07/08/2025
በእርግዝና ወቅት የሚደረግ የግብረ-ሥጋ ግንኙነት
በእርግዝና ወቅት የሚደረግ የግብረ-ሥጋ ግንኙነት... መቼ ነው "ይቅርብን" ማለት ያለብን?
ሰላም, ዛሬ በተለይ ለነፍሰ ጡር እናቶች እና ለባለቤቶቻቸው በጣም ወሳኝ የሆነ መረጃ ይዘን ቀርበናል።
በተለመደና ምንም አይነት ስጋት በሌለበት እርግዝና ወቅት የግብረ-ሥጋ ግንኙነት መፈጸም በአጠቃላይ ደህንነቱ የተጠበቀና ጤናማ ነው።
ነገር ግን፤ የግብረ-ሥጋ ግንኙነትን ማቆም ወይም አስቀድሞ ከጤና ባለሙያ ጋር መመካከር የሚያስፈልግባቸው አንዳንድ ሁኔታዎች አሉ። እስኪ በዝርዝር እንያቸው:-
✅🛑 በእርግዝና ወቅት የግብረ-ሥጋ ግንኙነት መቼ መቆም ወይም መተው አለበት? 🛑
1️⃣ የማህፀን ደም መፍሰስ ካለ (Vaginal Bleeding)!
�ከቀላል ጠብታ በላይ የሆነና ምክንያቱ ያልታወቀ የደም መፍሰስ ካጋጠመዎት፣ ወሲብን ሙሉ በሙሉ በማቆም ወዲያውኑ የህክምና እርዳታ ማግኘት አለብዎት። በሐኪም እስኪፈቀድ ድረስ ግንኙነት ማድረግ አይመከርም።
2️⃣ የእንሽርት ውሃ መፍሰስ ካለ ("Water Breaking")!
�የእንሽርት ውሃ ከፈሰሰ ወይም እየፈሰሰ እንደሆነ ከጠረጠሩ፤ ወደ ማህፀን እንዳይገባና ኢንፌክሽን እንዳይፈጠር ለመከላከል ማንኛውንም አይነት የግብረ-ሥጋ ግንኙነት ማስወገድ አለብዎት።
3️⃣ የእንግዴ ልጅ ከቦታው ዝቅ ማለት (Placenta Previa)!
�ይህ የእንግዴ ልጅ (ለልጁ ምግብና ኦክስጅን የሚያቀርበው ክፍል) በጣም ዝቅ ብሎ የማህፀንን በር በከፊል ወይም ሙሉ በሙሉ ሲሸፍን የሚከሰት ችግር ነው።
በዚህ ወቅት የሚደረግ ግንኙነት ከፍተኛ የደም መፍሰስ ሊያስከትል ይችላል።
4️⃣ የማህፀን በር ጥንካሬ ማጣት/መለወጥ (Cervical Incompetence)!
�የማህፀን በርዎ ከጊዜው በፊት መከፈት ከጀመረ፣ ያለጊዜው መውለድን (preterm labor) ወይም የጽንስ መቋረጥን (miscarriage) ለመከላከል ሐኪምዎ ከግንኙነት እንዲቆጠቡ ሊመክርዎ ይችላል።
5️⃣ ከዚህ በፊት ያለጊዜው የመውለድ ወይም የፅንስ መጨንገፍ ታሪክ ካለ!
�ከዚህ ቀደም ያለጊዜዎት ከወለዱ፣ ለአደጋ ተጋላጭ ከሆኑ ወይም ተደጋጋሚ የፅንስ መጨንገፍ ታሪክ ካለዎት፤ ሀኪምዎ ከጥንቃቄ አንፃር ግንኙነትን እንዲያስወግዱ ሊመክር ይችላል።
6️⃣ ከአንድ በላይ ፅንስ ሲኖር (መንታ፣ ሶስት...)!
�መንታ ወይም ከዚያ በላይ ፅንስ ተሸክመው ከሆነ፤ በተለይ በእርግዝናው የመጨረሻ ወራት ላይ ያለጊዜው የመውለድ ስጋትን ለመቀነስ ሀኪምዎ ግንኙነትን እንዲያቆሙ ሊመክርዎ ይችላል።
7️⃣ በአባላዘር በሽታዎች (STIs) መያዝ!
�እርስዎ ወይም ባለቤትዎ በአባላዘር በሽታ ከተያዛችሁ ወይም የባለቤትዎ ታሪክ የማይታወቅ ከሆነ፤ በሽታው ወደ እርስዎ ወይም ወደ ልጅዎ እንዳይተላለፍ ግንኙነት መፈጸምን ማስወገድ ወይም ኮንዶም መጠቀም የግድ ነው።
አንዳንድ የአባላዘር በሽታዎች በፅንሱ ላይ ከባድ ጉዳት ሊያደርሱ ይችላሉ።
8️⃣ ከፍተኛ ህመም ወይም የምቾት ማጣት ሲኖር!
በግንኙነት ጊዜ ወይም በኋላ ህመም፣ ከባድ የሆድ ቁርጠት፣ ወይም ከፍተኛ የምቾት ማጣት ከተሰማዎት ወዲያውኑ ያቁሙና ሐኪምዎን ያማክሩ።
✅⚠️ ልዩ ጥንቃቄ የሚሹ ጉዳዮች ⚠️
🍋 በአፍ በሚደረግ ግንኙነት ወቅት አየር ወደ ማህፀን መግባት:- ይህ በጣም አልፎ አልፎ የሚከሰት ቢሆንም፤ አየር በደም ስር ውስጥ ገብቶ ለሕይወት አስጊ የሆነ ችግር (Air Embolism) ሊፈጥር ይችላል።
ይህ ለእናትም ለልጅም አደገኛ ስለሆነ ፈፅሞ መደረግ የለበትም።
🍋 የፊንጢጣ ግንኙነት:- ይህ አይነቱ ግንኙነት የኪንታሮት መድማት እና ባክቴሪያ ከፊንጢጣ ወደ ማህፀን በመሄድ ኢንፌክሽን የመፍጠር ስጋት አለው።
ስለዚህ ከፍተኛ ጥንቃቄ እና ንፅህና ይጠይቃል። ስለዚህ ጉዳይ ስጋት ካለዎት ከሐኪምዎ ጋር ይወያዩ።
✅ አጠቃላይ ጥንቃቄዎች እና ማሳሰቢያዎች ✅
❤️ ከባለቤትዎ ጋር በግልፅ ይነጋገሩ:- በእርግዝና ወቅት የፍላጎት መቀነስም ሆነ መጨመር የተለመደ ነው።
ስለ ስሜትዎ እና ስለሚመችዎትና ስለማይመችዎት ነገር በግልፅ መነጋገር አስፈላጊ ነው።
🛌 ምቹ የግንኙነት ስልቶችን (Positions) መሞከር:- ሆድዎ እየገፋ ሲመጣ አንዳንድ የግንኙነት ስልቶች ወይም ፖዚሽኖች ምቾት ላይሰጡ ይችላሉ።
በሆድዎ ላይ ጫና የማያሳድሩ ምቹ ስልቶችን ይፈልጉና ይሞክሩ።
👂 ሰውነትዎን ያዳምጡ:- አንድ ነገር ትክክል እንዳልሆነ ከተሰማዎት ወዲያውኑ ያቁሙ።
የራስዎን ሰውነት ማዳመጥ ከምንም በላይ አስፈላጊ ነው።
🛡️ ከአንድ በላይ ከሆነ አጋር ጋር ኮንዶም መጠቀም:- እርግዝና ከአባላዘር በሽታዎች አይከላከልም።
ልጅዎን ከጉዳት ለመጠበቅ ጥንቃቄ ያድርጉ።
✅ ማጠቃለያ
�በእርግዝና ወቅት ስለሚደረግ የግብረ-ሥጋ ግንኙነት ማንኛውም አይነት ስጋት ወይም ጥያቄ ካለዎት፤ ሁልጊዜም ሐኪምዎን ወይም የጤና ባለሙያዎን ማማከርዎን አይርሱ።
ባለሙያዎች የእርስዎን የግል የጤና ሁኔታ መሰረት በማድረግ የተሻለውን ምክር ይሰጡዎታል።
ጤና ነክ እና ሌሎችም አስተማሪ የሆኑ መረጃዎችን ለማግኘት እና ለማማከር በሚከተሉት አድራሻዎች ያገኙናል፡
