03/10/2026
DHIBEE TB/ TIIBII (DARANYOO SOMBAA)
===============//=================
• Daranyoon sombaa (TB) dhukkuba daddarboo baakteriyaa maayikobaakteriyam tuuberkuloosis jedhamun dhufuudha .Baakteriyaan kun baay'inaan somba kan miidhu ta'us qaama hundayyuu miidhuu danda'a
- Namoonni miliyoona 10(10,000,000) ta'an waggaatti dhukkuba kanaan ni qabamu
-Dhukkubni kun hafuuran yeroo qufa'an,haxxiffatanii fi haasa'an nama irraa namatti darba
MALLATTOOLEE DHIBEE KANAA
-Qufaa torban lamaa ol namarra turu
-Akkitaan dhiigaan wal make
-Huqqachuu /hir'ina qaamaa(ulfaatina)
-Fedhii nyaataa dhabuu
-Layidaa /Qaama nama gubuu(hoo'isuu)
-Nama dafqisiisuu(keessattuu haalkan)
WAANTOTA DHIBEE TB QABAMUUF NAMA SAAXILAN
1. Dhukkuba HIV/AIDS
2. Tamboo/sigaaraa xuuxuu
3. Alkoolii fi qoricha sammuu nama hadoochu fayyadamuu
4. Dhukkhba sukkaaraa,Dhukkuba kalee
5. Haala diinagdee fi hawaasummaa gadi aanaa
6. Hanqina nyaataa
7. Kaansariin qabamuu
8. Namoonni hedduun mana tokkotti walitti qabamuun jiraachuu(mana hidhaa,kaampii..)
9. Qoricha isteeroyidii(steroids) yeroo dheeraaf fayyadamuu
10. Nama dhukkuba kana qabuun waliin jiraachuu
YAALA!
-Qoricha farra tiibii fudhachuu.
-Qorichi tiibii kun yoo xiqqaate ji'a jaha fi isaa oliif kan fudhatamu yoo tahu Qoricha osoo hin fixin adda kunnaan baakteriyaan kun qorichaan waan wal baruuf qoricha tiibii adda kutuun hin barbaachisu
●Sombaan Ala Qaamota biroo Dhukkuba TB'n Miidhamuu malan
-Haguugduu sombaa
-Xannachoota liimfii
-Mar'imaan
-Kalee
-Qaama wolhormaata
-Gogaa
-Lafee
-Sammuu fi Haguugduu Sammuu fa'a
● ITTISA
Dhukkuba Tiibii ykn daranyoo sombaa kana ofirraa ittisuuf maal godhuu qabna?
- Talaallii yeroo daa'imummaa kennamu fudhachuu
- Iddoo namni walitti qabamee jiru kan akka konkolaataa fa’aa keessatti foddaa banuudhaan qilleensi gahaa akka galu gochuu
- Namni dhibee kanaan hubame yeroo qufa’u afaan isaa haguuguu,maaskii fayyadamuu.
-Nama dhibee kanaan qabame irraa adda of baasuu ykn nama sana mana yaalaa geessuu
-Kutaa tokko keessa,nama dhibee kanaan dhukkubsatu waliin jiraattu yoo tahe foddaa mana keessanii sirriitti banuun qilleensi qulqulluun akka seenu gochuu.
FAYYAA TAHAA
