14/08/2026
წუწუნი:
„საშინელი დღე მქონდა, ყველაფერი ხელიდან მივარდებოდა, საცობებში ჩავრჩი, ყველა მეჩხუბებოდა, უბრალოდ განადგურებული ვარ.“
ახალი შეფასება:
„...მოკლედ, დღეს მართლაც ქაოტური და დამღლელი დღე გამოვიდა. იმისთვის, რომ ეს ნეგატივი სახლში არ შევიტანო და ჩემი საღამო არ გაფუჭდეს, ახლა თავს უფლებას მივცემ რამით ვისიამოვნო, ცხელი აბაზანა მივიღო, დავისვენო და ხვალიდან ახალი ენერგიით დავიწყო.“
- წუწუნი:
„პროექტის პრეზენტაციაზე ჩემს იდეას მხარი არავინ დაუჭირა, აზრი არ აქვს საერთოდ ინიციატივების გამოჩენას.“
ახალი შეფასება:
„...ჩემი იდეა დღეს არ მიიღეს, მაგრამ ეს არ ნიშნავს, რომ მე არ ვარ კომპეტენტური. გუნდს უბრალოდ სხვა პრიორიტეტები აქვს ამ ეტაპზე. იდეას დავხვეწ და შემდეგზე უკეთეს ფორმაში წარვადგენ.“
- წუწუნი:
„ეს სამუშაო კოშმარია, უფროსი სულ მიყვირის, გადამწვა ამდენმა სტრესმა, აღარაფერი შემიძლია.“
ახალი შეფასება: „...დიახ, სიტუაცია მართლაც რთულია და ჩემი უფროსის ქცევა მიუღებელია, მაგრამ მე ვხედავ, რომ ამ გარემოშიც კი ვახერხებ სიმშვიდის შენარჩუნებას, საზღვრების დაწესებას და ჩემი ფსიქიკური მდგრადობის (სტაბილულობის) გაძლიერებას. ეს გამოცდილება მეხმარება გავიზარდო, როგორც პროფესიონალი.“
მარიამ აფრასიძე
ფსიქოთერაპევტი
