Ofitti Amani

09/06/2025

Deebinehoo shukriin rabbiif haa ta'u deebinee hoo🥰🙏

Waggaa lama booda🙏🙏

28/05/2023

Ajaa'iba🤔
Yoo arjoomtee of agarsiisuufi jedhamta. Yoo doqnoomte miqqenyaa jedhamta. Yoo kolfite,kashalabbee jedhamta. Yoo calliste bineensa jedhamta.Yoo dafqattee, yoom nyaataa jedhamta. Yoo teessee yoom kaataa jedhamta. Yoo dhoksattee jiraattee qofa galeessaafi ofjaalataa jedhamta. Yoo himattee; yoo dubbatte, odeessituu jedhamta. Yoo namatti siquu baay'iftee hiriyaa hin filatu jedhamta. Yoo namarraa siqxe nama tuffata jedhamta.

Kanaafuu, dheerattus, gabaabbattus, beektus, wallaaltus namni waan jedhu waan hin dhabneef oduurraa gurra kee qabi.

Filadhuu dhaggeeffadhu. Nama jechuun bar yoo aannan obaaste summii itti naqee na obaasuu fi kan siin jedhudhaa.

Kanaafuu, ati akka gootuu, kan si afarsus, kan si faarsus haa jiraatuu eenyuuf osoo intaane jalqaba sammuu keef jiraadhu. Isaaf amanami; innis siif haa amanamu. Jalqaba ofii keef jiraadhu. Oduu namaa hin dhaggeeffatin, kaayyoo kee dhaggeeffadhu.!

20/05/2023

Nan eegin yaa barataa
Atis kaa yaa maatiikoo
Kana caalaa hin dandeenye
Raawwateera barrikoo

Atis yaa hiriyaa koo
Kan wajjin nyaannee guddannee
Otuu wal mararsiifannuu
Harra du'aan waldhabne
Nagaatti hiriyyyee koo
Hiriyyaan wajjin turre
Ani iddoo hin deebine deeme
Lammata akka wal hin argarreef

Atis nagaan naaf turi
Tikeriif doormiitarii
Kan seensa mooraa eegdus
Yookiinimmoo library
Nagaatti qalamako
Qalamakoo qubeessaa
Nagummaan naaf jiraadhu
Seenaakoo naaf barreessaa
Sinis nagaan naaf turaa
Barattoonni mooraakoo
Kan wajjin guddannee
Jaallatamoo obbolaakoo
😭😭😭😭😭😭😭

29/04/2023

Jireenya keenya qixa kan galchu nu mataa keenya!

Jireenyi wanta ofii isaatii hiika qabu osoo hintaane akka hiika qabaatu ofii keenyaa taasisna. Carraan jireenya keenya gara fuulduraa nuun murta'a!

Seenaa isaas ofii keenyaa barreessina! Qalamni ittiin barreessinus harka keenya keessa jira! Kaleessi darbeera. Bor guyyaa ofiisaa danda'edha.
Yeroo hedduu rakkoon dhufee kan dhiphannu caalaa rakkoon natti dhufaa laata jennee waa'ee rakkoo hinuumamnee kan dhiphannutu caala.

Wanti nuti jijjiiruu dandeenyu yoo jiraate har'a yoo hindandeenye akkuma jirutti fudhachuun boqonnaa itti aanuuf of qooheessuudha. Har'a jiraachuun immoo waan filannoo hinqabne.!

20/04/2023