20/08/2026
„ბედნიერი უნდა ვიყო… მაშ, რატომ ვერ ვგრძნობ ამას?“ 🤱
ბავშვის დაბადებას ხშირად მხოლოდ ბედნიერებას, სიყვარულსა და სიხარულს უკავშირებენ.
მაგრამ რეალობა შეიძლება სრულიად განსხვავებული აღმოჩნდეს 😞
შეიძლება დედას უყვარდეს თავისი შვილი და ამავდროულად გრძნობდეს სიცარიელეს, გაღიზიანებას, დაღლილობას, შფოთვას ან სევდას 💔
ეს არ ნიშნავს, რომ ის ცუდი დედაა❗️
ეს შეიძლება იყოს პოსტსამშობიარო დეპრესია 🔴
🔵 პოსტსამშობიარო დეპრესია მხოლოდ „ცუდ ხასიათს“ ან ჩვეულებრივ დაღლილობას არ ნიშნავს
🔵 მას შეიძლება ახლდეს მუდმივი სევდა ან სიცარიელე, ინტერესის დაკარგვა, ენერგიის დაქვეითება, ძილისა და მადის ცვლილებები, დანაშაულის ან უღირსობის განცდა, ბავშვის მოვლის გაძნელება ან მასთან ემოციური კავშირის დამყარების სირთულე
🔵 სიმპტომები შეიძლება ბავშვის დაბადებიდან პირველივე პერიოდში დაიწყოს და ზოგჯერ პირველ წელსაც გამოვლინდეს
მნიშვნელოვანია განვასხვავოთ ეს მდგომარეობა ე.წ. „baby blues“-ისგან — მშობიარობის შემდეგ ხანმოკლე ემოციური მერყეობისგან, რომელიც ხშირია და, როგორც წესი, დაახლოებით ორ კვირაში მცირდება. თუ სიმპტომები გრძელდება, ძლიერდება ან ყოველდღიურ ცხოვრებას მნიშვნელოვნად ართულებს, დახმარების მოძიება მნიშვნელოვანია ✅
გეშტალტთერაპიის პერსპექტივიდან ჩვენ მხოლოდ იმას არ ვეკითხებით ადამიანს:
„რა გჭირს?“
უფრო მეტად გვაინტერესებს:
„რა ხდება შენში ახლა “
„რას გრძნობ, როცა ამბობ — კარგი დედა უნდა ვიყო?“
„რისი მოთხოვნილება გაქვს, რომელსაც ამ ეტაპზე ვეღარ ამჩნევ?“
„სად ხარ შენ — როგორც ქალი და როგორც ადამიანი — ამ ახალ როლში?“
დედა შეიძლება იმდენად იყოს ბავშვის საჭიროებებზე ორიენტირებული, რომ საკუთარი საჭიროებები საერთოდ დაკარგოს მხედველობიდან.
„ჯერ ბავშვს მივხედავ…“
„მე მერე დავისვენებ…“
„არ უნდა გავბრაზდე…“
„სხვები ახერხებენ და მე რატომ ვერ ვახერხებ?“
გეშტალტში მნიშვნელოვანია ამ გამოცდილების გაცნობიერება — სად ვკარგავ საკუთარ თავს, სად ვწყვეტ საკუთარი საჭიროებების მოსმენას და როგორ ვქმნი ურთიერთობას საკუთარ თავთან, შვილთან და გარშემომყოფებთან.
თერაპიული პროცესი შეიძლება დაეხმაროს დედას, უფრო მკაფიოდ შეამჩნიოს საკუთარი ემოციები, საჭიროებები, სხეულის სიგნალები, გადაღლა, დანაშაულის განცდა და ის მოლოდინები, რომლებიც შესაძლოა საკუთარ თავზე ჰქონდეს.
მიზანი არ არის, რომ დედა გახდეს „იდეალური“.
მიზანია, რომ ისევ შეხვდეს საკუთარ თავს — ამ ახალ როლშიც.
და ყველაზე მნიშვნელოვანი:
დედობას არ უნდა მოჰყვეს საკუთარი თავის დაკარგვა
მსგავს სირთულესთან გასამკლავებლად დაგვიკავშირდით 📞 510 000 236 ან მოგვწერეთ პირად შეტყობინებაში 📩
