Georgian Academy Of Allergy, Asthma And Clinical Immunology

20/07/2026

📢 ალერგიის, ასთმისა და კლინიკური იმუნოლოგიის აკადემიის პრეზიდენტი, გოთუას სამედიცინო ცენტრის ალერგოლოგ-იმუნოლოგი, პროფესორი მაკა რუხაძე ურტიკარიის (ჭინჭრის ციების) მართვის ახალი საერთაშორისო გაიდლაინის თანაავტორია.

📘 "ურტიკარიის განსაზღვრის, კლასიფიკაციის, დიაგნოსტიკისა და მართვის საერთაშორისო გაიდლაინი" (The International Guideline for the Definition, Classification, Diagnosis and Management of Urticaria) წარმოადგენს საერთაშორისო თანამშრომლობისა და მტკიცებულებებზე დაფუძნებული მეთოდოლოგიის საფუძველზე შემუშავებულ გლობალურ კონსენსუსს.

🎯 გაიდლაინი მიზნად ისახავს დაეხმაროს კლინიცისტებს მსოფლიოს მასშტაბით ურტიკარიის სტანდარტიზებული დიაგნოსტიკისა და მართვის გაუმჯობესებაში, რაც საბოლოოდ პაციენტების მკურნალობის შედეგების გაუმჯობესებას უზრუნველყოფს.

🏥 გოთუას სამედიცინო ცენტრი (რომელიც დაფუძნდა ალერგიისა და იმუნოლოგიის ცენტრის ბაზაზე) ერთადერთი სერტიფიცირებული GA²LEN UCARE, ACARE, ADCARE და ANACARE (Global Allergy and Asthma Excellence Network of Care of Urticaria, Angioedema, Atopic dermatitis and Anaphylaxis Centers of Reference and Excellence) ცენტრების გაერთიანებაა საქართველოში. 🇬🇪

03/07/2026

🎙️ პროფესორი მაია გოთუა UCARE GA²LEN-ის (Global Allergy and Asthma Excellence Network) საერთაშორისო პოდკასტში: ინფექციების როლი ურტიკარიის მართვაში.

🏥 საქართველოს ალერგიის, ასთმისა და კლინიკური იმუნოლოგიის აკადემიის საპატიო პრეზიდენტმა, გოთუას სამედიცინო ცენტრის გენერალურმა დირექტორმა, მედიცინის მეცნიერებათა დოქტორმა, პროფესორმა მაია გოთუამ, მონაწილეობა მიიღო ალერგიისა და ასთმის გლობალური ექსელენს ქსელის - UCARE GA²LEN (Global Allergy and Asthma Excellence Network) პოდკასტის ეპიზოდში, რომელიც ურტიკარიას (ჭინჭრის ციებას) მიეძღვნა.

🔬 გადაცემაში გერმანელმა პროფესორმა, ალერგიისა და ასთმის გლობალური ექსელენს ქსელის GA²LEN-ის პრეზიდენტმა, შარიტეს სამედიცინო უნივერსიტეტის (ბერლინი) ალერგიის ინსტიტუტის დირექტორმა ტორსტენ ზუბერბიერმა და პროფესორმა მაია გოთუამ დეტალურად განიხილეს ინფექციების გავლენა მწვავე და ქრონიკულ ურტიკარიაზე. ექსპერტებმა იმსჯელეს იმაზე, თუ როგორ შეუძლიათ ინფექციურ პროცესებს სიმპტომების პროვოცირება, მათი იმიტაცია, ან დამძიმება და რატომ არის გადამწყვეტი ზუსტი კლინიკური შეფასება.

💡 ეპიზოდი აქცენტს აკეთებს დაბალანსებულ მიდგომაზე: ინფექციების, როგორც მნიშვნელოვანი ტრიგერების აღიარებაზე და ხაზს უსვამს კლინიკურ შეფასებას, პაციენტის ისტორიას და რეგიონული თავისებურებების მქონე ფაქტორებს ჭინჭრის ციების ეფექტურად მართვისას.

🎧 სრული ეპიზოდი იხილეთ ბმულზე - https://podcasts.apple.com/us/podcast/urticaria-triggers-infection-insights/id1798887355?i=1000768544198

25/06/2026

🔴გოთუას სამედიცინო ცენტრი - ალერგიისა და იმუნოლოგიის ცენტრის მრავალწლიანი საქმიანობისა და განვითარების ახალი ეტაპი.
🔴„კლინიკური სირთულიდან მიზანმიმართულ მართვამდე – ინტერდისციპლინური გადაწყვეტილებები პაციენტის ავადობის გზაზე“ - საქართველოს ალერგიის, ასთმისა და კლინიკური იმუნოლოგიის აკადემიის მიერ ორგანიზებული სამეცნიერო-საგანმანათლებლო კონფერენცია.

👩‍⚕️მაია გოთუა - გოთუას სამედიცინო ცენტრის გენერალური დირექტორი, მედიცინის მეცნიერებათა დოქტორი, პროფესორი
📺საპატრიარქოს ტელევიზია "ერთსულოვნება", გადაცემა "ერთსულოვნების დილა"

22/06/2026

🔴„კლინიკური სირთულიდან მიზანმიმართულ მართვამდე – ინტერდისციპლინური გადაწყვეტილებები პაციენტის ავადობის გზაზე“ - თბილისში საქართველოს ალერგიის, ასთმისა და კლინიკური იმუნოლოგიის აკადემიის მიერ ორგანიზებული სამეცნიერო-საგანმანათლებლო კონფერენცია გაიმართა.

კონფერენციის ფარგლებში გაიმართა საქართველოს ალერგიის, ასთმისა და კლინიკური იმუნოლოგიის აკადემიის ახალი პრეზი...

21/06/2026

🏦2026 წლის 20 ივნისს სასტუმრო „პარაგრაფ თბილისში“ გაიმართა საქართველოს ალერგიის, ასთმისა და კლინიკური იმუნოლოგიის აკადემიის მიერ ორგანიზებული სამეცნიერო-საგანმანათლებლო კონფერენცია თემაზე: „კლინიკური სირთულიდან მიზანმიმართულ მართვამდე – ინტერდისციპლინური გადაწყვეტილებები პაციენტის ავადობის გზაზე.“

🗓️ღონისძიება მიეძღვნა თანამედროვე მედიცინის ერთ-ერთ მნიშვნელოვან გამოწვევას – რთული კლინიკური შემთხვევების დიაგნოსტიკასა და მართვაში სხვადასხვა სპეციალობის ექიმთა თანამშრომლობის მნიშვნელობას, რასაც მოჰყვა რეალური კლინიკური შემთხვევების განხილვა და ინტერდისციპლინური თანამშრომლობის პრაქტიკული მაგალითების გაზიარება.

🎗️კონფერენციის ფარგლებში გაიმართა საქართველოს ალერგიის, ასთმისა და კლინიკური იმუნოლოგიის აკადემიის ახალი პრეზიდენტის წარდგენა.

🤝მადლობას ვუხდით დამსწრე საზოგადოების ყველა წევრს აქტიური ჩართულობისა და საინტერესო სამეცნიერო დღისთვის.

16/05/2026

🗓️16 მაისს მემკვიდრული ანგიოედემის დღე აღინიშნება

🟣მემკვიდრული ანგიონევროზული შეშუპება (HAE) ძალიან იშვიათი და პოტენციურად სიცოცხლისთვის საშიში გენეტიკური მდგომარეობაა. დაავადების მსოფლიო გავრცელება შეფასებულია დაახლოებით 1:50 000 მოსახლეზე.

🟣HAE იწვევს ანგიოედემის (შეშუპების) სიმპტომებს სხეულის სხვადასხვა ნაწილში, მათ შორის: ხელების, ფეხების, სახის და ყელის/სასუნთქი გზების მიდამოში. HAE-ის მქონე ადამიანებს ხშირად აწუხებთ მუცლის ტკივილი, გულისრევა და ღებინება, რომელიც გამოწვეულია ნაწლავის კედელში განვითარებული შეშუპებით. განსაკუთრებით საშიშია სასუნთქი გზების ან ყელის შეშუპება, რადგან ეს შეიძლება გახდეს სიკვდილის მიზეზი.

💡ეს დღე აერთიანებს პაციენტებს, მათ მომვლელებსა და სამედიცინო პროფესიონალებს, რათა ხელი შეუწყოს ადრეულ დიაგნოსტიკას, სიცოცხლის გადამრჩენ თერაპიებზე ხელმისაწვდომობის გაუმჯობესებას და საზოგადოების მხარდაჭერის გაძლიერებას.
იხილეთ მეტი: https://haei.org/
მემკვიდრული ანგიოედემა საქართველო / Hereditary Angioedema Georgia