13/09/2026
ბავშვობიდან სულ ერთი კითხვა მომყვებოდა — ვინ ვარ მე?
რა არის ჩემი მისია?
რა ენერგიები მაქვს?
რატომ ვგრძნობ ზოგიერთ რამეს ასე მძაფრად?
და რისთვის მოვედი ამ ცხოვრებაში?
ყოველთვის მინდოდა საკუთარი თავის ბოლომდე შეცნობა.
ახლა კი ვხვდები, რომ ეს გზა ერთ დღეში არ სრულდება — პირიქით, რაც უფრო ღრმად შევდივარ საკუთარ თავში, მით უფრო საინტერესო ხდება ყველაფერი.
ნელ-ნელა ვეცნობი სხვადასხვა ეზოთერულ სწავლებას, ვსწავლობ ენერგიებს, საკუთარ შინაგან სამყაროს და იმ შესაძლებლობებს, რომლებიც შესაძლოა ყოველთვის მქონდა, მაგრამ ჯერ არ ვიცოდი, როგორ მიმემართა.
და ყველაზე მნიშვნელოვანი ჩემთვის ის არის, რომ ეს ყველაფერი მხოლოდ საკუთარი თავისთვის არ მინდა.
მინდა ვისწავლო, როგორ გამოვიყენო ის, რასაც ვფლობ, სწორად, გაცნობიერებულად და სიყვარულით — ადამიანების დასახმარებლად.
და რაც უფრო მეტს ვიგებ, მით უფრო ვრწმუნდები, რომ ალბათ შემთხვევით არაფერი ხდება.
შეიძლება მთელი ეს ძიება, ყველა კითხვა და ყველა პასუხი, რომელსაც ამ წლების განმავლობაში ვეძებდი, საბოლოოდ ერთ დიდ მიზეზამდე მიმიყვანს.
და ძალიან მაინტერესებს, სადამდე მიმიყვანს ეს გზა… ✨
