23/08/2026
處暑食療｜一碗暖胃潤燥的台式 麻。油。雞。酒 🫚🍗
「處」有停止、退去之意，
處暑即係暑氣開始慢慢退去，天氣由盛夏逐漸轉向秋涼。
趁住呢個時間，介紹一味食療俾大家，就係台灣有名嘅菜餚：
麻。油。雞。酒。
點解處暑適合食麻油雞？
盛暑期間，天氣炎熱，我哋都都會食多左生冷嘢，凍飲、瓜果、雪糕之類。人雖然覺得熱，但脾胃反而可能因為長時間受生冷刺激而偏於寒涼，所以呢個時候，反而可以食啲溫補嘅菜餚。
而且金氣初至，天氣開始變得乾燥。麻油本身有潤燥嘅作用，所以呢個時候食麻油雞，可以潤燥暖胃；加上酒嘅辛味反佐，幫助脾胃排出積存的垃圾（寒濕），為身體準備好清潔的倉庫，迎接秋冬的蒞臨，積存有用的精氣。
———，
麻油雞應該點煮呢？
備料：
1麻油（普通芝麻油/黑麻油/胡麻油均可）、
2米酒／紹興酒／花雕酒／黃酒均可、
3老薑（去皮切片）
4雞肉適量（洗乾淨後切成拇指咁大，用鹽胡椒粉豉油提前醃入味）
———
步驟：
一，首先大火燒紅隻鑊，加少量的油，然後加入雞肉轉中火，將雞肉兩邊煎一煎，到表面熟了就可鏟出備用。
二，再燒紅乾淨嘅鑊，加入麻油轉細火，煸炒老姜🫚至表面金黃，轉中火加入煎好的雞肉再稍微煎下，然後加入一至兩碗米酒（一碗約220 mL ），待酒一滾起就立即轉最細火炆煮約20分鐘。
如果想增加潤燥嘅效果，可以加入幾條沙參、玉竹及杞子一齊煮。
三，炆好之後，加入適量鹽調味，最後放幾粒杞子作點綴，就可以食啦。如果雞酒飲唔晒，可以留到下一餐煮麵做湯底。
———
加減調整：
1 如果碰巧家裏有人牙肉腫痛或有有「熱氣」嘅症狀，
可以增加清涼的功效，炆好加鹽時也加入辛涼的薄荷葉作平衡；
2 如果脾胃比較寒涼，可加入多一點胡椒粉或者在上一個步驟加埋白胡椒粒入去啲酒度一齊煲。
———
秘訣技巧：
1 點解雞肉要煎兩次？
如果直接將生雞肉放在麻油裏煎，雞肉裏的水份和血水就很容易滲到油中，影響賣相和火候，試想想太多水的話雞就好像烚熟的一樣了。
2全程不要用生粉
要留意因為要保持麻麻油雞走的清澈度，因此醃雞的時候不要用生粉，以免有生粉掉下來污染酒汁。
3用多的薑
這味麻油雞酒是屬於較為溫補的食療，所以生薑的份量要稍微大一點，不是幾塊就可以。一般煮兩個大雞髀的話要用30克生薑。除非體質食唔到薑。
4另外，很多人煸姜用不了1分鐘，這樣其實是未爆透，一般用細火爆生薑或蒜頭，都需時大約三分鐘，唔好心急！！
5 千其唔好大火或中火炆
因為火太大的肉就會發柴（即係乾晒），只有超細火先可以保持肉汁鮮嫩。
也可待酒滾後放進真空煲內炆焗，這樣更能保存酒的氣味⚠️但要留意吃完不要駕駛，可能酒精超標。
#英國恩德中醫診所
#英國中醫
#英國針灸
#英國拔罐
#英國艾灸
#英國刮痧
#秋天食療
#麻油雞
#酒精超標
