay.Waaxdaan ayaa hada si toos ushaqeeysa.

8.pyschiatry services (Qeeybta xanuunka maskaxda ama Dhimirka)

Waaxdaan ayaa hada sitoos ah ushaqeeyso.



9.Pathology Laboratory services(Qeeybta lagu baaro kansarka iyoo dhacaanada kale ee jirka).

1.Waxaa la soo iibiyay qalabka Histopathology equipment (qalabka lagu baaro kansarka iyoo dhacaanada kale ee jirka).

2.Qalabkaan waxaa lagu soo iibiyay 5 Milyan oo Birr (Boardga (Maamulka sare ee Isbitaalka), iyo kabinet-ka Degmada Dollo Addo oo Iskaashanaayo ayaa soo iibiyay ).

Qalabkan oo dhameeystiran ayaa yeela Isbitaalka.

Waxaa laqorsheeynaa shaqaalahi waaxdaan kahowl gali lahaay in la tababaro oo dhowaan la bilaabo adeegaan insha Allah

Waxaa la keeni doonaa Dhakhtarka Pathologist(Takhtarka kutakhsuusay qeeybtaan) mardhaw insha Allah.

10.Blood Bank(Keeyda dhiiga)

1.Waxaa la dhisay Blood Bank(Qeeybta keeyda Dhiiga) oo ka kooban 9 qol.

2.Dhismihiisa iyo qalabkiisa waxa ku baxay 18.5 Million oo Birr.

Lacagta lagu dhisay Keeyda dhiiga iyoo Qalabkiisa waxaa bixiyay Degmada Dollo Addo.

Waaxdaan wali mashaqa bilaabin sababto ah waaxdaan waxaay ubaahantahy leer joogta ah .

Insha Allah mardhaw solar kufilan ayaa lagu rakibi doonaa

Shaqadana sida ugu dhaqsiyaha badan ayaa labilaabi doonaa insha Allah.

11.waxaa la dayactiray Suuliyaalka Isbitaalka

12.Waxaa la dayactiray Biya gelinta Isbitaalka (Tubooyinka biyaha).

13.Dhir beeris ayaa lagu sameeyay isbitaalka

14.Shaqaala badan ayaa lashaqaaleey.

15.Waaxda Emergency(Gurmadka Dag dag ah) ayaa dib uhabeen iyoo Dayactir lagu sameey.



16.Ballarinti hospitalka

Waxaa sifiican u socda Ballaarinti hospitalka.



Dhanka hayadaha

17.Stabilisation Center (UNICEF Project)

Hayada UNICEF ayaa aqbashay codsi ah Inaay dhisto Stabilisation Center cusub (Qeeybta bukaan jiifka carruurta nafaqo-darada aay haayso) .

Dhismahaan oo kakooban 9 qol ayaa meel wanaagsan mari haaya ,waxaana loodhisi haayaa si casri (standard) ah.

Insha Allah Marka dhismuhu dhammaado, UNICEF waxay qorshaynaysaa inay si buuxda u qalabayso.

18.UNHCR

Waxaay UNHCR Isbitaalka kuwareejisay Laba Maashin oo kala ah Fully Automated Chemistry Analyzer iyoo Hematology Analyzer.

Waxaay UNHCR kasoo jawaabty codsi Sanado bdn laga sugaay oo ah Isbitaalka Solar weeyn inaay geliso.Solarkan Howshiisa ayaa la bilaabay.solarkaan waxaa lasocda 2 Genarator oo backup ah. Insha Allah waxaan rajeyneynaa laba bilood kadib in aas solarkaan shaqa bilaabi doona.

Qorshaha Dhow:

Insha Allah

1.Waxaa la qorsheeyay in la bilaabo adeeg indhaha oo takhasus ah.

Qalabka indhaha oo qiimihiisu gaarayo 5,345,000 Birr ayaa la qorsheeyay in la soo iibiyo.

Iibinta qalabkan waxaa iska kaashanaya Xafiiska Caafimaadka DDS iyo Isbitaalka.

Xafiiska Caafimaadka DDS ayaa bixiyay qaybtiisa, halka isbitaalkuna uu dhowaan ku dari doono qaybtiisa.

2.Waxaa la qorsheeyay in dayactir ballaaran lagu sameeyo qaar ka mid ah waaxyaha isbitaalka si korloogu qaado tayada adeegyada iyo casriyeenta Adeeg bixinta.



Gunaanad

Mudadii labadii sano ee la soo dhaafay, Isbitaalka Dollo Addo wuxuu sameeyay horumar muuqda oo dhanka adeeg-bixinta ah, taas oo keentay in bulshada si ballaaran ugu soo xirmaan , isla markana ay helaan adeegyo caafimaad oo kala duwan oo tayo leh.



Waxaa isbitaalka laga hirgeliyay adeegyo iyo waxqabadyo h**e loo arki jiray kuwo aan suurtagal eheen in lagu sameeyo isbitaal Darajada koobad ah(Primary Hospital) kuwaas oo ay ka mid yihiin:

Qalliimo culus oo heer sare ah, sida:

1.Dib-u-tallaalidda xubinta taranka ragga (Reimplantation of Completely Amputated P***s), oo ah qalliin aad u adag, laguna daabacay joornaalka caalamiga ah ee International Journal of Surgery.

2.Qalliinka beddelka qeeyb kamid ah lafta miskaha (Partial Hip Replacement) oo si guul leh loogu sameeyay isbitaalka. Qalliinka noocan ayaa loo adeedi jiray meela fog iyo Dalka dibadisa.

3.Qalliimo waaweyn oo kala duwan, sida:

Qalliimada guud (General Surgery)

Qalliimada haweenka (Gynecology Surgery)

4.Waxaa si weyn loo yareeyay gudbintii bukaannada (referral) ee loo diri jiray meelaha fogfog, taas oo badbaadisay waqtiga, kharashka iyo nolosha bukaannada.

5.Waxaa si muuqata kor loogu qaaday awoodda ogaanshaha cudurrada (Diagnostic Capacity), taas oo horseeday daaweyn sax ah oo degdeg ah.

6.Waxaa sidoo kale la xoojiyay adeegyo kale oo muhiim ah oo ka qeyb qaatay horumarinta guud ee daryeelka caafimaadka.

Horumarkan ballaaran waxaa lagu gaaray iskaashi xooggan, kaas oo ah tiirka ugu weyn ee horumarka, Iskaashigan oo aad aas u dhiirrigeliyo Xisbiga Barwaaqo.

Ugu dambeyn, waxaan si weyn ugu mahadcelineynaa:

Xukuumadda DDS

Xisbiga Barwaaqo

Xafiiska caafimaadka DDS

Maamulka Gobolka Liben,

Maamulka Degmada Dollo Addo

Iyo dhammaan hay’adaha bah-wadaagta ah

Kuwaas oo door muhiim ah ka qaatay horumarka la gaaray.

HIIGSI IYO HORMAR WACAN

MAHADSANIDIIN!!

15/04/2026

Kulankii Joogtada Ahaa ee Dib-u-habaynta nidaamka Shaqo iyo Xallinta Caqabadaha Shaqada (SBFR) ayaa ka qabsoomay Xafiska mareyaha ee Cusbitaalka Dollo Ado

Kulankan oo aay kasoo qaybgaleen maamulka iyo madax waaxeedada cusbitalka ayaa lagu eegayay warbixinta waxqabadka shaqo ee todobaadlaha ee cusbitaalka.

Ujeedada ugu weyn waa in bulshada usoo adeeg doonanaysa cusbitaalka ay hesho adeeg tayo sare leh.
Waxa kalon idin ogaysinayna dhamaan bulshada kudhaqan dollo Ado iyo nawaxigeeda in lagu sokordhiyay machinka Ultrasound ee qaybta (ANC) qaybta uur leeyda.

12/03/2026

Waxaan maanta xafiiska (UNHCR) ee Addis Ababa kala soo wareegnay laba mashiin oo aad muhiim ugu ah sheeybaarka oo kala ah :Fully Automated Chemistry Analyzer iyo Hematology Analyzer.

Labadaan mashiin oo laf-dhabar u ah adeegyada sheeybaarka, ayaa wax badan ka beddeli doona adeega sheeybaarka ee Isbitaalka, gaar ahaan Fully Automated Chemistry Analyzer ka oo isbitaalku h**e uusan u laheen.

Mashiinkan ayaa awood u leh inuu sameeyo ugu yaraan 120 baaritaan saacaddii, taasoo si weyn u dedejin doonta natiijada baaritaannada sheeybaarka, isla markana sare u qaadi doonta tayada adeegga sheeybaarka.

Waxaan si weyn ugu mahadcelineynaa dhammaan cid kasta oo ka qeyb qaadatay helitaanka labadan mashiin, gaar ahaan UNHCR iyo dhammaan shaqaalahooda ku sugan Addis Ababa iyo Melkadida.

Mahadsanidiin!!

28/02/2026

Taariikhdu markay ahayd 24/02/2026 G.C, waxaa Isbitaalka la keenay ilmo 8 sano jir ah oo si k**a’ ah u liqay musbaar (Nail) number 4 ah isagoo ku ciyaarayay.

Dhakhaatiirta ayaa u sameeyay baaritaan, waxaana loo diray raajatada caloosha(Plain Abdominal X-ray).

Sawirka raajada ayaa muujiyay in musbaarku gaaray mindhicirka weyn qaybtiisa hoose (Sigmoid Colon), taas oo badanaa tilmaamayso in musbaarku si dabiici ah saxarada ula soo bixi karo.

Dhakhaatiirta ayaa qoyska si faahfaahsan ugu sharaxay uguna qanciyay in:

• Inta badan walxaha la liqo ay si dabiici ah ula soo baxaan saxarada marka ay gaaraan mindhicirka weyn.

• Aan loo baahnayn qaliin dag dag ah, daawo ama referral, haddii aysan jirin calaamado khatar ah (danger signs) muujinayo xaalad culus.

• Xaaladda ilmaha si dhow loola socdo, isla markaana lagu hayo isbitaalka.

• Saxarada ilmaha lala socdo (monitoring of stool) si loo hubiyo soo bixitaanka musbaarka.

Alxamdulillaah, muddo 24 saacadood kadib, musbaarkii wuxuu si dabiici ah ula soo baxay saxarada ilmaha, iyadoo aan loo baahanin qaliin ama faragelin caafimaad oo kale.
Fariin ku Socota bulshada:
Marka ay timaado caafimaadkaaga ama caafimaadka ehelkaaga:
• Waa muhiim in la dhageysto lana raaco talada dhakhaatiirta.
• Mar walba qaliin ama daawo ma aha xalka keliya.
• Bukaanka haddii aan daawo la siin ama aan la qalliin, macnaheedu ma aha inaan la daryeelin.
Go’aamada caafimaad ee saxda ah waxay:
• Ka hortagaan isticmaalka antibiyootig aan loo baahnayn (without indication)
• Ka hortagaan qaliin aan loo baahneen
• Yareeyaan kharashka iyo dhibaatada referral aan loo baahneen
• Ilaaliyaan badbaadada bukaanka
Waxaa ogolaasho laga helay qoyska Ilmaha si xogtaan loo qoro.
Mahadsanidin!!!

17/02/2026

War-Caddeyn, Wacyigelin iyo Raalli-gelin
Maamulka Isbitaalka Dollo Addo waxa uu si buuxda u taageerayaa kuna shaqeeyni doona habraacyada sharci ee ay dejisay Wakaaladda Maamulka, Dabagalka Cunnada, Dawooyinka iyo Adeegga Caafimaadka DDS, sida uu caddeeyay Mareeyaha Wakaaladda, Mudane C/laahi Maxamuud.
Habraacyadan waxaa lagu ansixiyay kal-fadhigii 7aad ee Golaha Fulinta DDS, Sannad-Maaliyadeedka 2018 T.I, toddobaadkii lasoo dhaafay, waxaana lagu meel mariyay bayaano kala duwan oo khuseeya nidaaminta iyo dabagalka adeegyada caafimaadka.
1. Xuquuqda Bulshada
Waxaan si cad ugu wargelinaynaa Bulshadeena in:
Qof kasta xaq u leeyahay inuu soo gudbiyo cabasho ama dhaliil la xiriirta adeegga isbitaalka.
Cabashooyinka waxaa loo marayaa nidaam sharci oo rasmi ah.
Cabasho kasta si cadaalad iyo hufnaan leh ayaa loo baari doonaa.
Dhaliil kacarar ma nihin, mana noqon doono meel shaqo ka jirto ooy dhaliil ka jirin majirto.Waxaan aaminsanahay in dhaliishu ay tahay waddo lagu horumariyo adeegga bulshada.
2. Habka Qaabilaadda Cabashooyinka
Isbitaalku waxa uu leeyahay shaqaale gaar ah oo u xilsaaran:
Qaabilaadda cabashooyinka
Diiwaangelinta iyo dabagalka
Hubinta in cabashada loo maro habraaca saxda ah
Shaqaalahan si joogto ah ayuu u shaqeeyaa, si loo xaqiijiyo in codka bulshada la maqlo lana qiimeeyo.

3. Raalli-gelin
Waxaan raalli-gelin ka bixinaynaa qoraalki h**e oo loo fasirtay inaan kacarareyno dhaliilaha. Taasi ma ahayn ujeeddadeenna.
Sidoo kale, waxaan caddeynaynaa in habraaca ay maanta soo saartay Wakaaladdu uu ahaa mid la diyaariyay lana ansixiyay ka hor cabashooyinkii laga soo gudbiyay Isbitaalka Dollo Addo. Sida kor ku xusan, habraacaas waxaa lagu meel mariyay kal-fadhigii 7aad ee Golaha Fulinta DDS, SM-2018 T.I, toddobaadkii lasoo dhaafay, isla markaana lagu ansixiyay bayaano kala duwan.
Ujeeddadeennu ma ahayn in aan wax ka gaabinno cabashooyinka, balse waa in dhammaan arrimaha lagu maareeyo si waafaqsan hab sharci oo cad.
Wax walba waxaa nooga muhiimsan caafimaadka iyo badbaadada Bulshadeena.
Maamulka Isbitaalka Dollo Addo

17/02/2026

https://www.facebook.com/share/14UJYaVYW2s/

Mareeyaha Wakaaladda Maamulka, Dabagalka Cunnada, Dawooyinka iyo Adeegga Caafimaadka DDS, Mudane C/laahi Maxamuud, ayaa bartiisa Facebook ku daabacay fariintan ku saabsan habraaca sharci ee gudbinta iyo ka jawaabista cabashooyinka ka yimaadda xarumaha ama xirfadlayaasha caafimaadka.

Cadayn iyo Sixitaan

Gudbinta iyo ka jawaabista cabashada ka timaadda xarun caafimaad ama xirfadle caafimaad waxa ay leedahay habraac sharci oo u gaar ah, kana duwan habraacyada kale. Arrimaha ugu muhiimsan ee la tixgeliyo waxaa ka mid ah

1.Haddii uu jiro qof cabanaya, waa in la helaa cabasho qoraal ah, isla markaana ay ku lifaaqan yihiin caddeymaha cabashadiisa
2. Haddii la waayo cid soo gudbisa cabasho qoraal ah, waxaa jira nidaam kale oo la maro si loo xaqiijiyo dhaliilaha ama khaladaadka laga soo sheegay goobta ama xirfadlahaas.

Haddii la helo cabasho qoraal ah (qodobka 1aad), waxa loo gudbinayaa Guddiga Anshaxa Xirfadlayaasha Deegaanka. Guddigaas ayaa sameeya baadhitaan, kadibna talo-bixintooda iyo natiijada ay gaadhaan usoo gudbiya wakaaladda. Wakaaladdu waxay go’aanka ku qaadataa iyadoo ku salaynaysa caddeymaha la helay iyo talo-bixinta guddiga.

Haddii aan la helin cabasho qoraal ah, wakaaladdu waxay qaadaysaa tallaabada labaad, taas oo ah in la sameeyo baadhitaan madax-bannaan. Natiijada k**a dambaysta ah iyo go’aankaba waxa lala wadaagayaa cidda ay khusayso.

Sidaas darteed, ma jirto cid xaq u leh inay shaaciso ama faafiso arrin la xidhiidha cabasho ka hor inta aan la samayn baadhitaan rasmi ah laguna soo saarin go’aan sharciyeed.

Fiiro Gaar ah

Waxaan halkan ku caddeynayaa in cabasho kasta oo ka jirta xarun ama xirfadle caafimaad lagu maamulo hab sharci oo qeexan, sida ku cad Bayaanka Federaalka ee tirsigiisu yahay 1362/2017 iyo xeernidaameedkii ugu dambeeyay ee ay ansixiyeen Golaha Wasiirrada Deegaanka, kaas oo weli aan lagu soo daabicin wargeyska rasmiga ah.

Ujeeddadu waa ilaalinta anshaxa xirfadlayaasha, sugidda tayada adeegga caafimaadka, iyo xaqiijinta hufnaan iyo caddaalad ku dhisan nidaamka cabashooyinka.

15/02/2026

WAR-CADDEYN RASMI AH
Maamulka Isbitaalka Dollo Addo
Anagoo ku hadleeyna magaca Maamulka Isbitaalka Dollo Addo, waxaan si cad u beenineynaa wararka aan xaqiiqda ku saleeysneen ee shalay iyo maanta lagu faafiyay baraha bulshada, kuwaas oo si khaldan uga hadlayay adeegyada isbitaalka iyo xaalad bukaan oo gaar ah.
Arrinta 1aad:
Waxaay la xiriirtaa bukaanad ka mid ah shaqaalaha isbitaalka, oo warar been ah lagu faafiyay in ay qabto xanuunka Appendicitis (Qabsin).
Markii walaasheen la keenay isbitaalka, si degdeg ah ayaa loo soo dhoweeyay, waxaana baaray takhaatiir khibrad leh. Kadib baaritaan dhammeystiran, dhakhaatiirtu waxaay caddeeyeen in xanuunka ay qabto uusan ahayn Appendicitis (Qabsin), balse uu u egyahay Urinary Tract Infection (caabuqa kaadi-mareenka).
Si xaaladdeeda loola socdo, waxaa la dhigay isbitaalka, daawoyin ayaana isla markiiba loo bilaabay. Takhaatiirta takhasuska leh ee la tashaday ayaa si buuxda u xaqiijiyay in aysan u baahneen qalliin, maadaama Appendicitis(Qabsinka)-ku yahay xanuun qalliin u baahan, halka xaaladdeedu aysan taas u baahneen.
Inkasta oo qoyska bukaanku codsadeen in baaritaan dheeri ah la sameeyo, haddana dhakhtarka kiiska haayay iyoo qaar kamid ah Maamulka Isbitaalka wecliyaan ayaa si masuuliyad leh ula xiriiray takhtar kale oo takhasus leh, waxaana lagu sameeyay Ultrasound, inkastoo ay aheeyd maalin Sabti ah oo Takhtarka telephonkiisa laheliway wakhti yar . Natiijada baaritaankuna waxay waafaqday go’aankii h**e ee takhaatiirta.
Alxamdulillaah, bukaankii xaaladdeeduna waay deggan tahay, waxaana laga saaray isbitaalka iyadoo caafimaad qabta, haatana waxay ku sugan tahay hoygeeda.
Arrinta 2aad:
Waxaa sidoo kale been ah sheegashada la xiriirta in daawooyin ku qornaa warqadda daawada (prescription) laga waayay isbitaalka. Maamulka isbitaalku wuxuu caddeynayaa in daawooyinkaas aanay ka maqneyn isbitaalka, cid kasta oo dooneysa xaqiijin ayaana si xor ah u imaan karta isbitaalka una hubin karta arrintaas.
Ugu dambeyn, Maamulka Isbitaalka Dollo Addo wuxuu mar kale adkeynayaa in isbitaalku si buuxda uga go’an tahay bixinta adeeg caafimaad oo hufan, daacad ah, kuna saleysan anshaxa caafimaad.
Waxaan ka codsaneynaa bulshada iyo warbaahinta in ay ka fogaadaan faafinta warar aan la hubin, isla markaana ay la xiriiraan maamulka isbitaalka marka ay jiraan wax su’aalo ama cabashooyin ah.
Mahadsanidiin.
Maamulka Isbitaalka Dollo Addo

11/02/2026

Innaa Lillaahi wa Innaa Ilayhi Raajicuun.
Waxaan tacsi tiiraanyo leh u direynaa qoyska, ehelka, shaqaalaha Isbitaalka, iyo dhammaan bulshada Dollo Ado geerida ku timid walaalkeen Maxamed Diima, oo ahaa shaqaalaheenna, kuna geeriyooday xalay Isbitaalka.
Marxuumku wuxuu muddo ka badan 30 sano si daacadnimo, naf-hurnimo iyo xilkasnimo leh ugu adeegayey bulshadeenna, isagoo ahaa kalkaaliye caafimaad oo aad u karti badan, naxariis badan, edeb iyo ixtiraamna leh. Mar walba wuxuu muujin jiray dadaal iyo masuuliyad sare, xitaa maalmaha fasaxa ah k**a hari jirin u adeegidda dadka u baahan.
Geeridiisu waa naxdin weyn oo ku timid Isbitaalka iyo guud ahaan bulshada.
Ilaahay ha u naxariisto walaalkeen Marxuum Maxamed Diima, allahey ha ka waraabiyo Jannatul Firdowsa.
Qoyska, ehelka iyo dhammaan shaqaalaheenna ha ka siiyo samir iyo adkaysi.
Aamiin.